申子居酒屋

Open Now

Now Closed

申子海膽和牛燒職員喺我哋面前用火槍燒，之後就將和牛包住飯同蛋，再放上海膽。火槍燒和牛唔會燒好耐，肉質唔會因為火燒而太過硬。和牛味道鮮嫩，入口即溶，配上海膽，淡淡都係鮮味極上蟹膏蟹肉燉飯上面有一個完整嘅蟹殼，上面鋪滿咗蟹膏，燉飯大概係用咗忌廉，有少少似西式嘅意大利飯，不過就用咗日本嘅珍珠米，每一啖飯都有蟹肉同埋蟹膏，我本身好鍾意食蟹，所以呢個幾啱我廣島蠔鍋我最鍾意喺呢個鍋，雖然佢唔係好大，但係佢有三至四隻廣島蠔，真係好大隻，食落去好鮮味，配合蘑菇、娃娃菜等嘅配菜，加多一碗白飯，就好完美，而且湯吸收咗蠔嘅鮮味，好好飲

周末相約朋友到銅鑼灣睇最新一輯異形電影，睇戲之前先到附近的申子日式居酒屋享用午餐。因為我們之前都幫襯過旺角嘅分店，覺得舒適寬敞的環境印象深刻。銅鑼灣分店位置同樣方便易搵，正正位於SOGO斜對面的樓上鋪。以深餐廳以木色裝修為主，配以日式飾物點綴，位處樓上可以靜靜地享受用餐時間。早前已經透過網上訂位，免去周末等位用餐之苦，非常方便。發現午市套餐有買一送一的優惠，相當抵食。所以我們點了套餐內的兩道菜：壽喜燒定食和角切魚生丼，再另外加點了一客極上鹽燒牛舌芯。角切魚生丼的刺身十分新鮮，配以牛膀漬物和蟹肉蟹籽沙律兩款前菜，以及一碗味噌湯。醋飯調得恰到好處，帶出魚生嘅新鮮。特別欣賞牛膀漬物，酸甜爽口，令人胃口大開。牛肉壽喜燒因為配搭了大量蔬菜，包括冬菇、金菇、日本大蔥等，令湯底甜而不膩。牛肉肉味濃郁，配上雞黃一齊食，入口順滑軟稔。朋友因為十分喜愛食牛舌，見佢心心念念想試，便加點了極上鹽燒牛舌芯給她品嚐，粒狀嘅牛舌夠厚身，但入口口感軟嫩帶有嚼勁。配上少少柚子鹽，十分惹味。總體而言，申子居酒屋的銅鑼灣分店同樣地水準唔錯，近期嘅買一送一優惠更令佢嘅性價比提升唔少，期待下次再嘗試餐廳嘅其他美食。

今次來訪位於銅鑼灣嘅日本菜餐廳，裡面環境低調又不失優雅，十分日式。申子海膽和牛燒真心推薦！牛肉十分軟嫩，油脂豐富，加上蛋汁同埋特製嘅壽喜燒醬汁。整個配搭非常美味。係我哋噶另一個最愛，嚼勁十足噶雞肉同微甜噶蔥燒係一起，無論係鹽燒還是汁燒都有著一種讓人止不住口噶美味。

