船記

Open Now

Now Closed

食物一般，環境等於一般屋邨酒樓，啲枱同未搬之前一樣好逼，大廳非常之嘈，我哋幾個朋友想傾計，連聽隔離位講嘢都有困難。最精彩係佢的服務態度， 一坐低就好似想你即刻走 ，服務態度非常差 ，晚飯大約八點，叫三個餸，兩個都冇，燒鵝冇，魚都冇，問佢仲有乜嘢可以叫，佢勞勞嘈嘈，話可以點鮑參翅肚，我哋話冇諗住食呢啲嘢，佢話就嚟收爐，嗰陣時係八點零鐘，好似怪我哋咁晏仲嗌嘢咁樣。酒店嘅價錢，澳牛嘅服務態度，被迫同長輩飲茶冇得揀，以後晚飯唔使預我。

星期日，我同我先生早上11點鐘，啱啱餐館一開門，就到來準備飲茶。當時餐館好靜，得幾枱有人坐。令人意想不到嘅係，我哋被安排坐喺旁邊有個用嚟放廚餘嘅大垃圾桶旁邊。喺咁嘅環境食嘢，真係好唔舒服又唔衛生。當我同侍應講可唔可以換枱時，佢話所有枱都已經訂晒，仲話茶都開咗，問我點解唔鍾意呢張枱。我覺得好無奈，就反問佢點解唔乾脆安排我哋喺廚房入面坐算啦。我提到我寧願去國穗軒（7樓），嗰度點心同服務都唔錯，雖然要等大約三十分鐘。最後，侍應幫我哋換咗去窗邊一張細枱，但嗰陣我已經一肚氣。可能因為咁，食物都冇咗預期中咁好食。叉燒只係一般，咬落去偏韌，冇咗今年年頭餐館未搬之前，嗰種入口溶化滋味。我懷疑嗰啲叉燒會唔會係太早來而比我哋前一晚整嘅？又，我哋食飽準備走嘅時，啲枱都未滿晒。Obviously, 嗰張廚餘枱是不需要比我哋。作為一個香港土生土長嘅美國華人，專登嚟香港重溫童年快樂回憶，順便享受正宗嘅中菜，呢次嘅用餐體驗真係令我非失望。我希望餐廳嘅老闆可以投資培訓員工，改善服務態度，對顧客多啲尊重。一啲禮貌同細心可以幫助營造更難忘嘅用餐體驗。

星期日，樓上嗰間冇枱，唔想等，去咗船記。食物質素真心覺得唔差，但服務質素真的要改善，否則真係趕客走！首先個場有好多空枱，但佢都要啲客個半鐘食完埋單走人！此外我已經盡量貼住張枱坐，但係我張凳都比佢啲侍應撞過無數次！我心諗，點解而家真係深圳啲服務態度好過香港？以前係係囯內跟香港學習！而家似乎真係要調返轉！

好少寫食評，今次唔寫過唔到自己個關。同朋友食飯食到一肚氣都係第一。一坐低餐牌都未睇茶都未斟就問你叫咩食。又話乜嘢乜嘢好新鮮要唔要留定如果唔係就冇得食。然後嗌咗幾個前菜全部都唔使煮，唔知點解要等20分鐘先至嚟到。其中一味‘子薑皮蛋’變咗老姜皮蛋，係老到一眼就睇到唔係子薑。跟住就同我哋講豬腳仔已經賣晒。睇晒成間餐廳當時只係得兩三台人客，點可能賣晒都唔知仲俾我哋落單。ok冇問題，跟住點咗幾味小菜同半隻豉油雞。仲問我哋要新鮮雞定雪雞，我哋點咗新鮮雞。啲小菜食到七七八八，然之後先至行出嚟同我哋講話豉油雞賣晒。然後問我哋想唔想叫其他嘢，我哋就叫咗個豉油王炒麵。十幾二十分鐘之後又話我哋聽豉油王炒麵做唔切，請問豉油王炒麵究竟要用幾多時間？嗰陣時九點鐘都未夠。最後叫咗甜品，其中一個係脆麻花。又係等咗十幾二十分鐘然後問佢脆麻花做好未？個答案竟然係好唔耐煩咁話‘都話咗俾你聽冇啦’，仲要係夾雜着一個非常之不滿嘅眼神咁望住我哋。佢究竟幾時話過俾我哋聽呢？唔通我飲大咗收唔到？最後埋單嘅時候竟然可以將話賣晒嘅小菜計埋落張單度。成晚咁多嘢都話冇，我哋已經好客氣好禮貌，唔該前唔該後，竟然一句道歉都冇講。已經係經理級人員

