大中華素食

Open Now

Now Closed

Lunch唔知食咩好，把心一橫，不如食素呢！有時食得肉多都要食齋平衡一下=3=好多好多年前有係呢度食過晚餐，印象中都不錯既~午市優惠餐有幾款，加埋一$48我揀左菠蘿咕嚕肉即叫即炒架喎！汁既味道ok，菠蘿好甜，咕嚕肉既口感就做得唔係太似喇！跟餐有茶、有湯飲，午餐黎講都算抵！P.S.個老黃瓜湯其實幾好飲，而且好多料！總括黎講，佐敦區既素食店都有好幾間，而呢間大中華素食既水準就係一般水平，但以實惠取勝，不妨一試吧~

大中華素食 應該很多人都認識，菜式向來水準不錯，連熊貓媽每次一提「食齋」都會點名來這家餐館。他們家的餐單挺多元的，不只中式小炒，連東南亞、日式菜單也有供應。每日14:30~17:00的下午茶時段，半價便可以品嚐了。🥟 大中華拼盤 - 原價HK$168 (50％ Off) 包含素乳豬、素叉燒、西檸素鴨、荔芋卷及6件蒸掛包，中間還有沙律菜 (沙律會淋上日式芝麻醬，純素食者記得叫他們轉/走醬！)。份量很多一大盤，吃得開心😋 不過都是炸物，吃完碟底全是油。🍄 黃耳愉耳蒸豆腐 - 原價 HK$88 (50% Off) 黃耳嫩滑、愉耳彈牙，加上蒸煮滑豆腐，入口即化的感覺就是棒！😋另收茶芥 及 加一服務費推薦指數（5分為滿）：🐼🐼🐼🐼餐廳的衛生意識很高，地方潔淨，桌與桌之間又有間隔。下午茶來吃飯份量足又可以看看書品品茶，休休閒閒的挺不錯。📍 大中華素食 🇭🇰地址：佐敦白加士街131-135號地下

今日中午係油麻地永安百貨買嘢，買完嘢，出門口就見到呢間大中華素食。係門口睇咗一陣餐牌，午餐幾抵。$ 68包括主菜1款，小食2款，例湯和白飯。主菜：我選咗XO雙荀妙牛柳：炒得幾香，微辣惹味，露荀好爽脆。小食：芝麻手撕雞：口感好似手撕雞，幾得意。醬油秋葵：秋葵老咗啲，但係個醬汁唔錯。例湯：顏色呈深褐色，店員說是冬瓜湯，味道都幾清甜。室内裝修簡單，坐位舒適。食緊飯嘅時候，聽到旁邊有個客人，落單要求走鹽走糖，店員說沒有問題，幾好喎，願意因應客人需求落單。

天氣炎熱，胃口欠佳，估不到這家素菜館喚起了我的食慾。午餐$68，包括主菜1款、小食2款、例湯和白飯，茶位$3，免加一。主菜：XO雙荀炒牛柳：炒得香，微辣，惹味，雙荀爽脆，「牛柳」不太像，但味道也不錯，不油膩。咕嚕肉：酸酸甜甜味道好，醒胃，「肉」的質感不錯，另有大量菠蘿和三色椒。小食：芝麻手撕雞：好味，質感像手撕雞，很快吃光。麻醬冷豆腐：可能因為自己也常做，覺得比較一般。麻辣木耳仔：微辣味道好。醬油秋葵：秋葵嫩，味道不錯。例湯：清清的，適合夏天。白飯：有少量糙米在內，好吃。服务也很好，我們在商量要不要公筷，走過的服務員聽到，說立即送上。我不小心弄瀉了茶，請服務員抺桌子，動作快，也沒面露不悅之色。價錢不貴，食物和服務都不錯，值得回頭。

聽人講食素能夠為去世親人積福,所以今晚晚飯專登揾素食食府,而今次這間是佐敦永安百貨隔離的,交通方便容易揾。今次點了4人精選套餐：1.竹笙粟米羹, 足料好食。2.客家炆豆腐, 豆腐真係好好好滑。3.酥炸荔芋卷,鬆脆內軟好好食。4.蠔皇鮑菇扒西生菜,正常。5.九製陳皮猴頭菇, 又野味。6.豉油皇炒麵,麵夠幼,炒得夠乾,不過最好少D餸多D麵咁就好了。最值得讚的就係辣椒油, 好好味,唔會太辣。食飽後還可以行下永安百貨散下步,真舒服。

