Sinsaeat Korean Kitchen

Open Now

Now Closed

The start to vacation and we came here for breakfast at the airport before our flight. I noticed a new place that served Korean breakfast sets. Not familiar with what Koreans have for breakfast, I decided to get something here.Menu is in English and Chinese. There is no 10% service charge as it's part of the food court. When we were there is was  7 AM but the menu that was available at 7 AM was not available. So, I could only choose the items from the 6 AM menu.I had the Beef with Soybean Paste

嚟到機場過咗海關之後要醫肚，其實大部份人應該會選擇去美食廣場。嗰度都有好多餐廳揀，有漢堡包，日式魚生刺身飯，日本拉麵同埋泰國海南雞飯。我嘅選擇係韓式飯卷，揀咗呢一間餐廳，係因為佢有泡菜芝士牛肉韓式飯卷。貪佢夠快捷方便，因為如果食碗熱麵，會食到成身熱辣辣，食韓式飯卷又飽肚又快脆。比完錢之後，收銀員已經即刻俾咗個飯卷我，外表用一個紙盒包裝，裏便用一張好似包漢堡包嘅紙包住飯卷。由於可能喺個盒入邊太耐，外型唔係咁吸引，但係食落味道非常好，裏便有腌菜蘿蔔、泡菜、牛肉同埋芝士，芝士味道唔會太濃。呢一個卷飯卷都幾夠飽，有好多舊，食完隔一陣再食飛機餐，時間啱啱好😋

登機前小小肚餓，打算食埋下午茶先上機，見到有韓國菜可以食，打算一試。嗌左辣豬肉泡菜石鍋拌飯，出餐亦算迅速，十分鐘唔到已經有得食。不過端上黎feel到鍋已經溫溫地，唔夠熱氣，拌飯入面既菜都唔算好熱。有菠菜，豬肉，胡蘿蔔，泡菜，芽菜同埋煎蛋。不過我自己呢碗豬肉味道怪怪地，有陣騷味，冇咩點食，泡菜味道不錯，飯都好足份量，不過因為唔算熱辣辣所以都應該只能叫拌飯而唔係石鍋飯。一餐88蚊，同等價錢機場附近亦有更好選擇。

搭廉航上機出發前，當然要食飽飽，先有力開始旅程。入左機場禁區後，周圍行左個圈，見呢間韓國小店價位大眾化，無話因為係機場就特別貴。見好耐未有機會食韓國野（利申：今次係去九州），所以就叫左3樣野食兩個人share醫下肚。機場Staff仲有優惠。睇menu感覺飯卷、粉絲同埋芝士拌麵幾吸引，於是就各叫一款黎試下。飯卷同拌麵唔洗5分鐘就有得拎，幾岩時間有限趕上飛機既旅客。由於我地時間有鬆動，所以就叫埋即炒需要多少少時間既海鮮炒粉絲。傳統飯卷$78咩都有d，無論口感味道都好豐富，飯量恰好，夠凍感覺幾Fresh，包裝仲好方便takeaway，臨上機趕時間既好選擇。韓式炸雞配卡邦尼汁芝士拌麵$78估唔到炸雞都幾juicy，同芝士拌麵幾夾。雖然望落好似有d飽膩，但食落又Ok喎。海鮮炒粉絲$118賣相顏色豐富，即炒幾有鑊氣，粉絲唔油膩又幾彈牙，值得一試。

我好耐無飛過，終於有得去旅行，緊張到早咗好多去到機場😂，都好嘅可以休閑食埋個lunch先上飛機，美食廣場好多位置，好乾淨，係美食廣場有得食韓國菜，有飯卷有湯飲有石窩飯仲有炸雞。最後我揀咗兩個石窩飯。野菌牛肉石窩飯 $98Beef & Wild Mushroom Stone Pot Rice配料好足夠，有芽菜有波菜紅蘿蔔絲同埋有野菌，仲有會流心雞蛋，蛋汁配飲非常好食，牛肉好入味，好淋。👍🏻👍🏻👍🏻雞肉蔬菜石窩飯 $88Chicken & Assorted Vegetables Stone Pot Rice配料同牛肉一樣多，呢個係泡菜汁雞肉，一啲都唔鞋，加埋韓式辣醬撈飯一齊食，好食！濟洲三多水 $16呢度有水買，可以買定一枝水上機。可樂 $10

