上海萬家村小館

Open Now

Now Closed

深水埗福榮街出名多野食，食肆選擇又多，要決定今晚食乜都要抓下頭😂 最後決定食上海菜，因為香港越嚟越少上海菜館。「上海萬家村小館」就是我哋今晚落腳地方，之前係Openrice search過，口碑唔錯，好多食客都讚佢口味正宗又抵食👍 1-招牌酸辣湯（例） $58好足料，有木耳絲、蝦、肉絲、筍，蛋絲和豆腐，酸辣調味剛剛好，一大湯碗，兩人都可以分到3 至4碗，抵食👍 2-回鍋肉粗炒 $78又係大大碟，鋪滿椰菜和五花腩，加埋醬油、辣椒🌶️粗麵一齊炒，顏色均勻各樣都炒得出色，香口惹味👍 3-招牌鮮肉爆汁小籠包 5隻 $48即叫即蒸熱辣辣，外皮不是很薄，但厚薄適中，足夠包住肉饀和滿滿嘅肉汁，食時要小心爆汁 4-紅燒獅子頭客飯 $90（白飯/菜飯+飲品）獅子頭有兩大粒，咬落全是豬肉，真材實料，唔鞋有肉汁，拌菜索埋肉汁非常入味，配菜飯食超正，另外豆漿有淡淡豆味，好飲 5-醒胃涼拌三拼 $92麻油海蜇 ： 咬落索索聲，爽口彈牙有麻油香五香牛𦟌： 肉質唔韌帶滷水香味上海燻魚 ： 魚炸得香脆，加埋店家調配嘅醬油，甜甜的，好惹味涼拌菜選擇多，又可以自由配搭，夠靈活👍 6-豆沙鍋餅 $42係即叫

話說心郁郁有啲想食吓上海嘢，但又唔知食邊間，屋企人就叫我去試吓呢間上海嘢，一入到去已經勁多人，我同我朋友就叫咗個黃魚二人餐佢呢個黃魚二人餐真係好多嘢食！！！我哋叫咗：前菜：麻油海蜇、小籠包五隻煮食：有黃魚餐湯：酸辣湯小菜：爆炒回鍋肉炒飯：楊州炒飯甜品：豆沙窩餅飲品：豆漿兩杯雖然話就話係小食，但個麻油海蜇份量都好多，非常爽口個小籠包大大隻，即叫即蒸個魚就超級大條，炸到蘇蘇脆脆好好食，而且仲有好多隻蝦個酸辣湯份量多到嚇死人，我哋每人飲咗三四碗，酸酸辣辣好開胃，而且又有好多隻蝦楊州炒飯飽到差啲食唔晒個回鍋肉份量好多，豬腩肉肥瘦適中，啲菜炒得好爽口豆沙窩餅即叫即煎，所以上菜嘅時候好脆口豆漿就凍冰冰啦，唔會太甜

深水埗性價比唔錯上海嘢💵😋📍地點：深水埗🍽️菜式：上海菜💰人均消費：晚餐 HK$100~200🔖服務費：❎🧻餐巾/ 濕紙巾：❎ / ❎🪑座位類型：方枱📝落單方式：侍應生落單.晚餐散叫：1/4 砂鍋雲吞雞、紅燒獅子頭、金銀炒鱔糊、菜飯、鮮肉小籠包【1/4 砂鍋雲吞雞 】💰HK$881/4 雞唔算細隻，雲吞都有4大粒，夠2至3人食。.【紅燒獅子頭】💰HK$98獅子頭好大個球，表面有炸過嘅口感，裡面係鬆軟，芡汁味道剛好。.【金銀炒鱔糊 】💰HK$ 128芽菜、鱔條、冬菇、韭黃。鱔條夠粗，其他配料份量適中。..上海萬家村小館🏷️ 深水埗福榮街117號地舖

呢間深水埗嘅上海餐廳，午餐菜式有好多選擇，粉麵飯同套餐都有。今次我叫咗個炸豬扒上海擔擔麵，湯底非常濃味，個擔擔麵好有咬口而且份量都好足夠，仲有送埋一個餐前小食，另外飲品仲送你一杯豆漿。呢個炸豬扒麵價錢好似$60以下，性價比超高，如果係深水埗或者喺深水埗返工嘅你經過不妨試吓。之前亦都試過佢個回鍋肉粗炒同回鍋肉擔擔麵，一樣都係整得咁好食。另外就有個花雕醉雞擔擔麵，不過我個人覺得個酒味太濃，所以不算太鍾意，大家都可以試吓。