今日去咗銅鑼灣一間叫「申子居酒屋」嘅餐廳食日本菜，餐廳環境舒適，燈光有氣氛，適合一班朋友聚會傾偈。見到餐牌嘅食物價錢唔平，但採用高級嘅日本食材，所以都決定試一試。🍊申子海膽和牛燒呢塊日本薄切和牛油脂分布平均，上菜時係全生咁配埋飯同日本蛋黃，職員會用火槍燒熟，加入燒汁分三段將和牛燒熟，摺好後會放上海膽同魚子醬，無論賣相或味道都係一級！和牛嘅油脂滴哂出黎，口感幼嫩，配埋鮮味嘅海膽，口感層次好豐富，價錢雖然唔平，但味蕾十分滿足🍊三色迷你丼三款迷你丼飯，包括三文魚籽、海膽同松葉蟹肉加蟹籽。三文魚籽用料新鮮，每一粒咬落去都爆汁，充滿濃郁嘅海水鮮味；海膽味道鮮甜，口感幼滑，配埋魚子醬一齊食鮮味係最濃郁；松葉蟹肉味道清甜，係三個迷你丼飯入面味道最淡嘅一個，建議第一碗食，以免鮮味俾其他濃味嘅丼飯蓋過🍊火炙大蝦讚岐手打烏冬原隻大蝦嘅蝦肉爽口彈牙，蝦頭入面嘅蝦膏融入湯底，加埋大量炒香咗嘅櫻花蝦同青蔥，形成一個蝦味非常濃郁，而且味道鮮甜嘅湯底，讚岐手打烏冬麵條幼細，口感煙靭彈牙，配埋湯底一齊食好鮮📍銅鑼灣渣甸街50號渣甸中心9樓位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊🍊整體CP值：🍊🍊🍊🍊

申子居酒屋 @shinkohk 高質日式居酒屋🏮定期推出創新日式料理菜式不論刺身、鍋物、串燒、拉麵、自家特撰都有🥢申子海膽和牛燒精緻美味～申子特撰店員即席把原塊和牛燒到7成熟～油香十足加上日本鮮雞蛋、海膽和魚子醬。中間夾住日本米飯～口感十足又夠Juicy🥢鮮蟹肉粥 蟹粥粥底煲到綿密加入蟹柳、蟹肉、魚籽、菇菌鮮度十足🤩暖胃又好味🥢極上鹽燒牛舌芯 👍🏻必點美食～入口彈牙夠定熟💕配上四款調料柚子胡椒醬、粉紅鹽、香蔥乾、檸檬～香而不膩🥢巨大蝦球蝦肉夠彈牙包裏住棉軟薯蓉～外脆內軟🥢日本大蔥/串即叫即燒！蔥香十足申子居酒屋 @shinkohk 📍銅鑼灣渣甸街50號渣甸中心9樓📍旺角黑布街74-76號藝興大廈地下1號舖

趁週日梗係要食餐好見申子最近推出左新品 狗衝去試先順便飲下酒傾下計😆極上鹽燒牛舌芯申子人氣菜式 亦係居酒屋必點牛舌非常厚 爽口彈牙燒得剛剛好 炭香味加上內裡多汁充滿牛油香！申子海膽和牛燒🥩一聽到和牛海膽依個組合就知係勁野😆上菜已經好有睇頭店員會用火槍炙燒塊和牛 以卷物形式包住日本蛋黃拌飯🥚以海膽點綴和牛經炙燒充滿油香肉質鬆軟 夾埋鮮味濃郁既海膽 融為一體蛋黃拌飯亦將味道昇華😋本鮪赤身（吞拿魚）/四切🍣吞拿魚色澤很好 非常新鮮肉質尚算肥美 食完好滿足😍手打墨魚棒🍢墨魚棒燒得外皮香脆 入面墨魚滑爽口彈牙一啲都唔馬夫 調味重黑椒味 但唔會過火點埋蛋汁 濃厚既蛋汁包住香脆爽口墨魚棒😍是日黑馬✨✨下次黎一定會再點軟芝士黑豚卷/串🧀估唔到豚肉包住一整塊芝士一口一塊芝士 一啲都唔孤寒😱豚肉軟熟配埋一口芝士 送酒一流✨🍻蓬松玉子🥚🥚🥚份量好大 玉子煮到岩岩好嫩滑多汁 裡面芝士爆漿 令人一啖接一啖柚子酒🍸

