上海姥姥 (馬鞍山廣場)

Open Now

Now Closed

話說耐唔耐想食小籠包於是又黎到上海姥姥啦晚市時間係馬鞍山食野點都要等下位~今次除咗叫小籠包之外 我哋仲有叫其他點心同主食自己本身都幾鍾意食上海菜 又鍾意叫野食所以今次就叫埋擔擔麵、香煎素鵝、豆沙鍋餅同生煎鍋貼幾個人食份量啱啱好呢！不過人多d 既話就可以食多幾款啦!!!可能睇圖會覺得香煎素鵝有少少油 不過食落覺得啱啱好啦 唔錯唔錯!!但係豆沙鍋餅就真係有啲甜 一件起兩件止就岩岩好~以後黎食有多樣野食必點啦~

第一次食上海姥姥 佢個d味調得好好味呢個炸醬伴面送清雞湯 呢個係哥嗌嘅！我唔係特別鍾意食呢啲 估唔到食落又OK喎 忍唔住食多兩啖 我都唔識講佢啲味就係調得好好加$25要咗炸排骨 其實就係豬扒 粉皮個味好特別 皮嘅厚度啱啱好，而且豬肉好口好瘦 熱食應該香口好多 。呢個價錢好值得加！蔥爆三味 有雞、牛、蝦仔，蝦係垃圾嗰啲細細粒 雪蝦 仲要得兩三粒😅不過算啦，因為我主要想食牛肉 牛肉有好多片幾厚嘅 勁好味囉！好有牛味喎竟然！牛味重重過幾日之前食嗰啲牛柳西餐😒但雞都係細細粒咁樣好多粒 炒得好香好香 不過超級多油 食到底就見呢個係最驚喜嘅一個！！因為佢用左酒糟黎煮，好特別又好夾！好好味底下嘅雲耳口感滑滑☺️又唔會林過頭，好有水準 其餘雞絲粉皮就普通啲 啲雞絲師好少，不過啲粉皮好滑 有質素架嘅紅油炒手啲餡 食到啲菜好新鮮 不過佢個調味麻麻喎 有少少麻/辣會合適點 宜家好似冇咩味～同埋少啲肥肉 多啲肉肉好啲，餡料多啲好啲仲有一樣好重要嘅推介！！！酸梅湯好特別丫真係食下午茶一定要試，酸酸地唔會太甜 一流☺️

今次再黎到呢間平價而且性價比高既食肆「上海姥姥」，呢次叫左香煎素鵝、招牌小籠包、酸辣湯拉麵，同埋叫麵就可以加 25 蚊加配炸豬排一塊。酸辣湯拉麵 : 酸辣湯味道不錯不過有小許過辣，麵條煮得恰到好處，無出現煮得過硬或過軟既情況，同無口感糊糊既感覺。香煎素鵝同招牌小籠包份量，味道同價錢都 OK，食上海嘢指定必叫菜式。👍🏻 👍🏻炸豬排幾大塊，但可惜無跟醬汁而且炸得略乾身，不值得加錢叫。希望餐廳盡快加入賽螃蟹這道菜式。

午餐個陣想食小籠包，於是黎左上海姥姥 等左一陣就有位啦~除左小籠包同炒飯，我地仲叫左香煎素鵝同排骨拉麵，唔錯呢!兩個人食左四樣野，都幾飽!小籠包到左就快快食，40蚊有四粒都算合理既~炒飯就普普通通啦，下次都係叫返麵好D

今日係第二次黎到上海姥姥食下午餐茶，因為呢間餐廳性價比唔錯而且杯酸梅湯整得幾好飲，所以吸引到我再黎。今日兩個人叫左，雞絲粉皮，紅油抄手，香煎素鵝，招牌小籠包，四川擔擔麵。咁耐無食味道依舊保持到水準，而且收費都合理，大家有機會可以試下呀，記住要試下佢地杯凍酸梅湯。

