白木屋 (Closed)

因為o係九龍灣返工關係, 下午食LUNCH都有去幫襯, 午餐牌有好多選擇, 味道算唔錯, 有會員卡仲有九折, 等於免加一, $40至50左右一個人, 唔算貴!早兩日又去食LUNCH同餐廳馬經理都算幾熟, 去介紹我餐廳有新菜出, 叫我晚市再黎食, 話和牛抵食, 又話有新韓國料理出, 我心諗日本餐廳SELL韓國菜咁騎呢? 但佢講到繪形繪聲, 又因為早前父親節未有同屋企人食飯於是決定昨晚同屋企人食餐飯補數當晚七點零鐘去到,馬經理見到即刻黎招呼我, 跟住介紹我食和牛刺身, 韓國水餃鮮蝦鍋, 同韓國刺身拼盆 和牛刺身鹿兒島產, $68 五塊 真係好平! 另外呢韓國料理都好有特色, 特別係韓國刺身用生菜加辣醬包住呢魚剌身食, 好特別! 最後叫左個韓國甜品刨冰, 個甜品有好多生果又有雪糕, 我細表妹勁鐘意! 總括來說食物算唔錯, 服務方面坐滿客時段要叫兩三次先有回應, 但唔算等太耐!

同朋友去睇戲順便食野, 諗住朋友就快生日, 順便幫佢慶祝埋, 諗住食餐日本野大家開心下, 點知就出事了…叫左個極品刺身、米澤豬肉雜菜鍋、鰹魚壽司、燒汁豬頸肉飯、同埋一D散叫的壽司個極品刺身, 入面有吞拿魚腩、甜蝦、海膽、三文魚同北寄貝, D刺身好霉兼有筋, D海膽唔好食…D壽司飯好大舊同好鬆, 一夾即散…而個特別推介的鰹魚亦不見得好食…=.=個豬肉鍋無乜特別, 一般…個飯好咸唔好食…D野食全部都好細碟, 根本唔夠飽的…食完都有一星期, 其實都唔太記得其他食左D乜, 但唯一記得的是︰以後都唔好去食~

星期六7點幾入座, 唔駛等即入叫左燒螺, 燒魚, 有個飯(唔記得名), 海膽sushi同埋蒸蛋頭3樣貴夾普通, 都算喇, 點知....再黎個海膽, my favourite, 點知....黎既時候見到佢硬倔倔一片片撻o係舊飯上面, 面色已經一沈, 點知食落口....唔溶, 要趙, 我覺得自己好似食緊泥, 乜味都冇!!!!! $38一碟俾d咁既野我食! 再黎多個蒸蛋, 唔滑又乾真真.....食左1/3頂唔順了, 埋單後我一蚊tip都冇俾! 我呢一世都唔會再食! 未試過食日本野食到掟筷子要求埋單走人! 5樣野差唔多300蚊兼唔好味又唔飽!!!!

原來有7折, 早知食前睇下開飯先啦!~我地一去到叫就叫左鏗魚壽司, 雞軟骨串同雞串做前菜!~味道都ok!~之後就到主菜, 有蛋包飯, 冷麵, 網燒牛肉同牛肉火煱!~蛋包飯d茄汁好好味, 不過職員話只是普遍茄汁!~冷麵就普通d!~友人話牛肉火煱好好味我就覺得網燒牛肉最正,好juicy!~燒耐左都唔乾唔韌!~好好味!~最後仲叫左枝豆,巨峰梳打同豆腐雪糕!~好滿足既一餐

其實我之前以經寫過一次, 不過唔知點解無登到, 所以再寫過, 可能今次填寫的用餐日期未必正確.我地上次6個人食左$500幾蚊, 其實好抵食, 佢地環境ok, 服務又好, 算係咁啦, 我知道白木屋係日本係笑笑集團的, 而我都有去過日本的笑笑居酒屋, 當然居酒屋形式又唔同白木屋, 但講真so far, 我地食左七八款野, 真係樣樣都好味, 其實我見好多食評話佢d薄餅太薄, 其實佢地係想做到"翠", 唔薄點"翠"呢, 有人話佢地的分量太少, 講真, 香港地你食得日本野間間前菜都係差唔多大細, 佢係前菜...會比幾多你食啫, 至少佢的味道ok, 佢d刺身又好新鮮, (我地係去度問有乜魚靚, 先決定叫乜).我本人推介"巨峰芝士蛋糕"

行完 megabox 諗住食日本嘢, 見到呢間個門面幾靚 and 餐牌都幾多選擇, 價錢又 ok, so 走左入去。叫左一份響螺串燒, 介辣尤魚壽司, 蟹粥 and 劍魚刺身響螺串燒 and 劍魚刺身都 ok gei~, 但另外嗰兩樣就咸到飛起...... 食完呢餐, 返到屋企要狂飲水﹗以後都唔會再去﹗

