上海姥姥 (Closed)

黎到樂富廣場一期，今晚簡左上海姥姥食下，晚上8點鐘黎到，唔使等就可以入座了，原本職員話安排坐Bar台，不過最後都安排左坐下面普通既台。睇左餐牌一陣，真係太多選擇啦，但招牌小籠包係必食既，亦係好出名。之後再點左一客三鮮鍋貼、菜肉雲吞拉麵、凍甜豆漿。等左5分鐘左右，上左菜肉雲吞拉麵，個湯好清，但雲吞粒粒都好大粒，碗面既份量都十足。 招牌小籠包味道亦唔錯，咬一口，入面既湯漏哂出黎，真係要小心d先得。最後上既就係三鮮鍋貼，因為岩岩煎起，所以好夠熱，要擺係度攤唞下先，先再慢慢食。

18年6月3日下午到這間餐廳試試。叫了招牌姥姥手製排骨拉麵和豬肚尖。order完後1分便遞上，心裡已經有點奇怪，為什麼排骨可以那麼快便準備好呢？一定不是即叫即煮！跟著先試湯底，味道幾好，清澈但味濃。然後再試麵，麵質較幼細 ，吸收了湯味，味道可以，但一試排骨就非常差， 肉質十分鞋 ，像是一早煮熟透，放在旁等出那種舊味！ 再來豬肚，味道更差。 爽肚完全不爽！整體評價，環境尚算可以，可惜食物質素差，不好味，以後都不會來。

上海姥姥是位於樂富廣場內上海菜餐廳，午市時段價錢大約每人100蚊左右。到訪嗰日我哋帶咗蔥油餅、上海擔擔麵、紅油抄手、小籠包等等嘅食物。蔥油餅份量十分之大、而且很強烈的葱味，不會煎得太油膩。另外上海擔擔麵的湯辣度適中，擔擔麵富有口感、麵條非常幼滑，辣肉碎也是整碗擔擔麵的精粹所在呢！紅油抄手辣得過癮，我們吃得舔舔脷！小籠包賣相十分精美，我們一行四件每人分一件剛剛好。小籠包裏的湯非常之濃，豬肉很好吃，所以極力推薦大家去吃這間餐廳！

今天較早時間吃午餐，見店寫午餐十一點半才開始，但早少少進場也沒問題午餐套餐都有配小食、飯麵和飲品~價錢在樂富算合理（主要因為不用加一服務費）本人點了一個“ 四川擔擔麵”配“ 糖心燻蛋”及 甜豆漿，再加配$16“ 招牌小籠包兩件”擔擔麵不算太辣，雖然越吃辣會越明顯，但是可接受的程度。份量不算太多， 吃時見麵條有不同粗幼的，不知道是否店的特色？小籠包size正常，皮不算太厚，但湯底的味道不算太濃郁，加醋吃算合格糖心燻蛋及豆漿也算正宗!服務及店內環境不錯，點單、上菜及結帳也很快!也見有人點外賣，下次嘗嘗別的菜單也不錯!

大年初一，想搵位食中菜真係唔易! 好在比我地岩岩好搵到4人位，用餐時間係90分鐘(突登要提呢一點)見到入面已經好多人，真係好彩冇再遲d尼。叫左幾個小食食下先啦!素鴨: 個皮幾脆，後悔冇叫大份d四喜烤麩: 酸酸甜甜，幾好味小籠包: 不過不失，多d湯會更好芝麻蔥油餅: 早知叫普通蔥油餅好過，包既比例太多奶油津白: 幾正，原本唔係好食菜既我都停唔到口楊州炒飯: 冇咩特別，不過入面有埋雞同牛，算足料家鄉粗炒: 呢個比較失望，炒麵有粉粉地既感覺，味道都麻麻，唔會推介。豆砂鍋餅: 好少會令我失望既就，不過多d豆沙就好啦!