週日下午茶時間黎到超級多人食見到麵，小食，飲品三樣夾埋最平$42就有十分抵食！至於晚市時間款式都幾多，而且可以揀菜飯👍🏻見到有唔少涼拌小菜，可以雙拼三拼或者四拼同時試曬幾款啱曬想食又怕太多！揀左三拼：$92蒜泥白肉，辣辣地好開胃麻油海蜇，十分爽而且唔會好鹹雞絲粉皮，調味啱啱好而且粉皮唔會太淋😙鮮肉小籠包 $48呢個價錢就有5隻超抵食呀皮唔會太厚而且都有唔少湯汁大細適中鮮肉鍋貼 $48一樣都係$48 入面好多肉汁！點埋辣嘅豆瓣醬都好好味😋上海粗炒麵 $68有鍋氣之餘唔會太油而且夠味，肉絲同菜嘅份量都唔錯津白三鲜湯年糕 $78超大碗😂絕對適合share食！而且都好足料，年糕都好煙韌豆沙鍋餅 $42紅豆餡唔會太甜而且外層都脆脆地唔錯而且送埋嘢飲有茶/汽水/豆漿揀👍🏻👍🏻

喺香港好少食上海嘢，因為覺得好多餐廳都貴但唔好食，搵到呢間餐廳係區內有人氣嘅上海餐廳，入咗去試吓🤣🐟銀芽炒鱔糊 + 🍚菜飯炒鱔糊夠哂足料，唔會淨係得芽菜，啲鱔食落嘅口感爽口、脆脆地，炒得好香口，呢個餸好適合撈飯食，啲汁撈菜飯好惹味☺️🐠川式水煮魚片 + 🍜 擔擔麵水煮魚入面嘅配料有寛薯份、木耳、芽菜，啲魚好淋，個人最鍾意寛薯份，口感好煙韌，估唔到食上海菜嘅地方川菜都做得咁好😙 擔擔麵湯底好濃郁，花生醬味好出，上海麵嘅質感啱啱好，有咬口唔會過淋，啲麵都愈浸愈入味，辣度比想像中辣少少🐖招牌鮮肉爆汁小籠包小籠包一客有五隻，真係做倒皮簿餡靚，一咬落去嘅時候啲肉汁即刻喺個嘴入面爆出嚟🥹🥟萬家村鮮肉生煎包生煎包個底煎到金黃色脆卜卜，平時最驚食落會好油膩，但係呢度做到個包脆得嚟之餘唔會吸咗好多油，入面嘅肉同小籠包一樣帶鮮同充滿肉汁😛🍹凍豆漿最後忍唔住嗌咗兩杯凍豆漿🤣 配上海嘢嚟食一流，有豆味甜度啱啱好😁整體嚟講食物質素比想像中有驚喜😚 呢間餐廳性價比非常高🤩

今日去咗深水埗行街，見肚餓，於是上網搵吓深水埗好推介，好多人都推介深水埗有一間上海菜非常有質素，而且去到門口已經好多人排隊，相信一定係好有質素，超級多人氣，然後見到餐牌，真係有好多小食選擇，例如有小籠包，生煎包，都非常吸引，每件都大大件， 份量十足，而且啖啖肉，真係好啱一家大細，情侶嚟食飯啦，而且呢度嘅生煎包真係好推介呀，我見到佢剪得非常甘脆香口，而且新鮮滾熱辣，即叫即整，非常新鮮，入邊仲有好多肉汁，真係實至名歸呀，而且仲有個酸辣湯，真係非常開胃，而且味道啱啱好，仲有我都好推介佢哋嘅擔擔麵，麵質非常軟身，而且湯底濃郁，真係見到每一個客人都食到舔舔脷啊，而且呢度嘅服務質素好高，超級快就有得食，真係非常有效率呀，所以我真係好推介佢哋嘅食物，而且老闆都好好人，招呼得好好