話是食日本野...咁就走左去lei間野度食...睇門面以為冇人幫襯...入到去都幾多人架wor海膽豆腐...海膽好少...同豆腐係分開兩樣野= =分量又好少...比張相欺騙左雞軟骨...ok啦...不過又係分量少,連檸檬都冇蛋包飯...就係一碗炒蛋+西炒飯,就咁放塊炒蛋係個炒飯上面就叫蛋包飯...= =有d失實wor~薄餅(名唔記得了)真係好一份薄餅,薄到極點/ \不過幾好味既...係重味左d囉壽司帶子同海膽都唔錯..算幾新鮮(不過今次既帶子係黃黃地色,帶子唔係白色架咩??)之後我同d fd每人叫左一mug燒酒(唔同口味)個個mug係一個燒酒杯黎既,不過隻杯又係唔合格,玻璃好厚,相比分量少好多飲左好冇酒味...$28杯唔抵飲囉細食既人去食就會好d囉= =~如果唔係真係可能會唔飽...

今日本小姐day off就同左我朋友去mega box行街~行行下~我朋友見肚餓喎~佢又鐘意食日本野喎~就去到呢間囉!我一望:下!d坐位得個10張卡位同大約13張2人(木台)咋!咁細既!我本來都唔去入去架!但我朋友拉住我話唔好啦*2係呢度食啦!~我就講:好啦*2就呢度啦!哈~我地未入去就已經左位侍應好殷勤地同我地講一句日文)請問幾位架!~想坐卡位定窗口位架同埋要收番5蚊茶芥!~我唔mind~之後我話:窗口位~我就~原來行入d都有好多位架喎仲有得睇tv架喎!good!坐低左之後侍應就俾茶同介紹today有咩由日本低港既新鮮fish~good!我地兩牛油帶子~好味!三文魚子炒飯(兩份分)good!飲品:黑芝麻布丁曲奇奶昔~good*3!甜品冬nut~雖然係要等左一陣~but真係好正架!之後the bill走人啦!d侍應仲同我地講句日文tim!~that all~

前日，我和女朋友一起去九龍灣行megabox，其間接到份白木屋的傳單，是秋季精選餐牌，上面還貼了張八折優惠券，有八折！就抱住嘗試的心情，打電話去訂了張八點半的檯。行完商場，將近八點半，我就去白木屋。門口既staff安排我坐近門口的卡位，是張四人檯，幾闊落，可以望到電視直播，岩岩播緊<X敵同行>。staff落茶時同我講每位要收$5茶介，哦！日本餐要收茶介都是第一次聽，果個staff見我有些O嘴，就同我講呢D系日本靜剛出產的靚茶，所以要收番$5茶介，叫一杯飲品可以免一個茶介。我飲左一淡，的確和一般日本餐廳的綠茶吾一樣味道，好清新的茶香！檯上得一個餐牌，我女朋友睇緊，staff好醒目，我未開聲，即刻遞多個餐牌比我。我和女朋友一起order左蜆肉意粉，鹽燒雞翼，XO醬炒帶子和staff推介的鮮魚剌身。蜆肉意粉少少辣，很香的蒜蓉味，都幾多蜆，喜愛蒜香的朋友一定要試啊。XO醬炒帶子空口食鹹左少少，用送飯應該吾錯。鹽燒雞翼外皮脆脆地，幾香口。鮮魚刺身雞魚，厚切，肉質爽口，吾腥，好食。魚骨湯，有豆腐和靈芝菇，很清甜。一魚兩食，$148，幾抵食。加左兩杯飲品，免左茶介。綠野仙蹤很香

見佢評分麻麻, 幫下佢先. 我差不多每個月都去這個商場, 其中一個目的就是到這店食野. 點解我覺得OK呢? 其實食品選擇方面有很多, 其本上味道都不錯, 如果要投訴, 只能說份量不多. (同"禾文"個類之份量相差不大)至於有人覺得收$5/位茶貴, 但是你想下, 去中式酒樓都要收茶錢啦, 人地比日本綠茶. 另外, 明買明賣, 每次食完都有一張8折COUPON下次用. 計落同"禾文"都差不多. (P.S. 我都是"禾文"常客)做生意吾賺錢搵鬼做咩......

