上海香港麵家

Open Now

Now Closed

突然想吃鳝丝面，特地从中环跑过来吃。12点20到的， 不算太多人，鳝丝味道煮的不错，很新鲜，很入味， 汤底很浓，不过味道不算特别突出。面煮的太烂了， 有点胡。和上海能吃到的当然没有办法比豆浆还不错，不太甜他家的糍饭做的蛮好的，就是有点贵（14元，上海3元就足够了）。环境比较差。

星期五晚~同女朋友去銅鑼灣行街食飯~見到E間餐廳門外寫住有馳名小籠包~又見到有担担麵~之後就入去試下~我地叫左一籠小籠包(有5個),一碗牛肉担担麵同豬扒牛肉麵,豆漿兩杯小籠包來到完全唔熱,冇光澤,皮厚,冇湯~完全唔掂!!!!再來O個兩碗担担麵~完全冇味~唔係有豬扒同牛肉~以為食緊凈麵!!非常失望O個兩杯豆漿算係最好......最後價錢$126粢飯冇食~~唔敢叫.......我地食完仲要即刻走去第二間餐廳食返D好味DO既野先開心返D~唉!!!!唔會再有下次

一百個人，有二百個去夜蒲的原因；在夜蒲後，本少爺也愛「覓食」，就是到 Sogo 對面渣甸街小巴站旁的「上海香港麵家」宵夜。在滿腦酒精的一刻來碗清純的豆漿，感覺就如剛與 DaDa 猜完枚後與桂綸美去踩單車般清純夢幻。。。「熱豆漿」這裡的皇牌。看見一大煲豆漿在鍋裡「啪啦啪啦」地滾著，豆香四溢，已是天下樂事。是晚選了碗甜豆漿；喜歡「鹹」的蒲友可試試鹹豆漿，也是頗出名的。「鱔絲麵」必食之選。上桌時熱辣辣，正好是酒醉的後遺症 - 「肚餓」的最佳解藥。鱔絲幼細無骨汁料惹味，配上大量銀芽就最恰當不過。麵是幼麵，質感亦彈牙，吃後大滿足！「酸辣湯麵」第一次試這麵。質地稀，味道唔酸唔辣不騷不癢，不推薦！「回鍋肉」平時吃開是鑊氣夠鹹辣度剛剛好，但是晚廚師明顯下豆瓣醬重手了，鹹得有點誇張，看來水準還是有點不夠穩定。這間上海食店出名的還有粢飯及炸排骨；各位「喜愛夜蒲」的餓女餓男大可在蒲後來這裡「開餐」。

呢間上海食店出名食粢飯同鹹豆漿基本上大部份客人一坐低就會order呢兩個配搭今次第一次黎 無試鎮店之寶反而叫左個酸辣湯麵($30)同埋一客蒸銀絲卷($15)問個伙記酸辣湯麵中既麵係咩麵 原來係上海陽春麵酸辣湯底係誠意之作首先用料十足 分別有蛋絲,豆腐絲,木耳絲,冬菇,幼筍,豬皮,豬血,豬腸絲其次係湯底夠杰 起碼我食到最後都未變水而且酸辣味道適中 兩者無互相搶味至於麵底(陽春麵)係幼身放左入酸辣湯入面顯得有dee淋麵質一般 不過拌住酸辣湯一齊食感覺竟然有dee似台灣既麵線?令人失望既係蒸銀絲卷未上台前以為會係分開一個個的小饅頭點知佢係一大個 而且賣相平平無奇切開內裡沒有做出一層層的效果無論賣相同味道都同普通白饅頭無分別咁點解要叫做銀絲卷?實在令人太失望 (我仲要係第一次食)

因為突然之間好想食痴飯記得媽咪帶過我黎呢度食 所以再黎食好似十三蚊定十五蚊一舊 size都唔算細 價錢都ok啦食落去第一啖 條油炸鬼好油 食到成口都係油同埋入面d料調味有少少太咸 呢間唔係話特別好食但係都算正正常常唔太差係調味方面唔太合我口味我最鐘意都係以前學校對面果間有個姨姨即叫即包 條油炸鬼唔會焗到淋哂下次要回味都係去返果度好

因事來銅鑼灣，又趕時間，故在這裡買一條粢飯作為午餐。鹹粢飯($13)：飯略為乾，缺少了粢飯應有的帶點黏口感覺。肉鬆和榨菜好味，但略嫌不夠多（因吃了幾啖才有）。油條脆而不太油膩，不錯。$13一大條熱騰騰的粢飯，抵吃。味道不錯，但就是飯不夠黏。下次會試試甜粢飯。

