Simplylife Bakery Cafe

Open Now

Now Closed

放大假前的一個工作天，與我的好拍擋特意到沙田這間人頭湧湧的餐廳用膳。提取輪候的號數後，大約等了半個鐘，輪到我們入坐了。我點了餐湯和大蘑菇雞肉漢堡，餐飲是店鋪的特色西柚冰茶。這一餐，我最喜歡個南瓜湯，南瓜味香濃，湯的質感幼滑，加埋個法包，無得頂。至於個漢堡，雞肉稍"鞋“，我自己則不能接受。但內裏的芝士醬汁，非常好味，個大蘑菇肉厚多汁，一流。漢堡側配上薯條和酸青瓜，薯條香脆可口，青瓜令人感覺好 fresh, 配搭恰到好處。最後，以西柚冰茶為這一餐結終。

生活最好能夠簡簡單單，悠閒地吃個簡單的午餐，很好。沙田這家Simplylife是我這個沙田友至愛之一。午市套餐十來個選擇，配上餐湯或沙律，簡單。今天是甘筍湯，清淡合口味；配上外硬內軟的法包，好吃。今天點了鰽魚炒雜菜，魚肉沒有過火候，剛好；雜菜略嫌少了一點，喝完整杯西柚冰茶，胃不夠滿足，比起平常常點的漢堡，只會吃不完，有點分別。下次肚子餓，還是來客漢堡更好。溫馨提示：午餐時間限時90分鐘，平常中午12時半以前，已見客人在門外等候入座。

平日 6/7pm 要搵地方食飯都唔會嚟 simplylife, 因為實在太多人等位，但今日約咗朋友 8點先食，便姑且一試，果然比平時繁忙時段少人，雖然仍要等位，但就比平時快好多～餐包有兩款包，但個人覺得太硬，麻麻加咗沙律餐湯各一，水果沙律好 fresh, 冇落好多醬汁，幾開胃。肉眼扒好大塊，肉汁多，薯條亦好好味！幼身款，炸得金黃香脆，令人食唔停口～黑鱈魚唔算好滑，但肉質都唔錯，旁邊有醬汁但個人覺得味道怪怪地，唔點醬仲好。薯溶又軟又滑，同時夾雜著細粒嘅薯仔，增添口感。Simplylife 雖然時常多人，但論環境同食物質素都可以長期維持水準，無論情侶、閨蜜、家人都適合來這裡～

I come here regularly for lunch and it is great value for approx $100 you get a main and drink. For an extra $10 you can add a salad or soup of the day which comes with their freshly baked bread.I've had the fish burger, and the pasta before and it's always fresh and tasty and cooked well. Portion size is decent and the grapefruit iced tea is a must! Service is quick and it's great they have an open kitchen too.

之前食過呢間餐廳嘅Lunch覺得ok，所以今晚約咗朋友响呢度食飯，帶位安排坐對住出菜嘅位，座响度等緊朋友其間，有位帶黑衫眼鏡男侍應，有幾聲咳，唔緊要，佢用手掩住口咳，唔緊要，最攞命係佢無洗手，跟住用掩住口咳嘅手攞食物比客人，救命呀！到佢咳咗第3次，我頂唔順，我舉手叫佢，我好有禮貌同佢講：先生，你係咁咳，麻煩你可唔可以洗吓對手？佢話：我知㗎啦！（期間我並未order食物，因為等緊朋友，朋友有小孩）見佢真係有洗手，因為open pantry，所以睇到佢洗，但過了一分鐘，佢又咳，又係用手掩住口，又俾我見到，我真係拎晒頭喇，咳嗰位侍應跟住走嚟同我講：小姐，你朋友仲有幾耐到？我話，仲有10分鐘，佢同我講話唔好意思，呢度限時個半鐘，咁我話 得㗎喇，我出番去囉，橫掂我未叫嘢食，你對手又唔洗！最後，我出返去同帶位嗰位先生講咗，我真係聽唔到佢話限時個半鐘，不過唔緊要喇，我講番晒嗰位咳嘅侍應咁唔衛生嘅情況佢知，但佢個樣都好無耐囉！其實佢帶番個口罩咪無咁嘔心囉！

