新麻蒲 BBQ (波斯富街) (Closed)

店內入大部份都係卡位，有燈包圍住張卡位，好鮮明，都幾舒適一坐低就有5款前菜，包括大大碟的泡菜、醃製咗的洋蔥、海台、大豆芽同蘿蔔片，全部都較得幾好味另仲有一碟沙律菜，加咗類似乳酸汁，又幾好味最同仲有一碟生菜俾你包住d肉食開爐後店員會為你整爐邊蛋，係免費的，預先加了少許泡菜在中間點咗SS1牛肉套餐 -2人套餐 $3981. 特級霜降牛肉100g - 有4片，算幾大片，都幾肥美，只係有d位有dd韌2. 秘製牛肋排120g - 切開後有7-8舊，醃完甜甜地又幾好味，肉質都好淋，覺得仲好過霜降😂😋😋3. 新麻蒲秘製牛五花肉120g - 非常薄切，好易熟，都幾好4. 特選什錦拼盤（年糕，蘑菇，豬肉香腸，大蝦），隻蝦好鮮味😋，其他正常5. 新麻蒲部隊鍋- 有午餐肉，腸，泡菜，五花肉，芝士，豆腐同一個麵，份量唔算多，2人食啱啱好，味道都不錯

十兩個女仔黎左食韓燒叫左一個牛肉二人餐食物黎得好快 一黎就上左沙律頭盤基本上坐低10分鐘內落ORDER 生野食都黎埋啲野食多到我地兩個都食唔晒員工好好 每次加雞都會幫我地換個烤盤蛋入面加左泡菜 而且雞蛋煮得好滑牛肉很雪花 燒耐左都唔會鞋同老豬五花很香 層肥層瘦咁 唔會食到成口油但薄切豬太肥 成日燒到搶晒火 嚇死我地豬皮係賣點 燒出黎小小脆邊超嫩滑 而且腌製得味道剛剛好海鮮煎餅煎得好香 餅唔會太生 而海鮮都唔會過熟都係可以encore之選另外 佢個抽風系統做得10分好 食完個身都唔會有陣燒烤味

韓國燒烤（韓語：고기구이），是朝鮮族的傳統烤肉方式，用生鐵鍋烤肉，食材以醃漬的肉類與海鮮為主。早期香港的韓國烤肉店極少，除了在韓國街（金巴利道），有「梨花苑」，價格偏貴。80年代的「滿拿」是港人集體回憶，烤爐中央是圓形的龜背，盾牌，頭盔鍋，四邊的坑道滿載韓燒汁。爐頂有高塔式抽氣機。「濕烤」價錢親民，幾片肉伴韓汁，可以食兩碗飯。90年代港式韓烤出現，多名為「漢X」 ，因當年南韓首都名為漢城。2014年8月是重要的時間，此店作為南韓最大的韓燒店集團，在韓流風下登陸銅鑼灣。同年另一集團-喜來稀肉亦落戶，富臨酒家集團的炑八韓烤（韓語解吃貨圍爐共聚）亦遍地開花（銅鑼灣現有兩間）。以開飯寶典網評統計，寫文時此店有好評😋205，炑八韓烤黃金廣場店好評😋123，喜來稀肉銅鑼灣店好評😋67。本年優秀開飯熱點大獎是此店獲得。有趣是此店作為正宗韓燒代表，開業在港式韓烤代表漢和的鄰厦。一路之隔，有兩種大有異趣的燒烤模式。🔥烈焰玉環剛好4年了。有「無限續餐」(半任食)慶祝套餐。兩個人只需付396元（另加一費）。每人包一杯飲品，我飲桑莓果醋。嫣紅嬌豔，與此店紅色磚牆映襯，酸溜濃甜，似妳的韓女性格，如火如醋，如雪如

openrice 食評可信嗎？？ 此店之食物質素比起任食韓燒還要差！ 生平第一次食過甘難食既韓國燒肉！一試難忘！最厲害居然會有甘多讚賞評語！ ！ 真係發掘唔到有邊款食物可以稱得上合格！ 連店內員工都知悉自己公司的食物質素，急急收低食物頭也不回就匆匆離開，可見員工尚覺得慚愧！前菜小碟沙律泡菜通通是暖暖的，是半熟嗎？ 所謂的蝦 未燒時，頭已經自動分開！ 真的不敢放入口中！ 所謂的肉，正正是$188 任食任夾的那一種！(可能更差) 新鮮？？？ 新鮮~~~ 真是大開眼界！ 嘆為觀止！有良心的嗎？

