蜀一燒串燒專門店

Open Now

Now Closed

圓方睇完戲，睇下openricr串燒邊間好，諗住近近地試下呢間，見d comment都ok, 叫左帶子、蝦、多春魚、牛舌、扇貝都好差，唔新鮮，仲要廿幾蚊1隻，牛舌唔知點解好＂林＂，帶子好喊，叫孜然粉毫無味道，鱔好唔新鮮，只係清酒花甲同粟米比較好。價錢仲要唔係好平。失望失望。

都唔知點解有禁多哈哈笑？朋友生曰那天想食串燒咪search 吓囉！！見到都ok讚的多咪決定呢間啦，串燒間間水準都唔太大分別，點知就中招……食品真真一般，我地三個人訂咗八點半鐘，一去到即落單啦（人都多嫁），嘩！點知唔洗一陣就到晒囉/_\…有d仲好似冇咩燒過囉！尤其係雞中翼，我地又廢事退,於事都係放棄咗，雖有點浪費但好過出事啦。仲有龍蝦呀又貴又無味,見住佢係急凍禁show俾我地睇!不過無影相所以唔知open rice俾唔俾登呢?????一陣又話冇証明~~唉!!寫食評俾各位網民知,分享下都.....總結:兩唔＂唔好食＂唔抵食＂no next~我就一定無下次(以上都係個人經歷及意見)(((())))

為咗唔洗等位, 大熱天時要坐出街邊都照殺(不過下次我會選擇等...因為我食完後全身濕哂 )兩個人叫了以下食物, 超..超..超..飽 燒生蚝 ($78, 4 隻) : 燒得啱啱好, 新鮮, juicy....一路食一路叫'好好味ah' 燒和牛 (兩串): 食得出和牛應有嘅'油'份...正 燒魚 ($58 條) : 燒嘅時間掌握得好好...正燒牛舌 (兩串) : 厚嗰隻..my 飛弗...正 燒豬頸肉(兩串) : 好脆...正 (不過最後太飽食唔哂) 燒蒜蓉飽(三片) : ok 燒雞賢 (兩串) : 唔會好乾..正 燒雞翼(4隻) : 肉汁仲響道... 正 燒BB路唇(唔識寫...菜呢ga) : ok 燒韭菜 : ok 燒牛排 : 呢個燒完得薄薄幾片, 肉質又麻麻..燒鵝肝多士 ($80, 兩件) : 太大期望...鵝肝over cooked 多士又唔脆, 又唔知點解上檯時已唔熱...所以要俾個unlike 呢碟 再加一支青島, 非常滿足, total $480, 有蚝有鵝肝有和牛, 絕對有下次 PS: 食物上檯速度OK, 唔似平時去開果D要等好耐先嚟一串

門面唔算起眼 同埋唔熟d街名要好留意好留意先唔會miss左大約6點幾去到 我地係第1檯客d師傅先岩岩煲完煙刨完馬仔吹完水..衛生麻麻 本來我地想坐角落頭點知個紙仔筒有隻小小強*0*即刻轉坐第2張檯樓面個姐姐解唔到俾我地知咩係孜然粉淨係話辣辣地好香既粉我地驚太辣 佢肯另外用碟仔俾d粉我地又會好勤換lur骨碟放低野食時又會講聲係乜野服務唔錯好 講番野食每串都大約係$8-10 不過叫叫下埋單就會差不多$150無乜雞腎味又係無乜墨魚味乾爭爭奇怪既牛脷 無平時食開果種爽口既感覺呢舊似牛腩多d花枝丸好難唔好食架喎$4x3串熟得黎唔鞋 亦唔會太臊另外仲有叫羊肉都係唔太臊 不過羊架好味好多竟然燒過既菠蘿都好好味我第1次食咋;)超~~好食！好滑好香好脆三文魚真係點整都咁好食 高度推介！純粹搞笑 都係好脆 食落唔覺肥膩點解食完都好似未夠喉咁既

尋日約左個朋友食飯, 佢極力推介呢間野, 咁我又最愛返大陸食串燒, 但係香港又未試過食, 所以就去試下啦....有平時係大陸食得到但香港比較少見到既孜然粉, 不錯!! 但係放得好少叫左少辣, 不辣....可叫勁d...燒芝士丸不好吃, 因為芝士被烤乾晒了....司華力腸好抵食, $15 正....牛舌同墨魚咀都好好味.....仲有王老吉供應....正....不過台就好放得好密....坐得唔舒服等待食物既時間都比較耐, 應該即叫即烤所以咁慢.....總括來講, 都係一般....都係大陸d 好味d......

