新麻蒲 BBQ (波斯富街) (Closed)

新麻蒲有好多分店，今日就黎咗銅鑼灣嘅分店。一入到去就見到好多唔同國籍嘅客人，估唔到咁出名，所以餐牌有齊哂中英韓文。因為野食多到眼花撩亂，有選擇困難症嘅我地最後叫咗豬肉套餐($368)。套餐包括護心肉，五花肉，豬排骨，什錦拼盤，部隊鍋。肉類同拼盤用一個3層架黎上枱，拼盤入面有年糕，蘑菇，豬肉香腸，大蝦。護心肉同豬排骨燒完之後肉汁超鮮甜，可能係因為用秘製嘅醫汁黎腌，五花肉嘅腩肉同瘦肉條理分明，好有口感。餐廳會提供前菜，亦有生菜提供，包住d肉一齊食，冇咁油膩，口感亦豐富左。部隊鍋上枱嘅時候好清，煮煮下湯底先會開始變成橙紅色。同其他店鋪一樣，有韓式拉麵，年糕，香腸，金菇，午餐肉等等，冇咩特別，不過比起平時食嘅冇咁辣。總括黎講，環境舒適，服務周到，依個豬肉套餐比教適合咩都想試試嘅人，不過分量就較少。

今日難得可以同好耐無見嘅親愛的撐枱腳，就去左新麻蒲食烤肉。已經好耐冇食過韓國燒肉了！今次我地食套餐，仲包左飲品！┏ (^ω^)=點完食物之後，首先會送上多款既前菜小食，仲有一碟沙律，沙律十分開胃可口，同時亦會加入爐邊蛋同泡菜，仲係無限添加，讚！今晚的主角 － 燒肉拼盤分別有牛五花、牛前胸肉、牛舌、薄切韓牛牛扒、豬五花腩。肉類整體質素蠻討好，味值與顏值均比其他韓燒更好。整個桌子都堆滿食物，可見套餐食物份量不少，兩個人食都食唔哂！勁飽勁滿足！另外叫了兩杯不同的梳打飲品，味道也不錯，期待下次再黎呢度試下其他食物*^_^*

今日一家人難得食晚飯，當然揾間坐得舒適，就腳方便Shopping mall 的韓燒，韓燒係我地一家人好耐冇食過，預早book 位有著數一入到歺廳，就不用等侯，歺廳近sogo ,行完街Shopping 就近得多食飯前菜有Kim chi , 酸瓜，蘿白另有沙律我地點叫一個歺，湯底不辣，有金菇，豆腐，腸類等一個層層碟的盤盛載，有豬肩背肉，肥牛，豬頸肉，牛柳，鮮蝦，非常豐富，韓式食發配生菜，當然任食，湯滾後， 加左海鮮，韓國芝士面呢下次再黎同朋友食歺勁

A姐話食牛對皮膚唔好，所以佢成日都話，既然破介，就要食最好，就算唔係最好都要係第二好，咁先唔會嘥quota喎！所以今日經過銅鑼灣見到新麻蒲有濟州島直送嘅頂級1++韓牛，咁矜貴嘅就最襯A姐啦。頂級1++韓牛韓牛同和牛都一樣有分級數，由1++、1+、1、2、3級，最好味最矜貴當然係1++韓牛啦，視乎油脂比例等級相對越高。韓牛唔似和牛咁入口即溶，但牛味相對更香濃，簡單燒兩燒已經又香又多汁，油膩感較輕，嫩滑易溶化，口感軟腍。牛胸肉大醬湯大醬湯都算係韓國嘅代表食物之一，呢個大醬湯加入咗牛胸肉，令湯底更加濃郁，夠晒香，而大醬同調味料都啱啱好，唔會太鹹。加埋白飯真係好滿足。

