正宗山西刀削麵皇

Open Now

Now Closed

今次係第二次食依間山西刀削麵，老實講，有點失望😞-對上一次食已經係三月，平時好少入荃灣，今次巧合經過，二話不說就決定黎encore～-豬軟骨熱拌刀削麵 ($60)上次食過番尋味，今次再食多次。擔擔醬依舊惹味，愛麗絲食到佢用左菜莆、辣椒、蒜蓉去調製而成，味度唔算太辣，咸香味比較重😋。汲取上次經驗，今次未有將所有擔擔醬撈勻，以免太咸。🤓豬軟骨都有三四舊，大小size不一。肉質略鞋，但都算入味。但軟骨部分就好睇個人口味，如果鍾意食好淋，唔洗用力咬既，你就絕對會唔鍾意～因爲佢都要用少少牙力先可以咬開，咀嚼時亦會發出索索聲。但個人認為，佢應該都係未夠火喉，可以再煮耐啲，唔需要將軟骨煮透，但at least唔洗用力咬👉🏼👈🏼而麵方面，今次既刀削面大部分都未煮透😨，雖然都有少少煙韌口感，但咀嚼到中心位就會feel到有少少硬，係少少嘅姐，不過都有啲失望。。。😣-醉雞 ($52)另外點左個小食，可惜都未能加番分。醉雞酒味香濃，肉質鮮嫩，但隨之而來係一股咸味，再配上酒味略甘既後逐，變相咸到苦。。。。🤢🤢🤢不用再點了！-餐廳另外會送一杯熱飲，愛麗絲點左豆漿，就正正常常，不過不失。-相隔半年後再食，竟然水準

荃灣好似有幾間山西刀削麵，唔知佢哋有冇關係呢，今日同朋友做完運動經過就食呢間。雖然係下午茶，但係都叫咗個菜飯食，配口水雞。佢同我印象中嘅口水雞有啲出入，唔係有辣椒喺面，有啲貌似麻將嘅醬汁！以為食落去會有花生味，好在冇。辣度適中！反而用呢種牆，冇平時口水雞咁油膩 但係又有口水雞味。有味的菜飯，每塊菜都有味 最怕冇味嘅菜飯所以一定會有下次

每次經過荃灣都見有人龍排隊，今次見冇咩人排隊就入去試試啦😼，叫左一碗麻辣大腸刀削麵，一碗麻辣豬扒刀削麵，套餐會送豆漿，味道都幾好唔太甜😋！刀削麵湯底清清地，加咗蔥芫荽調味都夠味，我就加埋麻辣醬同啲蒜頭落碗麵度更加惹味🤣，只係叫左小辣都已經夠辣味，刀削麵麵質粗身好彈牙，同份量好大碗男仔食都夠飽！👍🏻麻辣大腸同豬扒上面佈滿蒜頭同麻辣醬，大腸滷得好入味，加埋啲生蒜頭真係食唔停口🤣，勁重口味！豬扒應該係翻炸所以比較乾身，所以唔太推薦🤫！5x蚊算抵食夠大碗，下次會再回頭😋

今日又同老公落荃灣搵食😋老公一向喜歡食刀削麵。呢間刀削麵係我哋平時搭巴士會經過嘅一間刀削麵店，經過左咁多次！我哋今晚終於食咗。我同老公每人叫咗一個兩餸嘅刀削麵 ，另外加咗$4要佢哋嘅秘製麻辣醬，另上嘅。之後仲叫咗一個小食 : 醉雞🐔 每人仲叫咗兩杯野飲一齊嚟睇吓兩碗刀削麵嘅賣相啦👉🏻我呢碗係大腸，鴨腎刀削麵老公個碗呢就係大腸，豬手刀削麵秘製嘅麻辣醬料，一半係蒜頭粒，另一半先係辣醬料🌶本身個湯底已經係濃湯，都幾好味👍🏻加咗麻辣醬料之後呢，成個湯底都好惹味。正呀！蒜頭粒我就落晒，麻辣醬就落左一半咋。已經覺得好辣麵質來講呢，本人覺得個面硬左少少，但係我老公就覺得剛剛好。醉雞方面，我就覺得一般，但我老公就覺得佢嘅酒味好重好好味，如果能夠去骨就更好 ！因為我不停咁樣咬到啲骨碎最後我哋兩個人一共食咗$170。價錢都係可以接受嘅。

