星林居雲南米線餐廳 (Closed)

其實我係星林居嘅忠粉 經過尖沙咀我一定會食星林居 但冇諗過今次係一次唔開心嘅經歷 去到門口要排好長嘅隊 其實都慣咗 我一個人所以等咗大概10至15分鐘就入到 去到門口坐咗個門口位 其實中午時間已經好熱 門口位仲要對門成日都唔關 搞到餐廳好似冇冷氣咁 叫咗我平時食開嘅餸同埋辣度 叫咗豆卜 蟹柳同埋豬紅 米線我就叫咗小米非常酸同小辣但今次真係令我好失望 😞 首先豆卜好大陣雪味 朱紅亦都唔入味我覺得好似食緊舊膠咁 蟹柳就好啲啦米線湯底今次都好失望 非常酸其實一啲都唔酸 小辣亦都唔辣 同平時食開嘅酸度同辣度都有一定程度嘅差別 可能平時我係食開另一間分店樓上鋪嗰間 其實我冇考究過兩間分店嘅唔同 但今次之後 我決定下次我會去返樓上鋪嗰間 起碼唔會咁失望😞

星林居雲南米線餐廳己經忘記了何時開始喜歡吃米線更記不起為什麼喜歡吃涼拌米線可惜，不是每家米線店都有涼拌米線有提供伴米線的，大部分都是熱拌米線，而非涼拌米線涼拌米線那種口感，是熱拌米線不能做到的一般市面上的涼拌米線，只會將醬汁放在碗內，然後由食客自己拌勻星林居，會將米線拌勻再上枱這比自己拌，必定更均勻米線略腍，但仍勉強可以叫爽米醬汁味道十足辣味，可能要迎合香港人口味，大辣都只係坦仔山小辣嘅辣度雲吞，餡料太少，完全撐不起雲吞皮炸醬，可以加點辣味豬皮，正常發揮其實，星林居的涼拌米線，已經算是很不錯

過橋米線，先是米線不是一般的米線，是用甜豉油浸過的米線？！湯底叫了麻辣小小辣走酸，但是一點點辣味都吃不到？ 先是米線湯底，再來是食物的溫度，同室溫一樣，究竟有沒有煮過？過橋米線的幾樣食物全都只有一件，一隻雞翼，一片紅腸，半條廚師腸。食到我一頭問號？餐廳更限制每位客人都要叫一樣食物，於是同行的朋友唯有額外叫多一個淨雲吞，配上一碗湯底，味道一般，但價錢可觀我想街上任何一家不出名的雲南米線都比這家好吃兩個人吃一共$98，寧願去食tam jai

。星林居好多酸辣米線fans會去既地方每次去都多芽菜多茜多韮菜好鐘意佢個重口味湯底店鋪經常要排隊 好多遊客 韓國人都黎食3個餸大概$40 雞翼吾算入味店員態度都一般 不過本人以前都係做飲食業，都明白點解佢地態度差既。

平時午餐時間我鍾意自己一個人嚟排隊，因為會快啲有位哈哈，不過記得唔好帶自己嘢飲入去啊我見到有其他客會比店員鬧，同埋佢個裝修真係好黑哈哈，不過大家入到黎都係為咗佢個米線唔會理個環境靚定唔靚嘅～

星林居可以話係我全香港最鍾意食嘅米線餐廳之一，最近佢個餐牌寫咗英文同韓文仲有相睇，可能想方便啲旅客落單～我自己就鍾意食非常酸中辣😋佢唯一唔好嘅地方係排隊入座一定要齊人先入得

