順酸辣粉

Open Now

Now Closed

屯門好多隱世米線店，係景峰輕鐵站落咗車行去果條食街就有間la！【順酸辣粉】酸辣湯底真係正到幾遠都想再去食多次果種！招牌酸辣粉 $33 配料：炸醬、花生、芽菜、韭菜、酸菜、蔥花、芫茜店名都叫【順酸辣粉】一定要叫碗招牌酸辣粉試下，酸味十足，小辣都有辣味，下次可以試下中辣(我應該都食到)，配料都好多，我唔食芫茜所以走芫茜，我加咗生菜同手工水餃(韮菜)，生菜新鮮爽口，大大粒水餃餡料足，咬開啖啖肉！麻醬冷麵（不辣） $28配料：乾蒜、青瓜絲、芫茜除咗一碗碗熱辣辣粉麵，依到都有冷麵食，啱食有時唔想食熱麵嘅客人，麻醬+ 乾蒜夠哂惹味，爽脆青瓜絲增加口感，涼浸浸冷麵撈勻食好清新！招牌炸雞翼 $33大大隻炸雞翼一口都咬唔哂！鬆脆炸外皮入面係帶有d咖喱味雞翼，即叫即炸新鮮滾熱辣，價錢都幾抵食～凍抹茶奶香 $28奶香味十足，食到辣辣地解辣一流！順酸辣粉 - 屯門 📍地址 : 屯門青菱徑6號富麗大廈地下B號舖

麻辣撈（大麻辣）辣腩肉紅薯粉 $43腩肉幾香辣，炸醬同辣醬撈埋食，味道咸中帶少少甜，唔算好麻，但對於唔食得辣既朋友仔來講，都算幾辣。花生炸過脆卜卜😋酸辣粉（少辣）魚肉卷、通菜 $46湯底酸得來又食到香辣🤤味道balance，炸醬幾香，撈埋湯汁一齊食更香濃😋，魚肉卷炸到好香口，食落彈牙，通菜酸菜吸晒湯汁，連埋薯粉一齊食都幾掛汁，愈食愈試癮☺️呢度既酸辣粉無出面咁油，有自家製既特色同味道，餸菜質素ok，高性價比👍🏻餐配豬扒+$19炸漿好薄，豬扒炸至外層酥香，咬落唔鞋口幾鬆軟，味道咸香，仲食到有d香料味，唔錯😋

今日晏晝去咗紅橋呢間💛順酸辣粉餐牌好多選擇 叫咗碗麻辣湯底米線 大大碗 連埋啲配料好豐富 呢個價錢 真係相當飽肚😝麻辣湯底配米線 手工水餃🥟（韭菜）、豬大腸、豆卜 $58 支裝豆漿+8配料：炸醬 花生 芽菜 芫茜麻辣湯底夠哂惹味 滷水豬大腸滷得好入味而且豬大腸好肥美 爽口又彈牙 韭菜水餃 餃子皮好煙韌 韭菜味突出豆卜索埋啲麻辣湯汁 簡直入哂味不得不讚配料花生 炒得好香同脆口全部配料連餸 真係相當豐富🤩💛 順酸辣粉 @shun_noodles 📌 屯門青菱徑6號富麗大廈地下B號舖#順酸辣粉 #酸辣粉 #米線 #屯門 #紅橋黃店 #午餐 #晚餐 #小店推介 #屯門黃店 #黃店 #黄色經濟圈 #屯門美食 #黃店推介 #懲罰黃店 #相機食先 #良心小店 #抵食 #Tuenmun #hkfoodie #foodie #foodieblogger #foodiehk #foodblog #hongkongfood #hkfood #foodstagram

順都算係屯門出名嘅麵檔平時多數叫外賣今次黎到堂食～八寶湯粉 $56超級大碗 配料如其名有八款非常抵食 配咗米線同酸辣湯可以揀辣度另外豬扒跟餐只係$19一啲都唔會乾身好稔好好食不過碟口水雞（例牌）$48就一般般啦 味道足夠 但係好多骨 好少肉 唔多抵食