和舊同事聚舊，來到銅鑼灣新麻蒲BBQ。午市有午餐供應，包一杯飲品。先來幾款前菜，我最喜歡吃泡菜，辣辣地很滋味。芝士炒年糕伴拉麵拉麵香滑細軟，芝士味香濃，呈拉絲效果。周邊的配料有陣陣的泡菜香味。鮑魚蔘雞湯鮑魚大大隻，煙韌得來又很鬆化，鮑魚味香濃。蔘雞湯滿載著人蔘味，雞肉香滑，更有一粒粒紅棗，真材實料，一瞬間我便把湯都喝完，非常好味。藍天檸檬汽水檸檬味突出，酸甜味並重。結帳每人一百元也不用，非常超值，有下次。

我很愛吃牛肉，特別是燒烤牛肉最為美味，上次在這間店食過，牛肉質素很好，能以六佰幾的價錢吃到中高水平的韓牛燒烤套餐，絕對超值，而且這䦔店的店員有禮，服務又佳，我也忍不住上食評讚讚。牛護心肉不肥，食落有彈性中滲著特別肉香，一試便愛上，牛肋排有少許油花，我不太懂如何燒得好吃，店員給我細心示範，她說牛肋排不太肥，用網燒最好，大火將牛肋封烤焦，鎖著肉汁，我吃了一口，真美味，那油香牛香牛味傾湧而出，不用㚒生菜，原汁原味吃最正，好好味! 套餐的蝦好大隻，虎蝦啊，肉Q彈又鮮，上級貨，那些韓式豬肉豬都好吃，夠咸香，我愛配以泡菜同嚐，咸咸辣辣幾好味。最後食埋部隊鍋，爐邊蛋，部隊鍋D辛辣麵好爽彈，韓國餐肉無國產咁咸，肉味好好，友人話唔夠辣，勁加辛辣醬，攪到成煲麵血池地獄，友人係辣鬼佢痴線話話勁好味。爐邊蛋加芝士烤到焦焦地，都好惹味，咪浪費唔食。P.S 豆粉冰好吃。

✿╮❤╭✿ ✿雜感女生 好味日記✿ ˚*•✰。新麻蒲BBQ．蟹逅韓國。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 是夜，被熱愛韓食的B小姐帶往韓食店 今次我們拜訪的是「新麻蒲」 B小姐熱愛蟹膏，又時值吃蟹季節 因此，今餐自然是品嘗韓國的醃蟹 「新麻蒲」餐廳環境寬敞，主打4人卡位，還有大台供大型聚餐 餐牌是金屬面的，好特別 店員親切的送上6款前菜小食 都是可以追加任食的 我特別喜歡泡菜、沙律、洋蔥 辣香中帶鮮味，有韓國特色 韓式醬油醃生蟹 鮮香的蟹肉香氣，拌生雞蛋同吃，口感特別香滑 膏多肉鮮，味道濃郁 蟹肉一吸入口，再配上色彩豐富的拌飯，視覺與口味都同時滿足 作為韓國五大名菜之一，做得非常出色 韓式甜辣醃生蟹 味道比較刺激，甜中帶辣，口感濃稠 令蟹肉多了一份味覺衝擊，同時又令白飯更加吸引 泡菜五花肉 蒜香十足的五花肉，燒得剛剛好，肉質厚而多汁 是燒酒的好朋友 這裡的韓國菜份量十足，味道有水準 因此，可以無限免費追加前菜小食 我們都沒有追加——因為份量很足