忍唔住差到要寫人生第一次食評。叫左個涼拌米線配墨丸肥牛唐生菜。個墨丸就一啲都唔彈牙，淋到應該係解凍左十幾個小時；肥牛就勁多渣，咬落去啲味淡過惠康買黎自己煮；唐生菜就好少少，起碼都叫少少爽口。重點係佢個米線味道俾人誇大左，個酸味同辣味完全係俾人感覺分離哂。最慘係佢啲花生明顯係吸哂廚房入面啲濕氣，淋到去個芯入面。最後埋單大約$55。老老實實，呢個價唔算貴，但係我寧願去食譚仔都覺得開心啲。學周星馳食神嗱喳面個句，真係失敗中既失敗。食物差我都算，人生流流長，總會中個伏，但係態度差真係原諒唔到。本身就同朋友去尖沙咀食下佢個米線啦，我遲到大約5分鐘所以就叫朋友入去坐住先，咁之後行緊去途中收到電話，話個呀姨同佢地講間鋪唔留位，所以朋友隔離個空位俾人坐左。咁我就無所謂啦，餐廳規矩我都會遵守咪企係度等囉。之後我見到另外有張枱多左一個空位，咪好聲好氣咁問個呀姐「唔該，我想問可唔可以請個位客人調個位？因為我想同朋友坐。」之後個呀姐塊面黑過包青天，西過林鄭月娥，「咪一早講左囉，唔留位呀！我好忙架！唔好煩我住先啦！」全程望都無望過我。其實呀姐就有好多選擇既，一係你咪話齊人先入去，一係你咪同我講等一等先，一係你咪

好似好多韓國遊客黎食要等位 入面坐得較逼點單寫紙揀咗小鍋米線 (有湯）因為驚涼拌好伏自選配料 要咗腐竹($6) 蟹柳($6) 蟹籽包($7)走辣 全走😂份量方面 佢啲配料較少 丸得2粒 蟹柳1切3 唯獨腐竹多所以建議至少叫2隻餸但係麵份量足夠味道方面湯底勁勁勁鹹!!!第一啖已經覺鹹然後如果你揀咗酸一定會嫌佢酸但係麵質好好食 少少彈牙 韌韌地👍🏻睇樣有啲似意大利粉添😂配料就一般般啦埋單$47 都抵食嘅只要能夠調好湯底鹹度/酸度就好啦

我都已經有好耐冇食過星林居啦。因為我依家成日都去食米線陣。所以尋日經開就走咗入去食啦。首先真係一定要講佢衛生環境係差咗好多嘅。我一入到去搵咗個位坐，佢成地都係竹筷子嗰啲套。唯一不變嘅係佢嘅餐單落單嗰張，價錢都依然係平民價錢👍面嚟到，我覺得佢啲面嘅份量少咗好多。我食完都唔夠飽要走去買其他小食🥺🥺而我覺得佢唯一仲可以吸引我嘅地方係佢非常酸係好啱我胃口，因為我係好鍾意食酸野嘅人。以佢嘅酸係其他米線鋪頭做唔到嘅🙆🏻‍♀️總括嚟講 分量少左

最近去了尖沙咀星林居食小煱米線，這次是第一次的光顧。餐牌上除了中文和英文外，還有韓文，聽聞之前有個韓國you tuber 嚟食過，還在網上推介，從此就吸引了很多韓國人光顧。是次光顅剛巧坐在鄰座也是韓國人。這裏地方不大，而且有啲迫夾感，頗有小店的感覺，這裏要求每個客人必須光顧一樣食品。雞翼、麵筋小鍋米線生莱、肥牛小鍋米線每款米線均包括上湯，酸菜、韮菜和芽菜，而辣度也可自由選擇。個人覺得米線又偏淋身，湯底味道太濃，而且過醎，食完比較口渴！奇怪的是走時竟然有人排隊入座，可能是網路效應罷！

