新麻蒲 BBQ (波斯富街) (Closed)

好耐冇食過韓燒喇❗️而家天氣涼涼地,又可以食喇朋友介紹黎銅鑼灣呢間韓燒呢晚平日黎到, 都幾乎full😯前菜都幾多,有最鍾意食嘅泡菜,芽菜,海帶仲有兜沙律🥗食下肉又可以食下菜清下叫左個2人餐,一開始當然食下肉先啦🥩霜降牛肉同牛肋骨望落油脂平均,好吸引厚薄適中,燒陣就食得,食落肉質都幾嫩滑又夠juicy另外配埋生菜🥬包住牛肉食, 幾爽口個人特別鍾意牛肋排, 調味功夫唔錯,好惹味呀仲有兩隻大蝦🦐燒起可以點埋醬汁食食完肉就可以燒下蘑菇🍄年糕,脆肉瓜等等蔬菜都幾多花款試埋個部隊鍋🍲d麵浸埋個湯,加上邪惡午餐肉食落都幾辣🌶但又好鍾意提一提個爐邊蛋🍳係加左泡菜入去口感同味道都提升左店員一早就落蛋架喇,燒燒下就有得食仲有呢度吸油煙方面做得幾好食完都唔覺身上有味

天氣開始轉涼，響銅鑼灣行下行下諗起好耐都冇食過韓燒，甘就同女朋友走左上黎新麻蒲試下，環境都幾闊落，坐得好舒服，一黎店員就上左好多前菜而menu有好多牛既不同部位肉可供選擇，如果唔食燒肉，都可以選擇其他拌飯、冷麵或者豆腐鍋等等既選擇，而我地就揀左牛肉套餐1，有三款不同既牛肉，特級霜降牛肉比較薄身, 唔可以燒得太老，7 8成熟肉質非常鮮嫩，而牛肋排既牛肉味比霜降牛肉更濃郁，唔會淡而無味，值得推薦！ 大蝦燒完有蝦膏滴出黎，爽口彈牙，明顯食材非常新鮮！而無限refill既蛋都好滑好好食👍🏻呢個set 最抵食既就係佢仲有一個部隊鍋，而且仲有牛肉、午餐肉、豆腐、金菇、韓國麵，味道也不錯，絕對可以食到兩個人捧腹而歸，而且價錢只係408 ，性價比非常之高！下次會試埋佢其他既牛肉套餐

本人大愛爐邊蛋，好多時選擇韓燒餐廳都匆住爐邊蛋而去，今日就黎位於波斯富街既新麻浦。接待我地既係2個位好有禮既韓國人店員，男店員廣東話講得好好，女店員英文亦不錯。佢地既爐邊蛋同樣係會加埋泡菜，泡菜份量剛剛好，唔會蓋過蛋香，再refill既時候就只有蛋漿，可以食到蛋既原味男友出哂名係牛魔王，牛肉絕對唔少得，就叫左牛肉套餐🐂包括有特級霜降牛肉、秘製牛肋骨、LA牛肋條、雜錦拼盤同部隊鍋。霜降牛肉係我地心目中既NO.1，油脂分佈平均，入口後慢慢滲出油脂，由於冇醃製過既關係味道較淡，可以點佢地提供既醬汁，而我就覺得咩都唔點最好食👍🏻秘製牛肋骨相比起霜降牛肉多筋，但都只係好少，整體口感都幾好，醃料味道獨特，燒完帶有小小焦香。LA牛肋條同樣都係醃製過，味道偏甜，配埋生菜包住食最好。套餐仲有2隻大蝦，雖然見唔到蝦膏，但食落就有陣陣蝦膏味，蝦肉爽口彈牙👍🏻枱上仲有另一個爐比我地煮部隊鍋，裡面有大約半個辛辣麵、牛餐肉、年糕、金菇、泡菜等等，好開胃。食物好快就上齊既關係，手同口都好忙🤣🤣

天氣開始轉涼 朋友突然好想食燒肉，於是近近地搵左間係銅鑼灣既新麻蒲燒肉。好在早去，不用等位。我地揀左個叫SS5既燒肉套餐（牛+豬），包埋一個部隊鍋同甜品，真係一次過滿足晒你3個願望！一坐底，侍應即刻上配菜，每碟配菜既份量都好足！飲品揀左青提同番石榴果醋，酸酸甜甜咁好開胃，而且止辣一流！燒肉之前先依個”輕食量”既部隊鍋打打底先！依碟係你面前即燒既牛肉壽司簡直就係最高享受！燒完一啲都唔乾，而且好多肉汁😌！到主角出場喇！包攞萬有，要乜有乜！食完燒肉休息左一陣之後，到甜品出場。我地揀左個紅豆牛奶冰！牛奶冰唔太甜 入口即溶 再加上細細粒既麻糬 簡直就係好食到停唔到口！成餐飯食左差唔多兩個鐘，最後埋單加埋一都係$614 算係抵食，極力推薦👍🏼👍🏼👍🏼

