燒味滷師 (大廈街)

Open Now

Now Closed

今日去朋友度食飯，見到佢附近有間燒味滷師排曬長龍。我唔執輸就去嗰度買嚟試下先。去到見啲價錢都好親民。梗係斬多幾盒上去俾朋友啦。海蜇拼泰式鳳爪喺夏天嘅時候梗係食啲酸酸地嘅開胃小食啦！爽脆嘅海蜇配埋酸辣嘅無骨鳳爪，啖啖都係肉，爽呀！燒味佬叉燒睇住師傅手起刀落，一陣間就斬完半斤叉燒，仲要係我最鍾意嘅濃邊叉燒，正呀！咬落去又香又淋，啲麥芽糖嘅香味仲喺個叉燒上面。一打開個盒陣間就畀人掃曬啦。至尊燒鵝斬出嚟仲係熱辣辣嘅，仲有勁香嘅燒鵝味，隔住個盒都聞到呀。咬落去皮香肉嫩，仲有有肉汁，加埋佢嘅梅子醬，酸酸甜甜好開胃。職員姐姐教我食先淋燒鵝汁落去，如果唔係燒鵝脾就唔脆喇。客家鹽焗雞隻鹽焗雞雞皮色澤金黃，食落去啲雞肉鹹香味美，肉滑，仲要係有肉汁。真正傳統客家鹹雞嘅味道。

放假唔想煮，食燒味最方便，淥條菜就搞掂！至尊燒鵝呢隻鵝好厚肉，1/4 上裝，啱晒我呢個鍾意食胸既人😹燒鵝皮雖然肥膩，不過都好香口🤪鵝肉夠實淨👍🏻鹽焗大雞食雞最緊要有雞味😂（講笑）我自己好鍾意食出面嘅切雞，覺得夠入味，同埋雞皮夠滑😜呢間切雞冇令我失望😋燒味佬叉燒紅當當既蜜汁叉燒岩晒送飯！叉燒唔會太瘦，有少少肥膏，咁先至係正。泰式鳳爪配海蜇海蜇略嫌軟身咗少少，麻油味香。酸辣鳳爪好開胃，作為餐前小食確係唔錯。

朋友推介我哋去食呢間 燒味滷師 就去咗買外賣，我買咗⋯⋯⋯： 蜜汁叉燒🥩真係好好食，燒得啱啱好，啲汁好味得嚟又襯托到叉燒應有嘅味道！！ 仲有燒鵝🍖一食落去，外脆內軟，仲要佢啖啖都係肉 唔沾醬都勁好食囉！ 無骨鳳爪拼海蜇🥡鳳爪有啲酸酸甜甜咁，都幾開胃喎～嗰啲海蜇爽口又彈彈哋，最主要係有麻香🫶 鹽焗雞🍗佢皮簿肉滑～而且好香！！！🥰🥓不過有啲咸咸哋，可以用嚟送飯，簡直一流⋯⋯又冇乜血水滲出，冇出面嗰啲恐怖～ 荃灣 燒味滷師 （大廈街） 荃灣大廈街17A號地舖#燒味 #荃灣美食推介 #平靚正

唔想煮餸最好就係買燒味返屋企！見到呢間燒味滷師門面企理又有幾多人買！於是就幫襯下！買左燒鵝、叉燒、鹽焗雞同埋海哲鳳爪燒鵝會另外有包醬汁，店員話食之前先倒落去，燒鵝既醃料得好香，醬汁都好正，啖啖肉d皮少少脆叉燒半肥瘦，入口好腍，蜜糖味好sweet 鹽焗雞醃得好入味，雞肉又夠滑又啖啖肉，食埋個雞皮更加正最後就係海哲鳳爪，海哲好爽口，味道幾好！ 鳳爪係無骨鳳爪，酸酸甜甜好開胃！屋企人都覺得好正，唔怪得咁多人買！