因為比較平又冇額外收費，所以成日去食。次次都係叫小籠包，醉雞，上海粗炒，炒年糕，黃金炒飯。姥姥既小籠包好味多汁，真係必點。不過佢冇鼎泰豐個d皮咁薄，所以小籠包最中意都係鼎泰豐。姥姥既醉雞就較重酒味，中意酒既人一定like，而且都幾多件。而炒飯我次次都叫因為飯粒乾身分明，加埋鹹蛋黃好香。炒年糕同上海粗炒都好like，但就水準唔穩定，食左咁多次曾經試過碟野唔夠味冇咩味。

我地一聚埋就會好想搵個地方坐低飲啖茶食個飽,妹子佢話想食小籠包,下一秒我就被拖住衝左入去,上海姥姥一享寧靜既下午茶,店家裝修得好美,花兒點綴,高貴雅緻我地2個人點左3個下午茶餐,叫左2客雞絲粉皮配招牌小籠包同熱既甜豆漿,另外1客雪菜肉絲炒年糕配熱奶茶,由於熱奶茶售罄,所以轉左熱既甜豆漿,雞絲粉皮確係幾好味,粉皮夠凍~ 亮晶晶!配上雞絲青瓜麻醬拌一拌,簡單美味!問心對佢既小籠包我的確幾失望,因為我地係為小籠包而來,但小籠包個皮好濕好厚,啲肉雖然好多,不過好”鞋”口,雪菜肉絲炒年糕偏咸,我地食左幾片已經無食,外賣盒要另加$1,但唔想浪費,所以外賣番屋企翻熱減咸

路過見到唔使等位，就行入嚟試下呢間分店, 之前試過銅鑼灣店 同埋九龍灣店, 都覺得質量 OK~卡位好寬躺, 侍應同事超級有禮貌, 我哋叫咗三個下午茶餐, 因為鍾意食小籠包所以有兩個套餐一樣, 都係小籠包配雞絲粉皮, 熱豆漿~雞絲粉皮出奇地好味, 好足料, 青瓜雞絲粉皮 3個口感 各有咬口 各有味道, 但又覺得夾得好, 我哋都覺得係尼一餐最好味嘅~小籠包感覺好一般, 我哋兩個都感覺麻麻地, 鬆泡泡得來 層皮比較厚, 而且肉嘅鮮味唔夠 唔突出, 係好足料嘅, 但係口感味道 都有改善嘅空間~上海雪菜炒年糕, 中規中矩OK啦~

雖然過左生日月，但生日飯繼續停不了。今晚匯豐ㄧ班姊妹補祝我生日及預祝另一姊妹生日。今晚揀左樂富上海姥姥，我地雖然5個人，但都叫左好多野食，而且價錢都好抵，啲食物都好啱大家，大家都好滿足。雖然今晚去到已經爆滿，d職員都馬不停蹄，仲好Nice,ㄡ會幫d客人換碟，而且有个好高好後生男经理，見我地準備切蛋糕，ㄡ主動幫我地影合照。

好耐無同老公撐枱腳，哈囉喂當晚，等埋老公放工一齊去食晚飯。之前都想試"上海姥姥"，所以今次揀左樂富分店。 兩个人叫左好多野食:水煮魚(夠辣，不過可以麻d仲正)，蟹粉小籠包，排骨拉麵，足料酸辣湯(我鍾意d蝦夠大隻)， 糖心燻蛋(可以叫半份)， 雪梨紅棗茶(夠潤，我都飲左2杯)， 鮮檸香薑蜜， 酒釀丸子， 酒釀湯丸，尖椒皮蛋.....好彩我哋都食得曬。d職員ㄡ好禮貌，而且上菜吾會等好耐。食左咁多野好滿足，過左一過愉快的一晚

