新麻蒲 BBQ (波斯富街) (Closed)

呢日同舊同事係銅記做完義工，當然要食餐好慰勞下自己。舊同事之前黎過，讚呢度d牛肉好正，卡位夠多，坐得舒適，無一大陣油煙味。黎度發現環境果然舒適，裝修新潮，樓底夠高。過左午飯時間，無爆場，食得更加寧靜舒服。先黎前菜。呢度既前菜一d都吾hea，有成5碟：泡菜、雲耳、洋蔥、青瓜和沙律。泡菜酸度同辣度都較低，白菜爽口，幾岩我口味。雲耳同用醋黎調味，食完醒神開胃。沙律吾講以為係一道菜，因為材料好豐富賣相精緻，而且份量吾少。d菜洗得好乾淨，切到一口一啖咁，加埋少少沙律醬同醋，胃口大增。既然牛肉講到咁正，我地就決定揀呢個夏日三食套餐，包左：霜降牛肉、牛肋排、牛仔骨、翠玉瓜、鮮冬菇和雞髀菇。落單後，侍應就9秒9放網放蛋漿，高效率!吾洗5分鐘，夏日三食套餐到。實物同照片9成相似，絕無欺場。我特別欣賞霜降牛肉，因為油脂分佈均勻，與瘦肉搭配得非常勻稱，食上去感覺柔潤、鮮嫩、易嚼易咽，口感非常好。呢個海鮮蔥煎餅份量充足，海鮮配菜份量同粉漿比例恰好，吾會好似食酒樓既海鮮薄撐咁，食粉多。將煎餅同牛肉包住生菜黎食，口感更豐富，又吾會搶走牛肉既鮮味。呢度仲有好有創意既韓牛蛋糕，幫食牛獸壽星慶祝生日就一定吾可以錯過!估

12:55到步，13:10前落單，坐位約8成滿，我們一行8個人有5個12:50都未有得食，最遲的一位約14:10才有，只說人手不夠，我們只一小時午餐，等食物都孁1小時，不會再光顧!

即興約左朋友仔黎食韓燒😋 本身諗住搵間任食既餐廳，但唔想限時，所以都係揀左新麻蒲慢慢食🤣我中意佢有好多款前菜😸仲要大大碟的！沙律我食左啲都幾好味呀，有啲黃色唔知咩醬撈埋一齊😂 好鮮甜冇咁dry😄我食緊前菜既時候，朋友已經諗好叫咩👏🏻👏🏻 有幾款牛肉，仲有海鮮！佢好專心地燒，而我就keep住食😝😝 爐邊蛋都值得一讚！Staff一開始已經加左泡菜，加添美味😄除左燒烤，由於朋友太肚餓的關係，叫多個芝士泡菜蛋炒飯。👻 本身睇落個樣麻麻地，但將所有撈埋一齊，又幾好味！😌少少辣有泡菜味又有芝士味！夠飽但又唔會飽到好漏，有驚喜！環境乾淨企理，staff都好nice好快幫到我地，見到真有韓國人去幫襯，都係信心保證🤓

由於我朋友超中意食韓燒，加上佢有心事share，所以我放工好攰都陪佢黎食🙆🏼‍♀️🙆🏼‍♀️我地咩都未叫，佢已經黎左好多小菜😹 可能已經預計到我地一定係叫燒肉🤣 泡菜少辣，最鍾意昆布個碟，又好味又有營養，最後差不多清哂！🙃有沙津但無乜食過爐邊蛋: 好似係叫套餐就有，唔知點解，開左火好耐，都只係得一邊熟，我個friend超唔開心 😂😂 好彩轉一轉就好返好多😄身邊的人都食套餐 黎到韓燒，當然食韓牛套餐！👻最上面個層有菇，香腸，之後兩層係各款牛肉！雖然係好食，但份量比想像中少，岩哂細食的女仔，而且可以試多唔同款既食物🤣🤣套餐亦都有跟部隊鍋，啲拉麵幾有彈性，同韓牛一齊上，可以兩邊一齊食。🤗 雖然個鍋有泡菜，但湯底不是太辣，食唔到辣既我食完飲多啲水都解到辣！重點有芝士，連埋拉麵食，有拉絲的效果。😻😻如果多d人黎食，可以試埋佢既頂級韓牛😎😎😎