新麻蒲BBQ出名高質，之前食了幾次韓燒，都好正，上次韓燒仲見到成班韓國人黎食，可想而知味道有幾正宗，但是真係唔明白為什麼韓國人去旅行都要食返韓國菜今日得兩條友就唔食韓燒，試下石頭鍋飯先主食類價錢唔算貴，款款都好吸引先上菜是石鍋牛肉飯，最鍾意食石頭鍋飯，配菜有紅蘿蔔絲，大豆芽，海帶絲，牛肉， 加1個半熟荷包蛋，熱辣辣將它撈勻，好香的麻油味，石頭鍋底有少少飯焦，好正泡菜豬肉湯，一大鍋，熱辣辣，辣味剛剛好，豬肉嫩滑，韓式辣醬好啱口味每次你必點的甜品，紅豆豆粉雪花冰，真的是每次必食，份量超級大，雪花冰入口即溶，配以煉奶，不會太甜，又有南瓜子粒，真的是一口接一口，食不停。之前仲試過抹茶口味，非常值得一試，是一款食完會掛住的甜品仲有無限量添加的前菜，真係好似去左韓國甘，其實真係好抵食👍

今次係銅鑼灣就揀咗'新麻蒲BBQ'整個韓國晚宴先，去到坐位寬敞唔會迫迫夾夾咁，依間跟一般自助韓燒唔同，係散叫或者叫set。我就揀咗個set有蝦，菇類，仲有2至3款牛肉，個餐仲有個部隊鍋,同埋火焰牛壽司，跟得個餐仲有2杯無酒精飲品同埋一個甜品。落完order之後就上5至6款前菜，1個沙律，之後仲幫整埋個爐邊蛋，佢哋唔係only倒蛋醬，係會放咗 泡菜後再倒蛋，令個蛋更惹味，佢哋海鮮同肉就好似 high tea個盤咁上感覺好 high tech，之後再係枱嘅另一邊煲個部隊鍋，個部隊鍋係2人份量所以唔會太大份。一邊煲緊個鍋我就已經急不及待燒肉，先燒特級霜降牛肉,肉質唔錯放上少少辣醬再配芽菜味道其他肉都係咁不斷燒不斷食最後當然要食埋個甜品。

今晚揀韓國嘢食，燒一燒去令火辣辣嘅天氣熱上加熱過一個火熱辣嘅晚上，當然要有冷氣嘅地方先食。坐定定之後就睇吓 menu 有咩好食，實在太花多眼亂，最終我揀咗個set食包飲品同甜品。前菜嚟到佢有一款海帶同醃蘿蔔我覺得好好味，仲有個沙律個沙律汁酸酸甜甜咁好好味跟住再送埋D肉同個火焰牛壽司，依個壽司嚟到係生牛肉會問你要幾多成熟，即場係你面前燒個飯細細粒更加食到個肉味個爐邊蛋熟咗都唔會黐底仲食到少少脆邊。在等緊個蛋熟嘅時間我已經燒緊肉，先燒特級霜降牛肉,再燒個護心肉，係個肉好軟淋淋又香肉味，食一舊咩都唔加，另一舊就加菜加蔥加辣醬同洋蔥包埋一齊食又另一番風味，之後再光牛排骨，依個肉身就簿少少但好香肉味，之後再燒蝦同菇。兩杯無酒精飲品我哋就加錢飲咗特飲，1杯菠蘿，1杯士多啤梨味道都唔錯，之後食埋個紅豆豆粉雪花冰依個甜品面上面有一層嘅豆粉配杏仁片再加埋雪花冰好夾好好味。