餐廳環境舒適，食材新鮮好吃！很推薦！❤️🦪 廣島蠔鍋 $158蠔鍋好抵又好食，有5隻！大大隻十分肥美，好鮮味～個湯好好飲，真係值得一試～🐟 申子新卷$248申子新卷中心包卷住爽脆既炸魚皮，面加上不少既吞拿魚蓉、海膽及三文魚子，好有層次，口感物別！吞拿魚蓉好新鮮，加上鮮甜海膽及三文魚子，好好吃。🐮 申子海膽和牛燒 $378店員即場將和牛由生燒到7成熟，每翻一次都有期待～和牛燒好後包入米飯，卷起後上層放置海膽及魚子。和牛肉質柔軟而多汁，一口包羅萬有～有飯有肉又有蛋既香滑，再加上海膽及魚子的鮮甜中帶鹹香，層次高級又豐富。十分推介！🥩 極上鹽燒牛舌芯$128牛舌芯粒很厚身，一點也不韌。燒烤的時間掌握得很好，口感爽口又柔嫩，鹽味帶出牛舌的鮮味。

申子居酒屋出名提供高質素既日式菜餚，裝修係以深色為主調，加上舒適又寬敞既環境，好適合幾個朋友一齊嚟呢度食飯傾計💬。極尚鹽燒牛舌心🐮厚實肥美嘅牛舌肉質嫩滑多汁，濃郁油香味，入口即溶，外層仲有香脆口感，一啖接一啖。配以檸檬、海鹽、芥末同青蔥等調味，呈現出層次豐富嘅風味。鰻魚玉子丼🐟大大塊鰻魚，皮脆肉軟，帶有濃郁甜香嘅鰻魚汁，食落冇無腥味，搭配超大塊滑嫩嘅玉子燒，滑中帶甜，滿滿層次感！份量都好大碗，配白飯一流，可以話係超值嘅午市套餐。壽喜燒定食🍲上枱熱辣辣，有兩款前菜、麵豉湯、蛋同飯，份量好足。壽喜燒牛肉厚切，少肥肉，鮮嫩香濃又多汁，湯底清清哋幾鮮，仲有菇、豆腐、京蔥等蔬菜配料，牛肉蘸蛋黃更係絕配，大滿足。

好多時居酒屋比人感覺係要一班人飲下酒，整下前菜跟住又串燒，轉頭又整d鍋物咁，但我就認為一條友都可以盡興，整返個日式靚晏就，唔差返好d電，點捱埋下半場，等收工呀？👇🏻📌午 市 套 餐 - ▪️ 牛 肉 壽 喜 燒 - $288▫️ 原來而家做緊限家優惠，逢係指定午市套餐揀一款，即有買一送一，送一個丼飯呀，兩個人去就岩哂，我就揀左個「牛肉壽喜燒」，牛肉肉質食落滑溜，加上洋蔥、野菌、豆腐、娃娃菜全部吸收哂壽喜燒醬汁，份外惹味；最後落埋隻雞蛋，撈埋個飯一齊食，非常滿足。▪️ 鰻 魚 玉 子 丼 - ▫️ 買一送一有幾款丼飯可以揀，我朋友就揀左「鰻魚玉子丼」，玉子面頭經過火炙，口感濃香彈滑，鰻魚面頭加左d紫菜碎，腍滑入味；佢地午市套餐均附上牛舌粒、青瓜、吞拿魚蓉、蟹籽呢類前菜，當然唔少得麵豉湯啦，夠哂飽肚又好味，抵食！📌飲 品 - ▪️ 三 得 利 角 瓶 威 士 忌 梳 打 - ▫️ 佢地套餐有得加58蚊追加一杯呢杯「三得利角瓶威士忌梳打」，飲落份外清爽，又可以解膩，呢D悶熱天氣真係特別透心涼。