這間餐廳平日不論午餐還是晚餐都排滿了人。今次有同事幫忙排隊拎位，終於可以三試試啦～比我想像中便宜嘛，$102就一個套餐，以中午以言是有點小貴不過還好。是日餐湯是蘑菇湯，附上餐包。因這點有位置是專賣麵包，吃過後是覺得不錯即使是法包外是外脆硬內裡軟軟的。蘑菇湯很足料濃味道，不過我本身就不特別愛蘑菇湯。點了水煮蛋伴煙三文魚，看著小小的不太豐富。不過吃到中途覺得原來是自己太天真很飽的哩！蛋上面是厚厚的醬，挺酸甜，水煮蛋是未熟透切開就會蛋黃溢出來可沾麵包吃。整體很香也不錯。難怪這麼多人排隊。

simply life 嘅食物不嬲都有質素。假日同朋友去開沙田就係度食個下午茶。因為未試過白朱古力蛋糕就點左黎試食。首先俾佢個顏值吸引左，蛋糕頂上嘅白朱古力好似花瓣一樣，好似一朵朵白玫瑰花。真係好靚感覺好優雅。呢隻蛋糕比我想象中甜好多，感覺除非非常鐘意好甜嘅朋友，如果唔係都未必受到。好在蛋糕入面有杏仁同果仁，食落可以中和左白朱古力嘅甜。不過我都係食到最尾頂唔順隻甜味。下次未必會再點呢款啦。🤔🤔🤔反而焦糖呢款就好食好多，雖然佢係成層焦糖表，不過蛋糕並唔會比相象中甜。（比白朱古力甜度低好多）餅底又爽口果仁又夠脆。如果俾我選我會選焦糖多於白朱古力蛋糕啦。😂😂

沙田新城市廣場是個不錯的行街食飯聚腳點，逛完街後想醫一醫五臟六腑，都有不少的選擇。今日去的是Simplelife Bakery Cafe，它的午套選擇有十多款，價錢一百三十多元。午餐餐牌是個餐湯(香草蕃茄湯) －茄味濃郁，最喜出望外莫過於放了一粒芝士，增添味道層次。牛油果醬牛牛肉漢堡－漢堡牛肉煎得恰到好處，裡面仍保持肉汁，上面鋪上一塊半溶的芝士，十分滋味，而牛油果醬正好減牛肉和芝士的油膩感。烤蘑菇忌廉汁手製闊條麵 香草燒雞胸 醋漬野茵－野茵烤得鮮嫩，每條闊條麵 掛上忌廉汁，倍添口感。冬陰公有機糙米飯－冬陰公味道層次豐富，南薑、酸子、香茅和魚露味突出，配上青口、鮮蝦、魷魚，感覺清新自然。

這間餐廳不論是任何時間都很多人排隊,，這次我們特意比正常晚餐時間稍晚一點才去，也預先用商場的app 訂座，果然大大縮短了排隊時間！↑晚飯時間都會送上的餐包,，這次以法包為主，外面有一點點硬，但裡面很鬆軟，配上牛油剛剛好(甚至我們還encore了牛油!) ！當中有一塊是酸麵包, 個人來說不太喜歡吃。↑南瓜薑忌廉湯：個人很喜歡這個組合，湯的薑和南瓜味都很充足，又不會很鹹，少有的心思思想追加餐湯呢！↑美國自然穀飼豬扒：不知怎的最近吃西餐時都很喜歡吃豬扒，這裡的豬扒是值得推薦之一，其中配菜居功不少！豬扒夠厚，熟透之餘不會很乾很韌，配上squash mash、松子和餐廳自家製的ricotta，很好吃呢！↑鰽魚茴香有機糙米飯：一上菜就有濃濃的海觧味，糙米飯的醬汁吃著有點龍蝦味（餐牌上沒有註明用甚麼汁喇），建議對蝦蟹敏感的朋友點菜前再問一下店員。↑燉紐西蘭羊膝：羊肉其實燉得很嫩，只是賣相有點隨意，不太吸引。↑車打芝士煙肉牛肉漢堡：朋友說牛肉很軟很散，而且醬汁欠奉，吃下去很乾，基本上整個漢堡都不好吃，不建議點