一出lift門就見到大大個IU紙牌，未食都已經令人心動喇！😍😍😍Order了兩個午市套餐，午市套餐價錢最平$68就有喇，仲要包埋飲品，非常抵食！這碟芝士炒年糕伴拉麵🍜以鐵板鍋房上，可以保持溫度熱辣辣，慢慢食也不怕。拉麵麵條軟硬度適中，配上海量嘅芝士，入口芝士味非常濃郁。伴菜有仲有雞蛋、魚糕、年糕，非常豐富。雖然係餐牌度表示這個拉麵是辣的，但比預期中不太辣。反而醬汁偏甜多，甜中帶微辣。所以怕辣既人，應該都會岩食呀！！！烤肉特級午市套餐份量令人超級滿足，有霜降牛肉、五花肉、牛肋骨和護心肉而且仲有什菇作伴菜。最好吃的霜降牛肉脂肪呈雪花狀，入口即溶，牛味超濃呀！套餐仲有紫菜飯....單係吃烤肉都夠哂飽了！再加埋菜飯真係不得了！喜歡的話烤肉仲可醮上海鮮醬汁，令烤肉更鮮味。爐邊多加有泡菜，辣辣的加好吃，而且添加了多一層口感呀！

熱辣辣既天氣，真係行多步都唔想呀！晏晝行左陣街就搵同朋友嘆番個lunch回一回氣！通常黎依間餐廳都係一班朋友食晚飯，晏就時段黎食都係第一次。想不到午市套餐抵食又多選擇！Order左特選午市套餐，套餐包括有霜降牛肉、牛肋排、護心肉、五花肉及什菇，非常豐富。等待套餐上檯前，店員已經預先奉上前菜，前菜既份量都幾多唷！套餐除左有肉同肉同肉之外，仲配有紫菜飯，食完真係飽到上心口呀！五花肉又大件，又肥美，肉質滑嫩，質素絕不比霜降牛肉遜色呀！霜降牛肉脂肪分佈平均，入口肉味濃郁，肉味非常香。套餐仲有海鮮大醬汁，點埋加多了一份鹹鮮味。另外，再追加了一份春串辣雞。雞肉醃得非常入味，辣度都好夠，愈食愈辣，愈辣愈滋味呀！

過下韓燒引有日收工突然想食韓燒，一岀到地鐵站搵男朋友，就見到岀口正對面有間新麻浦呢間餐廳我係幾年前都食過，但近年香港好快速地開左好多間燒肉店，就一直未有機會番試呢間。今次就咁衝上去，八點半，立即就有位！我地兩個唔叫好餓，所以就只叫左一碟肉同一個飯餐未點，就好快地上左啲伴菜！有海帶，泡菜，酸蘿蔔片，生菜，生菜沙拉🥗，酸洋蔥！好多選擇！我最中意食個海帶😍酸酸地又有咬口，好醒胃！沙拉加入粟米同柚子汁，好開胃！肉類我地就揀左牛肋骨肉，一碟有七舊，味道好好，肉質好淋。岀奇地好食！燒得五成熟，好味道！燒好嘅肉可以用生菜包住，別有一番風味。爐邊重有泡菜蛋！千萬唔到燒太耐，會太乾就唔滑架喇！燒到岩岩好就先放入碗！好味道啊！再點左個芝士溶岩泡菜炒飯，用鐵板上，芝士味道好濃郁，炒飯軟硬度適中，熱辣辣咁放入口，好正！雖然點嘅菜唔多，但我地兩個都過到韓燒引，有咁多伴菜，抵食！

去完韓國睇櫻花去掛住啲燒肉呢排又成日落雨放工後近近地係公司對面食個晚餐韓潮可能過左所以不多人排隊，時間尚早，即入去有不同套餐可以選擇，就好可以吾洗煩因為二個都係女仔，食吾到太多所以選擇左HKD 398，肉類方面有有牛肉100g ，牛肋肉120g五花肉120g。睇落好像好少，但食食下，肉夠厚，肉質鬆軟，脂肪比例剛好有拼盤(年糕，磨菇，香腸，大蝦）大蝦夠新鮮，年糕第一次燒，燒一燒原來係面脆，內煙韌，香腸係切片方面燒燒肉才是重點，但餐廳部隊鍋 即食麵，午餐肉，腸仔芝士 ，有爐一直熱住，份量不太多，但可以過下口引。韓式特式就係食配菜同蛋都可以食飽，爐邊蛋可以仼添加，配菜方面，海帶，泡菜，大荳芽，蘿蔔，生菜。二人有卡位坐，可以慢慢熱，慢慢食，傾下計。