平時喺銅鑼灣一出都會見到呢間野個大大招牌，其實都見左好幾年，但係真係第一次先至上去食。可能因為佢係正最當旺地區，咁多年屹立不倒冇執笠應該都有啲原因，所以今次決定約朋友去試一試。可能係平日，銅鑼灣來講人唔算好多，入面的侍應更有一些是韓國人。乜嘢都未嗌就醒左超多前菜，我哋兩條女即刻覺得，係咪唔使叫正餐其實食前菜都飽😂咁但係當然都嗌咗招牌套餐，牛雞豬乜鬼都有，正！講真真係超級豐富，食到好似放題咁，我哋覺得其實三個女仔嚟食，都一定會飽到癲，而且肉質唔算差（當然因為去過日本韓國食燒肉，口味已經被縱壞），呢個價錢實在太抵食。我個人覺得係飲品還可以，因為去食燒肉，飲嘢都好緊要，呢部分可以更好。埋單先每人2舊水，我係覺得抵食嘅，食燒肉食得好會太貴，食太平啲肉唔想放入口，呢間係中規中矩，但佢夠豐富，食得係開心嘅！

這裏的位置十分方便，位於銅鑼灣很多商舖的大街之中， 方便購物後過來!餐廳環境十分優雅， 雖然說是燒烤店但是沒有一點煙味， 看來他的吸煙設備十分好。 座位之間十分闊落， 在韓燒的過程中可以十分盡興暢談。員工的服務也不錯!會定時過來幫我們加水、加一些可以免費任吃的配料，例如：生菜、泡菜等等這次我們點了烤肉達人套餐， 套餐包括豬和牛。豬方面： 護心肉40g豬頸肉40g黑毛豬肩肉70g五花肉100g 豬排骨100g豬皮這些豬燒完出來十分好吃，很嫩滑。而特別的是豬皮燒完後爽口彈牙，口感特別。牛方面：霜降牛肉80g牛護心肉50g牛肋排60gLA牛肋骨100g霜降牛肉的油花分布均勻密，牛類燒完出來油而不腻，質嫩爽口，而護心肉非常有彈性，朋友們也吃得很滿足~

好耐冇食韓燒，今日決定同friend一齊去食韓燒😋上網諗住搵間近銅鑼灣地鐵站既韓燒，一搵就搵到呢間新麻蒲，就決定左要去食我地三個女仔都唔係好大食，就叫左個$558既二人餐食。一黎就俾左咁多配菜，生菜食哂仲可以refill個蛋係會慢慢熟，入面加左泡菜，燒肉燒到咁上下就有得食，超好食！最底個層同中間個層既一半肉都係牛肉，醃左d甜甜地既汁，燒熟左熱辣辣食真係好好味不過最好用較剪剪開d肉黎燒，因為d肉都有d厚，入面難d熟。中間個層另外一半係豬肉，建議燒一陣就好食，如果唔係會好un。最上面有冬菇、雞髀菇、金菇、翠肉瓜、蝦、芝士腸，超多蔬菜，燒熟左好甜好多汁仲有火炙牛肉壽司，牛味好正好好食藍天檸檬汽水，其實即係藍色既lemonade，食燒肉飲都幾解膩我地加左碟春川烤雞，呢個汁又係甜甜地，燒熟左都係勁滑，一d都唔乾。雞翼都好大隻，不過咁既份量$99我就覺得有少少貴。除左燒肉之外，仲有部隊鍋食要大讚既係最後呢個紅豆豆粉雪花冰！紅豆份量又多，d牛奶雪花冰好綿密好好味，冰上面鋪左豆粉，入面仲有麻糬，口感一留，超好味我地三個人食都食到好飽，如果兩個人食就咁叫個餐都一定夠食

