Video
2-min walk from Exit F1, Causeway Bay MTR Station
continue reading
Telephone
59989108
Introduction
The lighting design makes a special IG check point for the restaurant. It provides lots of Japanese dishes, from side dishes, skewers and fired to the shabu shabu. The Hiroshima oyster pot is famous and the taste of Japanese miso is rich.
continue reading
Opening Hours
Today
12:00 - 23:00
Mon - Thu
12:00 - 23:00
Fri - Sat
12:00 - 00:00
Sun
12:00 - 23:00
Public Holiday
12:00 - 00:00
Public Holiday Eve
12:00 - 00:00
Above information is for reference only. Please check details with the restaurant.
About Reward Scheme
Offers
RELATED ARTICLES
申子一向都出哂名高質，今日又掛住佢喇，所以過咗嚟食晚餐☺️我哋坐單邊卡位，都幾舒服～佢哋成日都會有啲新品推出，今次呢個menu樣樣都好吸引，有和牛又有蟹膏～我今次就揀咗呢個申子海膽和牛燒 ($378)，本身睇相已經覺得好吸引，仲要有店員親自細心烹調添！首先會將和牛燒熱，之後就會將飯夾入去，每面都燒至五成熟就會加上海膽同魚子，真係超正呀！入口即溶，而且和牛同海膽都幾match，一啖食真係有少少意猶未盡😌另外我哋亦叫咗上次嚟食都有叫嘅拖羅蓉脆米餅 ($98)，本身拖羅都好澎湃，配合米餅食口感非常豐富～另一樣次次都叫嘅仲有極上鹽燒牛舌芯 ($128)，每次食都好有水準，牛味足，口感亦完全唔會韌，我最鍾意就係加埋柚子鹽，令牛舌味道更出！男朋友話一定要食吉列千層豚肉 (三重芝士) ($238) 喎！呢個啲芝士真係爆哂出嚟，而本身啲豚肉油脂都好豐富，超滿足呀～～而蓬松玉子 ($108)都好有驚喜，佢唔似一般玉子比較實心，而佢係有啲流心，有芝士香氣，蛋味亦好濃！最後都比佢個軟芝士黑豚卷 ($48)，吸引咗，軟芝士同黑豚味道好平衡，完全唔覺得邊一個有搶戲，做得好好～整體嚟講呢一間居酒屋有創新料理，而且又有啲大路嘢食，可以食得非常滿足🤗🤗
continue reading
喺旺角都食咗好多次 申子，每次都好滿意，但有啲菜式係分店限定，所以嗰晚就心思思去咗佢哋位於銅鑼灣嘅分店食晚飯🤪汁煮左口魚裙邊 $148左口魚邊經灸燒後啲魚油爆哂出嚟，入口係滿滿嘅魚油同油香，配埋佢哋嘅湯汁，食落係酸酸地，仲帶一份嚟自魚子嘅鹹鮮，作為前菜開一開個胃相當唔錯😝申子海膽和牛燒 $378呢款就係佢哋銅鑼灣限定嘅菜式，就咁睇呢塊A4和牛嘅Sɪᴢᴇ都幾大，油花紋路清晰可見，分佈平均，店員會將飯同海膽放係和牛上面，跟住將佢哋捲埋，每捲一次就會用火槍燒一次嗰面，咁樣可以令到塊和牛唔會Oᴠᴇʀᴄᴏᴏᴋ，食落口真係滿口油脂香，海膽帶甜，明礬味唔重，和牛肉質嫩滑，Jᴜɪᴄʏ得嚟帶點和牛獨有嘅油脂香，一流👍🏻極上鹽燒牛舌芯 $128必點Iᴛᴇᴍ💛 每次嚟申子都會叫嚟食，因為食完真係好滿足，厚切嘅牛舌芯燒到啱啱好，食落去非常爽口彈牙，鹽燒嘅調味亦恰到好處，仲有少少油香添🫶🏻日式雞鎚花蝦 $118呢個雞槌又係好有特色，用咗櫻花蝦嚟包裹住個雞鎚，櫻花蝦迅即變咗炸衣，口感更加脆卜卜，但額外多咗一份濃濃嘅櫻花蝦味🤪 雞鎚都Keep住肉質嫩滑，Nɪᴄᴇ嘅😌申子新卷 $248呢個申子卷夠哂Iɢᴀʙʟᴇ，卷物嘅餡料係炸紫菜，面層就係一大堆拖羅蓉加埋海膽同三文魚子，食落去嘅層次感係好豐富，面層嘅拖羅蓉同海膽係綿綿口感，再嚟三文魚子嘅爆破加埋炸紫菜嘅脆卜卜，一啖食哂個卷真係不得了😍申子呢間居酒屋，食物質素夠高，服務亦相當到位，用餐環境亦都好好Fᴇᴇʟ，而且佢係一間真香港人居酒屋，想食高質居酒屋，絕對首推💛
continue reading
𝕋𝕙𝕚𝕤 𝕚𝕤 𝕨𝕙𝕒𝕥 𝕔𝕒𝕣𝕣𝕚𝕖𝕤 𝕥𝕙𝕖 𝕣𝕖𝕞𝕒𝕚𝕟𝕚𝕟𝕘 𝕙𝕒𝕝𝕗 𝕕𝕒𝕪🆙銅鑼灣嘅餐廳係永遠都食唔晒🤓，最近又搵到間午餐好去處🏁，定食買一送一，性價比好高🌐。遇到 menu 有壽喜燒一定唔會放過，牛肉走唔甩🐮，肉質靚，將日本蛋🥚混入，牛肉味更突出🫴🏽。湯底香濃，娃娃菜同香菇完全吸收精華🍄🟫。買一送一就係送一個丼飯🍚，五款中我地揀左角切魚生丼🐠，食日本料理點都要嗌魚生既🤓。魚生充滿鮮味，部份經過火炙處理💥，落少少醬油就已經好滿足🌼。定食配菜有蟹肉青瓜🥒，我直接放埋入丼飯中，加料更豐富👻。另一個配菜係慢煮牛舌青瓜，牛舌腍👌🏽。Lunch Set | $288🐂Sukiyaki🍣Sashimi Don🦀Crabmeat & Cucumber👅Slow-cooked Ox Tongue & Cucumber🥣Miso Soup除左飲茶之外，見到 drink menu 都幾吸引👀，就揀左好 refreshing 既 Highball✨同西尾抹茶熱鮮奶🍵，鮮奶奶泡濃密🍼，多番攪拌後抹茶味漸出，顏色都幾吸睛✳️。🍋Highball | $58🎍Nishio Matcha Milk | $52
continue reading
呢間居酒屋有兩間分店，一間喺旺角一間喺銅鑼灣。我之前都去過旺角嗰間食過，環境氣氛都唔錯。所以今次就約朋友嚟銅鑼灣分店試吓!木系簡約嘅格調，而且座位比較寬敞，感覺都舒服!我哋叫咗最出名嘅⭐申子海膽和牛燒 $378- 店員喺我哋面前即整牛肉燒，火光紅紅，牛肉嘅香味四溢，非常吸引，最後再加上新鮮嘅海膽，真係滋味無窮!⭐蟹肉蟹子牛油果沙律 $148- 蟹子同蟹肉都好多，沙律同牛油果份量十足⭐極上蟹肉蟹膏燉飯 $288- 呢個蟹膏飯真係夠足料，一打開個蟹蓋厚厚一舊蟹糕就係喺飯面，而且味道鮮美!對於我哋兩個女仔嚟講，呢個份量真係啱啱好!而且居酒屋嘅氣氛都唔錯，我哋一路飲一路食，唔覺唔覺咁就悠閒咁食咗兩個鍾!正!
continue reading
🔺茶漬飯（和牛）$328嚟到呢到一定要試下佢其中一個招牌 - 和牛茶漬飯🫖啲和牛肉質細膩，入口即溶，搭配上清淡嘅茶湯，加埋葱粒同紫菜絲，口感仲豐富~🔺吉列千層芝士豚肉卷 $238鍾意食肉同埋芝士嘅愛好者絕對唔可以錯過! 呢道菜口外層酥脆，內層多汁，豚肉層層分明，搭配濃郁嘅芝士，口感豐富且層次分明。每一啖都感受到豚肉的鮮嫩和芝士的香濃🔺蓬鬆玉子 $108蓬鬆玉子外層睇落金黃蓬鬆，切開之後蛋汁同芝士同時流出，聞落有好濃郁嘅蛋香同芝士香，食落口感柔嫩滑順，推薦！
continue reading