順興茶餐廳 (Closed)

頭一次食野食到我熨囉(一)佢地落單好大問題- 我地要2個炸醬撈面餐(有2杯飲品) 佢就落2個炸醬面+2個飲品 收多我地接近$20- 突然收多左一杯飲品既錢 收多左$13(二)服務態度差到冇得再差我地check單check到有問題所以問下佢地,佢發我地悔氣仲要再叫佢地就唔應我覺得好過份囉不過d野食物都算okay...唔算難食...但係我一定唔會再去...

下午去左義香...夜晚就黎到順興食晚飯叫左個獲仔牛柳飯餐,,,有個包,,有碗白湯,,飯同牛柳分開上另外仲有個飲品,,,茶餐廳黎講算係好抵!!餐湯淡味左小小但都唔錯,,,食得出d蘑菇好新鮮!!!牛柳味道好濃,,,而且好林,,,女友叫左個焗肉醬茄子飯,,,需要個賣相黑左小小但好彩唔會有焦味...d肉醬淡味左d,,,但整體都唔錯,,,飲品都沖得好好...下次一定會再黎=]

臨離開九龍城，買D野返屋企一陣tea一tea先。其實九龍城食肆雲集，選擇實在太多。如果要質素保証，可以去街市樂園買杯奶茶同件豬扒，又或者到豪華買件蛋撻，但咁啱經過依間順興就決定畀次機會佢。...其實講到尾，都係惰性作祟，懶得行去第二度買。見到佢咁巴閉自己出樽裝奶茶，應該都唔會差得去邊? 加多個蛋撻同蛋球，閃得。凍奶茶($11)飲落有苦味，奶唔夠，茶亦都唔太香。$11一細樽認真唔抵。蛋球($5)本來$5不太過份，但無奈佢比市面的細件。蛋球幾鬆軟，但好油膩，雖然冇檀島咁經典但都相當唔好受。味道方面，牛油味非常之咸，令到成個沙翁又咸又甜，非常奇怪。味太重，都食唔到蛋味。蛋撻($3)畀老頭子搶左去食...佢話好食。不過睇落去個皮幾薄，好似好鬆化咁，應該唔差，下次可以一試。

有晚放工特登過去買個沙翁食，因為聽人講黎道的沙翁好出名.......夜晚10點幾買，都預左佢唔會再新鮮出爐，肯定會凍凍地，買一個都要$5，貴左d......念住係因為太好食而咁貴啦，點知一食落口就大鍋啦，個沙翁真係好油，咬一下d油就"必"哂出黎.....食到成口油，我覺得d油多到可以炒碟菜................不過個沙翁都算有好香的蛋味，但唔夠鬆化，可能凍左掛............係唔係因為我太夜買先會咁樣呢？可能掛....................我相信如果新鮮出爐會好味d囉.....................

大概是來的不是時候(下午四時半左右罷)，炸蛋球冷冰冰的，硬身，委實是有點難下嚥的。芝士豬柳包，那個包同樣硬......意外驚喜，是美味的波浪型薯條。

我好鍾意飲奶茶, 但凍奶茶, 我就望而卻步. 因為d 冰會沖淡咗d 茶味和奶味, 令一杯好端端的奶茶全走了樣. 所以有些地方, 如金鳳有雪凍奶茶, 我必會捧場. 呢間茶記係近幾年也開始賣樽仔奶茶. 我見有少甜, 就試下, 真係比加冰的好好多. 至少你仲認得佢係奶茶, 有茶和奶的味道. 對於夏日炎炎, 又想飲熱奶的我, 的確係唔錯的選擇.

　　仲記得第一次黎順興，係我小學一年級開學當日，媽咪帶我黎食早餐。我仲記得果日唔小心將太陽蛋Ｄ蛋汁整污糟左件白恤衫。此後每隔一段時間，媽咪就會俾十蚊我去食午餐，當時一個午餐賣八個半，凍飲加五毫。果時我為左慳錢，例必飲熱華田，食飽飽找番個半就拎番屋企俾媽咪。有一次媽咪教我，找番嘅錢可以去衙前圍道某餐廳飲外賣凍豆漿，我又記得細杯賣七毫，大杯賣個三。　　就係因為有一段咁嘅歷史淵源，驅使我今日下晝走左黎往事祇能回味。　　黎之前我上ＯＰＥＮＲＩＣＥ查過呢度有咩好野食，發現有食家話順興有炸蛋球供應，剛巧我愛人一向好鍾意食炸蛋球，於是我地就叫左：　　炸蛋球X2－$5.5一個，唔係出爐時間所以係凍炸蛋，外皮好多油，好明顯砂糖同油融合埋變成一層糖油，咬落唔熱唔脆，食唔到雞蛋味。食嘅時候我覺得我放緊一球卡路里入口。唔算好食，不過買個回憶、買一份懷舊，都係抵嘅。　　熱奶茶X1－$10一杯，只係普通茶餐廳應有嘅水準，絕對唔係足以稱霸嘅奶茶，起碼比唔上太子金華冰廳及觀塘英發茶冰廳出品。在下係奶茶癡，全香港稍有名氣嘅港式奶茶大致上冇乜邊間未飲過，因此，唔好貿貿然響我面前自認「奶茶我稱霸」至得架！　　紅豆冰X1－$

