小菜王 (福榮街)

Open Now

Now Closed

今時今曰要搵間有鑊氣，水準平均中上嘅大排檔，真係唔太易。其實住呢區嘅人，一定識食呢間小菜王，唔住呢區都一樣識嚟搵食。收工2人行，叫得唔多餸，但樣樣大大碟，食吓飲吓都好爽吓。廢話唔講，推薦2大必食之選😋😋第一：韮菜豬紅👍👍呢度d豬紅真係超級入味，好味，唔係表面有味，係個心個心都入哂味。一樣普普通通嘅菜式 佢都有心做好比你食，我真係覺得呢間嘢係有誠意嘅。👍👍第二：黃金蝦👍👍👍只要你唔怕死，真係必須一試，個味濃到不得了。同朋友仔講笑話，食完呢味餸，鹹旦魚皮即刻行埋一邊，佢d鹹旦王味濃郁得嚟剛剛好，冇得輸。雖然近年隔離間 增x 都好出名吓，但要食本地大排檔菜式，我都係會去呢度多d。

今晚約咗幾個朋友去咗福榮街果間小菜王晚飯飲啤酒，這裡一連幾個舖位，在內有空調，門外又擺放咗好多枱，人氣好旺下，入舖內坐，有空調吖馬！朋友來過幾次，知定，由佢發板，點咗油浸筍殼魚，焗魚腸，椒鹽九肚魚，霸王鷄，鼔油蒸白鱔，全部同魚有關喎！睇吓喺咪咁得！再叫幾幾枝黑啤，椒鹽九肚正是下酒佳品，大大件魚肉，炸得甘香，份量又多，正呀，送酒一流！油浸筍殼魚賣相靚，魚肉也鮮甜！霸王鶏啖啖肉，啱哂我地D食肉獸！最有水準就係果個砵仔焗魚腸，全冇腥味，這個菜唔係度度有，亦難保持有水準，因為要夠流通量，食材先可以保持新鮮！這裡人客量多，食材流轉得快，所以這個魚腸做得水準很高！再來鼓油蒸白膳，新鮮可口，份量也足夠！豪飲幾枝黑啤，吹水聊天，亦一樂也！

今晚同老死喺佢屋企附近度食飯，平時食開貴野ge佢，今後居然話要貼地啲想食下啲小菜，咁既然係佢屋企附近。我就梗係叫佢帶路搵啲地道啲嘅小菜食下啦！經過一排橫街小巷，之後就見到呢排生意好到不得了嘅小菜王！佢一連幾多個舖位，個個都爆滿，仲有啲師傅喺門口度開行過火係咁喺度炒小菜，都幾有氣勢！我哋嗱嗱臨喺室內嘅位置搵左一張細枱，之後就點咗兩個小菜同埋一支大啤！因為要送啤酒，所以兩個小菜都係較為香口嘅，首先就有一碟椒鹽九肚魚，外面脆卜卜，入面超級嫩滑，咋一聲成碟魚已經俾我哋清晒！另一碟係超級邪惡的黃金蝦。呢度嘅蝦係斷斤計，呢一碟就大概要$200左右，但係絕對值呢個價錢，因為蝦肉非常實浄鮮味，隻隻都唔細，係靚蝦嚟㗎！我哋仲嗌咗個＂靚仔＂嚟送蝦，因為始終係鹹蛋黃，齋食會太鹹。不過如果話要數呢度唔好嘅地方，就真係有太多小昆蟲啦，尤其是我呢個最怕四腳以上的小動物ge人嚟講，一邊食，對眼要一邊周＂嗖＂⋯⋯

週末食飯，揀咗深水埗有名小菜王，訂咗位6:15pm，嚟到嘅時候餐廳只係坐咗10%客，等家姐搵位泊好車，已經成7pm坐滿客，所以揸車嘅朋友最好都係坐公共交通工具嚟食飯嘞😅今晚我哋揀咗砵仔焗魚腸、炒聖子、黃金蝦、京都肉排同埋蝦醬炒通菜😋因為而家已經唔係好多地方可以食到砵仔焗魚腸，所以見到餐牌有d度菜式，就第一時間話要點，真係冇令我失望，魚腸新鮮滾熱辣，加d胡椒粉就更加鮮味可口，正👍🏻 但係怕腥嘅朋友就唔好叫啦，無謂浪費😆豉椒炒聖子好味，鑊氣夠又夠份量👍🏻👍🏻👍🏻黃金蝦🦐新鮮彈牙，鹹蛋黃惹味，略嫌份量太少😋京都焗肉排鑊氣夠，份量非常充足👍🏻蝦醬炒通菜惹味，但略嫌煮得熟過龍🙄加埋啤酒同汽水＄679👍🏻