最近都愛上左素食，今日係去灣仔睇舞台劇，去前響佐敦無意中見到間素食餐廳🍴有時鐘意依種隨心行，隨心見到餐廳就入去試ge心態因為咁樣先有驚喜見到外面餐牌種類都有好多，而且午市價錢都唔錯就入去一試啦環境寬敞幾舒服，仲要店員安排左我地二人坐大檯🤣我地叫左個咕嚕肉同木耳魚腐浸雜菜，小食原來每款可以配兩種小食，所以我地會有四款小食分別揀左牛蒡絲、麻醬冷豆腐、中華沙律🥗同一個唔記得個名（係店員推介試）未上主菜，先黎個湯先，係青紅蘿蔔🥕栗米牛蒡湯，清甜好好味跟住就黎四款小食同咕嚕肉，個咕嚕肉真係整得好似肉味，友人都大讚咁厲害，研究佢係用咩整，我估係菇整成，小食方面我最愛食牛蒡絲跟住就到個木耳魚腐浸雜菜啦，自己本人愛食魚腐，再浸埋個上湯食到好飽飽，健康素食依間鋪可以再黎過，食緊中途，都睇到有幾檯係除左叫set lunch，都會額外再點另一類食物，廚房出餐望到時，都覺得幾吸引下次要試試先

地點：方便 （近地鐵）佐敦A出口地方：適中價錢：合理今次試了這一間buffet,佢地都有散叫.服務態度還可以，食物款式都算多. 每樣食物都中規大距.說真話如果食素黎講口味比較重.如果可以味道淡少少會更好.上菜時間都很快.印象最大就是一個魚腐.我依家仲諗緊係唔係真.必試炸物都係即叫即炸，都好食！總括都會再來但係會試下晚市散叫睇下會唔會有分別先

這間素菜館已經食過好幾次，次次來都是食任食放題，價錢公道，而且可以大量食到好多素菜。今次就例外啦，唔食放題，食下散餐啦。叫左個南乳雜菜粉絲煲冬菇滑雞煲仔飯南乳醬汁非常好味， 咸度適中，蔬菜又好新鮮，蓮藕片好爽口 ，豆腐卜沾滿南乳醬汁好入味，好食！呢個冬菇滑雞煲仔飯非常出色， 用猴頭菇代替雞肉都係第一次咁樣食法，仲以為猴頭菇只可以用嚟煲湯，個煲仔飯令我好有驚喜，出奇好食，猴頭菇居然有雞嘅味道，同埋好香口同爽口，下次一定要再食。

我今日在佐敦食素，這間大中華素食鄰近九龍永安百貨公司, 下午茶時段由2時開始，所有素食都是半價的，有很多款不同素食任君選擇，大都是即叫即煮的，上菜時熱辣辣的！這次我要了石鍋豆腐，上菜時見到石鍋的湯仍然在沸点，不時有煙冒出，還有声音！豆腐在鍋中，好像叫你慢慢品嘗它，還有素魚塊在其中，它是由新鮮番茄煮成的湯底，十分美味！還有薯蓉焗法包，薯蓉有磨姑、素蟹柳弄成的，它放在法包上！很多餐廳都有不同的焗法包如雞蛋、吞拿魚、、、等，但這样做法，我都是第一次吃，味道都OK！很特別！

年初二與好友來一個簡單素食日，因為在農曆新年前夕同初一食得太多野，而且今晚我哋唔想太油膩，所以決定食一餐素食輕鬆一下。我哋就走到去佐敦近永安隔離嘅「大中華素食店」食晚飯，原來佢哋有做任食價錢都係每位118，我見到任何嘅食物選擇都好多，而且份量都好大碟，非常抵食。至於我哋就選擇咗單點，叫咗一窩「 竹笙四喜翅」，材料十足，味道跟真翅湯底非常似，食唔到有味精，好清甜美味。另外再叫了「 雲耳蒸雞煲仔飯」， 雖然係齋但係菇菌類都好似雞肉咁香滑，可口有飯香，感到非常健康，年初二來一個簡單又健康嘅開年飯。

素菜熱潮，朋友們介绍這間大中華素食，對于我們一向食肉獸都幾有好感。菜式大衆化，味道都很好，推介白汁焗麵包海鮮炒飯，炒飯好香十分野味！賣相都幾吸引，完全唔會覺得很寡嘅食欲而抗拒。成班朋友掛住講已食晒，下次才幫飛影相

今日約左朋友去呢間大中華食素，本來諗住食素都係個D啦，但原來素食可以有咁多花款，可以咁好食，其中最好食的，我覺得是陳皮骨，味道特別，用猴頭菇做成，居然還有點肉味呢，還有味炸准山，我覺得呢款好抵食，准山切成小丁炸，好香口，用一個白炸盞盛著，這個炸盞還能吃呢，食起上來還很好味，睇得出是下了心機，連個炸盞都作了調味，食完准山，炸盞之後，下面還有沙津菜，所以這道菜很抵食，三個口感都不同，其他都很好食呢，值得再去

