順興茶餐廳 (Closed)

同設計師朋友傾傾一些新項目，來了這裡飲杯野。這裡的菠蘿油香噴噴，而蛋撻亦有水準，只可惜方才在創發吃了不錯的滷水鵝，已沒胃納再試其他了。伙計性格古怪，會當著客人面換鞋，檸茶喝了半杯，即刻要轉場，幸好要談的事已談好，謝謝朋友仗義幫忙。

昨天1點左右來了這裏食午飯,朋友話之前嚟過,覺得呢間茶餐廳好大及裝修都好新,所以我地嚟開九龍城就再次光顧啦.三個人坐卡位,真的是幾別緻的茶餐廳喎.很舒服的感覺,本來我地想食麵餐的,但睇睇下個餐牌原來有一個係什菌竹苼生麵餐,好似好特別呀,於是就叫左,跟住又見到有什菜焗飯,於是又叫左,朋友老公就叫左一個鮮茄牛肉飯.食物好快就送到啦,先嚟飲品,d杯都好新,唔似其它茶餐廳用到舊晒及有好多茶漬,個杯仲有餐廳名稱架,飲品一般,沒有甚麼特別,我叫的只是熱檸水.跟住再嚟蕃茄牛肉飯,個樣都好似好靚咁喎,有好多蕃茄及牛肉架,我蕃茄好紅添呀,味道我諗都應該好味.我們的什菌竹苼生麵嚟啦,個樣都好豐富,好多料呀,有生菜,竹苼,一些菇,個湯好清甜好味,竹苼好入味好好味呀,這個配撘好新鮮及好清.我好鍾意呀.另外的什菜焗飯都好大碟架,個飯底係炒飯底嚟架,有好多休菜,西蘭花,粟米,蕃茄等等,用蕃茄汁來焗,味道都好好呀,我覺得材料好多及好多汁,好味.有機會會再嚟試下其它唔同既嘢食架.

曾幾何時 喜歡過這裡既三好~沙翁 無冰奶茶 蛋撻 可惜味道每況愈下久未到來 原來經已新裝上場 裝修頗舒適雅致 略帶懷舊氣息 配合以往電腦入單既爽快作風晚飯時段客較少 去了哪? 四個人各自點了牛扒餐, 餛飩麵餐, 炸醬麵餐, 焗豬扒飯餐 份量恰好 味樣樣都可以 但並不出色飲品普通 數熱奶茶水準較好

與大坑的順興車仔麵無關，龍城的順興茶餐廳，最吸引惡男不是奶茶，而是出爐蛋撻，酥皮底，酥化有牛油香，蛋漿香滑微甜，很討好，三塊錢左右，無論價錢及質素都比凱施有良心，路過值得一試。

順興 : 成為龍友第一餐一個人的晚飯 就腳地去了樓下的茶記 店子幾大幾闊落, 不過衛生一般, 無乜生意都成地垃圾 叫了三次同一位阿姐, 次次話轉頭都無左影 最後第四次一位大叔, 態度也不佳, 答多一句都唔想 晚餐不對胃, 點個西炒飯加例湯 $32 例湯 : 花生雞腳煲排骨 : 熱度十足 , 湯料也食得下, 味道比一般例水好小小 西炒飯 : 份量十足, 料頭有大量: 火腿, 蝦仁, 雜豆, 菜絲等, 可惜茄汁不夠 (或者是我嗜酸)而且炒功奇差, 飯身痴埋一舊舊, 都咸咸地面 熱檸水 : 正常 總結 : 龍友第一間Black list 的茶記

服務差到不得了。﹣一份下午茶多士等起碼10分鐘也未來，由於趕時間，唯有問何時到，回覆是悔氣的說話，好多單排緊，佢都唔知幾時。後來唯有放棄，飲得半杯奶茶便促促離開。﹣同樣事情不只一次，試過早餐等了２０＋分，隣枱等超過２０多分鐘後來走人。﹣外頭賣包的一樣差差差差差，想要個新鮮出爐的卻給罵。不會再來。

