新記越式牛肉粉 (Moved) New Location

今天晚上有點悶熱 , 雖然到了晚餐時間 , 但仍未肚餓，可能中午吃得太飽， 突然想起吃越南菜開開胃口，先來個芽車快沙律，有足夠配料棷菜，蘿蔔絲，花生碎，但不太喜歡他用甜酸醬，沒有用上柠檸汁，不夠清新，可能是成本問題。 再點了一個扎肉撈檬，扎肉是切條的，有肉碎，葱粒，蘿蔔絲，枱上有檬粉酸汁任加，味道中規中矩。食完飯，我的飽滯感覺沒有了。店舖是做街坊生意， 很多老婆婆公公去吃，店員也很有禮貌，上菜也很快 值得一讚， 因為吃到的是人情味。

約了客人在長沙灣見面，完成工作後便一個人在長沙灣午飯，午市繁忙時間，經過一間越式餐廳門口看到有數位人士在等位，便決定一試，因為一個人關係很快便有位。果然不錯，香茅雞扒湯河粉，選擇了牛肉湯底，湯底濃郁有牛肉味，河粉比軟幼身，口入好滑，可加上洋蔥和香蔥一起吃，雞扒很好味，煎得皮脆內嫩，雞皮的邊邊都是脆脆的，份量也蠻多的有完整一大塊。加$6可配凍飲，total要$50多元一碗粉麵，價錢合理，質素不錯，下次必定要再試他的招牌越式火車頭牛肉湯河，眼見很多人也點這個。

來到荔枝角，想起友人推薦的越式河粉，難得來到，要再吃一次。店員幫忙安排位置，也很細心提醒我們有熱湯，要小心。餐牌店內雖然沒有飯提供，但是有3種粉麵（金邊粉，檬粉及河粉）可供選擇。加配冷熱飲品均$6熟牛肉牛丸湯檬配料分別有青檸，芽茶及新鮮香葉，可依照個人喜好加到湯麵調味。友人點的牛肉牛丸湯檬的湯底跟我的比較不同，大概是加了牛肉煮成的湯底，較濃郁。雖然味道滿分，牛肉軟腍及有香濃牛肉味，可是友人說份量較少，只有3片牛肉及2粒牛丸。香茅雞扒湯金邊粉相較之下，雞扒的份量蠻多，最後也分了一兩塊雞扒給友人才吃得完。雞扒上有一點蔥花，入口的時候香茅味很香很突出！金邊粉也加了一點芫茜，洋蔥及蔥調味，如不喜歡可以預先告訴店員。雖然湯底沒有友人的濃郁，但是這樣比較能突出雞扒的味道，清爽一點也不錯！熱奶茶用瓷杯裝的熱奶茶特別有風味，奶茶味香濃，為晚餐劃上完美的句號。

啱啱同太太去五日四夜越南旅行，非常懷念佢嘅牛肉河粉，今日去開長沙灣做嘢，梗係想OpenRice睇吓附近有冇越南河粉，果然冇令我失望，望咗一陣間，叫咗一個火車頭河粉，講份量來說，都幾大碗，但價錢50幾蚊，加$6再送你飲品，以長沙灣來講都算係唔平，速度真係好快，大約5分鐘已經有得食，河粉非常滑溜，牛肉都可以，豬肉丸正常，牛柏葉好爽口，但牛筋就好淡未，麻麻哋，加多$6要咗杯凍檸賓，湯頭比較濃郁，佢每一碗都會跟九層塔丶青檸檬同埋芽菜，芽菜好爽口，加少少青檸檬汁，令到個湯更加鮮味，鍾意食辣嘅我，還可以叫佢比指天椒，仲有越南特製辣椒醬，食完一碗已經非常飽，總括來講價錢唔算平，但味道及份量都可以！可以在encore

話說今日全香港都係睇復仇者嘅氣氛睇復仇者之前梗係要醫一醫肚先喇行過見到呢間越式餐廳咋咋淋入去食碗粉麵醫醫肚先餐廳入面可以叫既種類都係以粉麵居多。好在我本身都鍾意食河粉因為今日唔食食牛，所以就無叫牛食，就叫左個札肉河粉朋友就各自點左一個生牛河同熟牛河不得不讚呢度嘅上菜速度都好快，啱晒趕住去睇戲嘅我哋我碗扎肉河粉就不過不失啦，扎肉口感有啲散既，肉質唔夠實！至於啖湯底係幾清甜嘅成件事配落都幾清淡呀，希望下次可以試到牛肉啦