因事中午要到銅鑼灣，順便找些吃的，想來想去，很久沒到渣甸街，就來看看有甚麼好吃。曾經吃過的店，原來很多都已經關門大吉，思前想後，還是信老字號，心中鎖定兩間上海菜，最後選了上海香港麵家，因為當時人比較多。選了一碗鱔絲麵，即平時在其他上海店食到的鱔糊麵，熱辣辣的端上來，雖然不算大碗，但還是很有風味。鱔絲切得幼細，肉起得無骨，肉質雖未至於似橡膠，但稍嫌過於彈牙。頗喜歡這裡的銀芽，只配上少許蔥花，我不抗拒蔥，但鱔糊麵，還是配銀芽最恰當。這裡的麵用的是幼麵，幼細程度，比銀芽更幼。麵質彈牙，但麵團又稍嫌未滾透，還有點像個麵餅。不過，考慮到價錢，整體還算不差。這間店其實是粢飯比較出名，我也曾經試過早上去客戶公司前，買了個粢飯吃，的確是不錯。下一回，試試和一眾OL一樣，中午來個粢飯加豆漿吧。在吃的途中遇見NBA評述員張丕德先生進來午膳，雖然我不太肯定是他，但應該錯不了。其講波風格，是現今我在籃球界當中最欣賞的，真的有點後悔沒有找他合照呢！

$38。上海湯年糕：超鹹，味精重得要命！配料有桂桂菜、火腿、菇絲、肉絲$10。鹹豆漿：熱燙燙的，豆味道很夠，有不少小銀魚、榨菜、蔥、油條…$7。甜豆漿：都幾甜下$15。鹹栥飯：榨菜油條，頗足料$15。甜栥飯：飯實不鬆散，砂糖適中佈滿粢飯中，不太甜

新年實在太忙..沒什麼時間寫食評, 今次終於得閒,來到上海香港麵家 回想起這店已經有好多年.以前粢飯10$一隻都唔駛..而家已經15$...新年前本身還是14$. 物價果真上漲得很犀利.堂食好多人但要搵1-2位空間還是可以, 坐低馬上叫野,叫了熱豆漿,鍋貼,生煎包和甜粢飯粢飯先上,微暖,油條已經非常"林" 熱豆漿味道ok. 鍋貼 生煎包後上的, 雖然後上但也不見得怎麼熱. 非常失望 但味道是可以的...只不過下次再來時可能要夾時間

今日去開銅鑼灣, 老公話佢以前食開有間栥飯好好食同我去食, 中午十二點半去到見到門口好多人買外賣栥飯, 心諗一定好好食, 鋪面好細間坐得都幾迫下, 我都同老公叫左一人一個栥飯($14一個) ,一杯凍甜豆漿($7杯), 同生煎包($19四粒), 個呀姐問多我地一次係唔係一杯凍豆漿, 因為口音問題, 我同老公聽得唔係好明, 老公就<吓>左一聲, 佢即刻好悔氣加重語氣又講一次..... 唔知係唔係激嬲人添!!!!生煎包唔使一分鐘就到, 快過栥飯, 食落仲暖暖地, 不過個皮同粒肉好似有仇咁, 一咬 皮同肉自己分開左, 無肉汁, 唔好食.....栥飯個樣好似好好食 仲好熱, 一打開檽米飯就好多, 點知d 材料得好少, 油炸鬼又唔脆, 肉鬆少到見唔到, 炸菜又太咸, no good , 食完都無一種滿足感, 仲要$14.....唔抵食豆漿就好有豆味, 又唔會太甜都幾好飲埋單盛惠$54, 呀姐又嫌人俾錢慢唔接, 唯有放o係桌面等佢收, 呢間鋪養左一班好有性格既員工.....