今早需要一個高熱量早餐, 就試試這間茶餐廳。之前路過多次, 飽餅櫃有我喜愛的港式麵飽, 貼上幾張『拿拿林食家』、『公仔箱主持』的彩圖 -- 有可疑, 係唔係咁正呀?早餐組合是標準的三文治、奄烈、麵等套餐。點咗沙嗲牛麵餐，轉多士，熱奶茶。奶茶,茶味濃、頗滑, 沒有苦澀, 得喎 ; 蛋是即煎, 皮香、黃流心; 腸, 炸過, 一般凍肉貨式; 火腿, 微微煎過, ok; 多士烘得鬆脆,牛油塗得不少,『加1蚊』交足貨 ; 麵都爽口,『師父』湯底加咸咸沙嗲醬, 牛肉當然經過『化學洗禮』,但沒有嚼臘的感覺, ok。再留意四周, 餐廳始於1984年, 原來是80後, 室內佈置新淨; 新鋪上舊式紙皮石, 新潮天花加吊扇, 但保留舊燈飾, 翻新過用鍋釘『猛』椅背的四腳凳。店方刻意保留環境風味之餘 , 希望在食物方面用同樣心思, 不要似某些歴半百的老店, 只賣懷舊『feel』, 而食物完全『無 feel』。會再試飽餅!

昨晚經過九龍城順興，嘩! 發覺成個裝潢唔同哂! 新裝修很有懷舊味道，坐得比舊日舒適得多。我照舊叫了我一向最喜歡的奶茶和焗飯，奶茶跟往常一樣，保持水準，夠茶味亦夠滑，而且一點苦澀味也沒有，夠哂香滑。至於那碟西蘭花青口焗飯，青口沒半點雪藏味，而且飯底是加蛋炒香才焗，令焗飯更香濃美味，真的很好吃。唯一美中不足的是不夠大碟。

好耐無黎順興食早餐.今朝黎當然要食.順興我最鍾意的早餐係沙爹牛,所以叫左沙爹牛通.真係好食! 牛肉滑得黎重有牛味唔係bear到無晒牛肉本身味道個d.沙爹夠味都唔會太搶.所有都好夾!奶茶,香濃,滑溜!

師傅好耐都冇黎過呢區食飯, 早一星期前忽然有一晚想黎呢頭搵野食, 於是就專誠搭車過黎; 坦白講一條友食咩對師傅黎講真係冇咩所謂, 所以基本上師傅都係得過行字, 行到開始身水身汗, 終於支持唔住喇, 師傅就諗住求其搵間食店坐底, 咁啱行到黎呢度, 見佢個晚餐都幾吸引, 就索性入黎食晚飯啦!當時已經接近晚上十點鐘, 而呢間食店都仍然唔少人, 一坐底師傅即刻柯打番個心水晚餐, 就係晚餐A, 黑椒雞扒, 揀左白湯, 配上意粉同埋餐飲凍檸檬茶! 邊睇電視邊等一陣, 不經不覺就有得食; 率先登場係白湯, 忌廉粟米湯本身都好稀, 入口較淡口, 加上比較油身, 味道談不上出色, 免強合格吧; 餐包都叫做熱熱地, 睇得出有係特登整熱佢, 包身都鬆軟但牛油略厚, 一般啦!主菜黑椒雞扒賣相不賴, 有兩塊雞扒, 薯條同雜豆, 再加意粉一碟, 果然夠大堆頭; 師傅見到有雜豆, 當然係非常開心, 第一時間就食, 入口後發覺雜豆好粉, 味道一般; 雞扒就煎得都算香, 加上肉身夠滑, 但可惜入口非常咸, 加上都煎得幾油, 扣唔少分; 而個黑椒汁都幾香但未算辣, 而師傅亦係略嫌油少少, 一般啦; 意粉反而不錯, 因為味

