尚興潮州海鮮飯店 (Closed)

早前約了朋友來這裏食晚飯，但水準明顯下降了，真係唔明，難道係大放假？當晚我們叫了炸菜盒、干炸雙棗(蝦和蟹)、蠔仔粥、九肚乳烙、潮州鹵水鵝、豉汁蒸、石溜雞、胡椒豬肚湯和炒薄殼。炸菜盒- 外形幾特別，有點像一隻鮑魚，菜味道唔錯，但和在台北食的相差得遠了。干炸雙棗(蝦和蟹) - 又是送酒一流，可惜當晚無人飲酒。味道都唔錯，但就比較硬了點。蠔仔粥- 朋友說有點臭味，但我們又食唔出，可能係蠔仔唔新鮮吧！九肚乳烙- 煎得唔夠脆，味道還算唔差。潮州鹵水鵝- 今晚最好味的一樣。豉汁蒸- 都幾新鮮，但就多骨了點。石溜雞- 味道唔錯，可以一試。胡椒豬肚湯- 胡椒很濃，我覺得幾好，朋友就唔多喜歡。炒薄殼- 唔新鮮，有臭味，侍應立刻取消了。今次真係有失望，希望下次唔會咁差啦！

早前和朋友到中環上課，之後便來了這裡食宵夜。因之前已食了一些食物，所以沒有叫太多食物。我們叫了蠔仔粥、煎九肚魚烙和上湯浸通菜。蠔仔粥- 蠔仔好太隻，又新鮮，味道又好，現已很難找到這麼好吃的地方了。煎九肚魚烙- 內裡的魚肉新鮮唔韌，外皮的雞蛋煎得好香，也是一個不可多得的少菜，而看落有d像蠔仔餅。上湯浸通菜- 通菜也很新鮮，味道就比較淡，而食完之前兩味這麼出色的菜後，這道菜就有d平凡了。甜品係薏米，味道唔會太甜，但就好一般，送的要求就唔可以這麼高的了。如能夠人多來這裡食，相信會吃到更多好味的食物，唔知你又有無興趣呢?

因朋友請客的關係，才有機會由沙田遠走上環一嚐尚興的出品，傳統飯店格局賣的主要是潮州菜式，另也有火煱供應，那晚一行八人吃火煱，本地牛肉和脆肉鲩魚腩都十分甘香可口，鲜柏葉和猪天梯都是高水準之作，各款餃子都用料＋足。但令我印象深刻的反而是飯後的潮州甜品，反沙薯仔和反沙竽頭，燙熱的薯仔和竽頭沾上沙糖而又不致炒燶，可見其功夫不可少。結帳二千多元，價錢中規中矩，但勝在食物可取。

先講佢地蠔仔粥真係好正~蠔仔大大粒仲好有鮮味... 其他鹵水鵝好入味~~仲有個石榴雞係高難度之作~一食好有酒香.. 三個人三百銀唔貴