每年媽媽生日都會請佢食好野，今次食韓式燒肉。兩個人叫左個 "烤肉達人套餐"，又有牛又有豬，可惜媽媽唔食牛，最後要我一個人食哂d牛。而有人係決定食殘廢餐，我就由頭燒到尾！好在有無限添加既泡菜同生菜解一解膩，因為其實食到中段，唔同款既肉食落都係差唔多，有d膩，個套餐仲有份豬皮，不過可能我唔太識燒，燒到好硬。但因為我本身食到好多肉，所以其實係個爐邊蛋最吸引我，因為個蛋好香，加埋泡菜碎，等佢煮到岩岩好熟既時候，食落口好滑。不過韓式烤肉始終都係有一樣野唔好，就係每次食完，成身都會好大陣味。

Ss8 烤肉達人套餐 $ (👅: 8/10)新麻蒲護心肉40g+秘製豬頸肉40g+黑毛豬肩肉70g+新麻蒲五花肉100g+秘製豬排骨100g+秘製豬皮+特級霜降牛肉80g+新麻蒲牛護心肉50g+秘製牛肋排肉60g+新麻蒲秘製牛五花肉 豬皮有驚喜 有小小煙韌而且味道醃得好好👍🏻 全部肉既肉質都唔差好軟熟😌最正係佢地護心肉同霜降牛肉🤩其本上所有野都係佢地秘製😹但啲醬汁真心好入味 如果啲肉分量再多小小會更好 呢個雖然係2人餐但3個人食都好夠飽🤣 而且佢仲有菇同翠玉瓜做配菜😝另外亦有無限refill既小菜！😈(芽菜 泡菜 生菜 海帶 醃蘿蔔) 泡菜蛋 夾埋生菜同燒肉絕對係絕配☺️ 但伙記refill速度有啲慢有時扮唔記得 睇唔到🤔水冷麵 (👅: 7/10)水冷麵啲湯唔夠酸同埋可以再凍啲 配料可以再多啲 得好小餸 但啲梨好爽甜 麵就普通 有小小難分開紅豆豆粉雪花冰 (👅: 7.5/10)全部味都係一樣價錢 識食一定會揀紅豆配豆粉 面頭灑左小小杏仁片 以為得2粒黃豆粉蕨餅係面 原來入面都有👍🏻 不過食晒表面啲配料同紅豆 下面啲冰就會唔夠甜😵

諗起食中價韓燒, 一定諗起新麻蒲, 有另一間競爭對手, 我都有食過相比之下, 個人比較喜歡呢一間😁由於費事諗食啲咩, 而且比較平, 通常我同先生都會揀食套餐, 餐廳不定期會有唔同嘅推廣套餐, 今日食呢個套餐係有三層嘅, 基本上已經包括肉類, 海鮮同蔬菜, 唔好睇佢份量好似唔多, 兩個人食絕對食得飽👍🏻👍🏻👍🏻佢嘅海鮮同肉類都非常新鮮, 個人最推薦佢嘅護心肉😋仲有我最愛嘅無限refill爐邊蛋同泡菜😂真係唔洗驚食唔飽😁

本身訂了枱晚上6:30，因為早了到，6:10到達，咁諗住入去，但因為訂枱是4人，其他三人未到，工作人員說未齊人不可以入，說如果現正入，會開始計90分鐘就要交枱，咁為有等齊人先入，他們反影是對的，但態度可以改善一下，不雖要咁晦氣，唔係得你一間食店，咁到6:30分齊人，咁就入去拿枱，叫工作人員好像要叫要手口並用，等到手軟先見到人，來到落單，態度又係面色暗啞，好像快D啦，唔好左佢做嘢，唉⋯⋯！，食餐晚都咁辛苦，下次真係唔咁再來幫襯 。 食物質素一般，服務人員態度一般。

