星林居雲南米線餐廳 (Closed)

食過幾次星林居，第一兩次覺得真係幾好食，不過佢地啲服務態度同環境都幾差。啲枱油淋淋，抹完好似無抹。啲碗個邊又係油淋淋，好似d湯倒到成個碗邊都係湯汁咁，好懷疑係咪根本無洗過啲碗？😥今次再食，服務同環境都係咁差。連食物質素都差埋。米線太淋，湯又好多味精。食左幾啖，有隻指甲咁大既曱甴！🤮🤮🤮叫呀姐黎睇，佢淨係 哦 左一聲，你眼望我眼，好似見慣不怪，唔想理咁。佢去請示完老闆娘就同我地講張單唔收錢，但完全無諗過要收返碗有曱甴既米線走，係咪諗住我會繼續食?!😓衛生真係超差，奉勸各位唔好再去。

咁啱喺尖沙咀做完野，見星林居唔洗排隊就入去食嗰lunch。叫咗「魚蛋蘿蔔豬膶小鍋米線非常酸中小辣」。佢地湯底幾特別，好香濃，酸味很重，配多香菜，葱，很開胃。料好足，蘿蔔有好多同好大嚿，而且味道清甜，淋身冇根。但係豬膶好柴呀、魚蛋都冇咩特別！米線份量較其他米線鋪少好多。不過女仔嚟講係夠食嘅！另外，叫咗杯凍檸茶，完全冇茶味，味道過淡。總括嚟講，要排隊嘅就唔係好值得浪費時間。如果唔洗排，都可以很閒食吓。

前幾日睇韓國綜藝咁岩睇到介紹星林居即刻上網揾地址去食 一坐落好迫 應該係時時刻刻都咁多人排隊🤭但好彩我同朋友6點左右就去左 等左幾分鐘就入去坐低我叫左肥牛豬皮米線麻辣中辣 😋😋米線質地比較淋對我來講係好事 因為本身胃唔好 湯底方面個都幾濃 唔同其他米線！！！！餸就比較失色😢😢😢肥牛 食得到係唔新鮮 而豬皮份量都幾多 但未清洗乾淨🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

I saw a long HAIR in the rice noodle soup!!! And to my surprise it was not the worst part of the experience. The waitresses were so rude to the customer. And below are the details of what happened.When I saw the hair, I was worrying to affect other customers and their reputation, so I called the waitress quietly and showed her the hair. But she looked at me and said with a doubt: "Is it your own hair?" But I tied up my hair before I went in the restaurant and it was tied up during the whole proc

兩年前喺尖沙咀返過工，間唔中都會嚟樂道呢度搵野食，呢度成條街都係餐廳，普遍都係做遊客嘅生意，所以定價都會比較高，所以我偏好嚟星林居食飯。呢度揀餸好似食車仔麵咁畫點心紙，亦都可以好似食拉麵咁剔辣道同酸道，我好鐘意食呢度啲酸辣所以叫左個腩肉生菜酸辣米線。仲剔埋多莞茜添，雖然普遍啲人都唔鐘意食呢啲，但我覺得食米線最緊要加多啲莞茜先夠香。但唔知點解生菜會分開上架呢，我又將啲生菜放落湯浸下先有味，如果佢放埋落碗米線度就好喇。

星林居聽就聽得多但真係第一次食 一路以為係d遊客先去食中午12點 已經坐滿九成 一半係遊客係尖沙咀keep到呢個價錢都算係咁鍾意佢可以“要求多多”同行朋友話以前多芽係堆到好高不過我覺得呢個量都已經ok湯底偏重口味路線 唔油 而且本身揀左非常酸 所以好啱我口味 店內冷氣足夠 唔會食到大汗淋漓炸醬係淨瘦肉 連埋底料一齊炒 好食既但相比有少少脂肪既炸醬 呢種就無咁香喇各有fans啦~朋友話另一間樓上鋪既分店味道有d唔同下次可以去試一試

難得嚟到尖沙咀好想食米線就要諗下食邊間好點知比我見到星林居嘅招牌諗都唔使諗就衝過去啦。星林居已經唔係第一次幫襯架喇佢啲味道真係好獨特好食。今次我就專登叫咗雞腎豬潤同埋油麥菜小辣米線呢一度嘅湯底零零些些係有種好獨特嘅味道出邊係食唔到嘅佢嘅湯底配上大量嘅芽菜同埋肉碎好香口令人吃完一啖再一啖。雞腎得唔錯好爽口，而豬潤嘅份量比我想像中多食極都仲有，油麥菜吸收晒湯底嘅精華再食落去簡直係無得輸成碗面嘅份量係超級超級多，好豐富食一碗真係可以飽全日