今日同媽咪、細佬同埋個囡佢地去左荃灣紅茶high tea!食完都成5點。媽咪本身話買餸返屋企煮，點知行左幾步，見到好多人喺呢間燒味店等外賣。於是就叫媽咪不如斬料返屋企加餸，都好耐冇食過～我就必食叉燒；細佬就鍾意食雞；阿嫂就鍾意食無骨鳳爪；而媽咪就鍾意食鵝☺️☺️☺️就係咁，買左4盒返去加餸🤤🤤最後媽咪返去炒咗個菜同煲飯😂😂記得以前細個斬料係過時過節先可以食…因為屋企人多，斬料唔平！所以基本上平日好少有得食，估唔到呢間燒味檔，咁平！質素又好食燒鵝燒鵝食落個皮好脆，而且d肉又唔會*鞋*就算凍左都好食😋叉燒叉燒燒到岩岩好，同埋唔會太肥，岩曬我食鹽焗雞雞皮薄肉滑，鹽焗味道好香！好岩送飯，而且比起出面既少d血水，食得好安心👍無骨鳳爪拼海蜇鳳爪酸酸甜甜，好開胃😍海蜇好爽口彈牙，又有麻香🤤🤤

每次過嚟買都好多人排隊因為價錢真係好抵食，選擇又多一般等5分鐘左右就可以啦燒鵝，至尊燒鵝半隻 肥瘦均勻，皮夠香脆！而且搭配酸莓醬一流👍🏻燒味佬叉燒半斤絕對夠份量半肥瘦啱啱好 唔會淨係油膩感覺半肥瘦嘅叉燒搭配蜜汁香噴噴微波爐叮一叮加熱都更加好味😋我同屋企人最鍾意麻辣手撕雞！肉質嫩滑 仲啖啖肉，比較鍾意凍食🙈麻辣手撕雞半隻可以連骨拆肉超級惹味，真係食多幾啖飯自己喺屋企煮啲飯就可以飽餐一頓價錢抵食下次再嚟幫襯！

平時行過啲燒味檔，見到啲啖啖肉都流哂口水，但有時啲燒味檔都唔平，唯有忍下口，但比我發現左呢間燒味檔好抵呀，真係可以節日又斬料，平日又斬料，咁扺食真係幾時斬都得。叉燒半肥瘦，少少燶邊，唔錯呀，40蚊半斤，係我暫時見過最平。沙薑鹽焗雞，雞肉嫩，唔會太肥，個皮鹹鹹香香，佢個沙薑醬我拎左黎撈飯，好香。今日我再豪少少，買埋半隻燒鵝食，燒鵝好香，份量又多。呢度呢個涼拌都要試，海蜇鳳爪，海蜇唔係度度都食到架。咁扺食，快啲食多幾次，遲啲唔知會唔會加價。😂

燒味滷師 (大廈街) (荃灣)荃灣大廈街17A號地舖最近迷上了燒鵝，而且燒鵝配其他燒味配飯十分下飯，每日放工都會去這一間燒鵝店買回家加餸。至尊燒鵝（上庄）$110燒鵝大大隻，燒得外皮香脆，燒鵝肉很嫩滑！甜甜的酸汁，肥厚又嫩滑的燒鵝髀，入口juicy!皮脆而有光澤，咬落去啖啖肉。燒味佬叉燒$40叉燒肥瘦均勻，燒得外邊脆卜卜，裏面是甜甜的蜜糖味！分量多價錢平，甜甜的可以媲美暗然叉燒，送飯一絕。鹽焗雞（半隻）$45鹽焗雞雞肉嫩滑，半隻雞可以一家四口食，而且價錢真係好平！泰式鳳爪拼海蜇$45想食小食推介這個，可惜鳳爪爽脆，海蜇入口除卜卜，夏天涼涼的吃。