下個星期將會去韓國首爾, 諗住今日去韓國觀光局(銅鑼灣世貿中心)嗰度攞下啲資料書仔， 然後跟住就諗住去食lunch..... 行過附近見到，新麻蒲有特價午餐68元起， 諗住去嘗試一下，點知果然有驚喜！由於我係十二點多就去到新麻蒲, 所以餐廳裏面仍然都未有寫字樓客人, 只有小貓三四個人。。。 一嚟我就叫咗個辣豬肉飯， 侍應又畀咗五碟小菜我蒜蓉菜玉瓜酸海帶 泡菜辣西蘭花 酸雲耳酸海帶同酸雲耳---- 都非常之入味 而且夏天最啱食酸may may嘅東西 令到有開胃之餘 , 又可以減輕食豬肉嘅肥膩感，值得一食。蒜蓉菜玉瓜--- 就比較薄片啲, 所以就好入味.泡菜就比較乾身, 而西蘭花就比較遜色啦, 只係有啲辣醬喺上面冇咩主角就係呢一個辣豬肉飯呢！個辣豬肉飯超級好味， 辣之中帶點甜嘅感覺，而且食落去， 唔係普通嘅豬肉， 佢係用咗五花腩肉薄切做 成呢一個豬肉飯嘅 ！正呀！！68元仲包埋一杯凍飲， 我就叫咗個藍天檸檬飲品。 其實佢係用雪碧加檸檬加水去做。感覺酸酸味味。很涼快嘅感覺！呢餐午餐覺得大滿足， 成為68元加一

放假前，緊係要食餐好啦。行暈成個銅鑼灣周圍都冇位，行到想放棄果陣，咁岩呢間韓式燒烤餐廳有位，咁價錢都唔睇就入左去了😂因為搵左太耐既關係，都廢事唸食咩好，索性就叫左個二人套餐（名都唔記得左，冇部隊鍋果隻），再叫多兩杯野飲就等食了。咁d野未黎到之前，都有d韓式前菜同沙律食下，但d野食就真係耐左d🤥🤥🤥等左大約十五分鐘，d野食終於黎左。又累又餓既我地即刻燒黎食啦。overall其實都幾好食，特別係個護心肉，意料之外。但有某d肉就普通了（我都唔知咩黎😇）。

一直知有新麻蒲bbq，不過就開左咁耐以黎都未食過，今日收工後咁啱自己一個就決定試下一人獨食韓燒。一個人當然要食燒肉滿足自己，睇下餐牌決定牛同豬各點一碟。點完後店員首先送上前菜，前菜老有幾多款色又全部都係蔬菜類可以減輕下獨食燒肉既肥膩感。前菜有沙律，海帶，泡菜，洋蔥，豆芽，醃蘿蔔。沙律醬黃黃地帶少少碎食落口先知原來沙律醬加左粟米蓉，第一次試咁既沙律醬配搭味道好清新香甜又唔會寡。新麻蒲秘製牛肋排上盤見到已經好吸引醃好左既牛肋排上仲有層醬汁係面光鮮，牛脂唔算多燒好後入口軟淋多汁帶甜香味，後來放係生菜包住黎食減底油膩感。豬護心肉係餐廳主打之一見到餐廳掛上既海報都係推護心肉，試左一啖後肉質口感彈牙唔會鞋口之餘又易咬開，入口唔會太油，一個人都可以清晒。

又隔左排無食韓式燒肉而燒肉癮左起,行過銅鑼灣記見到新麻蒲bbq又突然諗起護心肉就決定衝上去食.2個人黎食怕太濟就無叫2人餐決定散叫.前菜十分豐富護心肉是常識吧,原來除左豬護心肉外仲新出左肉版護心肉不過今次都係點返原始版護心肉.護心肉醃好後外表好光滑,除左外層連少少脂肪外本身肉裏面都極少油脂.肉質夠煙靭得黎又唔會咬唔開,水準無退步.火山芝士泡菜炒飯用鐵板上一上枱炒飯外圍既芝士仲翻滾緊將芝士同炒飯趁熱撈匀好邪惡既配搭.炒飯加左芝士後泡菜味無咁辣芝士奶味較香食左咁多芝士已經好滿足.不得不提既係就算食到尾聲都一定要等到烤爐旁邊既蛋烤熟再夾起黎食!加左泡菜既雞蛋反而係成餐最期待既美食。