女朋友話想食呢度的炸蛋球，今日大雨下終於一試，發覺都真的不錯，鬆化之余，蛋味濃旭，只嫌油膩一點。價錢算貴，其他吾知，但蛋球味道真的幾好。

我有個朋友住呢頭附近，佢最鍾意嚟呢間食嘢(唔知點解)，之前食過一次，碟炒麵炒埋隻「小強」畀我(好彩仲未食，唔係實嘔到九彩…)…之後我成年冇幫襯…上個禮拜，係我朋友間鋪頭幫手，又被佢迫咗入嚟呢間嘢食嘢……D阿姐明顯禮貌好咗，服務好咗(暫時性)，不過嘢食依然咁差…爹牛麵得d牛肉碎，完全冇沙爹味。杯奶茶居然係苦既，唔知係咪d茶葉壞咗。我杯奶茶仲要飲咗兩啖，先見到有兩隻蚊仔潛完水慢慢浮上嚟！！！天呀，我當場嘔番碟爹牛麵出嚟…d阿姐仲離譜，大聲喝話嘔就去出面嘔！我回喝：「杯奶茶你同我加料，我而家「獲利回吐」，你同喝我？」個阿姐居然惡人先告狀：「咁又點o者，少少嘢係到嘈生晒！」我忍唔住叫：「得！你咁樣講嘢吓話！報警囉，大家玩大佢囉！反正我大把時間！」跟住唔知邊到閃出另一個阿姐，好好口咁又對唔住又say sorry咁，又話唔計我錢…我一手拍落將枱：「你當我咩呀？賊呀？錢我會照畀，不過我會公布天下話你哋呢間嘢有咁既服務！哼！」之後無論我個朋友點講我都冇再幫襯

以上係這茶餐廳的口號,於是..就食呢兩樣奶茶茶味幾夠,仲幾滑,唔錯!旦撻都算脆,熱!!不過我欣賞係以茶餐廳嚟講,服務真係幾好,唔係十分好,但已經令人舒服,呢點係佢優勝既地方!

上回講到龍城酒樓有幾差後，呢間就成為黑名單之二。兩口子落街開飯，男友話想食茶餐廳，不如食呢間啦…我已經好猶豫…因為以前來過，唯一印象係地方唔乾淨，食物無吸引，埋邊冷氣唔夠。男友叫左個扒餐，伴意份，同時話要意份多d…我就要左個焗石班意…先係個扒餐，話左意份要多d…點知都係少得可憐…連女仔都覺得少…係40條以下每條4至5吋計…女仔3兩啖就食完個隻…但係就唔知點解就伴埋薯條…男友就即刻問另一女侍應…佢態度極度“頹”+“廢”咁答:“係咁多喇…個餐係咁多…個個都係咁架”男友就話:“咁我落單時話要多d嘛…你唔得出聲丫…”佢完全無理我男友就走左去…男友當然極度不滿啦，就一叉將所有薯條勃落枱…發左一輪脾4之後，終於有位男侍應拎左碗飯來(可惜都係唔小心地加左料---有條毛仔)，安撫我哋，仲好好聲氣咁講唔好意思丫，講晒sorry，可惜已經太遲喇。而我呢，個意份本來個樣味道還可以，點知食食下發覺個底有d嘢…唉，係一大澾油…只不過一碗焗石班意啫，點解會咁架？一句啦，九龍城大把餐廳，唔去唔係損失，搞到我連佢哋稍為出名個蛋散都唔想試。

記得上次買樽仔奶茶嘅時候，見到餅入面嘅袖珍瑞士卷個樣好吸引。今次又再經過，真係忍唔住要買番嚿試吓...咬一口，質感"實的的"，有少許香精味...原來除咗人不可貌相之外，連餅都係...唉...都只怪自己被嗰D貴價cake shop寵壞咗la...

今次唔食沙翁，因太"漏"嘞。只叫枝樽仔奶茶攞走就算...一飲，甜到甩肺...既不香又不滑，茶味有一點，但不夠濃...淨係得個甜字...但收你十一大洋一樽，何德何能?莫講話冇得同灣仔金鳳比，就算樓下太興都贏佢成條街la...

教會弟兄帶我地去食的,八點幾已無乜人啦!我食了皮蛋廋肉粥,用煲上的,都幾多份量,問題係粥,皮蛋,瘦肉都無乜味道,所以麻麻啦服務有的,仲好多嘴添呀

原來個個黎呢度都係叫炸旦同奶茶旦撻.同老公2個晚走左入去,因為記得有次食咸豬手食幾正.今次叫左焗豬扒飯$33同蕃茄牛湯飯$25.唔錯,夠熱.加湯同野飲算抵食.但環境感覺真係幾舊幾沉,以為好污穢,其實ok啦~