去開深水埗睇完電腦，見差唔多到食飯時間，就去附近搵野食，有間上海菜館人頭湧湧，而且款式都幾多，就入去試下🥢晚市客飯套餐銀芽炒鱔糊 $110 ． 金銀蛋菠菜 $80晚市套餐連小菜、白飯或菜飯和飲品～炒鱔糊份量幾多，鱔肉肉質爽脆唔會太軟腍，芽菜炒得香口，兩者口感配合得好好，醬汁調味適中👍🏻金銀蛋菠菜菠菜煮得火喉剛好，唔會過老，皮蛋切得頗大粒，幾有口感，跟普遍細細粒嘅有另一番風味酸辣湯（例）$58例牌都咁大碗😂3-4人都可以share食，酸辣湯材料豐富，蝦、木耳絲、豬肉絲同板豆腐等等，濃稠度適中，酸酸辣辣好開胃麻油海蜇 $70海蜇口感彈牙爽脆，加入麻油拌勻變成一道出色嘅涼菜鮮肉小籠包（5隻）$48小籠包新鮮熱辣，咬開肉汁爆出，而且用上新鮮豬肉令小籠包肉味香濃，蘸上香醋更為滋味

今日同朋友嚟到深水埗呢間餐廳。平時睇到小籠包就會好想食。小籠包就嚟唔開上海菜。呢一間上海餐廳一入到去裝修好光猛地方闊落雖然去食嘅時候人好多，但係位置都坐得幾舒服。蒜泥白肉 $52蒜泥白肉最適合同埋白飯一齊食肥瘦相宜嘅白肉加埋醬料一齊食，簡直係送飯一流。金銀炒膳糊 $128最推介呢個膳糊。一開始望到嘅時候以為會好濃味，但係食落又唔會太鹹仲要係一啲腥味都冇。下次黎會再叫！鮮肉小籠包 （5隻） $48吃上去有香味撲鼻而來的湯汁。加上草同埋薑嘅配合，簡直係絕配。蒜炒豆苗 $88蒜香味的豆苗味道剛剛好。師傅喺放食材方面絕對不手軟。好適合一家大細或朋友聚餐嘅時候大家一齊分享。高力豆沙（4隻）$52味道食落唔會太甜啱啱好。識落有啲似沙翁，但係冇咁甜同埋外皮係比較柔軟少少嘅。好味又飽肚。

嚟到深水埗其實都唔係太知道食乜嘢好，除咗車仔麵或者泰菜之外，今日見到呢間上海菜竟然要排隊！ 入到去嘅時候都發覺其實都幾多選擇，唔淨止正宗上海菜，仲有其他小菜嘅，不過既然係上海菜館咁梗係朝東上海菜啦。鮮肉小籠包五隻($48): 以前啲人教落，食小籠包要睇吓有幾多摺，同埋要用筷子夾起上邊，睇吓有冇湯汁流出。咬開少少餃子皮之後肉汁即刻流出嚟，完全食到肉汁嘅鮮甜，而且肉嘅份量適中，配上酸醋就更加惹味。例牌酸辣湯($58): 上菜嘅時候已經聞到一帶浸酸辣味，好開胃。入邊竟然有蝦，都幾驚喜。叫咗例牌酸辣湯，我哋兩個人食，都每人食到三碗，所以其實夾埋係有差唔多6碗! 抵食！而且自己雖然唔太食辣，但係佢嘅辣度都啱啱好係我接受到嘅程度，不過真係會越食越熱。鎮江餚肉($80): 即係啫喱狀嘅凍肉，食落去冇乜豬蘇味，有時食涼菜，都會驚有太大嘅味道，但係佢地處理得好好。回鍋肉($88):差唔多係食上海菜必叫嘅，都好考師傅嘅功駕。有椰菜配上回鍋肉仲有豆乾，有鑊氣香！高力豆沙四隻($52): 而家喺香港都好少見到有高力豆沙食，因為功夫真係要好多，但係比我喺度見到嘅咁梗係要食啦，本身仲想叫埋佢哋嘅豆沙窩餅，但係真係

最近好想食上海菜 呢次搵咗朋友陪我嚟食呢間上海萬家村， 本身有啲想食韭菜鱔糊 可惜朋友唔食😢唔緊要仲有好多都想試😙👉🏻蟹粉小籠包：蟹粉小籠包包裹著濃郁的蟹肉汁，皮薄餡多，一口咬落去，鮮甜味美，唔需要醋已經好咸香🐕👉🏻蟹粉扒豆苗：豆苗鮮嫩，蟹粉醬汁濃郁香濃，加埋豆苗嘅清甜，組合得恰到好處！❤️👉🏻京蔥牛肉客飯套餐配菜飯豆漿：京蔥牛肉客飯套餐真係物超所值！嫩滑多汁嘅牛肉配上香氣四溢嘅京蔥，味道鮮美！仲可以揀配菜飯同豆漿都好開胃，令人食得好滿足！