小菜王聰過朋友提, 話成條街都係佢地, 今次終於有機會試.會吾會女人都有呢個通病? 見到餐牌樣樣都想食, 所以交左比男人點菜, 友人都好醒, 先叫三碟, 可以襯熱食!椒鹽鮮魷係咪男人至愛? 好多時男士都揀呢個, 或者送酒一流啦!粉吾算多, 但吾覺入味!豉椒炒蜆都同樣吾夠味, 火喉&辣椒都吾夠, 俎勝在好多蜆肉, 吾會只得空殼多!最初友人叫墨魚餅, 我有點失望, 覺得太普通, 但好有驚喜, 很趣, 鮮!!!吃完三個餸, 再 ENCORE, 呢個方法幾好, 食下, 坐下, 聊下, 吾洗一次過上哂全部野, 好趕住食, 變左好快走甘!鯪魚球我都覺得淡, 可能又係我重口味作怪, 如果將整個球浸入去醬汁當中就剛剛好!椒絲腐乳通菜好大碟,  亦好夠腐乳, 今次就好夠味了, 大愛!炸大腸好脆口, 但有回兒太乾!呢個豉汁蒸排骨係全晚最差, 完全吾入味!最後一碟椒鹽九肚魚都很不錯, 魚無太多細骨, 亦很軟身!

又去左小菜王食大排檔，今次主要同朋友去食海鮮，點左聖子，炒得好好味，但唔大隻，豉椒炒蜆，九肚魚又係必食，配喼汁真係好夾，蒜容粉絲扇貝，好正，食完留返d汁撈飯食。

哩間小菜食過好多次，我自己就最愛椒鹽九肚魚，好香口，其實餐牌內樣樣都好食，蒜香蒸勝瓜好好食，食完淨返d汁可以撈飯食，不過越黎越貴，如果想試多d餸，真係要約返多三五知己分擔下價錢先得。

如果想食海鮮，唔知點解，總會諗起小菜王，總係覺得西貢鯉魚門流浮山又貴又遠，我部綿羊車仔又可以泊正小菜王門口，又可以坐係路邊一邊食一邊抽煙，地點又唔遠。123gogogo....可能比較遲落到小菜王，成晚上九點鐘，望落去啱心水嘅海鮮只有扇貝，唯有叫住四隻先。椒鹽鱔片，欖菜肉鬆炒甜豆，豉椒炒鵝腸，另外再點咗哩三個小菜。豉椒鵝腸將鵝腸洗得好乾淨，沒有我好怕見到嘅肥膏，鵝腸亦爽口入味。甜豆係自己比較少食，炒得爽脆，甜豆亦夠新鮮。扇貝蒸得啱啱好，熟透但唔會蒸得過火過硬，肉質鮮嫩。最驚喜係椒鹽鱔片！一向只中意食中間開邊日本燒鰻魚式煮法，第一次食椒鹽煮法，外脆內軟，一試難忘，正！PS:感謝有你陪我食好西，謝謝！

在貝澳吃完葷素各半午餐後，到了貝澳沙灘渡過了下午，晚餐回來市區吃，來到這間在一條街內有五個舖位的食店吃廣東菜。霸王雞這裡是半隻份量，雞皮與雞肉俱嫩滑，只是略為鹹了點。鹽水花甲份量比想像的多，花甲肉沒有煮過頭，有點嚼勁卻不過靱，在下很喜歡呢。蒜蓉蒜勝瓜蒜泥是炸過的，份量頗多的灑在已蒸淋的勝瓜上，一個接一個地吃，口氣?怕你呀！無得食的話仲大口氣呀！

某日路過見到呢間，喺街邊炒餸好似好有鑊氣，身邊嗰位話要搵日試下。過左幾個月，終於記返起呢間野。叫左個芝士牛油焗白飯魚，點喼汁吃，身邊嗰位話好正，我就覺得芝士味同白飯魚都唔係好突出，咬落去好多油”必”出嚟，有點難受。好難出事嘅豉椒炒蜆，除左大概三份一有沙，味道本身唔錯。再加個蒜茸蒸勝瓜，老實講，只係因為覺得唔可以冇菜，平時大排擋所有蒜茸類嘅餸都咸到死，但係呢個一吃就驚為天人!清淡，又唔會淡而無味，唔洗用成碗白飯送一啖餸。我本來都幾鍾意大排擋嘅重口味炒蜆，但係今次竟然係一碟勝瓜贏左!