未見過態度甘差既餐廳！行過見下午茶個set幾抵食 之前亦有同屋企人係度食過晚飯就入去試下 點知有個男經理（高高地）啲態度好差 入到去已經黑面又唔比meanu 講野啲語氣又差又串串地 食食下見到原來佢對其他員工態度都好差 原來甘都可以做經理 講返啲味道先 其實味道唔差 叫左個前菜點心餐 叫左雞絲粉皮同生煎鍋貼 鍋貼外皮酥脆 肉餡多汁鮮甜 推薦 酸梅湯味道亦不錯 午餐同下午茶都算抵食 但今次真係俾個經理激死 以後都唔敢黎 去黃大仙食仲好

行開九龍塘 但諗唔到食咩行行下就行左過樂富 樂富其實好多野食 仲有foodcourt 想平有平 想貴都可 點都食得飽上海姥姥有好幾間分店成日行過都無試過 一於試下夜晚都好多人等位 不過入面都叫多位等5張枱 但等左10min都無就入得 快餐牌都係普通會有嘅上海野食我同朋友就叫左2個主食加豬排擔擔麵($48) 另優惠價加炸豬排(+$23)擔擔麵不辣 味道不錯 肉碎比好多😋麵嘅份量都多 夠一個男人食 唯湯底不夠濃度 豬排 失望 淋身 又不是熱上外皮好似食緊凍左嘅粉浸落湯 當食肉 都不錯👌干蔥油撈麵 ($42) 撈麵附送杞子雞湯上黎第一眼會覺得好dry 但干蔥味好突出配上油麵好有口感！雞湯正常 夠補身 ！2人叫主食 再一同share豬排比起叫一個豬排麵 更顯豐富價錢不加一還有甜品叫 豆沙鍋餅($40) 可能試下餐牌價格不貴 晚餐來說 幾便宜

咁大個女第一次黎到樂富，原來樂富呢個商場都算多野行，而且地方都唔算細，行到咁上下到晚飯時間已經好攰，想搵間坐得舒服d既鋪頭食飯，就揀左呢間上海姥姥，雖然第二度都有分店，但都係第一次食地方都幾大，可以容納好多人客，我同朋友兩個人等左一陣就有位喇雖然張枱唔係好大，不過都算坐得舒服order左個姥姥家鄉粗炒，味道都ok，唔會太油膩小籠包，湯汁豐富，味道都唔錯仲有個輕量版既香煎素餓，份量唔多，大概5、6舊，呢個係食到最後先記得影。總括味道不過不失咁，店員既服務態度唔錯，好有禮貌

最近因為家人過身了， 所以家人也會花很多時間陪伴婆婆走過傷心的日子。婆婆希望吃些上海小菜，於是便帶她到上海姥姥品嚐。我們點了 干煸四季豆， 來到的時候讓我們有點失望。味道很鹹， 四季豆炒得不夠鑊氣，有點冧pat pat的感覺。吃落的口感不爽，不會像正宗的干煸四季豆一樣，會又爽又甜，吃落 chop chop聲。這個比較像用湯煮完，再撈上味料和醬油的感覺。而它的糖醋排骨，甜酸味濃度足夠，平衡點做得不錯，吃落酸酸甜甜很開胃。 不過排骨炸得較多粉， 會吃到很多粉在口中。若果能夠減少粉的份量，這道菜就真的很好味了！ 服務上，店員的態度還可以。座位與座位之間，亦有闊落的空間，不會太逼坐得不舒服。

尋晚已經一家三口食咗今晚又去食就係為咗慶祝母親節我哋入咗嘅時候五點半左右所以都冇乜人唔錯差不多食飽飽嘅時間六點半左右已經對滿一大班人喺門口排隊服務態度一流同服務員講要強勁啲冷氣嘅位置佢哋都好好又友善嘅態度⋯食物質素都係好好上枱嘅菜式都好靚仔仲要樣樣都熱騰騰最重要係快⋯ 好快已經有嘢食值得推薦嘅環境衛生服務一流叫咗上海粗炒今晚食係熱騰騰嘅味道剛剛好［尋晚食咗去凍凍地嘅］醉雞好入味好好味又好香啲雞肉都好滑豆沙鍋餅熱騰騰豆沙唔會太甜正小籠包皮薄餡靚值得推薦都係熱騰騰嘅