由於下午要參加朋友婚禮，我們一眾人打算先在附近一同午膳，醫飽個肚先～朋友行左一圈廣場，就決定左食呢間，人多可以試多啲野食。最近上海姥姥好似愈開愈多間咁，不過其實聽朋友講得多，但我都係第一次食。先上前菜先～雞絲粉皮係我每次見到餐廳有都會必點既。最緊要多醬，呢碟夠醬而且粉皮是爽的。成碟野涼涼地，最岩而家熱熱地既天氣。推薦菜肉雲吞的肉餡很足，唔會只係食到厚皮。拉麵就無咩特別重點小籠包黎唔，朋友就係為左食小籠包先揀呢間。小籠包有濃郁湯汁，皮不厚，夾起身都唔會好易穿。不過小籠包如果可以獨立分番開4隻就更好，兩隻兩隻痴埋一齊，夾既時候都好驚穿😂相比之下，鍋貼比較失色，不過可能係我地已經放左一陣，令到個摺位皮比較硬。味道夠濃，面身軟。呢個純粹係俾外貌吸引而叫，熱食既時唔錯，好蘇脆。但當凍左先食就有啲油膩。所以呢個要襯熱食。總體黎講，食物味道都中規中矩，都會有下次再食既機會。不過服務方面，可能員工唔夠，叫極都無人應，除左埋單個下🌝

上海姥姥對我而言一直都係性價比ok既上海餐廳今次夜晚又去左食🤤唔少得既一定係小籠包🤔佢做到皮唔算太厚 而裡面都保留住少少肉汁既感覺不過就係食得太多肉會有啲濟😛第二樣包點類就係生煎包佢今次比到驚喜我🤩因為佢新鮮煎出黎 包底會好脆 但唔會太焦當然咬落去都會流出少量肉汁不過對於唔鍾意油膩野食既朋友 佢或者會用比較多油煎所以叫既時候要考慮下唷然後到飯麵類第一樣 揚州炒飯裡面有牛 雞同蝦 算足料 味道都可以 但飯有少少乾第二樣 四川擔擔麵怕辣既人都唔會覺得辣既系列😂😂以前去食記得唔駛加一 但今日去 發現要加一啦🙈個人而言 如果掛住小籠包又想有個平價選擇 上海姥姥不失為其中一個可以考慮既鋪頭

去搵朋友食晚飯  食下中式野食 搵左呢間上海姥姥 6點幾去到要係門外排隊了 等左15分鍾先有位 之後睇下有咩食 又出現選擇困難 最後叫左酸辣湯, 小籠包, 同菜肉雲吞麵 好快等左10分鐘到就有野食啦~ -酸辣湯 叫好多人推介所有試下 好好味 我好怕辣都食到 仲有好多配料 真係一定要點 -小籠包 皮很薄 肉汁好多 肉的份量都好多 細細的 好好食   -菜肉雲吞麵 清清地 麵比較幼身 食落不會太硬 菜肉雲吞 肉同菜的比例都好多 一樣係皮很薄 好好食 見好多人都叫左黃金炒飯 下次都一定要試下 價錢合理 座位不迫夾 很好 真係不錯的上海菜 ~ 

好想食上海姥姥，特登走咗去馬鞍山廣場尋找它的分店，最懷念它的黃金炒飯，真係炒得好好味，每次水準都係一流，好乾身，蛋黃味十足，份量都唔少， 仲有好多隻蝦，又有葱作為配料，＄70我可以接受，每次必食之選，仲有唔少得每一次都要有嘅奶油津白，甜甜地，又有奶味，都係我嘅至愛，仲有今次叫咗水煮魚，夠晒麻辣，魚片嘅份量不多，大概有10片，其餘的全部都是配菜，芽菜，等等， 呢碟餸好有風味，不過比較多油，下次會再嚟過試吓第二啲菜！

其實上海姥姥係馬鞍山都開左好耐，長期經過都見到人排晒隊，所以從來未試過。今日瞓醒諗唔到想食乜，個人又悶悶地，見無乜人，發下呆玩下電話咁就排左15分鐘😂 小籠包 $40 皮薄多汁，一啖一口酸辣湯 $40 味道都好好，又夠辣雞絲粉皮 $56 正常Size，上海菜必點，呢間粉皮都好滑，雞絲份量足，價錢又平過翡翠，正喎水煮牛肉拉麵 $58 好辣好香，拉麵口感剛剛好，唔會太淋豆沙鍋餅 $40 (即炸等10分鐘) 辣完之後食個甜點好舒服😁 好滿足整體味道份量都可以，價錢又平過翡翠，弊處就係要排隊呆等，無飛攞。同埋咁啱隔離枱既食客好似食左喇叭咁，講野勁大聲，完全傾唔到計