好耐無食過韓燒啦~所以今日就約咗班朋友嚟到新麻蒲BBQ到食韓燒🤩呢到設有一啲套餐，啱哂懶得諗食咩嘅客人😂我哋三個女仔就嗌咗一個牛+豬肉套餐🐮🐷除咗肉之外，套餐仲包咗一個什錦拼盤、部隊鍋、一個甜品同兩杯嘢飲☺️由於呢個套餐係二人份量，所以我哋又再嗌多一份香川烤雞同一杯嘢飲🙈係主食嚟之前，店員已經上咗唔同嘅前菜俾我哋🤤特別講一講個沙律🥗啲菜好新鮮，食落去好清甜~而且佢係配撘咗芝麻醬，感覺幾特別㗎😛韓燒點少得蛋漿🥚呢到嘅蛋漿混合咗泡菜，帶有少少微辣，正💯而且仲可以無限refill👏🏼呢個係套餐包埋嘅火炙霜降牛肉壽司🍣可以自己揀幾成熟，然後店員就會拎住火槍即場燒俾你😍牛肉入口即融，必試！套餐嘅食物以三層嘅形式上枱，最底果層係牛，中間果層係豬，而最頂果層就係什錦拼盤~呢到嘅肉類真係好高質🤩每一款肉都非常好味，加埋呢到調製甜甜哋嘅醬汁，真係無得輸🤤部隊鍋入面有齊公仔麵、金菇、腸仔、芝士、年糕同肉~味道正常，無太大嘅驚喜，略嫌份量偏少😳我哋另外單嗌嘅春川烤雞包咗兩大塊雞胸肉同兩隻雞翼🐥雞肉肉質嫩滑，絕對唔會令你失望😂藍天檸檬汽水🍋味道正常，好解渴😂套餐嘅甜品我哋揀咗紅豆豆粉雪花冰❄️我同兩位朋友雖然已經

好耐都無痛痛快快嚟一場韓燒啦~今次試下新野，新麻蒲BBQ一坐低就有好多沙律同開胃菜。打定個底， 一陣食肉肉肉都無咁 guilty haha點左個二人餐，平得嚟又好多野食wor!!先嚟左部隊鍋，好足料有邪惡嘅午餐肉啊，同埋豬肉香腸岩唒我~之後d肉就嚟啦，睇落紅卜卜， 好新鮮而且兩個人夠唒分咁多野食流唒口水食到咁上下就有d 菜，都鮮甜ge店內都係卡位，好cozy最後唔好唔記得留肚食泡菜蛋啊唔夠仲可以再加

去食韓燒最怕烏煙瘴氣，呢間抽風做得幾好，食完唔會一陣味。由於女朋友小鳥胃，怕食唔唒就點左個2人套餐 $408如果多幾個fd不妨叫埋豬+牛套餐。夠唒豐富!燒肉嚟之前，一於瘋狂食下d前菜先有kimchi，芽菜同海帶。食唒仲可以加，正嚟啦! 三層架有蝦，少少蔬菜。中間有霜降牛肉下層就有牛肋排店員仲一早幫我地落左爐邊蛋，一陣就有得食燒肉可以夾埋生菜，醬料同埋kimchi一齊食，好refresh另一邊就要應付"部隊鍋"忍唔住加左巨量kimchi落去，賣相更吸引!入面原來仲有面食仲有女朋友最愛韓式年糕，太正下次叫埋班兄第再嚟!!!

呢日，放工之後就約咗兩個朋友一齊去食韓燒。一入到去呢一間韓燒，裏面嘅抽氣系統做得好好，一啲都冇油煙味。條抽氣管抽得都好好，我哋三個人入面有兩個女仔，所以叫咗一個二人餐。因為好驚食唔晒。叫嗰個二人套餐裏面有好多種唔同嘅豬肉同牛肉，你叫我分呢我就唔識啦。但係每隻肉都總係有啲唔同。總之就好好食啦。佢每隻都有唔同嘅醃料，值得一提嘅係快好厚嘅豬腩肉，我平時唔係好鍾意食太肥嘅豬肉，但佢啲豬腩肉燒完之後好香肉味，一啲都唔肥，我覺得可以再食多一次。另外，要提一提嘅係佢個汁，佢個汁有少少酸酸地，同啲豬肉牛肉好夾，令到啲肉味更加突出之餘，個感覺仲冇咁肥。至於啲牛肉，都好嫩滑，好多肉汁，但我始終唔係食牛肉嘅專家，我真係唔識分邊一個部位係邊一個部位。總括而言係好好食嘅。 另外，嗰啲沙律都係任食嘅，如果覺得唔夠飽但係又唔想再叫其他食物，可以叫多啲沙律。最後我同朋友每人食咗170元正。我覺得食到啲咁高質嘅牛肉，呢個價錢都真係幾抵食。