每隔一排一定會番黎食依間嘅寬粉因為依到嘅寬粉煮得特別彈牙唔會過林今次男朋朋揀左胡椒豬骨湯底 加左辣腩肉同豬大腸湯底食得出好足料上菜已經聞到好香胡椒味 每啖湯都充滿胡椒個種飲落會辣喉嚨嘅感覺 遲下冬天飲完應該會好暖身豬腸洗得好乾淨 唔會每舊中間好有好肥膏第一次試依間嘅辣腩肉嘩！黎到個刻真係勁吸引 肉同肥均勻地一層一層咁交接住 睇到都流晒口水食落都好淋 但又唔會好漏好肥膩而我就叫左麻辣豬潤寬粉豬潤爽滑 唔會煮到過熟好粉 亦唔會一大陣內臟嘅餲味分量都幾多麻辣湯底有肉碎同花生 🥜 花生都好香脆湯底香濃 不過略嫌今次比較油另外叫多左個口水雞例牌依個就不過不失啦雞都算滑嘅 但就好似搭左比較多骨頭位同埋唔知點解今次啲粉叫左小辣但比平日辣多左好多所以我唔係好食得出口水雞嘅味😂😂😅😅不過順帶一提 大頭蝦嘅男朋友又倒瀉水真係超唔好意思侍應同老闆都即刻幫手搞到人地又拖地又抹枱 做多咁多野佢地都冇黑面 值得讚揚

去左朋友屋企玩，突然之間又想食麻辣野，所以就去咗佢屋企樓下嗰度食，點知係隱世小店😱我哋兩個人唔係話好肚餓，所以就叫咗碗麵同埋啲小食share ,天氣熱熱地，最啱食涼麵💁🏻‍♀️仲超大碗，我地叫左豬頸肉同四川辣腩肉，真心好入味，喜歡食麻辣嘅朋友一定要試，小編同朋友都辣得好過癮😜，所以都叫咗豆漿解辣😉另外，我哋仲叫咗涼菜三拼，有好多選擇，我哋就叫做萵筍，豆卜，豬耳，都係超入味，食完之後要噴火😛最後小編仲見到都幾多人咪掠拌返屋企食，鍾意食辣嘅朋友都可以試吓😛

这家酸辣粉虽然位置有点偏僻，也不那么好找，但是绝对值得来一试，完全就是内地口味，仅要一碗30。我们点了酸辣汤的红薯粉，我加了娃娃菜，还有鸡翅。另外我还点了一个鸡中翼的炸酱饭，还有一份凉菜莲藕，先说说酸辣汤，酸辣汤红薯粉真的非常的好吃，辣味又酸又辣，完全是内地口味，其中是炸酱饭，非常适合小朋友吃，口味不辣，有机意加上炸酱拌饭，口味道一流。凉菜莲藕就更不用说了，莲藕经过凉拌腌制，爽口美味，十分之好。這家店生意也非常好，許多人慕名而來，開車而來，店內人已經坐的滿滿的，大家都在驚嘆說這麼便宜能吃上一大碗這麼美味的酸辣粉，簡直是絕了。如果你在屯門附近，真的不可以錯過這家店，一定要來嘗一嘗，性價比極高。

嚟屯門交通費都幾揦脷，唯有喺飲食方面維返本喺紅橋附近有好多食肆，豐儉由人，平平地食碗薯粉抵食又低卡嚟間嘅招牌酸辣粉，配料相當豐富，有炸醬、花生、芽菜、韭菜、酸菜、蔥花同芫茜，所以湯底非常惹味識食一定揀薯粉，滑捋捋又彈牙魚肉卷炸得脆脆地，裡面嘅魚肉好有彈性餃子勁大隻，咬落啖啖肉胃民就話天口㷫，想食撈麵撈寬麵原來都好過癮，煙煙韌韌又入味牛𦟌幾襯撈麵，勁提升辣香呢間嘅炸豬扒叫「求其豬扒」，跟餐平$10𠻹！脆至金黃色，非常脆卜卜，係肉類油炸鬼跟餐加幾蚊都有唔少嘅飲品選擇，加$3有凍熱飲品想有營啲加$5就有一大支豆漿

