白木屋 (Closed)

環境一般！服務唔掂！食物又唔掂！做左老襯囉！因為我地人未齊晒，又坐耐左少少，Ｄ侍應就成日問我地會有幾多個人到？想點Ｄ咩食？每次食物送到哩，好幾次Ｄ侍應都只係放低就走開左，唔會講下Ｄ食物係乜野，有Ｄ特別Ｄ食物又唔會講下點食！而且，好多時要我地出到聲Ｄ侍應先至幫我地斟水，但佢地又收客每人$5茶芥（睇張單先知收茶芥，奇怪!?）。另外，上菜慢，有Ｄ食物等好耐都未到，搵侍應追一追啦，有Ｄ凈係用講講機追一追廚房就算，結果又再等，係後尾再追，至有個負責任Ｄ既侍應真係走入去廚房追一追、睇一睇。有第一碟到最後既甜品，食成差不多兩粒鐘！講到Ｄ食物，人地寫食評係推介食乜，我就反而要推介唔好食乜：1.正宗廣島風薄餅－即係日式燒餅，上碟唔夠熱，個餅底成半吋厚粉漿，內餡無乜料，佢仲夠膽用「正宗」兩個字。人地兜炒好材料再加粉漿，等Ｄ粉漿同餡料溶為一體，佢地就好似整Pizza咁，整左個餅底，再係上面加餡料，唔怪之得佢叫薄餅啦，而唔叫燒餅！2.香蒜牛油帶子－無香蒜味，無牛油味，奇怪在係成碟鋪滿洋蔥，帶子唔使講，雪藏貨，問你死未！雖然只係買$38，都唔好咁求其，咁欺場丫！3.白汁南瓜焗皇帝蟹肉－個名明明寫明係焗皇帝蟹肉，

早前收到恆生信用咭於九龍灣Mega box 指定食肆之半價優惠介紹, 決定於優惠期內往白木屋一試, 早上致電訂位, 店員回覆由於現正推行恆生信用咭之優惠因此不作訂位安排, 此期間只接受walk in 客戶本人與友人於二零零七年八月六日晚上六時四十五分到達九龍灣Mega box白木屋, 店外並無其他客人等位, 打算向接待員登記人數, 誰不知當說出人數十一人後, 接待員便回覆滿座, 客人全部也是剛剛才進入店內, 我當時呆了一呆, 便再查詢是否可以取飛等位, 她好不可奈何才願意給我一張等位飛, 接著我便坐在店外等位, 過了約10分鐘, 另一位待應走到我們面前向我們說你們十一人比較難安排位置, 表示等候時間會很久, 這時我不明白, 這樣是否想簡接告訴我, 你最好不等位啦於等位期間, 一直有其他客人等位入座, 亦有其他客人想取飛等位, 可惜卻得到同一樣之回覆, 晚上7時時更表示因為人太多不派飛, 約一小時後, 本人仍然未有位置安排, 我便先告訴接待員我們已人齊, 但得到既回覆竟是在你們之前已有8位檯等, 我便再問我是第一個到等位, 為什麼會再有其他人在我們之前? 店員回覆客人為該店之員工, 我當

由於booking滿咗，所以無得book位要walk-in等位，都唔知道係好彩定唔好彩，我攞飛後無耐就開始唔派飛．等咗好耐足足要一個鐘先有位，叫了一d壽司，size都正常不過d飯就比較散，一'甲'就爛．要咗蒜茸帶子，個帶子size好似手指公禁細．另外要了一d天婦羅，串燒，鍋飯，焗年榚......．不過所以d食物嗰size都好細．有比較之下，都係和民好食d．好彩今次係半價，如果正價就唔係幾抵食．

二家姐之前試過一次幾好, 所以今次帶埋daddy, mammy黎試....我地總共7個人, 個陣唔係太多人, 諗住會有一個好d既位, 點知佢比張6人台我地, 仲要係拍埋牆, 諗住算啦...唔緊要~ 都逼到既.....我地諗住寫好晒想要d咩, 可以一次過落單, 唔使阻住個waitress~ ok...寫好晒..叫個waitress (A) 黎落單....佢一見到張字....話係要No. ...o甘唔緊要啦~ 我地可以搵返d No. 話比佢聽.....搵到個頁....諗住講個No. 佢聽個陣..咦! 唔見左人既..!?...原來佢去左第二度幫人落單....乜..唔係serve緊我地架咩!?!?!?!? 算啦...我地忍...搵好晒d No. ......諗住講比佢聽...佢話比張紙佢就得...o甘咪比佢囉...... 過左20分鐘..... 心諗...唔係幾對路....小食黎咋喎!!!! 使唔使o甘耐呀...人地個d都齊晒....o甘咪問佢有無落單....佢第一句好肯定o甘話'' 幫你落左架喇!!!!'' ......我地話.... ''落左都o甘耐!?!?!?''.....佢就開始諗..