今日雖然落雨，但放工都想去銅鑼灣行下街食下野，見到有好多餐廳嘅選擇，而今日想食韓國嘢，就揀咗呢間餐廳，雖然餐廳多數都係食韓燒，但因為怕熱氣，所以決定食其他韓國食物餐廳嘅座位都算闊落，坐得幾舒服一坐低店員就拎左幾款小食嚟，其中一款係雜菜沙律🥗，配搭好清新，有青椒紅椒生菜蕃茄仔等等仲有幾款小食包括泡菜、海帶、酸蘿蔔同洋蔥，海帶酸酸地好開胃，而泡菜嘅口味係較咸，食完呢幾個小食令到胃口大增女仔一見到又可以美肌又健康，就當然會揀杯果醋飲品啊！我就揀咗杯石榴果醋，酸酸甜甜一定好好飲，好適合夏天賣相幾靚，顏色鮮艷，睇見都覺得解渴，飲落去似蘇打水我哋見餐牌話石鍋牛肉拌飯係推介食品，雖然比較普通，但落雨天想食啲熱嘢材料好豐富，有牛肉、菇菌、蘿蔔、芽菜、雞蛋同其他雜菜，攪勻之後食熱辣辣好滿足，而且有好多蔬菜，感覺好健康，如果有埋飯焦就最好啦因為我朋友喺個芝士控，而且好鍾意食年糕，所以必點芝士炒年糕拉麵上面鋪滿一層厚厚嘅芝士，配料仲有雞蛋、魚片、大蔥等，配上甜甜嘅醬汁，趁熱食係好惹味，而年糕口感好煙un，煮得剛剛好芝士做到拉絲效果㗎！兩個人埋單二百幾蚊，下次有機會會試吓韓燒

之前去韓國食過一間醬油蟹好失望，今次跟朋友去諗住姑且試下，點知超驚喜，真心鍾意食醬油蟹嘅朋友仔好值得去食下！👍🏻1. 韓式醬油醃生蟹伴飯（＄178)🦀🍚食得出佢地嘅醬油加入左其他調味料一直醃，入口好濃味之餘，生蟹都好鮮甜，重點係有超豐富嘅蟹膏，仲要嚿嚿都有，而佢隨醬油蟹附送嘅蟹子飯用黎送依個醬油蟹簡直係一流！😋個飯材料豐富不在話下，攪勻再加蟹肉、蟹膏、醬油一齊，極滿足呀！彤樂評分：9.5/102. 泡菜五花肉（＄78)五花肉質好鮮嫩，略偏唔夠多汁，不過加左秘製蒜蓉泥醬一齊食，就彌補左，仲多左一層層次感添👍👍👍彤樂評分：8/10

在香港，韓國餐廳有很多，但說到有質素的，卻實在不太多，而新麻浦韓國餐廳絕對是有質素的其中之一，雖然價錢不太便宜，但卻是十分值得。當天晚上我和朋友在這裡吃晚餐，首先來的就是前菜，包括泡菜、沙律等，十分豐富，充滿韓國特色。主食方面，我們則點了石窩拌飯和芝士年糕拉麵，當食物來到時，其賣相也已顯得很吸引，前者既有蔬菜，又有牛肉，吃起來十分健康。而後者的麵條伴著邪惡的芝士和很有咬口的韓國傳統年糕，也十分美味。我們也單點了價值$200的牛肉去燒，縱然比較貴，但充滿肉汁，而且也很鮮嫰。總括而然，這一餐韓國菜吃得我們很滿意，以後必定會再來。

其實由幾年前韓風係香港吹起，到今日我都幾鍾意食韓燒架！不過成日嫌貴，今次朋友帶我嚟食呢個lunch set真係好正未算好平，但我覺得合理又好味黎到已經比多款前菜比我地 每款都可以再添，蘿蔔酸酸地好開胃 (不過好彩佢唔係黃色個種因為我唔太食...)叫了豬肉套餐同牛肉套餐都唔少肉，啱曬各位食肉獸 豬頸肉好爽口好正 牛肉都幾好，唔會有根好難咬，肉味都幾重，燒完都仲有肉汁會有生菜附送比大家夾菜！ 咁樣食無咁流 同埋食多啲菜都需要嘅！爐邊蛋都唔錯，配埋泡菜一流仲有飲品同飯跟 好正啊！