中招在家隔離的時候，要盡量吃得清淡，避免太刺激氣管和喉嚨，但難免會口淡淡，那時瘋狂想吃燒味。看見這家搶眼的黃色招牌燒臘店，掛著一隻隻肥美的燒鵝、切雞油雞、還有一條條紅紅的叉燒，那滴快要滴下的蜜汁⋯⋯好，今天一於瘋狂吃燒味！叉燒一向是我燒味排行榜首位，但我又不喜歡吃肥肉，所以都喜歡偏瘦的叉燒。即使是瘦叉燒，肉質軟硬適中沒有鞋如肉乾，味道亦不會過甜或過鹹。很久沒吃過燒鵝，通常都以燒鴨望梅止渴。今天就豪一點吧。至尊燒鵝皮脆不肥膩，鵝肉味濃。他們有很多款不同的雞，如貴妃雞，豉油雞、鹽焗雞，連口水雞和手撕雞都有，今次就試試麻辣手撕雞。醬汁頗惹味，不算麻亦不算辣，就算怕辣的朋友也可以不需要食原味，用來做拌麵應該不錯。

今日出荃灣買野，買完野見落雨濕濕，又唔想行黎行去買餸，見呢間燒味滷師價錢好抵食，又幾多人買，一於斬啲料做今晚既餸先。斬左啲燒鵝、叉燒、鹽焗雞同要左個海蜇拼泰式鳳爪，總共二百零蚊，抵食呀。海蜇拼泰式鳳爪呢個涼拌海蜇同鳳爪我好鐘意，酸酸地做前菜一流，海蜇爽爽地，鳳爪無骨架。燒味佬叉燒呢個係我暫時買過最抵既價錢，78蚊一斤，40蚊半斤。叉燒半肥瘦，仲有少少燶邊，唔錯。至尊燒鵝要左上庄，無咁肥，一樣咁香。客家鹽焗雞雞肉都幾嫩，咸咸香香，點埋沙薑醬仲正。屋企人都覺得唔錯。

叉燒， 斬大舊叉燒，係的，我比較喜歡食燒味， 在我想唔到晚餐吃什麼時就會去買燒味回家， 煲個飯就可以。我在家輕鬆就可以自制 三寶飯， 只需要買叉燒，燒鵝，雞就可以， 你們看多簡單。我已經先跟師傅說我要瘦叉，因為我怕肥， 果然回來一看唔會有肥膏， $40已經有一斤，鹽焗雞 $45 半隻， 皮爽肉滑帶一點點咸，很好下飯，我覺得 好過去快餐店叫雙併每樣只有5，6件加碟飯。 這裡的燒鵝很多人都買，我也買上庄回家送啤酒。 鵝入口很香，鵝油爆出， 要有啤酒幫手去膩先可以。還有泰式鳳爪拼海蜇， 鳳爪吸收了泰式酸辣汁很滋味。

🔆燒味滷師 (荃灣)🔆荃灣大廈街17A號地舖慕名而來聽講呢一間燒味店好出名㗎咁我就嚟排隊，湊熱鬧，買啲燒味返去俾屋企人食先，我媽咪聽到加送開心🥳🥳🥳到拍手掌呀👏🏻👏🏻👏🏻我做外賣妹呀！真係好多人買排隊，一定好味先會有咁多街坊排隊買來食。1.至尊燒鵝(1/4隻)燒鵝個皮好脆，甘香嘅味道，入口齒頰留香，真係好正，肥瘦比例剛剛好，我都好鍾意點酸梅汁，真係好開胃😋買嘢嘅姐姐好貼心，提醒鵝汁要臨食之前先好點，最好味。2.燒味佬叉燒(半斤)阿媽話要食淋叉燒，要入口好淋滑嘅，入口好軟，真係攞嚟送飯一流，我全家都好快清晒咁蜜甜味嘅叉燒😊食完一舊又一舊🥳🥳🥳3.客家鹽焗雞(半隻）鹹味適中，鹽香味充足，入口唔會鞋颯颯，冇碎骨，雞胸肉都係嫩滑㗎！4.海蜇拼泰式鳳爪(半磅)喺呢個乍暖還寒嘅天氣之下，食酸嘢就最開胃啦，但個鳳爪入口就食得啦，勁方便！海蜇做前菜就更加好送飯啦，我個仔最鍾意啦，食咁爽口嘅海蜇！今日全家都好開心🥳🥳🥳隨喜常樂😊😊😊