夏天咁熱又好似冇乜胃口搵到間小店「順酸辣粉」食啲酸辣野開下胃雖然店舖細細間但係Menu都幾豐富而且價錢又唔貴一於試吓八寶湯粉聽個名都知配菜有八樣嘢雞絲、墨魚丸、肥牛、豆卜、雞翼、生菜、豬大腸、腩肉湯底除咗酸辣湯底，仲可以揀麻辣或者沙嗲味如果女生嘅話仲可以兩個人share一碗添大大碗有咁多樣嘢啱晒胃口大嘅朋友仔手撕雞菜飯下午茶之選但係份量都唔細香濃嘅麻油味真係好吸引配菜飯真係啱晒蔥油拌麵蔥油拌麵個醬汁固然重要不過麵條嘅質感都好緊要㗎咬落去都算彈牙煙靭涼菜三拼夏天梗係叫番啲凍盤小食三拼都有好多選擇我哋就揀咗萵筍、蓮藕同埋青瓜呢個辣味比較濃啱啲重口味嘅朋友蒜泥白肉肉塊肥瘦適中又係大大份嘅小食夏天都係叫番啲凍飲：荔枝綠茶、菠蘿綠茶飲品入邊嘅配料滿滿最鍾意就係一口爆珠CP值高😉

#順酸辣粉 #晶食評#美食家水晶的尋食日記難得去開屯門做嘢，緊係要搵番果邊嘅地頭蟲朋友帶水晶去覓食啦😋😋😋今次屯門牛朋友仔就帶咗水晶去了為於屯門青菱徑的順酸辣粉開餐了💜💜💜今次就分別同朋友仔點咗涼菜三拼、手撕雞菜飯、八寶粉、蔥油拌麵、蒜泥白肉一同分享了。飲品方面我們則選擇了呢間餐廳的特飲：荔枝綠茶、菠蘿綠茶，仲有一杯豆漿。涼菜三拼有成十款八款可以選擇，睇到我呢個選擇困難症患者花多眼亂🙈🙈🙈我哋今次揀咗萵筍、蓮藕同青瓜，以而家咁熱嘅天氣揀直就係開胃之選，由於所有涼菜都係預先拌好嘅，所以冇辦法選擇辣度，如果唔係好食得辣嘅朋友仔要注意一下，好入味👍👍蒜泥白肉雖然係一個小食，但係都係大大碟，啲豬腩肉好爽脆呀🤩🤩🤩手撕雞菜飯手撕雞嘅份量係非常之足，多到另外搵一隻碟另上，一上枱已經聞到好香嘅麻油味😍😍😍另外菜飯雖然係下午茶餐，但係份量一啲都唔少，cp值超高之選👏👏八寶湯粉間餐廳名叫得做酸辣粉，顧名思義，呢一間餐廳最出名的當然就係酸辣粉啦🤭🤭🤭呢一個八寶湯粉，其實係有八個餸嘅酸辣粉套餐嚟，都係呢一間鋪頭的特式招牌菜嚟㗎😍😍😍一碗粉裏麵包含咗腩肉、豬大腸、肥牛、墨魚丸、豆腐卜、雞中翼、生菜同埋雞絲呢八

其實我鍾意食米線但更是一位薯粉控，好多米線鋪都要加錢轉先食到，去薯粉專賣店就可以不用加錢明正言順食啦！薯粉仲有細粉&寬粉之分，個人較愛細粉，咬落更有口感！✴️胡椒豬骨湯 另加配滷豆腐&海帶呢個湯底配料已有粟米粒、豬頸肉、生菜。豬頸肉仲有5-6塊，粟米和生菜也好多，等於免費多了3餸，好抵食☺️湯底入口有濃濃胡椒味，胡椒香辛味慢慢湧上，食完好暖胃！薯粉煮得淋身，好易咬！另加配的海帶份量不少、滷豆腐超入味！✴️豆漿跟餐加配只需$8，價錢合理新鮮香港製造，豆味夠濃，質感不用過稀！✴️口水雞（例牌）雞件切得將大舊，麻香味十足，好惹味好岩鍾意辣的人士，雞肉質亦不會太老。