間舖位於沙咀道近荃灣方向，人流就真係好多，每逢午飯時間都會有一條好長既人龍。今日行過，見終於唔算係好多人排隊，就排下試下係咪真係值得排隊食🤣今次我排左只係5分鐘左右就入到去lu入面裝修好簡約，中間兩條通道，全部坐位，所以都幾逼。我就叫左個麻辣豬軟骨刀削麵加豆漿先嚟個刀削麵，個湯底唔辣，但加上葱和芫茜，真係好香，麵質好彈牙，豬軟骨另外用碟上，上面佈滿蒜、花椒+辣油（未食已覺好麻辣），將少量麻辣汁加入麵内，已經好辣至於豬軟骨，軟骨部份好脆，肉質就好軟同好够味。食完個麵，唔駛運動，都出晒汗，好爽👍😂

.已經食過好多次，通常夜晚食都要排隊，所以自從試過一次坐喺度食之後，就都係打電話落去叫外賣多，10分鐘內就有得拎，都試過比少左個餸，搞到要再岀多次去，但係老闆為表示歉意都送多左樣野比我地試.老實說.態度都不太好，你唔落去親身感受，打電話都會感覺到，但依間確實幾好食，又大眾化價錢，所以我都keep住幫襯🤣.🌸麻辣豬頸肉刀削麵 $50⭐️⭐️⭐️⭐️辣味比較重，不太麻，仲會有蒜頭調味，好香辣，豬頸肉每一次都好食，淋淋地，麵都好有咬口，係今次突然間超級硬，硬到我以為佢俾咗叉燒我，如果佢保持日常水準係不錯的.環境：7/10服務：6/10好味指數：8/10回頭率：8/10

我一向都鍾情於手工製既食店，覺得係好大既誠意黎，所以經過就試咗呢間刀削麵店。我第一次食呢間店，當然就緊係叫刀削麵，過晒用得黎做賣點，一定對自己有信心先會咁做。而我今日想食比較重口味既野，所以冇揀湯麵，揀咗個招牌熱撈刀削麵（內有擔擔醬）拼豬軟骨，配豆腐。豆漿因為係整定既，所以一落完單就送到，冇咩特別，我對佢亦都冇期望（因為人地唔係豆品店），但起碼冇怪未豆青味。當碗麵黎到個陣，我係撈之前每樣個別試左少少。之後再撈黎食。首先，擔擔醬同我原本諗既有出入，我本身預算佢係好濃郁，好似平日食擔擔麵個種好重花生味既肉醬咁，但食落係似平時麵店自助式既菜脯咁上下感覺，食落有窄菜味，加啲山辣椒既味（唔算辣，我係個食唔到辣既人），少少酸酸香香，但唔係濃味，所以一同麵撈埋變左唔夠味。豬軟骨係淋同都夠味，但唔係似拉麵店食個啲豬軟骨咁又淋又化，佢係脆既軟骨同埋淋得黎係鞋既，食到一絲絲瘦豬肉纖維，反而豬軟骨味道濃過個醬。最後就係刀削麵，個麵其實算唔錯，有咬口，食手工麵大部分都係因為口感，所以質地咬口方面係值得欣賞，但因為醬汁味道唔夠，變相主要食原本麵自身既味，即個麵本身既味到係偏向甜甜地，所以我對呢到有保留。

每次路經這間麵店,都會見到一條長長啲人龍,所以一直都冇試過。今日中午,幫公司去完銀行,差唔多2點,過咗午飯時間,所以去到即有位。叫咗個麻辣牛展刀削麵(小辣),先嚟個牛展,牛展上面鋪滿蒜和好似係花椒的黑色點點,跟著個麵嚟到,睇落個湯都唔係好濃。第一啖落口,食到好重蒜味,唔覺辣,但過咗一陣,口腔開始有點麻和辣的感覺,非常美味,唔怪之得每日都咁多人排隊。

星期六踩完單車食咩好？今日我哋去咗荃灣搵食！去返最多嘢食嘅路德圍，揀嚟揀去就揀咗呢間刀削麵啦！睇完餐牌，叫咗一碗水餃雞翼刀削麵，朋友就叫咗水餃牛肚刀削麵，湯底我哋都係揀咗腩汁麵就當刀削麵啦。碗麵熱辣辣，一上枱就忍唔住要立即試吓，第一啖梗係要試吓啲面啦！果然係正宗嘅山西刀削麵，質感厚度岩岩好，廚師唔會淥得太耐林晒！正滷水雞翼大大隻，又入味，唔會有陣雪味！啲水餃就係韭菜豬肉，皮薄餡靚，友人嘅牛肚都好好味！可以encore之選！

有次經過荃灣 見到呢間刀削麵大排長龍 一直都好想試 到今日經過趁時間尚早 未排長龍就即刻走入去試下我叫左個麻辣牛展 湯既刀削麵 而男朋友就叫左個撈雞絲刀削麵佢既份量真係超大 呢個餐既配料可以另上 佢直頭係一碟小食既Size黎 牛展唔識太好多味 有啲韌 不過麻辣汁同蒜好夾 好味👍🏻 刀削麵既湯我要左唔辣 清清地 又幾好味！而呢個撈刀削麵唔會太漏 不過份量真係有點太大 所以最後都食唔曬總括黎講呢個刀削麵都算好食 不過早少少去食會好啲 因為唔洗排隊🤣 但都係推薦既 由其係湯刀削麵 大推👍🏻👍🏻👍🏻👍🏻 下次可以試埋其他送！

男朋友成日話帶我黎食 講左半年 終於黎問佢食乜最好 佢二話不說：麻辣豬頸肉刀削麵表示麻辣乜乜乜都好惹味 夠你食過番尋味於是我揀左麻辣牛𦟌刀削麵！等左陣 黎左個配菜先好多蒜好正呀媽咪口臭唔理喇！份量都幾多架喎 牛𦟌好爽口呀 食到shop shop聲豬頸肉都出色 一樣夠蒜呀登登登！主角駕到！刀削麵呀！佢每條都好好咬口好彈牙呀 好中意啲咁煙韌既野食 珍珠奶茶啲珍珠呀 bagel個啲咁！呢個湯底都好好飲呀食到辣辣地 飲番啖都好中和番個刺激味覺唔係講笑 都好飽 每條麵都厚架 佢仲要煮到確保啲麵係熟哂先犀利呀 唔會太淋又唔會太硬！I love you 刀削麵 好快再見架喇

好日都唔去荃灣，同姑姐姑媽出開去，就諗起呢間既特色撈拉麵/刀削麵好大碗超足料姑媽同姑姐就收湯麵當日湯頭咸左d叫左個海蜇，加埋青瓜一齊食，索索聲超級多蒜嚟親都好多人，唔坐得耐，lunch時間更加有排等…

黎過依間刀削麵店都幾次，小編每次黎都係食豬軟骨，再吾係就係水餃。今次又再黎到，想試下就口味。點知就岀事了。🐤麻辣手撕雞刀削麵 - $47跟餐包豆漿同熱飲就$52。個份量其實都ok，一碟仔的其實夠送一碗麵。但個味道就真係太岀乎意料。話就話麻辣，但其實除左上面有少少辣椒外，個手撕雞係吾辣的。仲有啲青瓜絲。個味道係酸酸咸咸甘，又有啲辣，成個感覺係一啲想吾撘，仲好怪。而且啲雞比個汁搞到一啲雞味都冇，仲有啲梅梅地甘添。下次再黎，小編都係食翻食開既算喇，免得又中伏。大家如果黎食，都吾建議食手撕雞。

成日都幫襯呢一間刀削麵，食親都係湯麵🍜不過天氣真係好熱呀，唔想飲熱湯見到有拌麵，一於試吓！叫咗佢本身推介嘅豬軟骨加肉醬，果然冇推介錯喎佢嘅份量好足，肉醬有好多，而且調味調得好好，比較甜，少許辣，幾啱我口味😘😘❤️另外豬軟骨真係好腍，軟腍腍，好容易咬，我估佢花咗好多心思去烹調，好入味，同樣份量有好多，大大嚿，食完啲餸其實都幾飽😋將啲肉醬撈埋刀削麵食都超級夾，刀削麵好爽口彈牙🤩🤩行到去路德圍諗唔到食乜，我都會揀返呢度，真心好食😋😋

好耐都冇食過刀削麵 所以就黎呢到食先 聽朋友講都話呢到幾好食 就一於試下先 叫左碗刀削麵 麵都算係正宗 因為夠晒大條 一定食得飽既 仲菜肉雲吞都唔錯 個餡都多菜肉 皮層都薄既 下次可以再黎食過