懶得諗懶得煮，咁就去斬返兩味😬經過開位於大窩口嘅「燒味滷師」見到佢地啲燒味好靚好吸引😍咁就去幫襯下先😬至尊燒鵝(下庄) $120燒鵝燒得好香！油脂分布得好平均！仲要啖啖肉😋其實太好味🤤鹽焗大雞(半隻) $45半隻鹽焗雞都已經好大隻 份量好多😊果然冇改錯名👍鹽焗雞入哂味，又唔會太咸😋燒味佬叉燒 $40份量亦好多👍啲叉燒有口感得黎又好冧😊正！泰式鳳爪拼海蜇 $45泰式無骨嘅鳳爪 同 煙韌嘅海蜇簡直係絕配😂真係令人想一食再食，食唔停口😋

💓燒味滷師💓今日咁啱去荃灣，就順便去好多人推介的燒味滷師斬料。首先，去到已經好有驚喜。好少見到燒味店咁乾淨，燈火通明，而且每個員工都戴好個口罩，即刻放心哂👍見好多人都推介下面四樣，所以都試下:❗️至尊燒鵝❗️呢個燒鵝好大份，個皮好重鵝油香味，但又唔會好肥膩，鵝肉又唔會❗️鹽焗大雞(半隻)❗️睇下隻雞脾幾肥美🥰連媽媽都話夠哂新鮮，雞肉鮮嫩，又滑又多汁❗️燒味佬叉燒❗️肥瘦適中，最鐘意咬落啖啖肉，食落好香蜜汁味，最鐘意佢個皮有少少脆口，燒得剛剛好❗️泰式鳳爪拼海蜇❗️好輕微的辣，連唔食辣的屋企人都食到，海蜇又咬口又入味，鳳爪好體貼已經去左骨，起碼有7-8隻，5個人分都夠哂總括黎講，呢間燒味店好高質，去開附近都可以試下 👍

燒味呢家嘢 除咗拜神、拜山老是常出現之外都成日久唔久又會想食吓因為無論蜜汁叉燒 脆皮燒肉 燒鴨 乳豬 燒鵝定切雞油雞貴妃雞鹽焗雞口水雞手撕雞都好吸引😍再加上燒味飯又快又平靚正🤤呢間仲要癲價 $22雙拼飯$30仲有燒鵝飯食 唔怪之得咁多街坊排隊啦不過我就無買雙拼飯因為知兩老鍾意食燒味 費事佢哋一陣投訴唔夠喉就叫咗燒鵝呀叉燒呀雞呀同海蜇呀鳳爪呀孝敬佢哋😚至尊燒鵝 (下莊) $120為求外賣都達到最好嘅質素佢嘅燒鵝汁係另上 唔會一直浸住隻鵝髀好大隻 最欣賞係啲肉唔會十分肥👍🏿啖啖肉 而且唔嚡口 好濃肉味再加上啖啖鵝油 好鬼香口😋燒味佬叉燒 (半斤) $40 🙆🏿‍♀️好鬼足秤 仲要斬到大大件 啖啖肉同埋佢啲肉都偏瘦 但又唔會韌再加埋佢嘅蜜汁 甜甜地 好好味😋客家鹽焗雞 (半隻) $45 💁🏿‍♀️雞肉嫩滑 仲配咗砂礓汁而且佢真係大大隻雖然係半隻 但真係乜部位都有 胸背翼髀腳大家都可以揀自己鍾意嘅部位嚟食 正😆海蜇拼泰式鳳爪 (半磅) $45 🙆🏿‍♀️見親海蜇都會心心眼😍😍😍次次食燒味拼盤都得少少 仲要唔好意思夾咁多而家可以盡情地食 鍾意佢個口感🥰而小妹都鍾意食泰式鳳爪 因為無骨而且佢啲肉會比較爽