成日經過銅鑼灣廣場一期，都會見到對面新麻蒲個招牌，今日就約左朋友2個黎試下。餐牌都幾多選擇，有得單點烤肉、石頭飯、甜品或者叫set，我同朋友咩都想食少少，最後叫左個烤肉達人2人餐同果醋汁。好快佢就上左前菜，泡菜、海帶、沙律菜……個海帶甜甜酸酸好開胃，沙律菜配芝麻汁好fresh，D芝麻汁真係好芝麻味，同平日食開既日式芝麻汁唔同，可以一試。個2人餐有唔同既豬同牛既部位，有護心肉、牛肋排、五花腩、霜降牛肉、連豬皮都有。燒豬皮都幾得意，未試過。我就最鐘意食牛護心肉同牛肋骨啦，份量都好足。原本我同朋友仲叫左白飯配烤肉，但最後只食烤肉都好夠飽了。可以用生菜包住D肉食，加佢個自制醬汁，都好吃。餐廳服務都幾好，個侍應(韓妹？)講英文教我地燒D咩先，又會幫你換爐面……同朋友可以慢慢燒，卡位坐得舒服，又唔會有人趕你，餐廳係銅鑼灣黎講，算好ok。見到佢另外有D promotion好抵，但要預約，下次再黎食過啦。

世界很混亂，每日的新聞都讓我們負面情緒冒起 ... 在抗爭的同時，有時亦需要稍稍的休息再上路。這夜，我們選擇食這間的韓燒餐，梳化、裝修的格局讓我們感到很舒適。而我們揀了豬牛都有的韓燒 Set.首先來的是滿台的前菜，真的超大碟，我們都不敢先食太多，怕一陣肚子沒空放燒肉：肉方而，來了雪花很均勻的牛，灑上了少量黑胡椒，單是賣相已經 99分！放上鐵網上，輕輕一燒，不要太熟又不要太紅，入口有溶化的感覺 🧡🧡 順帶一提：周邊是泡菜咪的蛋，也不錯！還有其他燒，東菇燒乾一點，好好食！這個餐令人期待的還有韓牛 sashimi，你可按自己的喜好選擇要多熟，然後員工會在你面前用火鎗即燒；我們決定一份生一點、一份熟一點，記得真我要趁熱食。很好食！！還有部隊喎，真的超多野食！當滾起之時，就發現 ... 入面真係一點都不少！重看相片都要流口水了🤤是很豐富的一餐！是治癒身心靈和胃的好地方！！最後還有甜品，是豆粉麻薯紅豆冰冰，都是意外地好食！好夾！但都真的真的超飽 ... 結果吃不完（現在後悔了)

去銅鑼灣區， 好耐冇食韓燒 ，誤打誤撞選擇咗這一間韓國餐廳 。蛋邊燒配菜和傳統韓燒不同豬肉套餐~$98肉質上抬眼見，認真麻麻，外觀似已經急凍了一段長時間的肉質食慾減半，外觀並不吸引扣分， 入口感覺更差，劣質急凍肉烤肉伴冷麵~$82一盤冰同湯水，可能這是傳統冷麵的煮法，但我真的不懂欣賞肉質口感，一樣同纸皮咁乾，有些似不懂煮餸的人是是但但煮來飽肚就算了湯底有些微酸。烤肉質真係好dry食後感: 有中伏感覺

甚少香港食韓燒，更加唔會上嚟寫食評， 但總有例外時候。(繼上次石頭烤肉外）呢幢商業大廈差呢間未試過，所以同朋友決定食呢間。搭見呢個牌都幾吸引， $168任食指定肉，都不錯，不過要預早一日約。拜拜👋👋一入去有oppa 招呼我地 (似老闆)，佢啲廣東話好得意😍😍😍 餐牌都未睇完，未決定食咩就有店員送前菜，我地以為上錯枱，因為我地咩都未嗌同禁多禁大碟😂😂😂好少店有涼伴洋蔥，食落唔太生辣；至於個沙律超特別！！！(佢用黑芝麻醬！！！而且唔會落太多，好特別都好好味）最後點左烤肉達人，有豬有牛爐邊蛋任添，但我地冇加添，因為太飽😓😓右邊豬；左邊牛。我地決定食豬先！呢間餐廳好sell 豬護心肉，(第二個洋蔥入面果堆），(豬的橫膈膜和肝之間的肉，每隻豬只有約200~300克），都幾濃味 (少少似豬肝）同有咬口👍(呢個應該五花肉） 佢啲肉好juicy ，不錯不錯。平時我鍾意食牛多啲，不過呢度就豬肉較優勝，因為呢度啲豬肉冇牛肉落禁多醃料，所以唔會太重醬料味，同埋有烤肉高手 (朋友），煎得香脆好味😋😋其實牛都好食，前一張相左下角就應該系霜降牛肉，啲紋都幾靚同食落有油脂，但又唔會太漏私隱度都幾高，坐得好舒服同較