漁川米線 (Closed)

超貴!瘦少三文魚排(主角),得過瓜湯多(配角!主角(菜)淪為配角(菜)!圖片只供參考?!月黑某夜偶然路過為時己晚求其誤墮结果中招!牆上大大張宣傳相誤以為招牌菜!但找了又找看唔到$?只看見同類魚湯三文魚米線只售60-70皮左右.但叫亞姐下單己經黑面,(要咩?)可配飯/米線(細)大筆一揮82?????佢地煎要貴咁多? 可能"招牌菜"貴D?唔通好好味??Anyway 等陣就知?!點知一上枱就Surprise! Size is matter?!!中式set dinner 湯大過魚??????超大碗三瓜(腃.木瓜,菜....)OK!齋米線果真如飯碗仔咁dd, 但這還可以.但條三文魚可能經過(中鑊)乾火烈煎,又瘦又乾又鞋.完全feel 唔到鲜味???皮無油脂可言!!!己冰鮮很久?可能這是漁卅順德風味???!!!還是中菜洋為唔拖唔水???!!!!然後看見附近有1,2個外國客,原來是呃鬼菜式!這個$在普通西餐店塊魚有番咁上下很難唔好食!最火滾要叫才埋單毫無歉意多謝!劣食!劣態!態度最劣!

灣仔實在太多小店，要搵一間食店真唔容易，掦走大集團，選了漁川。以為是自家店，原來都是有分店的。被他們的原條魚米缐吸引。魚種類比起其他的食魚店為少，叫了魚腩及蠔仔紫菜，加碟全走菜芯。魚湯白白的，但飲落味淡，身邊人說可能這才是真材實料冇味精。但我真的確得太淡。自行加了調味，我喜歡蠔仔紫菜，蠔仔大粒，有鮮味，份量都多，紫菜份量也多，但就把魚湯吸趕。魚腩大件骨多，所以一般般。菜芯有苦䜧味起渣。叫了三樣東西，有兩碟扣分！

上兩年轉左灣仔返工，就開始食漁川。以前味道幾好，朋友介紹個墨魚餅，豪仔等等都好味。到上年八月左右唔知係咪換左人，定請過晒新樓面全部係姐姐做，就開始變，好hea同脾氣好差。我lunch通常好晏食，大約三點，入到去唔多人。諗住今次食多次個酸辣湯底，話中辣同叫埋野飲，姐姐唔理人咁，咩都唔應就行開左。過左陣另一個姐姐拎住碗魚餅米線比我，我話係墨魚餅呀，跟住唔理我再望下張單，係咁話唔一樣價錢唔係依碗魚餅唔同價，又走開左。到我有得食，佢話小辣，我話我叫中辣，佢話：啊 咁中辣啦 係架啦，但照樣放底就走左入廚房傾計即係原來係冇分大中小？但以前落單時有得揀，定而家轉左？然後碗米線一啲都唔辣諗住算啦唔緊要可能佢地本身忙。到我食完晒，野飲都未到，就問多次姐姐。姐姐「哦！」完我，比左杯清水我。。。。再問多次先話我以為你要水呀。。。跟住熱飲到，都知道拿拿聲飲走人算，上菜個姐姐就係咁係旁邊抹枱好似覺得我飲得慢催我埋單咁。總括今次唔係一個好經驗味道係ok但佢地做野態度就真係好求其。同埋個人覺得店內好腥，太大陣魚腥味。

早兩日系灣仔見到呢間專食魚湯米線嘅餐廳咁肥雞梗係要試下啦入咗去價錢定位於灣仔嚟講都唔係好貴 肥雞買咗個秘製豬扒米線個湯就食唔出魚味好重但都ok 反而塊豬扒應該係炸過嚟好香口

魚湯米線的魚湯真的不錯，位置有點隱匿，雖然位於太原街 但容易走過店內環境都算衛生 餐桌不太迫 可以不用搭枱服務還算可以魚湯配料的米湯種類很多 有花膠米線 很多魚的米線 愛魚之人一定要一試 真的味道不錯 而且有原條魚 聽聞以往還有龍躉魚湯米線 但現在已沒有了魚湯很奶白 很鮮甜 大魚頭份量很多 如果只叫大魚頭魚湯米線 價值60蚊 都算值得 可惜沒有魚雲 另可自選配料 平均每款6蚊以上 我加了蘿蔔和火腿 自選配料分量都不算多但魚湯米線真的值得一試！店舖還是有營食肆

