蛇王林 (Closed)

18-11-2009 凍到甩鼻的一天, lunch 腦裡只有 5 個字 --「我要食蛇羹」! 無分大中細的蛇羹 ($35) 份量唔少, 比已經幾大碗的銅記「蛇王二」(http://www.openrice.com/restaurant/commentdetail.htm?commentid=1875928) 更大 湯底極級濃甜, 配料就有新鮮蛇肉幾「粗壯」, 木耳絲, 薑絲及冬菇, 勁多「湯渣」夠晒有咬口, 啱晒我 仲有分開上的檸檬葉及薄脆, 檸檬葉令蛇羹清香唔少, 薄脆就真的又薄又脆 , 帶點麵粉香及「炸雲吞」feel, 浸落蛇羹一齊食, 滿足 環境簡陋又懷舊, 坐喺一個二個貼滿「毒蛇」label 的「百子櫃」旁食嘢, 都咪話唔驚, 哈哈 店員全屬上了年紀的老伯, 好友善好有禮貌, 離開時身心都覺得暖笠笠 $35 一碗, 值得一試.

我自己對蛇羹麻麻地, 但帶了個日本同事去試, 佢話好味喎, 忡幫我撰文幾句添!ヘビのスープ専門店です。ヘビと聞いてコワいと思うかもしれませんが、食べてみてビックリ！！かなりおいしいです。お好みで少しお酢と薬味をいれるとまた少し違う味が楽しめるので、1度に2度おいしいカンジです。さらに、お店の人にお願いすると、棚の中にいるヘビを出して見せてもらえます。ぜひ、お試しください！！

今日終於可以一個食晏喇...嘩, 仲唔食下自己想食既野...哈哈..放飯喇..我一個人由中環甲級寫字樓搭11號去到呢間食家推薦既蛇店...其實都幾遠下, 仲要第一次去咁遠, 又唔識路喎...繞左一個圈, 終於搵倒蛇王林喇...原來佢一d都唔難搵, 係我唔識路遮..哈..入到去見倒一個伯伯係度舞蛇, 原來佢岩岩係度劏蛇 "手羅" 蛇膽, 仲有人影相忝呀...勁! 見倒條活生生既蛇, 都有d驚. 當伯伯表演完後, 我聽倒有2個客人買蛇膽, 話對身體好喎...鍾意食蛇既我首先叫碗蛇羹(唔係魚翅) "long" 下口先,...薄脆同檸檬草係另外搵個碗仔上...薄脆好新鮮, 有香味..似係今朝炸, 唔同一般蛇店果d無乜味既...到主角蛇羹喇, 個羹唔太稀, 唔太杰, 岩岩好, 正如食家之前講過,真係幾難搵倒雞絲喎...d蛇肉有d鮮味, 係同出面一般蛇店唔同既, 所以佢都唔係好平架, 一碗$35蚊...食完一碗後, 未夠喉, 再同店子既女人(唔知係咪老板娘呢?) 講要多碗, 佢即刻笑笑口叫廚房拎多碗出黎..當我三扒兩勃吞噬完第2碗之後到櫃檯埋單時, 我同店子既女人講話我特登黎食, d蛇肉有鮮味,

公司就o係蛇王林附近, 上幾個星期天口凍都黎幫襯過幾次... 30蚊一碗足料蛇羹認真不錯. 同期去試埋深水步蛇王善, 論味道加風味, 都係呢間做得好o的.話說當日食食下有兩位外籍女士入黎, 阿伯佢地二話不說就係蛇箱度拎o的蛇比佢地影相, 推動香港旅遊業, 仲不時用廣東話問人影好未香港呢種蛇店, 呢種街坊feel, 幾時又會成為我地o既集體回憶呢..

2008年01月12日，17:20昨晚8時許到這店摸門釘，今天再來，為的是寒流到前，補多一補。進店時衹有一檯客，是一名帶子雄狼和他的寶貝們。這店環境經曲，百子蛇櫃和未上光油的原木檯。就這格局，環境一項我要送上5分。(集體回憶)蛇羹份量不算大，但渣比湯多，配料衹有冬菇絲、木耳和薑絲，蛇肉足、陳皮味濃，不會太杰。檸檬葉和薄脆，用小碟上，衹愛加檸檬葉的我，稍覺不足。差不多吃完時，帶子雄狼的寶貝，嚷著要看蛇，店內其中一個，白眉道人，二話不說，送上真人show。衹見他鬆容不迫，從百子櫃內取出一條金腳帶，可憐的小蛇變成了道人的活搖搖，時直時曲。那機靈的寶寶，看過後向道人說句多謝^m^如子可教。

I walked all the way from my office in Central to 上環...but 蛇王林was not open...wuwuwuwu....Anyone knows what are it's opening hours?Will go next time.