睇到雜誌介紹呢間串燒店...一於黎試下...唔熟路既都幾難搵...但門面就非常夠搶眼...成條街最搶眼既一間入到去地方唔算大...但勝在夠乾淨..好多款式選擇..先來 1) 鵝干多士...3十幾蚊....有驚喜!! 入口即溶! 2) 燒龍蝦..有不錯既水準! 3) 燒聖子...有d沙...不過不失..4) 燒蠔..好香...但細隻左d...5) 和牛串...正!!..夠牛味同唔"um"..抵食! 6) 牛舌...好好食!! 十個good!! 7) 雞皮..好食...不過食完好有罪惡感...好肥呀!8) 雞軟骨...一般..9) 燒茄子...正!!最後加多個 燒菠蘿....係新鮮菠蘿...好juicy!!2個人食到飽住咁走...都只不過係2百幾蚊....抵食!!值得一讚 待應態度真係好好..好耐心介紹推介菜式比我地....見到佢地忙得不可交開..愈夜愈多人...佢地都仲咁有耐性同咁好笑容...值得一讚!!

星期日約咗幾個朋友去了一間叫”蜀一燒”的串燒店，一大班人去食熱鬧啲我地叫了燒海虾、燒和牛、燒生蠔、大眼魚、鐵板花甲和四川麻辣拍青瓜等等.........用孜然跟海虾和蟶子一起燒，能夠帶出海鮮的鮮味，而且燒得剛剛好，不會太乾身。Juicy花甲用清酒去煮，拿出來時鐵板還是十分熱的，酒香四溢，花甲的肉帶有微微酒香，能夠帶出花甲的鮮味，而且烹調剛剛好。青瓜加上辣椒，很醒胃而且很特別。提一提大家，串燒因為是收到單才燒、所以要等較長時間才有得吃，所以如果你肚餓就要先叫些涼菜，食住等。

蜀一燒 冇燒焦龍蝦鮮 海蝦跳鵝肝香 聖子甜羊架肥 和牛美燒雞翼 係必食連皮燒 燒香蕉燒菠蘿 冇叫錯只可惜 要挑剔地方細 要等位前排行過見到呢間野想試, 星期六晚就同埋幾個朋友去。七點幾去到都開始多人, 要等位。叫左好多野, 不過首推燒海蝦, 又大隻又新鮮。檸檬燒雞中翼, 燒到外皮好香, 好脆。羊架有D羶, 可能係我唔識欣賞, 個朋友話呢D先叫食羊有羊味, 和牛都幾抵食。最得意係燒香蕉加朱古力醬。

唔知點解第一篇食評還未有刊登, 所以再寫過.星期六我同老婆再次幫襯呢間野先發現原來佢樓上都有坐位, 還有電視睇今次試左好多野:象拔蚌:好爽雞軟骨：好脆鴨舌: 好蘇, 食到我吐返出黎芝士蒜容金菇:　個味幾好，但係太多芝士，好＂流＂墨魚咀：好味雞翼: 好難會燒得唔好食, 所以屬正常貨式白鱔: 勁正, 個皮好脆, 肉好嫰.這個地方真係好岩飲下啤酒同吹下水

約左朋友仔去佐敦食飯, 因為見到呢間餐廳在OPENRICE既食評好似幾好咁, 所以去試下.去之前, 我已經在OPENRICE裡做哂功課. 先點個鵝肝多士, 嘩, 真係入口即溶啊, 掂再點個黑松露和牛串, 呢個未至於入口即溶, 但D和牛都幾淋幾JUICY.還點了龍蝦, 芝士西蘭花, 都唔錯, 幾好食.甜品點左燒香蕉, 香蕉配朱古力醬真係好夾. 整體食物真係好掂. 但坐位就比較少同埋迫左D, 如果大間D會好D.食完串燒重可以過隔離佳佳甜品食碗糖水潤下.