book檯時已擔心，因附近既泰蘭花、鳴門、california pizza kitchen、魚一丁都爆左，呢間未爆唔知好唔好食！不過心想這是中秋節前夕既午飯，多人都正常。book左檯去到都係要等‧‧‧‧‧‧等左20分鐘，終於入到去。落完單，又等左好耐，同行8個女仔，有6個要三文魚+蟹子飯餐，1個要牛肉飯餐，1個要迷你吞拿魚飯+燒餅。好快地牛肉飯同燒餅黎左，竟然係熱盤先到，煮既仲快過切既魚生？唔知佢地係咪未試過所有檯都full晒，做極都做唔切！等了又等，等到花兒也謝了‧‧‧‧‧‧20分鐘後，終於上左魚生飯。真係「啤」一聲，正常三文魚飯既size同迷你吞拿魚飯既size一樣？！有無搞錯？！個碗口只係比手掌心大少少，細碗到食完都好似無食過野！細食既女仔應該夠食掛？不過同行既都唔夠食囉~~我個三文魚飯非常普通，畀多十蚊八蚊，食「鳴門」好好多！！一食完就急急腳返公司，之後仲要食月餅呀，蝦條呀，砵仔糕醫肚。唔知係咪午餐既關係，無$5茶錢呢樣野！結論係，難怪呢間店咁多劣評，趕時間和大食既千祈唔好揀呢間。

睇完戲去搵食，想試吓呢一間。點知位置在２／F而不是食店較多的其他樓層。好大，　但人很少。入到去見到「茶錢每人HK$5」告示週圍貼，另一方面，食完有八折券。可見呢家分店很想找客，　又要為到本。點了：函館冷麵$3x　－　外觀很靚，味道不錯雜錦刺身飯　$8x　－　是料理長推介，但味道很一般，份量較少。壽司亭及魚一丁較好串燒雞肉　$20　－　肉　”肯”，可能燒的時間沒有連皮燒，自己煎的雞還好吃三文魚壽司　２客　$36　- 比出面 貴,但味道一般埋單2人$210

今日下午3 個人去食...門口既staff 已經同我地講食滿$100 有8 折~入到去人流唔多... 不過員工亦好有禮貌~一打開餐牌有好多好多選擇, 但有d原來係重覆左~我地叫左:香蒜牛油帶子 $38 ( 好香, 一定要襯熱食 )什錦魚生飯 $88 ( 份量少, $88 貴左d 喔... 同埋d 飯太硬了 )北海松葉蟹肉帶子PIZZA $52 ( 蟹肉帶子太碎了, 完全冇哂口感 )炸明太子芝士雲吞 $26 ( 咬落去, 只係食到炸芝士既味道, 完全冇明太子既存在 )帆立貝至串(汁燒) $36 ( 得8 小粒, 平均 $4.5 一粒, 都算貴吧,但味道幾好 )三文魚壽司卷 $48 (三文魚新鮮!! good ! )仲叫左3 杯野飲, 野飲都okay ~ ,平均都係 $25 蚊杯~

之前我聽這裡網友們的食評話唔係太好,所以上星期五我就同另外四個朋友一齊去食,不過每人$5蚊茶錢真係怪怪的.......首先講食物方面,我果日5個人叫8款食物都OK,冷麵都令我留下深刻印象,石頭飯,賣相亦算不錯,並唔會比我想像中那麼難食......那裡的待應態度整體上都有禮,整體上有問必答.......因為小弟有張MEGA BOX VISA CARD,所以是次幫襯都有九折優惠,只係嫌食物的份量整體上都比較少些......

今日午餐去左megabox的白木屋吃lunch, 我有以下的評語:日式咖哩豬扒飯....味道都唔係日式咖哩, 汁太稀, 辣左d, 豬扒d炸粉太多太厚, 由於汁太多及太稀令豬扒變諗, 一d都唔脆口, 好失望 !正宗日式咖哩豬扒飯...應該係帶甜而汁濃d, 豬扒要鬆化脆口 !餐湯明明係麵豉湯, 點解冇麵豉, 只得海帶同埋蛋化, 好奇怪的組合 !!!餐飲...我要的是咖啡, 點解冇brown sugar提供, 侍應只係比左包白糖就算!!!上餐次序好有問題, 居然餐飲係最快上的...我要的係咖啡...相信係餐後咖啡而唔係餐前囉 !!! 杯咖啡味道都唔錯, 而且仲好滑, 最可惜係...吃完飯後, 杯咖啡已變涷, 味道變酸了, 真係浪費左杯咖啡!!!侍應服務真的有待改善....我的湯還未喝完, 那位侍應問都冇問我吃完未, 就想攞走, 一d都唔專業, 同埋唔尊重客人呀 !!!另外一項收費係....要收$5的茶位錢....日式餐廳要收茶位錢...我都係第一次係日式餐廳要比茶位錢 !!!