在馬鞍山，要食上海嘢冇乜選擇，於是試下上海姥姥。點了小籠包，紅油抄手，酸辣湯拉麵，奶油津白，上海粗炒。第一味就食小籠包，水準極高，皮薄，多湯汁，食時要好小心，我咀都被熱湯6到了。第二味來紅油抄手，同樣皮薄可口，而且醬汁較得好好，好夾。之後到酸辣湯拉麵，酸辣湯跟散叫的一樣甘足料，而且拉麵靭度適中，所以我個人覺得抵過單叫酸辣湯。奶油津白令我喜出望外，津白夠嫩夠甜，奶油汁好好味，可以話係配合得天衣無縫。最後上海粗炒亦無令我失望，炒得香口熱辣辣而麵的口感唔會好似一大舊麵粉，我覺得比外面既上海舖有過之而無不及（可惜掛住食忘記影相）。總結來說，值得推介。

相比翡翠拉麵小籠包来說，這家的價格是比較實惠的。不方便之处是不设排號制度，只能排隊等位，過半數才可以入座。无奈儿子喜歡吃這家的拉麵，所以還是得排。周日下午近一點去，大概40分鐘後轮到我們。两大两小。叫了三個麵，两個凉菜。海蛰是每次的必點，爽口彈牙。凉拌木耳意外地很甜，實在吃不慣，用水泡過再吃也不行。菜肉雲吞拉麵不錯，四粒大雲吞，菜肉的比例剛好，皮也很薄很滑。炸酱麵口味偏淡，但有一碗清鸡汤，味道鮮美。嫩鸡煨麵很入味，麵條比較軟，适合小朋友吃。埋單不到400，算是抵食之选。

今日途經馬鞍山廣場，諗起朋友介紹話有一間上海餐廳幾好食唔錯 (上海姥姥)，我自己本身唔係太好食上海野，但朋友介紹得都應該唔差既，所以就入咗去試下喇。入到去坐低果時，因為係下午茶時間，所以就有得叫點心下午茶。點心下午茶有好多選擇俾你揀，總之係 A+B+C 都只係 $48 蚊，而且餐廳重不收茶芥及加一服務費，相當有良心。最後我叫了，雞絲粉皮配招牌小籠包及酸梅湯。雖然係下午茶點心，但係份量都不小，招牌小籠包皮薄之剩也沒有出現夾穿的情況，而且餡料也很充足，而酸梅湯夠凍之剩重好好飲，所以我好快就成杯飲晒。呢間餐廳食物同環境都唔錯，下次會再幫襯。

話說自己真係好鍾意食上海菜但係有佢開張之後次次都見大排長龍。。。。冇乜耐性嘅自己真係唔想排隊食但係今日放假係下午茶時段見冇乜人就去試吓我就試咗佢個小籠包同埋擔擔麵分量足夠 味道都幾好食～但係我叫左小辣就冇咁嘢味na不過食得少少辣嘅朋友都可以唔使叫小辣。。。因為我叫左小辣之後變咗唔辣咁小籠包就冇乜特別 不錯不失咁na。。。。但係我覺得佢哋嘅酸梅湯真係好出色夏日炎炎。。。又夠冰凍而且又濃郁。。。係意料之外嘅好飲

平時都唔太鍾意食上海野既我，因為女朋友介紹話幾好食唔錯，所以今日就同女朋友食左一間上海餐廳 ''上海姥姥''。入到去坐低果時發現重有點心茶餐叫，$48 就有兩個輕盈點心加一杯野飲，都幾抵食所以就叫左招牌小籠包及香煎素鵝配酸梅湯，另外重有四川擔擔麵同埋酸辣湯拉麵。雖然兩個點心都叫輕盈點心，但份量也不少。招牌小籠包 : 皮整得簿之剩也沒有一夾就爛既情況出現，而且用料都幾足。香煎素鵝 : 也整得十分出色，而且上枱時兩款點心重好熱辣辣，味道也不錯。而飲品方面我就點了酸梅湯，各位下次黎真係要叫黎飲，因為真係幾正好好味，好快我就成杯飲哂。而四川擔擔麵同埋酸辣湯拉麵，食落口麵都幾滑下，整體黎講比我預期中好食。