豬扒菜飯 雞扒菜飯 豬頸肉我諗呢啲都係街坊食慣坐低食嘢半個鐘 聽得最多係呢幾個招牌菜電話☎️響唔停 好多外賣單好旺場😂老細冇停過睇落好簡單嘅美食 要突出就要用心觀察到外賣嘅數量 呢間酸辣湯底專門店有保證沙嗲濃湯 🍲寬粉沙嗲湯底本身有肥牛 而且個量都唔少寬粉夠大夠煙韌😂魚旦 。雞絲 。 生菜冰極奶茶Drink 落去有d涼涼地有少少薄荷味嘅奶茶餐配求其豬扒炸雞扒順記新界屯門井財街5號富麗大廈地下 B外賣電話：23380061

早前鄰居介紹， 所以嚟咗呢間順酸辣粉，性價比超高，湯底相當出色，推薦大家試吓。📌胡椒豬骨湯粉$33🍜胡椒豬骨湯底相當出色，相當濃郁胡椒味及豬骨味。紅薯粉可以揀粗幼，今次揀咗幼的，相當有口感。📌麻辣撈粉$33🌶🍜調味相當濃，喜歡重口味的一定要叫這個。配料有炸醬，相當入味！😋📌豬扒加$19🐷相當出色，外皮炸得超級酥脆，豬肉嫩滑多汁📌手拍青瓜$29🥒相當清爽，相當入味，喜歡佢哋調味不會過辣，人人都啱食。😋😋鄰居介紹得冇錯，整體質素好高，性價比好高，湯底出色，下次會嚟食下其他味道

🌶️ 順酸辣粉 🌶️屯門青菱徑6號富麗大廈地下B號舖屯門虹橋附近搵嘢食呢一帶可以話係靜中帶旺 已經形成一個小型社區 附近可以話係應有盡有樓下地舖大部份都係食店依間酸辣粉專門店做街坊生意有個伯伯走入你唔使講嘢 老闆已經幫佢叫好咗個早餐連埋齋啡 同晒咁多個職員打招呼問安早餐嚟講價錢算幾抵我揀咗特色自由選配菜選擇多 總有一款啱你口味雞絲抵食 魚蛋大粒 酸辣粉花生都好緊要花生嚟講佢哋絕對唔會吝嗇粒粒保持香脆帶有少少鹹鹹地凍抹香奶茶酸辣湯-紅薯粉滷水蛋-魚蛋-雞絲-牛柳粒餐配雞扒另加$19

應該有不少屯門牛都食過「順酸辣粉」，筆者也光顧過幾回。今晚心血來潮想吃，便相約舊同學一起來整返碗酸辣粉。大大個「順」字，非常容易找到舖位。麵底選擇了紅薯寬粉，必須一讚的是他們把寬粉煮得剛剛好，非常Q彈有口感，不會感覺如咀嚼橡筋。同時粉條索了酸辣湯底精華，甚有惹味感。酸辣粉本身配料有炸醬、花生、酸菜等，份量都多。再加了一款新鮮豬潤，沒想到竟十分有驚喜。豬潤粉嫩滑溜，入口帶起沙感。同行舊同學平日少食內臟，都連夾了幾片。第2碗選擇了比較特別的沙爹濃湯底，點餐時店員建議配米線會更佳。這碗配料則有鹵水蛋、生菜、花生等，更有2-3片肥牛。沙爹湯底果然相當濃味，不過私心喜歡花生味更重一點。求其豬扒一點也不求其。外皮炸香，內裡肉質仍能保持到嫩口juicy。