之前去左沙田班阿女換玩具，見唔使等太所耐就去左simply life 食，不過因為要補飛，所以要等多幾張。星期六既lunch 係有10款左右既brunch選擇,價錢係一樣，138蚊。我地三個人，叫左兩個餐，因為工人姐姐唔食豬，所以叫左個burger,俾佢食。 個burger好juicy,同d薯條都好脆。最後食唔哂都要帶走反而個我點既闊麵有點硬，食唔到d汁。不過最後杯冰茶都唔錯，如果普普通通一餐，都可以接受。

每每想吃西餐，在大商場裏選擇來來去去也是那幾間，不想煩惱時，就會選定simplylife，然後早早拿位，用餐時間的話一般等一小時也是常態。南瓜和燉飯向來不是筆者愛吃的東西，所以從來不會點，朋友點時，試吃了一口後，有種驚為天人之感，因為對南瓜立即改觀，而且混和栗子的燉飯粒粒分明，口感粉粉的，味甜。對女生來說，這菜品比其他有種貌似較健康的吸引力。意粉和菇都是絕配，菇爽，意粉有咬口，筆者愛吃，惟雞胸肉口感粗糙，強加蛋白質反成了扣分項目。不是專吃牛扒的店，要求不可太高，忘了牛扒底下的白汁是甚麼，總而言之跟牛扒不太夾，但牛扒份量和價錢尚成對比 ，嫩口。

趁臨截單前食埋個下午茶⋯⋯叫左兩個餐，一個焦糖海鹽蛋糕跟拖肥咖啡，另一個就牛油果牛肉漢堡跟拖肥咖啡。蛋糕有淡淡的海鹽味同焦糖好夾，賣相都好吸引，咖啡好甜，拖肥味不太岀。漢堡牛肉夠厚身，好多牛油果醬，但薯條份量不夠，多好碎上，呢方面稍為失望。服務方面一般，侍應要叫幾次先有人落單，態度一般。唯價錢方面算ok, 加埋一都不算太貴就已經有漢堡食。

已經唔係第一約朋友黎食晚餐， 貪佢就腳又好坐，沙田新城市真係好多人同喼，不過呢間好彩本地人食多， 相對唔算嘈， D位好寬落唔迫， 不過晚飯時間都多人， 要早d 去因為唔算好多位。 上次食過覺得好食， 今次同個fd再叫10安士肉眼扒都仲係份量十足好好味，多肉汁的, 個湯都幾濃， 麵包又唔太硬。 個人鐘意佢d 甜品， 細細件唔太甜，食完十分滿足。 慢慢食係得ga, d 侍應唔會趕住要你走， 話晒都係賣服務同環境嘅餐廳，价$反映左唯一係佢杯檸檬茶個杯好似舊左d, 最好換左佢la

每次行過simplylife都覺得個餅櫃d麵包同餅好吸引今日行過見到啲麵包賣淨得7788但見到我最鍾意嘅其中一種方包😍😍😍😍芝士方包就決定買！唔知係我太耐冇買佢啲包定咩 佢已經換咗個包裝 變咗有隻兔仔係屋企入邊 🐇🐇麵包嘅白色部份 非常之軟熟 而且入邊仲有啲芝士 雖然佢唔係一粒粒嗰種 但佢好似係溶咗一點點係入邊咁食落去會有芝士味但係就唔會好濟而外邊嘅麵包皮 上面係脆脆地嘅芝士 而外面就係普通麵包皮咁 😍😍😍其實佢嘅麵包係幾好 不過店員嘅服務態度就有啲差 佢黑晒面咁 果然個個都話佢態度差係真🤦🏻‍♀️

同朋友食LUNCH, 由於唔肚餓 又唔想食主食 於是叫左芒果拿破倫 同竹炭綠茶味蛋糕 先講竹炭綠茶味蛋糕 我以為會有炭味 原來係好輕既 香味 我唔係幾識形容 類似炒栗子個種香味感覺 但當然無炒栗子味啦 綠茶味好清新 都算濃 但我最想講既係 芒果拿破倫 好好食 首先 每層都好脆 第一層外面有些少糖粉 中間既卡士達夾住芒果 每用叉拮落去 聽到超脆既聲 而且成個combination 好味 因為 好香酥皮和牛油味外 芒果係超甜 但有個 tips想講，LUNCH去買係好D 我有幾次LUNCH堂食或外賣 去買拿破倫 返到公司4點左右食都好脆，但有次放工買返到屋企已經淋左無咁脆。