同朋友放工落銅鑼灣行街，食飯又諗唔到食嘜~ 行過渣甸坊心想去食粢飯都唔錯呀! 一去到就唔洗等有位囉~這兒服務態度，唔洗諗，一向都唔好的，幫襯係因為鍾意佢的粢飯，同唔洗等，位置方便今次點左粢飯, 酸辣湯麵 同豆漿粢飯 - 一向都好足料，好味道，夠實，夠熱，餸多飯少，我最鍾意酸辣湯麵 - 味道剛剛好，唔太酸唔太辣，又夠糊，麵質一般，林左d，不過湯底搭救豆漿 - 一般啦! 都有少少豆味，唔太差這兒不是食服務及環境，全部伙記都係串咀及黑面的 ; 環境同老式茶餐廳一樣，幾十年歷史"舊"，餐牌 / 枱 "油"，到此唔好諗著可以坐得耐，佢一定會不段不段地趕你order，同趕你走

今早路過,正打箄吃麵,見它門口banner寫著(馳名嫩雞煨麵)!來一碗吧:只約4分鐘便端來,心知不炒。見賣相更加相都唔願拍!!!4分鐘怎能煮出餬口的湯?水汪汪兼味淡淡,麵唔夠滑,雞肉粒鞋口乾身!好辛苦吃了一半即比錢走人,永無下次!!!

有日行過銅鑼灣餓餓地,經過呢間鋪頭諗住食個粢飯坐下休息下. 個粢飯黎到, 太熱, 用厠紙包住黎食,都係太熱. 決定用快子. 點知個疑似老闆的男人行埋黎.話我" 食粢飯唔應該用快子, 快子用黎食面" 我答反佢" 太熱, 用手拎唔到" 佢仲係度話我..心諗.真係太熱先至用快子姐. 你洗多對快子唔會用你好多力同水姐....講返D 食物, 粢飯一般. 初時諗住只係食個粢飯就走. 見到佢貼左張紙話" 最抵消費十八蚊".只好再叫多個豆花. 都係MA MA 地.......服務態度同野食都唔得......以後都唔會再去......

最近我都在銅記浮遊, 不是要跟我的agent 會面, 就是去買東西, 所以為了方便就經常來到這邊吃一個粢飯和喝一碗鹹豆漿^^以前還小的時候, 爸爸媽媽都會在星期天的朝早, 帶我去吃上海早餐,所以我對鹹豆漿很有印象,以前我太喜歡吃的, 但是人大了, 反而會懷念鹹豆漿的味道.這裡的鹹豆漿味道很夠, 又有一條條小銀魚和榨菜,豆花也很多, Yummy! 我不知道是不是全城最好的, 但我已自覺很不錯了.至於粢飯, 鹹的也有甜的也有, 甜的撈了沙糖, 可是沙糖不均勻, 變成有些太甜, 有些則沒有味道 @.@ 鹹粢飯也不錯, 榨菜較多, 熱辣辣的上枱, 有點辣手呢.....每次來去這裡, 到知道一些餐牌上沒有的菜 (因為聽見別人叫麻), 例如豆漿加蛋, 首先將蛋放進碗中, 撈勻它, 然後沖進熱的豆漿, 我飲了廿幾年的豆漿, 也不知道原來豆漿可以有這樣的食法 ; 另外還有鹹豆花, 這個也是餐牌上面沒有的, 原來就是加上榨菜的豆腐花, 我看見叫的那個女人還加上了大量胡椒(因為我坐在她的斜對面, 打了幾個噴嚏), 但可能不是香港人的口味吧, 我下次會寧願試試豆漿加蛋~~

以前在灣仔返工lunch會特登行過黎買粢飯食, 當日行完花市特意黎懷緬一下, 點知,,,,,,,,,,,,一坐低我已經好快order左鹹粢飯, 凍豆漿, 友人都仲未諗到食乜, 好快有個疑似老細既男人走過黎問我地叫左野未, 我同佢講: "叫左, 佢未諗到, 轉頭先!" 過唔夠一陣, 又走黎問, 我答佢"未得, 等多陣一 , 跟住佢就黎個好不耐煩既樣, 應該話佢對住個個客都係咁既樣,之後佢指一指牆上個牌 "最低消費 $18 一位", 我當時心諗"咦, 一個粢飯$13 + 豆漿$7, 唔夠$18咩??" 之後先諗到佢話我朋友唔叫野食, 真係火都黎埋, 0岩0岩入黎, 櫈都未坐穩已經不斷催我地落單, ,佢講既時候態度又衰, 面口又衰, 攪到我地好似冇錢比, 0黎乞人食咁, 如果佢態度好d咁同我講我都唔會嬲到友人諗到叫咩既時候, d職員好似當你透明咁, 行過都唔理你 放低佢咁差既態度, 平心而論個粢飯 - 超級鹹, 除左好鹹既榨菜味 + 極多油之外, 我咩味都食唔到, 3年前都係講緊$8個, 依家要$13, 加價幅度大不但止, 食物質素亦極速下降, 好唔掂~~~~~~~~~~友人叫左豆沙鍋餅$2