上海一品香菜館

Open Now

Now Closed

上海一品香菜館觀塘不嬲出名多人,12點去到啱啱好,唔使等位就入得luuu!餐廳比較偏僻,要轉幾個彎先到,但係勝在夠平!姨姨好好人,5人食但係安排7人位坐得鬆動D! 上菜都好快,唔使10分鐘已經食得,趕時間或者lunchtime比較短嘅人可以考慮下～蝦仁湯年糕 $54好多蝦仁同上海年糕, 淨係蝦仁都起碼一打以上😍每塊年糕都係厚切, 仲有大量娃娃菜,食量細嘅可以同朋友share再叫多個小食！回鍋肉炒得好香，送一個例湯仲送兩碗飯,問返叔叔原來客飯係包2碗白飯,食唔到咁多嘅可以唔要!小籠包 $50/8隻平時出面食起碼$70先6隻,呢度$50/8隻但係質素係比得上出面連鎖餐廳～總括嚟講呢間平民上海菜館好高質,lunch過黎食都唔使等好耐,服務都好好～ 地址: 觀塘開源道68號觀塘廣場2樓

同老公去試了之前家人推薦過的上海小籠包。店面不是很大，座位都比較逼。我地去到時候剛好有兩個位，雖然有點窄，因為不想等就照坐下了。我們點了一個改良擔擔麵同一籠小籠包，以及一碟口水雞。無花時間等位，不過落單之後等上餐的時間有點久。職員都好有禮貌同我地講話唔好意思因為人多所以上得比較慢。擔擔麵的味道比我之前吃過的都好味，小籠包的餡有汁也不會太乾，性價比算高啊，只是口水雞就有點出乎預料，個人覺得味道一般般，無之前係其他地方吃過的好味。三樣嘢吃加一枝豆漿200蚊有找，都算抵吃啦。下次打算再來試其他😁😁

我1915到 有兩張桌 我到先 後尾有一張4位 一張3位 3位訂位比佢係正常 本身哥哥話我黎先 可以即刻入 點知佢一見到4位 話4位果個比先 叫我等陣 咁你一開始講咩直入 前言不對後語 話張桌4位 你既然咁想做4位生意 選客做 我咪唔食 哥哥見我走都話佢對 要我等唔係問題 你想做4位生意 睇唔起我地2位黎食既咪唔食 我咪去Apm 食都冇咁嬲 哥哥前後態度咁唔想做2位生意 又唔講有冇另一張就走 我今日無緣 食另一間好過平時我鍾意食佢小籠包 炸銀絲卷 但今日幾好食既我都唔想食 未食一肚氣

店舖比較陳舊，但依舊有很多男女老幼都幫襯。餐牌有好多選擇，仲有套餐可選。糖醋盲鰽魚 $100令人開胃既味道，魚size大，魚皮有炸脆過，肉質軟滑，不過我希望魚味可以再出啲。回鍋牛肉 $69非常有鍋氣，多牛肉片，椰菜好好味，落少啲油會比較好。雞絲拌海蜇 $68好香麻油味，份量ok，有青瓜絲，雞肉唔會鞋。酥炸小饅頭 $22有4個，睇個名以為細細個，點知係大大個，比起其他餐廳大個，4個只需22蚊，外皮有炸得脆脆，送到埋黎好熱辣辣，如果包身裡面炸乾脆啲會更好。唔洗加一，不過晚市會收茶錢每位3蚊。

呢間上海菜我地成日食，一個月總會食3-4次味道👍🏻👍🏻👍🏻👍🏻價錢👍🏻👍🏻👍🏻👍🏻👍🏻種類👍🏻👍🏻👍🏻👍🏻👍🏻

好耐無食呢間上海菜，好掛住個酸辣湯同回鍋肉，我地點左小籠包，同三餸一湯，仲有兩個白飯。上海小籠包 $50/8隻好抵食，有8隻好夠喉，熱辣辣，皮薄多湯汁，肉餡都香，係個包頭硬左d。三餸一湯套餐 $240，餸嘅選擇都好多，多人食仲抵。酸辣湯好多料好夠酸，微辣好開胃，暖熱順喉，份量仲好多，有5至6碗。回鍋肉好有鑊氣好香，五花肉份量多，炒到油脂出黎好香，而且勁惹味，超好送飯。蝦仁炒蛋蝦仁大大粒好爽口彈牙，調味到位 炒蛋都好嫩滑，份量滿滿。火丁津白咸味剛好，津白吸左湯汁好味，百葉片幾多，清爽消膩好味。

晚飯時間，經常和媽媽到這店舖進食。媽媽喜愛雞絲粉皮，還要分開醬上，試過砂鍋雲吞雞，醉雞，回鍋肉，上海粗炒，炸饅頭， 小籠包，牛肉羹，酸辣湯等食物。。。 我最愛豆沙鍋餅和鍋貼。食物是其次，最喜愛和老闆娘吹水，食人情味。觀塘大變身，剩下的老店不多，要多點支持支持。地方細少，慕名而來的人多，往往令對面鋪花店不悅。早兩年被<東x西x>攪一攪，𨋢口位枱櫈唔擺得，諗住租多個舖位做生意，又遇上疫情，人流變得稀少，要多多支持街坊小店。