銅鑼灣美食雲集，有貴有平，任君選擇。我就㨂啲價錢親民啲。新蒲麻BBQ，晚市提供燒肉，而中午既Lunch有韓餐食，有飯有麵。餐廳既私隱度好高，每個位高高坐背，同其他枱客人分格，傾計都傾得暢快啲，唔洗就住就住，怕比人聽到。仲有播住韓文歌，夠曬chill。至於食物方面，我黎到係下午茶時段，但都仲有抵食Lunch Set供應，但有Happy Hour野食。食得韓國菜，有前菜是常識吧。呢到既前菜有五款，而且份量大方。上菜前，揾野浪一浪肚，或者咬下都幾好。我點咗🐙章魚石鍋飯，仲送碗海帶湯，同飲品。石鍋飯上面鋪上滿滿既料，菠菜、蘿蔔絲、菇、芽菜、翠玉瓜、洋蔥，啖啖都唔會味道，好正。中間仲有個流心蛋，用嚟撈飯，簡直一流。而個辣章魚，個辣醬辣得嚟帶有少少甜味，好過癮！而友人則點咗鮑魚人參雞湯。個湯唔係好稀果隻，而係入口帶有稠稠張口感覺，應該侜啲糯米溶咗入湯所致，好特別。粒鮑魚仔放係面上，真係超級吸睛！隻雞份量好多，兩個人食都唔過份。而隻雞入面有糯米飯，仲有粒粟子，食完超飽肚！走前，仲見到店家外面貼咗張poster。話落雨黎有野食送！大家下次下雨天，行經銅鑼灣，不妨走入黎試下！

宵夜時段好想食韓燒就搵到新麻蒲BBQ，入到去都差唔多last order，咁就快啲睇下Menu有咩食。直接叫左新麻蒲宵夜時段套餐，$258 3份肉 + 1份菜同埋2隻蝦，雖然肉比較細份，但係太夜唔好食太多肉，價錢都算合理。宵夜時段套餐 $258點菜後好快就上左配菜，有芽菜，泡菜，生菜。雖然係宵夜時段，但肉都算新鮮，新麻蒲肉嘅味道都算唔錯，特別係護心肉，真係好好食，而且調味唔會太鹹或者太重口味，都保留到肉本身嘅味。但係蝦就冇咁新鮮，食落肉質都有小小霉。爐邊蛋真係韓燒嘅必食之一，而且新麻蒲可以任加配菜同爐邊蛋，呢個值得加分。驚唔夠飽我地外加左主食新麻蒲部隊鍋 $68，同埋全洲拌飯 $68部隊鍋就冇咩特別，午餐肉，年糕，拉麵，部隊鍋係唔會難食嘅items之一。但全洲拌飯相對上比較有驚喜，本身以為拌飯會冇咩味，要加個辣醬先會好食，但係本身拌飯加左麻油同小小醬汁，食落都唔會話好乾好難入口，而且配菜好多，撈埋一齊食就算唔加辣醬都好好食。飲品叫左桑莓果醋同埋西柚果醋，味道好清新完全解除左食肉嘅膩感，雖然一開始比較甜，但係等一陣冰溶左啲啲之後甜度剛好，唔會話飲到後期會完全冇味。

今晚過來銅鑼灣買運動用品，趁機會食返餐自由度高的韓燒，同區選擇也算多，今晚就選了地點就腳的新麻蒲作hea腳蒲點。餐廳地方整齊舒適、每格都有獨立卡位燒爐抽煙機，油煙極少。在選菜的同時，無限添加的前菜上檯: 有泡菜、海帶絲、大豆牙菜、洋蔥、蘿蔔片、一大碗雜菜沙律及生菜。其實真係食前菜都可以食到半飽🤣👍而且爐邊蛋無限添加，完全滿足泡菜控及控控的粉絲😋MENU中英韓三文，選了兩款肉：秘製牛五花肉、特級霜解牛肉及一個主食海鮮嫩豆腐鍋特級霜降牛肉，樣靚肥瘦正，偏多肉汁juicy, 肥瘦均勻，脂肪與實肉比例不錯，建議用大較剪剪粒食更加有口感，伴菜有大冬菇燒一燒夠二人吃。秘製牛五花肉，個人覺得必點，看著數塊五花肥脂炒埋一齊香氣迫人，入口非常治癒🤣👍 兩款肉除了點醬汁外，還可以包生菜用手進食，份外健康美味👏海鮮嫩豆腐鍋，內有藍青口、蜆肉、海蝦、金菇及嫩豆腐，湯底微辣送飯不錯，兩個人Share一碗米飯也足夠的一餐。總括它的前菜款多真的吸引我再來回味，沙律新鮮任refill絕對可以平衡肉食的邪惡，值得一讚店員緊貼更換吉碟，換燒板fill蛋醬等服務整體滿意👏👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: