上海一品香菜館

Open Now

Now Closed

聽講這家位於觀塘廣場的上海舖是一間老店，雖然up up dup dup不過就成日full house，今日好好彩唔洗等位勁開心。鍋貼一份四隻，個底唔會煎到燶晒。小籠包︰網上D人話必食，咁又真係幾好食，真係皮薄餡靚，肉香汁量適中。雜錦炒年糕同三絲炒年糕之中我地揀咗三絲炒年糕(其實我地都唔知雜錦同三絲有乜野分別所以是但叫)，味道似乎咸咗D，而且年糕份量比較少。豆沙鍋餅、高力豆沙同擂沙湯丸之中我地最後揀咗擂沙湯丸，上枱時暖暖地好正，味道唔太甜。

上海一品香菜館又到放假日星期日做完GYM，望見手錶，晏就五點幾未到六點，時間尚早未到晚飯時間，就有個想頭去觀塘廣場食上海菜。果然因為時間關係唔使排隊拎起菜單，我哋兩人好快點左四個菜。-醉雞雞件火喉幾好，係滑身唔會好鞋。味道惹味，酒味都足，係份量少左啲，唔係好夠喉-小籠包一籠有八隻，份量十足，塊皮雖然未算係好薄，但餡料有湯汁熱辣辣，不錯-酸辣湯好大碗！味道同料都幾足，除咗一啲常見配料之外佢入面仲有豬紅！-炸銀絲卷甜點 外皮炸得脆卜卜，入面係一層層咁冇餡，食落有咬口，幾得意我哋都係第一次食

細個觀塘大, 細細個就食一品香,食左十幾年, 到而家搬左出去,好耐都無機會食過喇!!我地今日食左6樣野, 每樣都OK幾好味!!鍋貼我地叫左兩份, 所以有8隻!!一份得4隻架咋, 味道好正!!個底好脆, 一咬落去就爆肉汁!!加埋豆瓣醬一流!! 簡直係絕配!!小籠包係兒時食既味道, 食既係回憶!!每粒都好似小湯包咁,肉味好濃, 加埋薑絲醋又係絕配黎!!四川牛筋其實配飯係幾好味!!不過齋食無叫白飯就好似差左少少!!好似太過濃味, 有D偏鹹...但都不過不失, 都好味既!!上海粗炒, 我諗呢個係最麻麻既!!太過油, 食完會成口油益味...好似食左一大堆油淋淋澱粉質咁...如果唔係屋企人叫, 自己唔會食囉...三鮮炒冷麵呢個我覺得幾好味!!可能係佢幼D, 食落幾煙韌彈牙!!感覺上好似無咁油膩, 感覺上好好多!!係唔錯選擇, 比上海炒粗好食!!之後呢個係BOSS大佬!! 沙窩雲吞雞!!我自己本身好鍾意飲湯,雞湯好濃加埋D黃芽白啱啱好!!成個菜式都好平衡!!仲有佢D雲吞好足料, 好多粒!!而我自己仲會食埋佢D湯渣雞肉!!雖然係雪藏雞, 但都好有雞味,點豉油食都好正!!總知乜都唔叫都好都要食佢個沙窩雲

餐廳走嘅路線係平民上海菜味道，喺觀塘已經屹立咗好多年，不奢華不浮誇，樸實，講求真材實料，平民化但深入民心先就可以吸引客人一食再食。幫襯左呢一間上海菜起碼都有三、四次，每次來入座率都有九成滿，好好生意。每次必叫嘅有兩樣：南翔小籠包同埋炸銀絲卷。熱辣辣嘅小籠包，肉餡多汁，鄙皮薄適中，而且十分抵食，$48八粒。炸銀絲卷（$20）：外皮被油炸完十分香脆，內餡冇味道好似饅頭一樣，但係捲起一條條，配上煉奶超級好食！甜甜外脆內軟集合於一身，食完都唔會有罪惡咁。新嘗試：燻魚擔擔麵 （$51）燻魚甜甜脆脆，個人覺得有點甜。而擔擔面缺少花生味，唔夠香，湯底唔夠濃郁。西蘭花鮮魷 （$87）西蘭花煮得過左火候，略為‘淋’。而鮮魷較為軟身，味道不會很鹹。整到菜中規中矩，無驚喜。總括，雖然觀塘老店，但老上海味道我會繼續幫襯。