和友人相約到灣仔，走進街市小巷，發現吃魚的小店，禁不住腳步，便走進去試試！先來一客墨魚餅$28四件，厚厚的，入口彈牙，有囗感，味道鮮味！配上甜酸醬，更為嘢味！鮮茄勝瓜黃花魚米粉$72，份量十足，先嚐魚湯，入口鮮味，不覺有味精！再試試黃花魚的肉質，非常新鮮，魚肉鲜味無窮，吃到魚肚位亦是非常新鮮。愛吃魚的我，不禁把全條魚的魚肉吃光了，真好味呀！配菜有番茄兩大件，勝瓜三件，豆卜丶少許椰菜和芫茜，真的很好的配拾！吃這頓餐真感到非常滿足！

係灣仔每日食晏時段都總會係人山人海，呢間以魚湯出名既粉麵店都唔例外，一定會有條長龍，店員會要求齊人先可以入座，而且入到去坐都真係身貼身🤧👁‍🗨 手打墨魚餅米線 + 蟹籽丸💲38 + 7手打墨魚餅可以話係呢度既名物之一，食落係幾香口彈牙，有墨魚粒係入面🤔而蟹籽丸係額外加既，普普通通無咩特別😂湯底呈奶白色，可惜扣分位係無咩味，屬於非常清淡🙃朋友叫左真係配魚既，湯底感覺會比較鮮甜😳至於米線就唔會煮得太腍，不過不失🔛 整體評分（6.5/10）

近來香港開設了很多，很多的米線專門店，有酸辣的，有平價的。但是以海/河鮮米線作招徠的則為數不多，漁川米線便是便是其中之一。 今次便去了位於灣仔太源街的分店。人不算多，四週都貼滿了各種不同米線的相片，我和友人分別點了餐牌上的漁川推介下的海鮮米線和招牌米線。兩個米線味道不錯，魚湯清甜，而且用料豐富，份量十足。餐牌上還有很多的其他米線，湯飯，小食，快餐飯選擇。在小食中，點了秘製鮮蝦卷，香脆可口，配以泰式酸甜醬更提升了層次。如果不介意坐得不舒服，這間店是值得推薦的。

小妹系 灣仔返工成日都要搵嘢食，咁啱一時興起想食米線，就去咗太原街嗰度， 呢間米線系湾仔幾出名㗎，成日都有同事喺嗰度食，今日終於有機會去見識下餐廳入面個menu得一張紙，而且主要都係泡飯同埋米線咁嚟到呢度就梗係食鯇魚米線㗎啦我同同事一個嗌咗泡飯一個米線佢哋個底都係用鮮魚湯，就算唔嗌嘢飲都唔會覺得好重味精而且佢哋嘅魚湯可以添飲㗎，鍾意飲湯嘅大家就岩哂啦。店入面嘅阿姐做嘢都好快手不過就有少少 耳背囉， 明明我哋兩款都要走青。走芫茜但係淨係走咗一碗。不過整體嚟講呢間餐廳啲嘢係ok嘅我會再返嚟食

日本人懂得吃魚，花樣簡直出神入化；好吃的中國人被比下去。中國沿海省市，哪裡人士較懂吃魚?以菜系而言，我覺得滬不如粵，而粵以順德人為烹魚高手。一條土鯪魚，就可以變出很多菜式，順德菜用鯪魚肉打成魚滑，可蒸可炒可釀。順德人很節儉，把魚骨煮湯，加豆腐和青菜，又是一碗靚湯。熬出來的魚湯煮濃，加入材料可做蒸蘿蔔糕。 由於鯪魚湯是奶白色，所以蒸出來的蘿蔔糕特別雪白。中式魚湯在競爭力上在日式魚湯之上，灣仔天樂里的鯛魚湯店關門了，隱蔽在利東街附近的中式魚湯店屹立不搖，還稍為裝修了。仍是半茶餐廳格局，可能是全港唯一的魚湯茶餐廳！仍舊是小粉麵店的格局，坐圓凳子。只是更新了牆畫。藍色風格很突出，只是牆畫下半部份離亂，亦夾雜茶餐廳的食物在內。可能是全港最便宜的魚湯店！此米線店沒有例外，都是「米線之都」的分枝店，創業9年。我最喜愛的手打墨魚餅米線，只賣38元。很大碗，米線填滿碗（可轉泡飯），還可以免費加魚湯。魚湯未算如牛奶般白，也未算濃稠, 但價真價實，應是數十斤魚煲成，不咸不令人口渴。可貴之處是如家中滾湯，有很多種魚和湯骨煲成，辟腥功夫也到家，平實令人舒暢甘飴。全港口碑好的，我只知還有荃灣路德圍的鱻湯店和上環生