今個星期日，試下新餐廳～長沙灣一帶餐廳多數都經濟實惠，今日一於試新記。街坊餐廳除左抵食大份，樓面手腳快唔快，醒唔醒，態度各樣都係幾緊要架（我覺得）。今次係外賣既，所以講唔到食物住。本人認為樓面馬尾呀姐由落單至交貨速度以及準繩度同埋禮貌都係100分架下。最驚係食平野就老奉要受氣，呢間野個馬尾呀姐態度100分，唔怪得都多熟客。好，入正題。叫左一個火車頭湯河，雞扒撈檬，加碟上湯菜心。火車頭湯河：呀姐有建議分湯上，所以個湯底係另一個碗。仲另上左金不換同其他配料，係另一個袋。單睇呢碗河既料都幾足，食落係好食～但買外賣如果住得遠就建議唔好叫有生牛肉既，驚個湯凍左淥唔熟啲肉。雞扒撈檬：同返差唔多價位既連鎖越南餐廳比，呢間無論份量定味道都吊打。檬汁夠濃味唔係溝水果啲，雞扒好嫩滑。唔係直接掉去炸果種，真材實料。唯獨個白蘿蔔咸左些少。菜心正常貨仔，甜+無渣。合格又一抵食之作，下次再來。

夜晚晚肚餓，又想食濃味嘅野又想食有湯嘅野手，除咗米線之外，我只諗到食越南湯河，所以就算咗長沙灣食「新記越式牛肉粉」。越式火車頭河粉（$60）一試枱睇落好大碗，香味都好夠，亦附送香菜。翻起粉底聞一聞，飲一飲個湯底，飲得出唔係味精湯，應該係用牛骨煮出嚟嘅湯底。雖然生牛肉、牛腩、牛筋、牛丸、牛柏葉樣樣都有d，但真係只係有dd，每樣最多只有2舊，有d直頭又細舊又幼身，好似牛柏葉咁可以用「牛柏葉絲」去形容🤦🏻‍♂️🤦🏻‍♂️。香茅雞翼（$30）個香茅雞翼值得試一試👍👍👍。表面得好薄嘅粉漿，好似日式天夫羅咁，薄薄嘅粉漿食落口唔會成口炸粉，同時代表大大隻雞翼，大部份都係肉，唔係用粉漿扮大隻。食落係重香茅味嘅，因為新鮮炸起、所以有足夠熱力同油香，肉香味、油香味、香茅味同一時間散出嚟，真係幾好食。今次係第2次食，除咗份量小咗咁，味道都無點變。同埋，因為比較夜去，食到中途店員開始收檔閂鋪都無趕我走，仲叫我慢慢食，佢地就係廚房執野，呢一點值得加分👍👍！

每次放假第一餐必去新記， 侍應姐姐都認得我啦，侍應姐姐友善而且常常掛著親切笑容很有人情味感覺，食飯時間都要排隊 ，但好快有位，因為出餐很快。推介:生牛肉湯河，豬頸肉湯河，雞翼湯河，雞扒湯河，絲網春捲(每次都必點)生牛肉湯河:配一些香草另上，湯底甜甜，牛味濃，份量夠大豬頸肉湯河: 燒豬頸肉是另上的保持香脆，我另外加點牛汁，令湯河的味道更豐富。絲網春捲:新鮮炸起有幾靚的金黃色而且上枱時熱辣辣，包著生菜食感覺冇咁肥膩減少罪惡感

我同朋友行過見到呢間餐廳，諗住食二人lunch ，見呢間野食麵又清清地又有特色，就坐低叫左炸雞翼撈檬，炸雞扒河粉，酸辣鳳爪，凍奶茶少甜兩杯☺️份量大又低食，夠飽肚，味道ok,服務態度好好，見到侍應對熟客有講有笑，好融合，友善😉👍🏻環境比較狹窄，餐枱三四張，但人流食得好快，唔會驚等位等得太耐☺️👍🏻可以再來試食多幾次，但唔好一群人來聚餐，會坐唔落甘多客，基本上值得推介俾朋友，係一間特色又好味餐廳！

行過見到都有D人等, 應該唔錯吧, 又見個個都叫湯粉, 所以我地都叫LA。叫左豬頸肉湯檬粉。豬頸肉另上GE, 仲有好多添! 呢度偏清淡, 豬頸肉調味唔會好濃, 好食。個檬粉份量多, 但湯底真係太清, 偏淡。另叫左個札肉雞絲米紙卷。米紙夠軟熟, 唔會硬, 有2大舊!入面有紅白羅白絲, 札肉同雞絲份量都好足, 好FRESH好健康。