一行三人去機場食早餐，見到有間食韓國野，共有六個早餐可以選擇，機場餐廳選擇不多而且價錢亦相對較貴及簡單，見到有韓國嘢食一於試一試。早餐餐牌仲見到加多5蚊可以有飲品飲。辣豬肉泡菜湯麵辣豬肉夠野味同香口，泡菜味濃。麵都夠爽口。午餐肉泡菜煎蛋湯麵，厚切午餐肉加好靚既太陽蛋，麵淋軟度適中，一人份量剛剛好。韓式泡菜年糕年糕煙煙靭靭有咬口，唔會過淋或過硬，韓式辣醬小小辣好夠味，裏面仲有魚糕同雞蛋做配料份量是可以的。加左要可樂同買左2支濟洲三多水。

今日終於到我去旅行啦😀😀點樣消磨入咗禁區等緊登機既時間？梗係去美食廣場睇下有咩食醫下肚順便休息下啦😋😋見到有間韓國🇰🇷餐廳幾好生意，食物選擇好豐富，例如有石鍋飯、壽司卷等等，仲有好多韓式飲品供選擇。我地叫咗兩客飯卷、小食和飲品，好滿意😄😄雞肉飯卷- 好味！ 😊 好多饀料！ 調味唔錯😃😃 又夠飽肚🙂🙂牛肉飯卷- 朋友叫呢客，我試咗一嚿，都係覺得自己果雞卷好味啲🤣🤣 不過朋友都鐘意食嫁，大家可以試下😋😋粒粒梨汁- 正！ 係咁多款傳統韓式飲料中既首推😊😊😊雞翼四件- 新鮮炸起，好脆好味，配埋附送既甜酸醬，食過唔停口😄😄😄呢間餐廳值得推介，係上機前醫肚既好地方。🥳🥳Sinsaeat Korean Kitchen (赤鱲角)赤鱲角暢達路1號香港國際機場機場客運大樓 (禁區) 離港層東大堂7樓7E162號舖

旅行坐飛機出發前要醫下肚先唔係上到機 飛機餐量少質素參差… 上次飛左韓國 今轉飛遠D但又掛住韓國 就揀韓國野食啦機場禁區food court座位都唔少都幾闊落 但冷氣唔太足 Cashier都唔算太多人亦都可以scan qr code點餐再係機場儲分換禮品 餐廳選擇都幾多有石鍋飯 熱湯 炒年糕 炒粉絲 小食不過當日冇韓式飯卷...我地揀左韓式鍋心系列既人蔘雞湯配白飯 $158 人蔘雞湯用石鍋上 熱lala大大隻全雞 入邊有糯米飯 份量都幾多雞湯甘甜 有淡淡人蔘味 唔會太苦雞肉一夾就散開 唔會嚡烚烚 泡菜炒年糕 $75韓國街頭小食紅卜卜既年糕唔會太辣 份量多年糕煙煙unun 好掛汁配料仲有幾塊魚糕同全隻雞蛋薄片魚糕煮得比較林全熟雞蛋加埋醬汁夠開胃 另外仲有加左芝士既炒年糕 $88有拉絲效果

年尾有無計劃去旅行先？這次上機前我揀了韓國菜，餐牌上有石窩飯和炒粉絲兩個選擇，基本上都係果五色素菜，石窩飯就要預多十分鐘等食。原本以為係純素，拎的時候才見有太陽蛋，蔬菜很豐富又實在，醬料惹味仲有飯焦添，價錢在機場算高CP值。過關之後去美食廣場望下有咩食，這次想吃韓國菜，畢竟香港也沒太多韓國菜有素食。石窩飯和炒粉絲都係五色素菜，石窩飯要等十分鐘，飛機太趕就不建議點。五色素菜伴石窩飯HK$88真係用石窩上而且噴晒煙，在機場吃到覺得算有誠意。中間有隻半熟太陽蛋，純素的朋友要留意走雞蛋。五色素菜包括泡菜、芽菜、紅蘿蔔、牛蒡、菠菜和鴻喜菇，吃起來非常豐富，各種蔬菜亦有分別調味，不是求其切晒絲咁簡單。伴飯醬不會辣，整碗吃起來豐富美味，窩底仲有少少飯焦呢。

第一次朝早喺香港國際機場食韓國嘢😂早餐食咗：韓式泡菜年糕韓式炸雞配卡邦尼汁芝士拌麵因為好頸渴，所以嗌咗幾罐嘢飲： 三多水、葡萄汁、東亞媽媽大麥茶、粒粒梨汁😎就返香港人口味，年糕唔會太辣，而且好煙靭配埋隻蛋暖笠笠至於個炸雞拌麵芝士味非常之香濃，炸雞鮮嫩多汁，非常香口雖然佢以快餐形式經營，不過味道唔會輸蝕比其他韓國餐廳，值得一讚😎