下午茶時間，見這間餐廳有買四送一既優惠，就同另外三位同事一起去，我自己就叫左個醬牛肉飯，味道都唔錯，牛肉都幾入味，好適合襯飯一起食，因為人算多，下午茶時間又無咩人，所以小菜都比得幾多，平時都係兩樣，今次都有三四樣，海帶瘋狂refill，跟餐配左個柚子蜜，整體都唔錯，四個人除翻開都唔貴

韓式燒烤同部隊鍋大行其道，競爭同時都激烈，可以維持高人氣既足以顯示其實力依間新麻蒲人氣都幾高，所以搵左日早放工同友人黎試下店內以卡位枱為主，地方大坐得舒服，因為時間尚早所以都無咩人睇睇餐牌，好多食物款式選擇餐廳提供多款套餐，主要係二至四人食用，亦有各種唔同牛肉同豬肉部位配搭，真係難揀最後我地揀左豬肉套餐1368蚊另收加一餐廳仲提供好多其他韓式料理食品下次先試店員好快同我地set 好枱，送上韓式前菜小食，有沙律、泡菜等，仲有生菜、洋蔥等配料用黎一陣夾烤肉套餐既重點黎啦三層架高既烤物，豬護心肉（好似係豬心附近既肉）、五花肉、豬排骨、豬肉香腸、年糕、蘑菇及大蝦俾個近鏡黎睇下啲肉都幾新鮮幾靚開始燒啦爐圍住黃色既係蛋黎架啲肉幾鮮嫩入味，味道很不錯繼續燒成個餐份量真係好夠兩個人食個餐第二個重點就係部隊鍋個鍋唔算好大，材料都齊但份量唔算多，係俾人享受燒烤既同時食多份鍋豐富下整體黎講，餐廳坐得舒服，乾淨整潔，員工服務不錯，而食物質素都好，既享受韓燒又有得食部隊鍋，以我地食最平既豬肉套餐加埋一先至約四百蚊兩個人，性價比算唔錯啦

我大愛韓燒，今次來到銅鑼灣新麻蒲，首先一讚係服務超好，待應有善，多作介紹！枱上醬汁齊備，有埋圍裙，唔驚整污糟靚衫，又有較剪，可以剪細啲肉，工具齊備，可以開動！前菜每次食韓國野，都會滿枱前菜，我真係好中意！酸酸辣辣好開胃！其中一碟係較西式既沙律，有點格格不入但味道正常。我們點了豬肉二人餐連迷你部隊鍋，鍋中不少得餐肉、芝士、腸仔、肉丸、金菇等。見到都滿足！燒即肉以層架形式上，省卻位置！店員專程向我們介紹，豬護心肉，每隻豬得200g，十分珍貴，佢味道好，營養價值高， 脂肪少！BBQ 旁可以燒泡菜蛋，泡菜蛋漿無限添加😍😍店員會不時提醒，小心蛋會燒焦，很貼心！睇到幅相都想食全份餐既肉都上盛，肉質彈牙，多汁，好味！PS當然都要睇你燒既技巧😏

收工時間，朋友突然想約，諗住食下飯 聚下舊， 堅道新麻蒲bbq重開咁就入去食下，之前有來過食燒肉 ，感覺都唔錯，但因為今日時間有限，所以決定係熟食 ，放棄燒肉 。今日收工時間比較夜，大概十一點左右上到去，都已經冇乜人，所以入到去就得坐 。我哋三個人嗌左部隊鍋，海鮮煎餅，豆腐湯。部隊鍋1上枱我以為自己睇錯，份量小到呢，睇相已經知，味道亦唔見得出色，勁失望海鮮煎餅不過不失，可以接受。豆腐湯比較稀，比較淡味。唔知係因為要收工定咩今次食得十分失望。如果要食呢間千祈唔好食熟食。