今日返娘家無飯食,所以就叫外賣,媽子話想食上海菜!!通常一諗上海菜就係呢間!!一品香~~ 簡直係由細食到大!!雖然外賣係會無堂食咁好...但係都好唔錯!!尤其係個鍋貼, 雖然焗左一段時間!!但係都唔會焗到淋晒, 都仲脆!!個小籠包都KEEP到!! 唔會話太差!!依然好好味!!但係最精彩都係佢D小炒!!三鮮炒冷麵, 好有鑊氣!!味道到晒位, 濃油赤醬上海菜典型風格!!另外佢個甜酸豬扒, 我媽子讚到天上有地下無!!我食過都覺得OK, 唔會因為外賣差太遠!!不過我自己最鍾意都係佢果個醬爆牛筋!!真係無得輸, 雖然焗左陣, 已經無堂食咁好!!但係都無失到佢風味, 依然KEEP到高水準!!所以如果叫外賣我都會翻炒!!何況堂食呢!! 一定會繼續幫襯!!

觀塘舊式上海菜館觀塘商場人流多，呢間舊式菜館環境一般但都幾多人幫襯，食物款式多吧！排骨擔擔麵 💰5️⃣1️⃣排骨炸得比較乾擔擔麪花生味重唔會太辣麪質唔錯浸得耐都唔會發脹南翔小籠包（8隻） 💰4️⃣8️⃣小籠包皮薄，湯汁微量紅油抄手（8隻） 💰4️⃣6️⃣都唔錯餡料多醬汁唔夠惹味，但一啲都唔辣鍋貼（4隻） 💰3️⃣4️⃣皮比較厚，比較遜色茶錢每位 💰2️⃣免加一🎈上海一品香菜館🎈觀塘開源道68號觀塘廣場2樓

在附近買東西，順便把lunch解決了~ 見到都幾多人wor，就試下啦！一個人 有點貪心~ 叫了一個小籠包一份炒年糕~好愛啊~ 大大舊嘅傳統年糕！現場即點即蒸嘅小籠包雖然不是超級皮薄的 但可以接受！傳統feel肉餡好好有味😍😍呢個價錢好OK！下次 試埋回鍋肉(望到隔離檯 好似好好味)

黎開觀塘有時間一定會黎食一品香 有時係屋企唔知食咩都會叫一品香外賣 呢間野真係可以稱為飯堂 一品香已經有經營咗超過20年 住係呢一區呢人大概都會知道 每一次到食飯時間店內都係坐滿人 即使係疫情底下都係一樣 如果你對上海野食有興趣 推薦你一試

久不久就想吃上海菜， 屋企人特別喜歡酸辣湯小籠包這些上海美食。觀塘廣場嘅《上海一品香菜館》 係舊式嘅上海菜館， 好有風味， 而且都幾抵食， 我哋一家人 隔冇耐就話想嚟食～小籠包一客八件$48， 抵食之選。 性價比算高， 即叫即做 ，肉餡有湯汁， 皮適中唔厚唔薄！上海粗炒， 正正是那種舊式嘅風味， 還有那種燶燶哋嘅鑊氣～ 配豆瓣醬冇得輸！食食吓見麺條裏面有一條魚絲，真是莫名其妙， 店員拿回廚房研究一番， 好快都炒過另外一碟補上。屋企人真係太喜歡吃酸辣湯麵， 一款粗麵一款幼麵。 小朋友也很喜歡吃因為辣度唔算太激， 好足料～酥炸小饅頭～ 個饅頭都唔細， 熱辣辣炸起配甜甜地嘅煉奶 大人細路都超喜歡～三鮮飯， 個芡汁好特別，好有雞味！出菜速度好快， 即叫即做款款都熱辣辣。👍😋