呢間中大華其實係第2次黎，上次食lunch，今次食晚飯。記得上次黎係年頭，當時唔算多人，可能近排hit左幾間自助素食，今晚黎就坐滿，好彩有訂位。呢度同其他的素自助餐唔同，sell即點即炒，叫果樣先出果樣俾你雖然唔肯定全部都係即炒，但肯定唔會嘥野。任叫餐牌上，包括前菜、小炒、飯麵同湯，大約有60款左右，都好多選擇，每次入單最多叫6款。今次兩個人黎，連湯同飯食左10款左右。每碟其實都唔細，都係多兩個人黎食可以試多啲款。呢個炸牛蒡係唯一有encore的, 細細粒，都幾好味，食落有啲似炸雞，夠味。呢個三杯豆腐淡到乜咁豉椒牛柳，都ok南瓜羅漢豆腐咖喱雞小菜都ok嘅，味道偏淡，即使係豉椒同咖喱呢啲濃味野，都係淡粟米湯，有啲餐湯feel，不過朋友話原來都有好多料想叫個白飯黎送餸食，但叫左好耐都係未到，呢隻要扣少少分。平日晚巿$88, 假日及假期前夕就$108，不過有加一同茶介, 星期五黎食，兩位實質$256，即$128一位。限時90分鐘，但都冇催過你埋單。整體來說，久唔久黎食下都ok，味道偏淡。

每次返學都想試尼間素食店，睇埋食評更加覺得唔錯。今次就決定食尼間啦。可能lunch時間，一入到去勁多人，職員忙得制完全唔理我，之後我諗緊繼續企係度定自己搵位坐都得？企左一段時間，職員終於理我，叫我去坐左二個人既一張桌度坐？我見到冇咩位就有d想離場唔食。。。但都黎到就試下坐，之後另一個職員叫我坐入去，話有位。我入到去，見到張圓枱，八人座位，分隔一個空位坐了四個位，我諗緊我仲有位坐邊，之後我好茫然問職員，職員就無禮貌同我講我前面就有個位，麥我睇唔到架咩。。。哦，原來尼個算係位，第二刻想離開唔食。。。最後都坐下叫了午餐set兩樣餸A,C加湯。隔左陣職員拎左壺茶黎，我就順手洗碗。。。湯算很清，幾好飲，唔錯。隔左陣d飯餸黎左，賣相見仁見智，但味道一流，好好食呀我都冇諗過，廚師好厲害呀。左上：雲/木耳炒雜菜，好清但好好食好新鮮，特別青瓜，佢地加埋飯食，好夾。右上：果d唔知係唔係魚蛋，好好食呀但食食下比較咸，一定要撈白飯食。整體，服務同環境超差，但食物味道一流。。。不過下次我唔會再幫襯。Ps.午餐時段，建議請番多兩個人先夠，現場得兩個侍應，點可能應付到全間店咁多人。如果想做番好個服務，就請番d人黎返

佐敦經過間傳統素食店，竟然推出$108素食放題！！嘩真係估都估唔到，好吸引啊！！睇落好多味餸，前菜推薦春卷同沙律，開胃得黎又可以繼續食食食。主菜不外乎雜菜，茄子，豆腐，菇類，互相配搭。湯推薦哈蜜瓜燉湯同玉米湯。🍴🥄（拉到最底有餐牌🤖）下單時每次最多落6樣，食住先啦，唔夠再叫丫嘛～給果加$38就可以升級，不過其實$108餐牌都夠架啦，除非有超級想食既餸。🍵沙嗲螺肉、中華冷麵、黑醋茄子、雜菇五柳蜜豆、三杯豆腐、酸甜油筋、雜果沙律、炒雜菜。黑醋茄子酸酸地好開胃！食完仲想再食，味道有啲濃，要混返啲清淡菜食。👍🏻豆腐真係一流！可惜係醬太多，蓋過本身既豆腐香味。✋🏻沙嗲螺肉，其實得素螺肉（蒟蒻），無沙嗲味。十分之清淡。👌🏻酸甜油筋為齋店招牌菜，最正常。👌🏻上台時，蜜豆，茄子，雜菜都反哂光。雖然呢幾碟都有少量菇作配搭，但我明明想食清淡啲先黎呢度😔一口炸饅頭雖然一少碟，見隔離台有起碼有十粒以上。因為太想食啦我最後叫咗4粒🤣 太多真係食唔哂架！最後老闆送咗喳咋糖水同到聲hehe比我，好感動😼 傳統素食店推出既素食放題既有創意又可以食到好滿足～～～要改善既係落少啲油，餸菜唔好咁反光，加返木耳之類既養生食品