前日同3個好耐冇見ge朋友去MEGA BOX行街行經２樓，竟然有間居酒屋，見有ｄ肚餓同支力就入左去喇以為間野好細，點知行入去，都ｏｋ大！坐低梗係想慢慢睇下食咩架啦，好彩佢地仲會俾荼我地飲，咁就真係可以慢慢黎場內仲有好大個ＬＣＤ電視，播緊HITOMI個演唱會，岩晒我個位愛日本愛到死ＧＥ朋友我地４個大食怪點左好多野食豆乳牛肉鍋，廣島薄餅，牛油帶子同埋甜品綠茶刨冰係我至愛豆乳鍋姐係豆漿啦．仲要無糖唔會又甜又咸感覺創新廣島薄餅好味又飽肚，仲俾我發現有公仔麵係入面，唔知係咪１丁麵呢？個刨冰雖然冇咩綠茶味但就有我好鍾意ＧＥ紅綠豆可能我唔係好鍾意食魚生之類，食物方面有Ｄ扣分，好憎陣腥味野食黎得都ＯＫ慢，好彩我地係３個人黎，唔多肚餓又吱吱喳喳唔多理同埋分量都幾少，咁ＧＥ價錢真係有Ｄ貴不過總括黎講都ＯＫ！題外話有個WAITRESS幾靚女仲好ＮＩＣＥ添。

18 July 2007 (Wed) - 午飯同一個勁鍾意食日本嘢既朋友仔黎呢度食晏，係因為我都唔太食得落，怕去啲restaurant, portion會好大食唔晒會晒嘢，但我知我一定食得晒日本嘢！可能時間尚早，好多位，然後嗰度有個大玻璃窗，觀景都唔錯，幾舒服，二人座位都唔覺迫！望下menu見到有一欄係lunch至有既mini menu，都幾得意，我見細細份咁啱晒今日冇乜胃口既我，所以二話不說就打算叫個迷你雜錦魚生飯($38)，朋友仔又話要呢個mini menu既食物，老實說，佢又邊會夠食．．不過佢要由得佢啦，叫咗個迷你葱吞拿魚飯($38)，其實係兩人share 食，不過老實說真係麻麻，因為魚生飯啲魚生著實唔多，蛋粒同青瓜粒仲多，但係青瓜好難食，苦架．．．就壞～　食到咁上下，我哋再叫多個迷你海鮮沙律($20)，我覺得呢個唔錯，不過真係勁細碟，又係share食！食完晒之後，朋友仔話食雪糕，我都鍾意食，所以冇所謂，叫咗一杯綠茶，一杯豆腐味，每杯$10，都抵，所以至叫，綠茶味唔錯，幾重綠茶，唔會太甜或太奶，但係較粉．．．豆腐味就唔得，完全食唔到豆腐味，似冇味多啲，又粉喎．．．唉．．．不過呢度

上星期約左幾個同學食飯有幾個同學都未去過mega box咁咪諗住一齊入去行個圈,順便食個飯我地去左mega box 二樓一間叫白木屋既諗住食日本野因為個時正值食飯時間我地怕等得耐咁攞飛前問左佢要等幾耐門口個兩位小姐就話: 有一張大抬有人book左, 但係仲未到, 如果過多五分鐘未到就安排俾你地五分鐘姐, 等得過呀於是攞張飛,一行七人就企埋一邊等過左10分鐘, 未見有四人以上入過去咁咪過去問個位小姐有位未啦佢地話未呀, 你留底電話呀, 有位我打俾你地呀唔係呀MA, 又話5分鐘好啦冇計, 留底左電話, 但係根本冇野想行, 只係想食飯, 咁唯有繼續企係到等下啦等等等....已經等左廿分鐘啦, 根本都冇大枱入過去有小小不耐煩, 忍唔住過去再問下點個位小姐話: 入面執緊ga la, 等多陣啦先生哦...執緊喎, 咁應該就快啦, 咁等多陣囉...如是者又過左5分鐘, 我無奈咁望住門口兩位小姐我地有我地等, 佢地有佢地係到玩終於其中一位望過黎問左句: 七位係咪呀? ...我地七個人企左係到等左40 分鐘啦, 你依家仲唔知我地幾多位呀無奈地答: 係呀小姐然後佢冇理我地, 繼續玩... =o=又過左1