今日行完電腦商場，唔想食雞蛋仔魚蛋，但係又要醫下個肚，所以我們去這間食上海下午茶。豬扒麵份量剛剛好，豬扒有很多舊，每一舊都熱辣辣，肉質豐富，仲脆卜卜。呢度仲有得轉做健康淮山麵，一定要試吓。金山仲有烤麩小食同埋一杯豆漿，非常滿足，晚餐都唔使食。砂鍋雲吞雞雞湯味濃郁，就算我哋兩個人淨係叫咗¼隻，都非常之多雞肉，入面仲有四粒雲吞，非常入味，仲有好多菜添。時令蔬菜我哋叫咗津白，非常之清甜，又健康。蟹粉小籠包皮薄餡靚，湯汁充滿濃濃的蟹味，配上醋同埋薑絲，一啖一滿足。紅油抄手適合鍾意食辣的人，味道似口水雞， 10分惹味。高力豆沙熱辣辣，入面整得非常之鬆軟，又不會太甜。

以前讀大學已經成日食呢間餐廳，貪佢大件夾抵食，啱晒一班人re-u聚會。估唔到過咗咁多年之後依然都係咁旺，價錢依然都係咁親民！今次專登返去食回憶嘅味道，冇令我哋失望。我哋兩條友總共嗌咗五樣嘢，第一樣走唔甩一定係鮮肉小籠包（5隻）$48。上枱熱辣辣，皮薄咬落去爆汁，點埋喼汁仲好食。涼拌四併（$102），有麻油海蜇、花雕醉雞、鎮江餚肉、雞絲粉皮。開胃一流，最正係個醉雞，好入味，同埋好滑。至尊炒飯（$88）炒得好有鑊氣，都算比得多蝦，唔會太鹹。成餐飯嘅重頭戲就係蟹粉賽螃蟹（$138），一上枱已經俾個份量嚇親，仲大碟過炒飯😂😂蟹粉覆蓋住蛋白，每啖都食到，無得彈！最後梗係整返個高力豆沙($52)，上枱一樣係熱辣辣，好鬆軟，而且個紅豆唔會死甜，為呢餐晚飯畫上完美句號。建議大家可以一班人嚟食，咁樣可以試多啲晚餐小菜，同埋其實佢都有好多套餐可以揀，性價比極高！

今日來到深水埗嘅上海萬家村食下午茶因為佢下午茶時間係由1:30開始，到6:30完，見佢咁早有下午茶，就同老公來到呢度試下。我地叫咗 招牌豬扒擔擔麵同上湯麵，跟餐青瓜同生煎飽兩個同兩罐可樂，加$17 要多碗酸辣湯。分量對我來講好足夠，仲多咗少少，我老公就話7分飽左右，但到夠嘅。先講麵，麵唔算淋，煮得剛剛好，湯真係好好好夠熱，擔擔湯麵濃，上湯清清地不過不失，麵係好唔錯豬扒，炸得剛剛好，麵衣好脆口，肉都算厚，總共有3舊仔，剛剛炸出來真係好好食，咸咸地，唔會太流，都好味呀。酸辣湯，夠熱夠酸但辣度再多少少就更好 （我都食得下辣），我老公就話剛剛好😃整體食物質素唔錯，最重要係夠熱😀店員嘅姐姐服務都唔錯，有位姐姐仲好有耐性同我地隔離枱解釋加錢叫餸，同埋點解堂食後比外賣盒要加錢 （其實正常都係要比嘅），但有幾位姐姐就比較真性情喇😆下午茶比較少人，坐得來都舒服。冷氣又唔會話太凍😁

叫咗個粗炒 個粗炒油淋淋 食到成口油 員工態度惡劣 問佢可唔可以豆漿轉可樂 佢話我係咪玩嘢 拍八達通俾錢但店員唔撳銀碼 剩係叫你拍落去 成件事R晒頭 幫襯過一次 永遠唔會有下次再幫襯。