家族生日聚會，有成員提議到這間食店。因為很少會到這區域，所以大伙兒一起去試食。另外，駕車人士留意，因為附近只有少量錶站，所以要早點找位置去泊車。除了地下的店面，他們於二樓也有幾枱；相較地下會安靜一些，私隱度也高一點。秋冬季節，當然會點羊肉煲，份量足味道也算是可以。其次，少不了要試店家招牌菜，炸大腸、豉椒炒聖子、豉椒炒蜆（不過有沙😑）、雞蛋蒸魚腸、東風螺、椒汁蒸鱔、霸王雞及蜆蚧鯪魚球等等。兩枱人吃飯，都只是花了3千幾元，非常便宜。

星期六要招待台灣朋友吃地道菜，朋友說有香港味道就可以，其實要有香港風味，大排檔係不二之選，可惜香港的排檔買少見少！今次就決定帶朋友去間比較高質素的大排檔！因為行完街既關係，去到小菜王已是9點多，所以都唔駛點等就已經有位，其實小菜王已經擁有該地段很多鋪位，坐位比較多，就算要等都唔會太耐！當晚大家行完都比較肚餓，我哋一行6 個人3 男3 女，總共點了5 個菜，5個都是我喜歡食既菜！其中包括：避風塘腰果炒排骨！相中可見，炸蒜非常多，成碟菜都炒到好乾身，沒有油。我好鍾意用d炒蒜用嚟撈飯！蒜蓉非常多，蒸到剛剛好夠淋，又唔會太淋！用嚟送飯一流！金銀蛋白菜，白菜鮮甜，加上皮蛋咸蛋味道一流炸墨魚餅，相信無用萬年油炸成，顏色金黃，非常彈牙，亦充滿墨魚肉的味道，唔點沙律醬都得！最後仲有個好好食既蜆蚧鯪魚球，由於太好食，都唔記得左影相！埋單5 百幾，其實排檔嚟講唔平，不過一分錢一分貨，呢個價錢係值得既！

呢間小菜王去過好多次了，每次食完都真心讚好，無論係潮州小菜或是其他熱炒，煲等，都好啱我口味！今次又來，呢度嘅韭菜朱紅係我嘅至愛，每一次黎都會叫，今次都唔失色，好好味，價錢又唔貴，而且朱紅煮得質感好好，吾會太淋。除此之外，今次叫左個滷水鵝腸，滷水味道唔會太濃，鵝腸好爽，都算係意外收獲。仲有，傳統的椒鹽九肚魚，炸粉吾會過厚，脆脆地，同樣冇得輸。最後，南乳雞件，陣味好香，聞到已經想食，廚師手工好出色！今次來到發現，這間小店已經在旁邊越開越多，佔據了整條行，事實證明了一切吧。

每逢自己生日，我都會搵個best friend黎小菜王食小菜，剩食餸唔叫白飯。今年都唔例外。星期五夜晚黎到接近8點，外面等候既食客仲有幾十人，我地等左接近半個鐘先可以入去。我地2個人，叫左4樣餸。豉椒炒蜆，4隻扇貝，4隻聖子皇同避風塘九肚魚。炒蜆係最正既，有少少牛油味，D肉大粒又入晒味，無沙，唔會好似出面既餐廳甘得殼無肉。扇貝略嫌唔夠濕同埋蒸老左。聖子皇都好正，同炒蜆一樣有少少牛油味，D肉好爽。避風塘九肚魚係餐牌上面係無既，餐牌上面得椒鹽九肚魚。不過須知道呢類交換配搭經常有，出黎既結果都好正。炸蒜包住既九肚魚，外脆內軟啱啱好。可惜就係食左頭3樣已經夠晒飽，碟九肚魚格硬食都食唔晒。

好耐冇食大排檔啦！今日放工之後，同事說帶去深水埗食好野！原來是小菜王！他們有很有特色的戶外廚房，在香港買少見少的！聽說牌照過後，就不能做愛煮食了！所以看到這光景也份外珍惜！我們叫了幾支啤酒，一份炒蜆，蒜蓉蒸勝瓜，同埋鹹蛋炒蝦！想不到啦鹹蛋炒蝦非常可口，蝦仁外脆內軟，外殼都是乍得脆卜卜！勝瓜用蒜蓉蒸也是10分一流！蒜蓉的香味滲入勝瓜中，非常啱送飯！至於炒蜆，我認為份量比一般的大排檔較多，性價比很高！但是不少炒蜆都有沙島我有一點可惜！吃了10隻，有六隻都有沙！希望下次他們會在注意一點啦！你間大排檔零一特色，就是有冷氣開放！他們做了大約五間舖位，做室內大排檔！在炎炎夏日有冷氣開放的大排檔10分難得！加上可能節日關係，人流較平日少，所以都坐得10分舒服！同朋友三五知己在這裏飲飲啤酒，傾計傾到11點都冇人趕你走！ 10分難得！下次會再去！是朋友吹水勝地！