中菜之中我幾鍾情上海菜，觀塘廣場有間被喻為隱世小店的上海菜館，價錢唔貴，但味道普通。南翔小籠包 $48 八隻小籠包，皮唔算薄，頂部厚到有少少硬，湯汁唔多，真係一般。酥炸小饅頭 $21 四隻炸饅頭外表香脆，內裡軟綿綿，點煉奶食一流！上海粗炒麵 $51 幾油膩下，不過我食上海菜係鍾意叫上海粗炒，呢度都算係中規中矩。雪菜肉絲炒年糕 $55 呢個比較清淡，但見到有一層油響底真係有少少卻步。年糕煙韌，連埋雪菜肉絲一齊食都唔錯。本身以呢個價錢CP值尚算合格，但個炒年糕有條好長既頭髮要扣分！

上海一品香菜館係喺觀塘廣場嘅2樓，之前係朋友啊嗰度嘅回鍋肉超好食之後帶我去食，喺觀塘廣場都算隱蔽嘅地方。冇人帶去都唔知道，我同朋友兩個人個嗌左一個回鍋肉飯，佢仲會比一個湯，而且白飯都可以任添！都係$50左右，超級抵食。去開觀塘想食啲中式嘢都可以食下呢間！

地址：上海一品香菜館 (觀塘)觀塘開源道68號觀塘廣場2樓之前係觀塘返工，日日都係食大家樂譚仔😂，終於有一天有同事憐憫，帶我去吃好西😆😆。我地黎到觀塘廣場呢間上海菜，兩個人食左個兩菜一湯，仲點左個小籠包。埋單都係150左右。超級抵食。酸辣湯夠酸夠辣，醉雞夠入味，回鍋豬肉辣度適中，一家大細都啱食。

之前聽朋友講觀塘有間上海餐廳幾出名，所以就去咗試佢嘅小籠包、魚香茄子、上海粗炒、蝦仁炒飯，同埋豆腐牛肉羹。小籠包係正常水準，但係魚香茄子偏鹹，然後上海粗炒同埋蝦仁炒飯都唔係話炒得好好食，好普通，有啲失望。

去開觀塘買野，想飲個酸辣湯食個小籠包，所以就諗起呢間，幾年前食過一次。叫左小籠包， 鍋貼，酸辣湯麵，排骨湯麵...酸辣湯嘅味真係好一般，用白蘿白絲代替左筍...好失色排骨湯麵個色望落好似好咸，但真係好淡...小籠包同鍋貼我覺得都唔錯👍

我去了觀塘的某中心做義工，我們7個人做到晚上8點鐘先叫外賣，由於有人想食上海菜，就最後選了這間店，叫了十多款菜式:炸銀絲卷（配煉奶）、饅頭、椒鹽鮮尤、雪菜毛豆百葉、糖醋排骨、炒三絲、生煎包、豆沙鍋餅、豆腐、炒年糕、津白菜、炒年糕等，當中有些叫了2份重覆菜式，所以就無影到入鏡。不得不讚的是服務，因為我們叫的菜式太多，為免我們等太耐肚餓，佢地安排左外賣員分開2次送外賣來，第一輪就送左7道菜比我們食住等，而且等送齊黎先一次收款，呢次的服務真係好好👍🏻👍🏻👍🏻，而大部分的食物都幾好食，食完之後，有部分人都話“好野，呢間都幾好食，又多一間店選擇了”，仲揚言下次再叫過。豆沙鍋餅的份量係最大，入面好多紅豆好好味。炸銀絲卷係大家最先話要叫的菜式，真係無得彈，入面好鬆軟，配埋煉奶超正，我都忍唔住食左2件。椒鹽鮮尤都好ok,送到來都依然脆皮，所以都幾快清晒，第二輪送上來的菜式放埋來影相，都見到已清得7788。雪菜毛豆百葉我係第一次食，味道都好好，唔會太咸，這道菜是我們人群當中，輩份最高果位長者叫的，我們邊食邊吹水，呢位長輩話佢阿麻生前煮上海菜好叻，所以佢知道呢道菜好食，果然無叫錯!糖醋排骨與我想像中有些不