晨早走落龍城辦些私務。攪定後天仍下着大雨，決定找個地方歇歇腳吃些東西。剛好這間以樽仔奶茶闖出名堂的茶記就在附近，大雨期間沒有心情再四處蹓躂，就不及細想走進去吃份ABC餐....例牌的沙嗲牛麵，例牌的火腿腸煎蛋及牛油方包。記得從前在這裡買過著名樽仔奶茶及迷你卷蛋，味道只是不甚了了，想不到這次吃堂食的ABC餐，同樣是例牌得很的貨色 ---- 火腿是全然沒有煎香過，實在"求其"得可以；方包的牛油份量太吝嗇，像跟吃白麵包沒有分別；蛋全然沒有脆脆的外邊，蛋黃也是實實的，同樣是極"求其"之作，小弟煎得還好過她；腸仔已算是比較正常的一環，起碼是有略略煎過一下，但外皮不帶脆香，亦是敗筆....沙嗲牛麵的麵條一看便知是大光麵來，這也不太要緊 (如做得用心，大光麵也可以很好吃的)，不過這裡的麵實在淥得偏腍，難以入口；梳打牛肉更不值一提；唯一有點"特色"便是放了一些超市包裝雜豆在麵內，但對味道卻完全沒有太大干係。最後的結果是吃剩了一大碟....所謂的名物凍奶茶，只是一杯奶味過重卻又欠茶味的平凡飲品看見牆上那張"阿蘇推介"的報導，不禁大為搖頭......這般水準的早晨全餐，也要收差不多二十三個大洋，頭因而搖得

今日, 去食o左個好飽肚的常餐, 地點係九龍城的順興茶餐廳好飽肚, 因為個茶餐的火腿奄列同沙爹牛肉米都好多肉, 特別係個奄列, 火腿絲塞到漲卜卜, 一咬落去成口都係火腿, 食完個奄列已經半飽, 味道就平凡, 原裝的火腿同蛋味, 就係咁沙爹牛肉米剩係牛肉已經有差唔多十塊, 剩係食肉已經夠, 仲有米粉...味道唔差, 不過賣點係份量, 已經夠原因嚟食

今朝心思思...於是一個人又貢落九龍城食早餐...咦, 邊間好呢? 靠近太子道, 就呢間啦...門口有蛋糕櫃, 中式蒸包....樽網咖啡, 奶茶!炸蛋球...見到面頭既糖粉已卻步!Egg tart...未出爐!早餐...太多..食唔哂!於是最後只叫了個餐包, $3 及奶茶, $11! 奶茶杯幾型...有自己餐廳特色, 又有隻飛機...都幾懷念第一次去台北既情景! 奶茶本身無咩特別, 唔覺得好好味, 近排試咗都幾多間茶餐廳/冰室, 暫時最好的是彩虹鑽石冰室! 餐包細細個, 堂食 +$0.5, 微微暖和, 感度高但係實唔係鬆, 唔知大家明唔明, 一句講哂...麻麻地!PS 樓面亞姐都幾惡, 外賣都要鬧人!

太公腸胃不好，不能喝太多牛奶；是以，雖然愛喝，但近年對奶茶都只能敬而遠之也。不過，今次既是太公之公發起要喝順興奶茶，有人幫手share，當然要飲埋一份！兩位極需要減肥的伉儷挑了低糖低脂奶茶；老實說，不怕肥的話，還是喝全脂奶較好，因為低脂奶，奶味始終是差一截，雖然，現在這個仍然香滑；少甜使茶味顯得更濃郁，苦中帶甘，令人回味。一樽要12元, 如買麵包的話就只需10元。抵飲與否，見仁見智；若你與太公一樣不喜歡過甜過重奶味，而偏愛茶味較濃重的香滑奶茶，順興出品，應是your cup of tea！

　　以前係九龍城讀書的我，全個九龍城的食店我都熟識，出來做事後很少再到這地方了！！　　星期日去踏單車順便去懷舊一下，到了門口已經覺得與以前很不同，一心以為只是經過裝修便走入去．　　坐下叫了二個午餐＄３４：一個燒汁燴牛脷飯另一個咕嚕雞球飯及一杯凍奶茶，一杯熱華田．華田來的時侯係黑色的，知道肯定很濃郁，喝一口，味道很好，但奶茶不像用茶膽沖出來的，沒有茶味，只有奶味；飯到了．．．嘩！！牛脷面頭個層白色的皮仲係度，像橡根一樣切很多次也切不斷．而咕嚕雞球肉質頗嫩滑，算OK啦．　　照情況看來應該是轉手了，不會再來!