又到Happy Friday~ 今個 Friday Night 真滿足同朋友去圓方睇場七點半~ 睇完就行去堂記吃燒鴨腸~ 正! 不過唔夠過癮, 想去啤啤佢, 朋友再帶左我地黎呢間串燒店,夜晚11點幾, 真係好多人...店員問我地想唔想坐樓上VIP房, 不過老公想睇住架車, 所以我地決定坐樓下, 等左15分鐘, 見到職員左拼右拼, 終於搭到張台俾我地啦~ 超窩心樣樣都十幾蚊串, 我地瘋狂地叫左好多野吃!! 真係多到數唔曬, 最正果幾樣有:肉類,燒牛舌 --> 真係肥大肉厚, 唔干身, 好香燒豬頸肉 --> 豬頸肉好甘香, "yip" 得好入味 燒羊架 --> 最正係個薄荷醬&介辣醬, 襯得一絕! 燒牛仔骨 --> 20蚊3塊?!?! 真係懷疑老闆計錯數...佳寶買生既都冇咁平喎 而且都yip" 得好夠味, 唔錯! 海鮮類,燒多春魚 --> 卜卜翠, D春又香又硬身, 條魚既皮又唔會"窿", C父果然高手藝!燒海蝦 --> 蝦殼上好多香料, 第一啖感覺上咸左d, 但係襯落蝦肉喥就岩岩好, 所以吃呢味餸, 一家要用口咬, 唔好用手滅~ 蝦肉都好

今晚同老婆仔去裕華買野, 買完野就到附近搵食.我老婆最鍾意食串燒, 見到呢間野個格局都幾好feel. 最o岩同老婆一路劈酒一路談心.今餐都食得好豪, 叫左生豪, 龍蝦, 羊架, 鵝肝多士等等......整體黎講都幾好食, 隻龍蝦要成$138, 不過都大隻幾多肉, 另外鵝肝多士塊鵝肝燒到外脆內軟, 正. 生豪就普通, 因為燒完之後縮到好細隻. 羊架都係普普通通 因為同老婆都飲到wing wing地, 所以無乜點映相, 只係在外邊隻window到映佢燒龍蝦!

之前去做產前檢查, 成日經過呢條街, 好多間食肆都試過, 唯獨是呢間未試過, 因為佢好夜先開. 今日因為同朋友去護協買野, 終於有機會試啦. 店舖唔算大, 坐位大概有20個. 食物種類都幾多, 有d好特別既item. 我想推介既係燒香蕉& pineaaple, 初頭以為會怪怪地, 因為我對煮過既生果無乜好感. 但原來燒過既香蕉加朱古力醬係咁得, 正呀! 而燒pineapple都好好食. 還試左燒生豪, 但係隻豪燒完後缩到好細隻, 唔抵食啊!由於我同個friend比較細食, 今次試左唔係好多item, 下次等多d朋友食飯先再黎試其他.

之前睇到雜誌有講過lee 間野幾好食，咪同女朋友黎試下。渣車去到果道重有人幫我拍車，唔使行黎行去...去到都見有好多人諗住都要等好內，但原來佢地有閣樓，所以都唔使15分鐘就有位。女朋友鐘意食龍蝦，咪叫左個海胆醬燒龍蝦，都係48蚊一隻(但唔好幻想好大隻)，我就鐘意食羊架，所以就叫左4件燒紐西蘭特級羊架，都係60蚊，平之餘都燒到o岩o岩好熟，唔太生又無太熟(因為本人唔鐘意食生o野)，重有一定要加埋個薄荷醬先最好食。其他就叫左燒雞軟骨，燒生蠔，燒蒜茸茄子，燒粟米等等...最後叫左個甜品，燒蜜汁菠蘿，正!!!可能因為流量大, 所有食物都覺得很好新鮮.

之前睇飲食男女有介紹過尼間鋪，一直都好想試，不過老公成日話遠唔同我去食。終於係上星期六陪我試咗啦。好彩果日早去到，因為我地坐咗一陣就爆場啦。下次來食要訂位呀~我哋叫咗好多嘢食，以下係幾樣係必試的。推介1. 燒海蝦，超正!!!可能係即燒既關係，小心唔好 辣襯條脷。蝦殼灑滿椒鹽，未食已經香噴噴。記著要 “損”埋個殼，超入味~ 而且肉質相當嫩，忍唔住再ORDER 了一ROUND。推介2. 仲叫咗鵝肝多士，我平時好少食鵝肝，唔太清楚鵝肝係咩味。但係見到塊鵝肝好大件，咬落去有入口即溶既感覺，再加上熱辣辣、脆卜卜既多士。一個字---正~推介3. 老公叫了燒羊架，其實我唔太鍾意，因為接受唔到羊架d “蘇”味。但係見到老公食得津津有味，所以試咗一件。估唔到……連我都接受到。唔太“蘇”，仲有濃郁既香草味。唔錯~推介4. 燒菠蘿，因為食咗好多肉，食番粒燒菠蘿，又甜又多汁，非常消暑(雖然外面仲係十幾度)今餐食得好飽好滿足。老公話下次再來食呀。