下場之前， 碌下手機睇下之前雜誌抄低影低嘅美食，就決定咗去不少雜誌都都推介星林居酸辣米線小鍋米線底價好平只係28蚊，不過個加一個餸就最低消費12蚊，婆仔數計下，其他酸辣米線都係7-8蚊一個餸 ，其實真係比其他舖頭貴好多因為有下場，所以點咗個小米線（減量）＋魚皮餃提提你係冇得平㗎。我叫咗魚皮餃, 小辣普通酸　＄４０等食嘅途中望下四圍先好多人入嚟食嘅都係拎住部手機左ｌｏｋ右ｌｏｋ，我估係因為尖沙咀麻辣唔多，同埋星林居宣傳都做得好足夠，雜誌推介尖沙咀嘅酸辣麻辣米線都會有都會榜上有名。不過環境係點係令人不舒服嘅。唔好講地方殘舊始，終都係C級料理，唔可以睇餐廳裝修。不過店內勁多烏蠅，枱櫈都係黐立立。食完都冇清潔過，又或者佢有抹個不過抹布應該係成個禮拜都未洗過…等咗一陣上菜啦第一個印象非常之差， 因為所有嘢食都係求其倒落去。我明白配料都係一個一個分開整定， 執藥咁最後熱一熱就拎出樓面。不過呢個求求其其大集會賣相，仲差過我屋企煮畀自己食 魚皮餃：咬落去凍冰冰，成舊又凍又硬又 ，我即刻 把魚皮餃 擺喺碗麵嘅底下浸一浸，熱少少入口先咁食。少米線： 我唔知道少量米線嘅定義係小四分三份一定係少一半， 不過我

餐廳服務態度一向都麻麻，員工好似同你有仇咁... 但係一向都食開。佢有兩間分店，我比較鍾意呢間分店湯底味道比較香濃，不過呢個始終係我既印象喇！可惜而家既味道已經唔同豬軟骨豬紅金菇 過橋米線豬軟骨 — 本人原本好鍾意食豬軟骨，但呢個真係太硬，太難咬，食完一碗豬軟骨牙都痛😢 金菇 — 金菇吸左過橋米線湯底嘅汁，重口味嘅人會鍾意豬紅 — 原本冇咩味道，靠湯底外沾既汁，味道不夠其實以前呢間米線好好食你行到門口都見到佢攞獎既相但係今次尼到.....點解見到攞相嘅人由男人變咗女人既❓❓❓餐廳轉左手？ 🤔

網上好評多，肯定不乏打手食完只可講句 極度失望涼拌米線，加$8腩肉係三小塊腩肉，望到隔離枱既蟹柳，仲可憐，一條蟹柳分三份叫做一個餸...個米線既調味酸酸地，但係無其他味 好淡小鍋米線，米線超淋，好似整好左勁耐，但又唔見佢出菜出很快喎個湯好酸，叫左小小辣，完全食唔出辣味...$8 菜肉雲吞，有2「塊」 ，三角形扁扁地一食就知係啲cheap野，仲要一夾就爛....有食客發現左碗野有蟲，其實間餐廳淨係食客坐的地方都唔多乾淨啲旅遊網仲話係韓國遊客必食，如果我識韓文，我直頭想寫返篇警告佢地唔好黎譚仔都好食過佢！

米線精我認我係！一諗唔到食咩我都會去揀米線，貪佢可以自己揀自己想食既野。咁星林居就有別於一般米線，個湯夠酸夠辣，而家好多米線舖淨係識用大陸雜貨店果隻化學味辣椒醬尼開個湯，都唔知做乜！星林居好好多，一定係自己煮，又多肉碎！呢間我試過多酸中辣、同不酸不辣，結果兩個都好好食，我推介帶d唔食得辣又喜歡食米線既friend尼，一定包大家都食得開心。至於配送方面我推介豬軟骨同墨丸，前者超入味，後者好夠墨魚味！推介！

對上一次食星林居，已經係5年前啦，哈哈個陣覺得好好食，所以今次台灣朋友黎香港玩，我都帶佢地黎試下🤤🤤隔左咁多年，都係咁好食，啲米線都係咁彈牙，惟一唔好既係，麵真係少左好多😂😂可能鋪租越黎越貴啦，不過，好食就得啦😚😚