某一日放工在灣仔本身諗住食譚仔，點知勁多人在門口等，我見到佢對面有一間叫漁川米線的冇咁多人，就膽粗粗入去試吓😋原來佢係一間專門賣魚湯米線嘅店舖，有好多唔同嘅種類嘅海鮮配米線，有成條黃花魚，大眼雞，馬友，蠔仔等等，連成條東星班都有勁誇張😂不過我就睇中左佢的手打墨魚餅，於是我就點左一碗手打墨魚餅米線（$38）🍜 佢嘅手打墨魚餅真係不得了！一碗米線有四大件，微煎啱啱好，仲要每件都勁厚身，咬落去超彈牙超Q，而且食得出好足料，啖啖墨魚🦑勁香勁好味！唔似外面有d店溝過好多粉去攪，絕對食得出師傅人手打嘅功夫😋👍！要俾最高五粒星！⭐️⭐️⭐️⭐️⭐️ 米線方面煮得啱啱好，軟綿綿又夠滑，正！重點佢嘅湯底係魚湯，仲要不加味精，飲得出的鮮甜😋無意間我聽到侍應姐姐同隔離嘅客人講話可以免費加魚湯加米線，原來佢哋店舖嘅宗旨係要客人食得飽，所以無論湯，米線，米粉定係飯都可以免費加！於是我食到咁上下就膽粗粗試吓問阿姐係咪可以加湯加米線，阿姐二話不說立即幫我加滿左，成碗米線好似未食過一樣咁多!😱對我呢啲大食嘅人嚟講真係福音，良心店舖係而家嘅社會買少見少！抵讚啊！👍佢嘅服務，味道同埋良心宗旨都咁好，我下次經開灣仔一定會再去幫襯！🤗

早餐好抵食，30蚊就有兩餸魚湯麵送熱飲，超鐘意魚湯既我今日一於黎灣仔漁川朝性。食過荃灣個間，覺得灣仔呢間好似淡口D, 無咩咸味，鐘意既可以自己加胡椒粉。米線偏林，蕃茄大大件厚切，好有口感！不過其實個湯無咩魚味，只是吃不出有味精。至於佢地招牌手打墨魚🦑餅同魚腐仲有蝦捲唯有下次先試，不過日日新鮮製造，120一斤，60半斤！姐姐既招呼好親切，而且因爲是早餐11點前時段所以唔洗等位，圓桌座位，是女人的浪漫！

鮮茄勝瓜黃花魚米線 ($72)想來這裡很久很久了!!!!☺️喜歡喝湯的朋友一定要來試試 因為這裡標明湯/米線 都可以任添!😏 強烈介紹是因爲湯底真的很好喝 沒有加味精 濃濃的蕃茄味 雖然用煎魚熬湯 但味道鮮甜而不油膩 重點是 連腥味也沒有😭👍🏻食材更是值得稱讚 師傅早已把全部蕃茄剝皮 黃花魚的表皮煎得微脆 雖然底部浸在湯裏 但吃起來還是蠻香的 肉質滑而不鞋...總之就...沒有甚麼可挑剔的地方!!🤘🏻☺️😋鮮蠔蜆米線 ($60)😋有圖有真相 很肥美的蠔!!!!🤤 蠔蜆米線的湯底味道雖然沒有魚湯突出 但仍然能夠保留那份鮮甜 適合那些喜歡清淡的朋友☺️特別喜歡師傅加的豆卜 吸收湯的精華後變到更美味😋

今日係2018 書展開鑼，我同朋友覺得會展那邊太多人， 就行過去合和個邊搵野食。行下行下， 發現都條橫街有陣陣魚香。就入去試下。入到去，我點左個招牌米線裡面有魚腩，魚腐同魚餅。先試試個湯底， 好香的魚湯， 清甜又唔油。魚腩係用皖魚腩， 但係又唔會太肥太多脂肪。至於魚腐幾有口感， 魚餅就非常香口好味。 湯底再配上黃芽白，芫茜同蔥令成碗米線唔會好單調嘅魚味， 同癖除魚腥味。至於我朋友點左個黃花魚米線。 見到黃花魚先略為煎過， 個湯底比起我個招牌米線更有魚嘅鮮味。

已經食過好幾次，但係每次都覺得好好味，又其係佢個魚腐肥牛米線，加埋啲魚湯都好好味。另外，叫外賣佢哋都好細心，會將啲米線和魚湯分開放， 唔怕浸淋咗，好细心為客人著想。