公司附近都算多餐廳但係好容易食嚟食去都係嗰幾間好容易就食到悶有同事尋找一下遠少少嘅地方見到有越南菜幾特別就試吓試過幾次都唔錯所以就上嚟分享一下呢一間都算係小店座位唔算好多lunch時間去嘅話都幾多人如果太多人去嘅話就未必等到位了佢呢度嘅選擇唔算多大部分都只係入面嘅餸料唔同咗主要都係食佢嘅牛肉河同埋撈檬豬頸肉撈檬我自己最鍾意嘅就係呢個豬頸肉撈檬有時候我都會放工特登過去食佢嘅豬頸肉外皮好香而且好爽口檬粉亦都煮得恰到好處夾起嚟唔會痴埋一嚿佢嘅酸辣汁係另外有一樽擺喺枱面多少自己調教，唔夠鹹就可以落多啲酸辣汁味道好好，少少辣又唔會太酸 唔錯唔錯

由於早幾年係附近學校讀書偶爾都會行過黎食午餐今晚約好左去D2place睇戲臨睇戲前決定黎食翻個撈檬黎回味當年--餐廳就係元州商場斜對面依然係幾年前既模樣坐位都唔多 仍然咁旺場好在一去到岩岩有位--緊係要叫番個火車頭河粉個湯真係世界級！同我去越南食一樣咁好食夠味道得黎又唔會過分濃同咸牛腩香腍，牛根滑口再黎一定會叫番火車頭-雞翼撈檬雞翼炸到十分香口，肉汁都好足夠-豬頸肉撈檬呢兩個撈檬既精髓都係個汁度酸酸甜甜，愈食愈開胃建議如果兩個人黎可以share先食撈檬再食湯河如果唔係到食完果刻都會因為太開胃未夠喉-足料既米卷包住扎肉清新得黎又唔會太單調既味道-加飲品只係$6 冷熱同價咁緊係一人一杯啦！事隔三年，店鋪水準依然睇得出附近都有唔少棒場客職員都好親切好多謝你地咁用心經營，要繼續做好食既湯河

家人帶路食越南菜，檬粉售罄，不能點撈檬，家人就點了湯金邊粉。金邊粉非常煙韌，很好吃，配合清湯的鮮味，整碗金邊粉味道更上一層樓。豬扒燒得很香很惹味，仍保留肉汁，肉質不會乾巴巴，必點！外觀亦很好，燒得不錯。另外一碗是豬頸肉湯金邊粉，豬頸肉亦燒得很香，外皮脆脆的，狙擊我地個胃。我就點了生牛河Pho，對於生牛肉實在難以抗拒，湯汁亦充滿濃濃的牛肉味，正！加入芽菜更爽脆。不過河粉沒金邊粉咁好食，下次會叫返生牛金邊粉。叫左個米紙卷，用料十足又健康，點醋更好味。

青山道轉角位遇上生牛肉河呢間越式河粉裝修簡單、平民！黎到顧客多以街坊為主，好多人同店員有傾有講，應該都係常客。order左最基本既越式生牛河芽菜 羅勒 青檸檬 都係分開碟上 好細心照顧到有d人未必中意落呢d配料！一開始梗係試下佢個湯！色澤呈深啡色，湯底應該用上牛骨熬製，飲得出好鮮甜碗內仲有蔥花、洋蔥、蒝茜、蘿蔔片生牛肉片呈粉紅色 望到都流曬口水河粉幼滑、有小小米香味，份量頗多👍🏼食完一碗好滿足！屬於平民既越南粉

在長沙灣想吃碗越南河粉其實不容易, 因為只做越式的餐廳不多, 而專門做越式粉的只此一家,再者佢價位大眾化, 最適合打工仔幫襯, 所以平日飯市經過見人太多唔想入, 剛好這天是星期日,上班的人休息了, 見內裡有些吉位, 一於入去醫肚, 40蚊的生牛肉河, 份量唔算好多但亦都喂飽個肚啦, 跟一小碟芽菜同金不換, 湯底色唔深, 味道係純牛肉味,但就沒有複雜嘅香料味道, 喜歡清一點湯頭凡我收貨了, 如它日有緣再聚,