幫襯勁買💛申子居酒屋🎋@shinkohk位於香港銅鑼灣嘅申子居酒屋，延續咗旺角分店嘅高質素同熱情服務🫶🏽 喺銅鑼灣開設嘅樓上舖，用餐環境更舒適🎍 配以日式竹卷簾，好有私人空間💬 亦配備三腳同USB頭叉電位🔋日本套餐經典嘅一汁三菜，擺盤精緻🎏 兩款涼伴配菜做得相當用心😬 鮮嫩嘅蟹肉為主角🦀 搭配脆口嘅蟹籽同青瓜片，清爽又鮮甜🥒 另一款係炆得軟腍入味嘅牛舌粒，灑上蔥花同芝麻🍥 再嚟碗味噌湯作湯品，以魚乾同紅白蘿蔔熬煮出鮮甜味道🥕壽喜燒 牛🍲壽喜燒係以預先煮熟嘅鐵鍋盛載上菜，店員都溫馨提示我地要小心避免俾鍋邊焫親🫕 熱騰騰嘅湯汁散發出濃郁嘅香氣🍜 呢種呈現方式不但保持壽喜燒嘅溫度，從而帶出食材嘅最佳狀態🤤以薄切牛肉、旺菜、本菇、金菇同洋蔥為主料🥓 放入甜鹹適中嘅壽喜燒醬汁中煮熟，慢慢吸收醬汁嘅美味。將嫩滑嘅牛肉蘸上生雞蛋🥚 同蔬菜放入飯中一同享用，增加咗滑嫩嘅口感同濃郁嘅味道👅 角切魚生飯🍚丼飯中有鮭魚、吞拿魚同鱈魚等多種魚生🐟 被切成大塊角切，每一口都能感受到魚肉嘅鮮甜嫩滑🔪 上面鋪滿咗三文魚籽，增添咗一層鹹香味道🟠 清新嘅紫蘇葉同香甜嘅醃薑🫚 同壽司醋調味嘅壽司飯一齊入口，味道層次豐富🍚

鼎鼎大名的申子居酒屋(ㆁωㆁ*)第一次來到，其實想試試那些出名的招牌菜式不過朋友已經試過🤣那就試試少見的，畢竟品項十分多，有很多都想試🤤 ✿ 豪華三色海鮮丼 $298分別是海膽、蟹肉、三文魚籽當然每款都好吃，但蟹肉最驚艷，超鮮甜😳不過太好吃，分量不夠喉(*´﹃｀*) ✿ 汁煮左口魚裙邊 $148超肥美的左口魚裙邊，加上鹹香湯汁和三文魚籽魚油香大爆發，魚控一定超喜歡😍估計獨吃一份會覺得膩，不過應該沒有人會獨吃吧🤣 ✿ 日式扁皮鰹魚 $248與上一款剛好相反，油脂不多，主打魚肉味濃配上香蔥、蘿蔔蓉(?)，和醬油，挺清新的配搭😋 ✿ 廣島蠔福袋 $118注意燙傷🤣腐皮福袋內是爆汁的肥美廣島蠔🤤湯汁很濃郁，是海鮮+蔬菜甜味😋如果可以多點湯汁，讓福袋泡在當中，相信會更好吃 🍴加一服務費：✔️

申子居酒屋做緊promotion，優惠期間午市套餐買一送一，咁抵梗係要去食啦！申子三色丼 ($298)賣相吸引，吞拿魚蓉、海膽同三文魚籽鋪滿成個丼表面！吞拿魚蓉口感軟綿香滑，海膽鮮甜，配上粒粒晶瑩剔透三文魚籽增添鹹香，味道層次更為豐富。鰻魚玉子丼飯雖然係送嘅，但份量唔會細咗，質素亦唔錯，絕對冇將貨就價，認真抵食！鰻魚色澤亮麗肥美，加上厚身嘅玉子燒，令人流晒口水！鰻魚汁甜甜哋，送飯一流！前菜嘅牛舌入味，柔嫩彈牙，有驚喜。一口芝士黑豚卷(三重芝士) ($128)口感酥脆，入面嘅三重芝士有拉絲效果，超邪惡！