After book an early flight, there are only one thing that been bothering me. Was there any good breakfast i can enjoy before my flight. I’m alway searching for a decent comfort food that could go along with the morning flight. Last week, i found this korean store after the custom. The menu was quite fascinating, they do sell noodle and toppoki at early session, which i found it could be the food i was searching for. We order two different meals, pan fried luncheon meat and egg with noodles in ca

期待已久既旅行終於到啦😆，可惜班機delay 左2個鐘🙃，所以唯有係禁區入面搵野食，打發下時間。禁區內既餐廳都偏貴，行到最尾見到呢間韓國嘢價錢都ok，就搵位坐低食餐廳位於禁區入面既food court 區內，因為飛機上有飛機餐食，所以臨上機就叫左兩份飯卷，加一份炒粉絲，四個人 share岩岩好泡菜豬肉炒粉絲 $98粉絲軟硬適中，充滿泡菜同豬肉，整體唔太油，表面鋪滿雞蛋碎，口感豐富傳統韓式飯卷 $78以火腿、醃蘿蔔、胡蘿蔔、青瓜、波菜、玉子蛋為餡既韓式飯卷，食落有麻油香。飯卷實正，餡多過飯見佢地重有早餐同套餐可以揀，機場黎講性價比幾高，下次去旅行前再食過

本身對機場嘅food court冇咩期望，打算拿拿林同朋友食一餐就算。點知食落有驚喜，而且好方便，臨上飛機黎個快飯一流。泡菜豬肉炒粉絲一食落去，咦！個粉絲唔錯喎！質地夠煙靭，十分好咬口。而豬肉絲都好入味。辣對我嚟講係啱啱好！泡菜豬肉石鍋飯令人非常難忘，放了芽菜、蘿蔔、泡菜等等，讓石鍋飯一口吃下去能夠嘗試到不同既口感！而且有一個煎得非常完美的荷包蛋，令人眼前一亮，賣相也是十分吸引。味道上有少許辣，但不會很難接受，鹹度剛剛好，可以一試！韓式魚糕炒年糕韓式嘅主打之一，今次呢個係微辣，年糕份量多，而且煙煙un un。佢嘅魚糕係比較薄款嘅一種，所以好好咁樣索晒啲汁。而且佢仲有成隻雞蛋喺度，整碎咗佢撈埋一齊嚟食，連啲蛋黃都沾上一個年糕嘅汁。好正

今日搭夜機去泰國，所以上機前專登喺機場food court食飽咗先機。見到間韓式野好似好正咁，而且仲價錢實惠原來而家機場可以手機點餐，大家唔想好似我咁蠢，專登行到去櫃檯點食完之後可以入返啲分數去機場d 活動儲分今次我哋食得補啲，揀左個人參雞湯。人蔘雞湯熱辣辣嘅份量好多，佢入邊有糯米，但係都仲有另外一碗白飯。雞湯好濃郁，唔會清湯寡水。而且雞肉一夾就已經可以撕開，好軟淋。水準唔比市區嘅差。炒魚糕年糕：年糕有Q彈既口感，炒既過程中可以吸收魚糕及醬汁既味道，增加整道菜既風味。年糕係韓國料理中非常常見，將兩種食材結合在一起，炒年糕既口感更加豐富。魚糕既彈性和年糕既Q彈係咀嚼時帶來了不同既口感層次。味道不會太辣，少少甜，非常易入口，怕辣既人都可以選擇，朋友仲用啲醬黎撈白飯！海鮮炒粉絲：非常美味香口，而且不會太重口味 ，食物夠熱 ，海鮮炒粉絲入面有很多不同的海鮮 ，賣相也非常好，表面上灑上金黃色的蛋絲 、紅蘿蔔絲 、洋蔥絲等等 。令整個賣相都很吸引，流曬口水 ！而且口感更加豐富 ，很值得一試！！

Sinsaeat Korean Kitchen韓式炒粉絲 HKD 98粉絲經過炒煮後，吸收了其他配料的風味，入口滑嫩。炒粉絲入面滿滿配料同炒肉提供了豐富的口感層次！粉絲夠彈牙韓式牛肉窩蛋飯 HKD 98石頭窩飯上面鋪咗滿滿材料，韓式炒牛肉、波菜、芽菜、本菇、紅蘿蔔絲，撈埋韓式醬汁，惹味可口！餐廳仲有幾多韓式飲品選擇，柑汁、咖啡等等今次叫咗米水，易入口甜甜飲到最後仲有少少米粒✨❣️SINSAEAT KOREAN KITCHEN赤鱲角暢達路1號香港國際機場機場客運大樓（禁區）離．層東大堂7樓7E162號舖