比較舊式米線店晚上八時去已經十分多人，幸好不用等位坐位相對較迫，同要搭枱坐落單嘅單張容易填寫，尤其係配料方面而作出不同的配搭今次要左勁酸，中小辣同莞西蒽至於餸菜方面，選擇相對較少，分量亦偏小今次加咗金針菇同海帶但金針菇的份量覺得真的太少了要湯底方面真係好酸但係有酸到個喉嚨唔舒服個湯飲上嚟落咗好重味精，食完好口渴食一次半次都可以米線軟硬度適中，浸落湯一輪之後已經吸成個湯嘅味但建議店舖可以增加多一些蔬菜選擇，例如通菜

久唔久都會想食下米線既，但係又唔多想食啲大牌子嘅米線啵，甘啱今日去到尖沙咀，梗係要試下您啦😋😋😋😋原來食星林居都食咗差唔多有10年啦，簡直陪着我成長呀，不過近排好似對米線嘅熱情減退左，偶爾食下都無妨嘅今次帶咗豬腩肉啦，豆卜，蘿蔔，小辣呢度嘅酸辣湯底係零舍好食架，喺出邊真係搵唔番哩種味道架，腩肉整得好出色，完全索晒個湯底👍👍半肥瘦適中，唔會話成塊都係肥豬肉豆卜同樣係吸晒湯底嘅精華，無得輸呀！！至於個蘿蔔依舊清甜

好多年都無去過星林居，一直對呢到既米線念念不忘。今日終於來返呢到，好期待！點知.......環境污漕不特止，地下「線」，的野又唔好食，蘿蔔凍，豆卜硬身，米線就淋到入口即溶，豬大腸仲有的變味。見到好多遊客.......而我，應該唔會再來

中午成日排長龍 記住要預早啲排隊由好耐以前已經開始食星林居但覺得近期啲米線愈食愈小食完d餸幾啖米線就無哂😂但味道係keep住ok的😋服務同環境清潔就唔好expect咁多啦🤭

係尖沙咀行街餓餓地都會諗起星林居。太吸引，又平又好味。🤤兩個人去食，可以淨係叫一碗嘢面， 如果想一碗麵加一個飲品， 咁個飲品收正價。(就冇得用跟餐優惠喇) 個人覺得咁都幾好幾方便。佢上面有點餐紙自己揀完寫完就ok lu。我今次叫左明火小鍋米線，送有蘿蔔同豬紅(小中辣，普通酸，走九) 我覺得好細心，除咗畀客人揀唔同嘅辣度之外，仲有“酸度“可以揀， 可以隨個人喜好而選擇最岩自己胃口嘅麵。p.s. 之前揀過非常酸， 辣得黎好酸嘅感覺好正，但個胃頂唔順胃痛。。🙊🙊碗麵嚟到超級滿， 成個碗邊都係汁，感覺有啲“那渣“。味道方面，真心好味，又酸又辣好過癮，佢會有肉碎，感覺個碗面好豐富，蘿蔔好清甜，可以中和一下。份量好多，一碗夠晒飽。唔知係咪有旅遊書介紹過， 好耐都幾多遊客下。 😂

油麵筋 腐皮角小鍋米線($42)星林居列入本人最愛米線店之一 經常大排長龍 越來越多遊客排隊 湯底偏向重口味 油麵筋是每次必點的配料 吸哂湯無得輸٩(˃̶͈̀௰˂̶͈́)و

星林居係我至愛嘅米線鋪之一，有好多款嘅餸可以揀，任你多芽菜，多韮菜，多蔥，多酸同埋幾辣都得！任你自己揀想要嘅份量同口味！自由度好大，一定揀岩自己嘅口味！每次我都會走蔥普通酸同中小辣，再加紫菜同豬軟骨！豬軟骨好大舊好好味好入味！而蘿蔔水準就唔太穩定，有時有唔夠甜有時又有渣，真係睇你好唔好彩喇！有次試過豬紅就普普通通，唔食都擺！呢度嗌菜會另上一碟，份量都唔算少。呢度地方就有啲逼，坐得唔多舒服，大動作啲都驚會撞到人！

Excited to find a non-veg place with a vegetarian option, I came here on a busy Sunday night and was seated with a family of three. I ordered the Shek Lam Bridge noodles with the normal sour level and very little spicy. The noodles were chewy and tasty and the broth was good - nice and tangy! - but wow was it spicy! I get heartburn and indigestion from spicy foods so I was hoping for something with just a bit of heat, and instead I got something that made my eyes water. If you're like me and on