今早總是下着毛毛雨，令人不想外出午飯，故我們揀了附近的食肆（合和中心內），不用打傘，本打算去國穗軒，但𨋢到6F ，即管看看船記有冇位，之前去過幾次冇訂枱到冇位，它從船街搬到這裡我都未試過，今天竟然有2人枱！入到去見到啲枱擺得好密，幾乎全爆滿，前後椅背都是踫著，別人行過都撞到枱上東西；食物種類和價錢則同以前幾乎完全一樣，我哋點了牛肉腸、帶子餃和魚湯魚滑銀針粉，之前在舊舖吃過頗好味，但今躺比前差，帶子餃皮好厚和韌、魚湯銀針粉冇魚湯、好乾，牛肉腸還可以，但個伙記送來時啲豉油倒到枱上，他也就放下、完全沒事一樣，最後我們問有冇甜品，個女經理只用對講機叫人給我們兩碗紅豆沙，並沒有正面回覆我們就離開，服務態度真的有待改善😢

聽闻船記搬去新地方想同朋友去試下，中午致電訂桌，但由於臨時朋友有事來不了，故打電話去取消訂座，有位女同事聽電話，我俾左名，電話資料给她，她回一句：想怎样？语氣不友善，我停了两秒，說不好意思要取消订座，她掛左電話。我覺得好奇怪且惊讶，就算我來不了，我都有打電話去取消，今時這样服務態度，我都不敢恭维，下次都没興趣去試，好像不自在，我都慶興没去帮襯，免得付钱去受氣。

米芝蓮必比登推介小館「船記」最近搬左去合和中心，比舊店地方更大，有幸成功book到枱避風塘百花茄子龍井茶香蝦船記叉燒皇鵝皇飄香荷葉飯船記頂肺湯（鮮磨杏汁花膠燉白肺湯）生啫馬拉盞芥蘭煲竹笙羅漢上素船記XO醬小炒皇菠蘿咕嚕肉壽桃香口既餸菜炸得乾身唔膩，「船記叉燒皇」肉質嫩腍，「船記頂肺湯」濃郁好飲，但全部餸都偏咸，食完都幾口渴，加上d枱排得密密麻麻，樓底又矮，嘈到根本聽唔到隔離講咩，不過呢個就係香港酒樓特色🙈

船記剛剛搬到現時合和的新鋪，相較舊鋪，現時寬敝很多，而且沒那麼嘈雜，但招呼一般，尤其高高的男經理態度麻麻。叫了一些點心及小食，味道和鑊氣都很好，但食材不新鮮，浪費了廚師的手藝。若果能用較優質的食材，以及改善服務態度，冠以米芝蓮才是實至名歸。

星期六想去試吓，行到門口，個大嬸知客猛掛住講電話，當你冇到。到佢講完電話，話佢知冇訂位，佢就話今晚好滿，唔知係有位定冇位，跟住又繼續講電話，直情當你冇到。 但當時餐廳入面有好多吉枱。 於是未食，已經唔想幫襯，去佢樓上國瑞軒平靚正，最重要係人家招呼好佢十萬百千倍。今時今日仲有啲咁既服務態度，簡直趕客多於一切。

讚-手工粵菜係做得出色 叉燒鬆軟有肉味 蝦多士唔油膩 豬肚雞好夠味 豬肚好入味 錄鵝鬆軟又入味 芋頭超好味 大部份菜式都有水準-上菜節奏好好 唔使等餐飽彈-唔知係冷氣唔夠定太多人 係有啲焗-蝦烏冬偏淡 杏仁茶既味唔夠重