官塘人多數都認識呢間有四十年歷史既上海舖-一品香多年黎受到一班老街坊既支持價錢大眾化，食物質素有保證，款式又多店員姐姐親切好人，主動留意客人有咩需要上海小籠包-落order就即蒸，新鮮好味又多汁銀芽鱔糊-鱔既份量夠多，配埋芽茶仔食夠爽口個汁唔會太喊太杰炸銀絲卷-會送埋煉奶點黎甜食不過我每次都會配鱔糊一齊食我個人覺得2者夾埋黎一齊食係絕配希望官塘呢d老字號既小店會一直長存啦依家真係買少見少…一定要支持小店

曾經在食評講過現今去上海菜館食客飯，往往衹得一碗白飯及用一杯荳䊢來取代個碗例湯，上述情況都發生在，土瓜灣上海美食之家，深水埗醉上海飯店，及鳳凰村老牌上海菜館美味齋，前兩間除咗衹得一碗飯外，個湯亦由荳䊢做咗代替品，而鳳凰村美味齋更連這杯代替品都無，衹提供一碟餸一碗白飯就是一個上海客飯，4月13日在觀塘廣場嘅一品香，呢間老牌上海菜館终於遇到食上海客飯的感覺，因此店按照上海菜館傳統提供一餸兩飯一碗湯的客飯套餐，令我揾食肥華重拾食上海客飯樂趣，雖然此店個回鍋肉味道不及上述三間食店，但肯保持傳統，亦值得一讚

放工行去APM 諗住買外賣返屋企食行過觀塘廣場記得有間老店上海菜聽同事講已經開咗成30年能夠屹立不倒幾十年我諗出品一定唔錯結果買咗呢啲外賣上海湯麵 酸辣湯 韭黃炒鱔糊 三絲上海湯年糕上海湯麵 非常正宗嘅上海口味麵質合格嘅外賣返到屋企 已經浸到林晒都保持口感 實在難得酸辣湯真係好好味酸辣度剛好木耳絲爽脆彈牙叮熱咗 好正三絲湯年糕湯底香濃年糕份量就少啲下次試炒年糕口感應該更好韮黃炒鱔糊完全冇失望鱔肉掛滿香濃豉油醬汁韮黃又炒到啱啱好爽脆入味 正😋

晚上又沒的堂食啦，晚上就買了幾樣打包回去，小籠包價格很划算，50有8個，不過有可能是打包影響口感，不如之前試過的幾家，百葉肉絲還可以，不知道哪裡可以買到百葉，好喜歡吃，另外的上海炒年糕，小雞胃覺得略淡，我正好

好耐以前黎食過幾次，覺得啲食物又熱又好食。可能個人年紀大左，老左，味覺退化。今次同人黎，叫左個2餸一湯餐（唔包飯）加2碗飯。一碟魚香茄子，一碟菠蘿炒牛肉，一大碗西湖牛肉羹。埋單2舊多啲。西湖牛肉羹冇乜味，可能我味覺退化🤣🤣🤣，又可能佢地本身唔加調味料。不過係好飲既。我好耐冇飲過牛肉羹，呢個清哂。菠蘿牛肉最普通，剩係食到酸味，呢味餸唔推薦。魚香茄子味道濃，偏咸（咁應該唔係我味覺退化掛），餸飯唔錯。始終多年老字號，都唔太差既，價錢都尚可接受，起碼好過下下去啲連鎖店既。

該日，特登去觀塘是為了尋找一些位於工廠大廈內的隱世好店的。可是，來的日子是星期天，摸了一間星期日不開門，摸了第二間都是星期日不開門。心目中的第三間又要跑到老遠的巧明街。結果，我同太太二人就回到觀塘廣場。突然，太太說 "跟我來"。她準備帶我去一間當年在觀塘上班時常去的食店之一。就在觀塘廣場內這一個老商場內，就有一間老牌的上海小館。這《上海一品香菜館》就是太太說的好地方。老牌經營的上海食店，有上海的味道，也有香港的味道。點了客飯的我就立即有一碗湯。不過，這並不是什麼上海及江南、華東一帶的湯羹。而是我們廣東人的老火湯。對於上班一族來說，這可是一碗窩心的出品啊。茹素的太太說，她喜歡這店除了因為近工作地點之外。上海館子保證有素食就是她認定做午餐飯堂的主要原因。而她每一次來都會點的，就是素什錦麵。甜爺爺的醬油湯底，有很多菜同很多菇，再加上有點梘水味的上海麵，吃入口，既香甜又滑，的確是一個令人可一吃再吃的出品。我就點了一個獅子頭客飯。香濃又香甜的滬式醬油，可是說是這一碟菜的第二主角。獅子頭的肉球當然也是充滿鮮味啦。吃這一類的港派上海菜，一定要配有白飯或菜飯，這樣，才能夠欣賞到肉香、菜香，同最重要的，

Yummy and it is worth to tryThe food smells good and the portion is okThe staff were nice and helpful

好耐未去過呢間食上海野，突然間諗起呢間，但早幾年食過覺得佢哋環境同埋態度都好差⋯⋯好似唔想做咁，但今次去完全唔同晒揀咗二菜一湯$178餐牌都光鮮咗，唔會邋邋遢遢酸辣湯：好飲，足料回鍋肉：好多人叫，我哋都鍾意食，所以一定會叫，呢個味道直頭係食出傳統上海嘅味道紅燒豆腐：豆腐好滑小籠包$50