我同個好姊妹決定每星期都要搵一日一齊食lunch，因為工作實在太忙太辛苦啦.....但係又手停口停㗎嘛......既然做得咁辛苦，就梗係要食好啲啦，我同佢都好鍾意食韓國嘢嘅，尤其是去烤肉呢!今晚去銅鑼灣呢佢公司附近嘅一間叫新麻蒲，價錢都幾經濟㗎又幾十蚊到百幾蚊就有LUNCH SET 揀~~幾十蚊就係食呀呀人參雞湯啦石鍋飯呀嗰啲傳統嘢啦.~~~咁如果係百幾蚊嘅套餐呢，就可以D都幾靚嘅燒肉㗎啦~~~lunch食燒肉係特別抵食，因為夜晚鬼吖嘛 咁我哋今次呢就嗌咗兩份極品燒肉啦，同埋一個清燉牛骨湯咁樣，首先呢就梗係嚟咗好多前菜先喇~~都幾好味㗎~~不過我哋留肚食燒肉，所以呢就唔係食咗好多啫 杯木我哋嗰套餐呢定係包咗個韓式辣海鮮鍋，用嚟送飯真係一流呀！中和咗燒肉嗰種熱氣呀！ 咁呢啲肉未到呢，首先就開咗個爐先啦，店員呢就倒咗啲蛋漿喺個爐邊嗰度，我哋開頭諗死啦，食lunch得一個鐘會唔會唔夠時間煮熟啲蛋呢？但又ok喎，我哋食咗大半個鐘到啲蛋又開始熟喇至於份肉呢，有牛肉啦，又五花腩喇咁，另外有一d 牛肉粒咁我自己覺得係超級好食㗎！咁但係呢，就有少少肥。。。。不過如果燒肉唔肥又點會好味呢？就係燒到啲油脂

今次我哋四個人一齊食韓燒兩個大人兩個細路 每人叫咗一個餐因為有午市買三送一優惠 好抵呢!!! 計返一個人都唔洗$100蚊份量都岩岩好但係小朋友肚餓 一見到紫菜飯已經係咁食餐牌仲有其他熟食架 不過難得有時間可以韓燒下啦!套餐除左肉之外仲有 菇類~我最鍾意係食護心肉 味道唔錯 而且有口感!!!!唔洗點醬汁  已經好夠味~其實落單無耐就上小菜同開始爐邊蛋啦 都好快啦!!再加上係平日下午 所以唔洗迫人可以傾下計坐下慢慢食我地仲叫左藍天檸檬汽水同埋石榴果醋 好靚呀~

很久沒有食韓燒就試試這裡也挺多好評的新麻蒲，不食完真係有幾個問號係個頭度？？地點都算好方便，一出地鐵站就見到。這裡的服員經常會看不到你，要麼就很忙的樣子；要麼就很快地走過，無論係接待、落單、加單...🤦🏻‍♀️⋯⋯還有一點，這裡是強國人既天堂！仲以為去左羅湖商業城，服務員有跟強國人說下次光顧優惠，卻沒有跟我們說...一開始感覺不是太好...你不時會廳到大大聲捲哂舌既強國話，唔介意既朋友...可不作考慮因素。講到食物...水準真係好一般，令我對韓牛減哂分，我地3個叫左個$678豬+牛餐，加埋一成700蚊...寫就話夠4個人食，結果我朋友要叫多2個麵塞飽自己，可憐！我諗2個人先係岩岩好，我已經自問唔大食....最可憐係餐包個個部隊鍋得半個麵，夾一住就無左，咁叫4人餐？🤷🏼‍♀️服務員又快快手收左我地仲有隻蝦既碟...叫都叫唔停...又少左隻蝦食...🤦🏻‍♀️（喊...）下面遮住得半個麵...說好的4人餐呢？部隊鍋咁無難度既食物真心整得好一般牛肉點解話差呢？因為仲係雪仲係冰！感覺.....無咩牛肉味...豬肉太硬和靭⋯⋯份量唔夠已經講左....係餣左個種牛肉粒...餣味幾好火炙壽司都幾好食既..

朋友想食韓燒，但我又怕成身煙味，仲要lunch完開會，最怕一陣肉味返office! 不過今次佢book 左呢間新麻蒲BBQ真係得，我件麻料衫一d 味都無，因為佢地用左無煙煙通，堅吸哂d 油煙，食完再返工都無問題!我地三個人叫左2個特盛$168燒肉餐，1個牛骨湯，唔喜歡燒的朋友都有好多selection, 泡菜飯etc!講真個餐份量非常好，必定食飽飽!除左出名既健康豬肉之外，唔同部位牛都有三種，每種三件，包唔會到喉不到肺，加上大大碗紫菜飯，燒完d 肉汁放上飯面，超!好!食!牛夠厚身，肉汁juicy, 五花腩大大件要包菜食waiter仲要比左個好特別既蛋汁係鍋邊，食完肉再食烤蛋，甜甜地好好食!韓國人仲意飲果醋，健康d又解油，呢度好細心加左cover, 唔怕太多野易掉瀉! 仲有個海鮮湯，同牛骨湯，夠林身但比較清甜茲保!