上個Weekend去咗銅鑼灣呢間樓上舖 ，都幾就腳喺Sogo對面行幾分鐘就到。呢度有卡位同包箱，想靜靜哋2個人或者一大班Fd嚟都冇問題👌🏻，都坐得好闊落幾舒服。一齊睇吓有咩好推介先😋！🔥 和牛海膽燒 $378爬過文知佢哋最出名就係和牛海膽燒，雖然價錢係有啲貴🫠，不過有店員喺你面前幫你燒，畫面好澎湃好啱打卡📸，如果第一次過嚟點都要試吓佢。店員會問咗你想幾成熟先開始燒，咁我覺得燒到7成口感都仲好嫩滑唔會起晒筋👌🏻。和牛入面係包住半生熟嘅蛋飯🍚，Topping就加咗新鮮海膽同魚子醬提鮮✨，成組嘢都幾矜貴，味道都好唔錯！🦀 鮮蟹肉粥 $168呢度有蟹蓋飯同蟹肉粥食，不過飯就價錢會貴啲，我都幾推介呢個粥，抵食啲💁🏻‍♀️。睇佢細細兜咁，其實個碗好深，食咗好幾碗都仲有😳，而且蟹肉同蟹籽都落得幾足，味道清清哋又唔會好鹹👌🏻，係飽肚嘅選擇嚟。🦪 廣島蠔鍋 $158食日本嘢，我都幾鍾意食蠔鍋。啲蠔夠肥美同鮮味，簡單一煲嘢就好好味👍🏻。🍤 巨大蝦球 $118 新menu嘅選擇嚟，店員都推介我哋試吓。佢係大過拳頭嘅一嚿炸蝦肉波波✊🏻，入面有少少軟心，肉實都幾扎實，食落啖啖肉，所以都好飽肚好滯吓🫠，建議多啲人食

‼️跟住我食唔中伏 朋友介紹我去申子居酒屋🏮，因為佢嘅午市套餐做緊買一送一優惠！聽到都興奮😆暑假就決定同心心前往一試❤️試過後真係驚喜🩷🩷🩷食物品質高！用餐環境也格外舒適👍每個午餐定食都睇到廚師對食材嘅用心，特別係「美國肉眼扒定食」，淨係賣相已經好吸引🥹讓人食指大動❤️而且店員同廚師都好細心，知道心心唔受胡椒，特意烹調時冇落，亦額外配上牛肉醬汁！肉眼扒肉表面燒烤得剛剛好，肉質鮮嫩多汁，入口帶有微微甜味，香而不膩口👍仲可以用蛋黃&洋蔥伴食更滑🤤我揀嘅「角切魚生丼」都勁吸睛😆角切魚生都好靚，刺身鮮味十足👍前菜同麵豉湯味道都好好，食完成個餐令人感覺完滿🥳除咗美食之外，申子居酒屋嘅氣氛都令我能夠放鬆身心，環境真係好重要❤️總結😄申子居酒屋所提供嘅卓越性價比，讓我對呢度流連忘返🥹🩷好期待未來再次光臨，可以品嚐更多料理🤤

銅鑼灣的日式居酒屋有好多,而申子就係我最喜愛之一。店舖內的裝潢好有日本風,而服務亦很好,食物又多選擇,所以很喜歡來。申子海膽和牛燒$378店員會在我地面前即場將塊和牛燒到熟,又會加上雞蛋,海膽和魚子醬。而和牛中間是有一舊日本米飯,好似壽司咁。 睇住店員係我地前面表演,真係好好睇。食既時候最好一啖食晒佢,咁就可以食到和牛的肉香,蛋香和海膽的鮮味。幾種食材加埋食入口就係超好食,個和牛好軟又多汁,真係一定要點。鹽燒牛舌芯 $88牛舌芯燒完都仲好多汁,而且超軟熟。配上少少鹽真係超好食,好有驚喜蓬松玉子 $108蓬松玉子其實是芝士雞蛋卷,中間夾有超多拉絲芝士,配上玉子,很不錯海膽炒飯 $238炒飯炒得乾身,加入了海膽、 三文魚籽、蟹籽及貝粒,所以個炒飯材料都好豐富,食入口好多不同層次,很好📍申子居酒屋渣甸街50號渣甸中心9樓#香港美食 #銅鑼灣美食 #美食探店 #hkfoodie #hkig #hkfood #cwb #foodie