最近涼涼地, 午餐就賣甩不吃蛇的同事, 過左來食碗蛇羹.已經冇食蛇十幾年, 還記得媽打和老爸買蛇來, 蛇骨用來肴湯, 蛇肉大大舊要用手拆.這裡只賣一味: 蛇羹, 不分大小, 三十元正一碗.蛇羹落薄獻, 有點似媽打的弄法, 也足料, 另附檸檬絲和薄脆, 也有胡椒粉; 以前媽打不買薄脆, 索性用炸起的芋蝦碎當薄脆, 味道更香, 我可以一個人吃幾碗呢!這裡的湯夠鮮, 除了蛇, 還有木耳, 薑絲等, 口感豐富.招呼的是上了年紀的, 也服務一流.三十元吃蛇羹是頗抵吃的, 再涼一點我會再來吃.始終媽打弄的最好吃, 而這裡...大慨有第二吧!

沙士過後,在香港吃新鮮蛇肉已難,遑論街頭"撚"蛇表演?在上環禧利街,有間蛇王林,是用活蛇做蛇羹,有別其他蛇王店,用來自深圳的急凍貨色.見到門口鐵籠內的活蛇,似乎是信心保証.店內老氣橫秋,一個個如百子櫃般的木抽屜.外面寫住毒蛇,內裏真的有條毒蛇冬眠當中?再望其後門口,別有洞天,原來一籠籠活蛇,就是放在後門門口.坐在小弟後面的老夫老妻來吃蛇膽.只見蛇王拿起條金腳帶,三兩下手腳監生取出蛇膽.小弟沒有興致,來到當然是吃蛇羹,沒有分大,中,小.一碗賣$30.想吃碗蛇湯,糯米飯?對不起,沒有.只有蛇羹.小弟一向覺得當專注去做一件事,一定會得道.獨孤一味賣蛇羹,當然自家方面有信心.才會這樣去做.言歸正傳,蛇羹上桌.看見蛇絲份量足,先嚐到蛇羹的質感適中,不大杰亦不大稀.蛇王伯伯說其蛇羹用五種蛇去煲,至於是用邊五種蛇,就沒有再去追問.新鮮的蛇絲味鮮,細意吃下去還嘗到一點點甘甜.比起雪藏之無味貨色高出何止一班?比起某些標榜什麼"太史花膠五蛇羹"之蛇店,蛇王林更顯得樸實無華.老老實實.老伯見我拿住個相機,誤當小弟是從事某些行業,埋單時向我說介紹比其他人啦.)一定一定.

濃度適中, 十分好味

由於本港市面四季也有蛇羹賣，大部份人皆以為我們吃到的全為雪藏蛇肉。有天跟KC談起，方知香港現時還有店舖供應以新鮮蛇肉做的蛇羹。只是做的店子少，傳謀又未有報導，至使這寶貴的資訊，成了鮮為人知的祕聞。本港用活蛇做羹的店舖，除了KC早前介紹過的大埔蛇王海，還有亦是由他推介的上環蛇王林。蛇羹是我喜愛的食品之一，雖然上環對於家住觀塘的我，是頗遙遠，然為著這碗鮮蛇羹，我也樂意巴士復地鐵的專誠跑來試試。其實此店並不難找，從上環地鐵站B2出口，橫過對面馬路，見到便利店那條便是禧利街了。蛇王林就在禧利街的中段，路程不過三兩分鐘。只是由於店子細小，毫不起眼，故許\多人就是經過，也未必知道原來這兒有蛇羹吃.下午一時許\到來，店子一位客人也沒有，林老伯伯正在看電視。坐到廳中的殘舊木檯，眼前盡是一格格裝滿活蛇的木箱及一瓶瓶蛇酒補酒；在這環境下吃碗蛇羹，風味又對頭。這裡獨沽一味只賣蛇羹，每碗30元。湯底稀杰適中，鮮香甜美。蛇肉拆得工整細緻，份量甚多，是想找條雞絲也難。鮮蛇的肉質，爽嫩鮮甜，跟雪藏的分別甚巨!! 冬菇跟木耳絲的份量也恰好，為蛇羹添了一份幽香與口感。賣$30一碗，實在物超所值。我從觀塘老遠跑來，車費不

這裡賣了很多年的蛇，家母以前在家煮蛇羹煲蛇湯，也是每年在這裡買的。以往只賣蛇肉及其他蛇的製品，堂吃的蛇羹，是由舊年開始供應。老闆的理由，是「橫掂比酒家走數拖數，不如就自己賺埋」，而我等周圍吃的為食人，當然又多一處地方吃東西了。這幾天天氣驟涼，最好的就是吃一碗蛇羹，就來這裡坐下。這裡堂吃的話，只獨沽一味，單賣蛇羹，每碗三十蚊，沒有大小之分，亦不賣其他的食物。蛇羹是杰底，足料，蛇肉已拆絲，份量亦多，亦不覺有很多其他的肉類滲進在的。蛇湯很鮮美，冬菇絲及木耳絲可增強口感，另備檸檬葉絲及薄脆，吃得滿意。只見兩位阿叔在廚房內忙不迭的蛇、拆蛇，就知這裡真少實料。感情分，當然有在內，但單論蛇羹，也不差的。跟飲食雜誌去周圍吃的，不會找到這裡。來試下吧！