Six Tea (Closed)

上次買過芝士奶蓋系列覺得都幾好飲，所以今日都諗住去買黎飲。一入鋪諗住落單，見到個收銀淨係掛住低頭玩電話，我企左係收銀前面，佢望一望我再繼續玩，成個感覺已經唔多好，等左陣佢都係咁樣我唯有照落order。本身要奶蓋嘅，不過收銀員好冷淡咁講左句「奶蓋賣晒」然後再繼續玩，六點幾已經賣晒奶蓋，我唯有轉叫左杯珍珠奶茶。杯茶超甜！！！！！啲珍珠份量好多但係好硬，其實廿零蚊尼個價位黎講，味道都係一般奶精奶茶個啲味，完全可以慳返啲錢。下次可以買返奶蓋系列珍珠奶茶就不了

“雲石士多啤梨珍珠奶茶”($28)去開馬鞍山食嘢又比我搵到間飲品店🤣當然要趁機試一試叫咗呢杯士多啤梨珍珠奶茶🍓個樣係幾靚嘅掛哂杯咁但飲落中哂伏😩一杯奶茶竟然一啲茶味都冇成杯嘢勁淡味珍珠份量係多但食落口偏硬唔好咬口😩係最近飲過最伏嘅一杯😩

以下係一張未溝雲嘅相本人好鍾意飲椰奶成日飲珍珠奶茶想轉轉新口味之前飲開嗰間芋頭椰奶又執咗點知俾我發現左依間有芋頭又有椰奶既鋪頭超級開心即刻去試一收到個賣相好靚啱晒我呢啲鍾意打卡嘅女仔入面有好多芋泥滿足哂我依個芋頭控不過唔知係唔係我叫咗少甜，覺得椰奶好似唔係幾夠味雖然好多芋泥但好似太碎，唔係幾好咬口不過芋頭味都幾出嘅覺得依間野嘅飲品都幾特別，而且又幾大杯價錢都好合理下次會再去試吓其他飲品店員嘅服務態度都好好

由於新港城有好多手調飲品店舖選擇，好少到地面這間店買台式飲品。今天到馬鞍山公園遊玩後經過這店，又看見有小食選擇便看看門口菜單。結果買咗一杯黑糖珍珠奶(大杯)🥤＄29和一底雞蛋仔。黑糖珍珠奶黑糖很多味濃，需要搖勻好耐才混合，牛奶好香，而且珍珠細細的、甜甜的，整杯黑糖珍珠奶都很好喝，推介！雞蛋仔🧇$13，即叫即製，雞蛋仔不硬身，還有點鬆化，軟綿綿！非常抵食喎！下次一定會再試其他小食，不過這裏只有學生優惠，買兩杯減兩蚊！　

馬鞍山難得有小店，梗係要去試吓。雞蛋仔加雪糕第一次食，估唔到幾夾。揀咗個酸酸甜甜嘅士多啤梨雪糕，另外有啲cream同珍珠，好煙韌。雞蛋仔都好脆，好新鮮。呢度嘅雞蛋仔絕不欺場，入面每一啖都係滿滿蛋漿，唔係空心。呢個同友人share食，一人一啖好快食哂。微甜嘅芝士奶蓋四季春好啱食完雞蛋仔飲，四季春好清，奶蓋就濃郁，兩者夾埋唔會好膩。而仙草奶凍都唔差，好香奶味。咖哩魚蛋同燒賣一樣得，燒賣煙韌彈牙，加辣椒豉油更好食！

現在各處都有各種形式的台式飲品店，要成功是不容易的事。茶檔要有一定的水平之外，還要有特別之處。馬鞍山 Six Tea 有這樣安排。店子中等，選單用電視展示，但字太細小了。選了珍珠奶茶，黑糖珍珠，味道OK。珍珠沒有外粉內硬的問題。再加上邪惡的雞蛋仔再加雪糕，還有魚肉燒賣咖哩魚蛋。2日不用吃飯了。整體正常上平。

早幾日經過馬鞍山廣場 見到有間雪糕雞蛋仔 好吸引 真係忍唔住入去試下 結果我叫咗曲奇味雪糕配雞蛋仔 另外仲嗌咗杯水果茶 首先講下個雪糕加cream味道唔錯 但係個雞蛋仔就真係差咗啲因為佢 雞蛋仔做得唔脆 仲係有啲淋， 成個口咁比下去 另外杯水果茶都係一般， 間房而唔起眼嘅燒賣就好好食 牛肉球配李派林喼汁簡直一絕

星期正總係會比較興奮，所以收工之後都想食D甜野，對自己好D，又當是慶祝平安地又過左一個星期。呢間六茶，上次食過之後，覺得可以再來，所以又來食下小食，提下神先~兩球雪糕雞蛋仔$37 雖然天氣已經有D冷，不過都係好想食呢個有雪糕既雞蛋仔，淨係見到佢個棣都已經好開心~!因為實在太靚了~~~而且新鮮整起又香好脆，真係好食~朱古力珍珠幻茶，為左想慢慢飲，加上環保，我都係會自帶膠樽來買，店員都好好願意幫我入樽~呢個朱古力味夠濃，而且有CREAM又香又滑，超正呀~!!!港式燒賣、魚蛋$13、$12，都係必食既小食，夠曬地道。

行行下街到想買野飲，見呢間未試過，所以決定試下新野先。呢到除左飲品之外，仲有d小食可以揀。咁我同朋友揀左 紫芋椰奶(L)($29)加珍珠($3)、水果白桃茶(L)($29)、咖哩魚蛋10粒($12)、雞蛋仔雪糕新地($25)咖哩魚蛋：相信都係大部分人口痕之選，少少辣幾正紫芋椰奶(L)加珍珠 (左)：飲之前記得先搖勻，飲品份量足味道濃厚，飲落啖啖紫芋蓉，另外加左珍珠，增加口感之後更佳水果白桃茶(L) (右)：飲落幾清新，白桃味同茶味配合得幾均勻，裡面仲有dd水果可以食下雞蛋仔雪糕新地：呢樣小食好邪惡，皆因雞蛋仔同雪糕都係我中意食嘅野黎，佢仲加左d cream同珍珠落去，食落幾甜甜地幾好食。佢雪糕有5隻味可以揀，我就揀左 焦糖咖啡曲奇，邊食雪糕邊食雞蛋仔補返張合照到時得閒經過都可以止下口痕癮，食下飲下放縱下

【六茶🦚Six Tea】.珍珠奶茶飲來飲去都係嗰幾間？點解唔試下新嘢😏✨.馬鞍山就有一間小店崛起，位於新港城同福安花園之間地舖，地點唔算熱鬧，但尚算方便。飲品選擇眾多，除咗主打嘅珍珠奶茶，仲有沙冰、薑茶，以及多款水果茶🍎🍊🍋.除咗飲品，亦供應雞蛋仔同魚蛋燒賣等小食🐣🍡最啱我呢啲懶人，又飲又食但又唔想頻撲😁.雞蛋仔仲可以選擇加雪糕，雪糕有唔少口味揀，都只係$25，抵食！.雞蛋仔➕雪糕➕珍珠奶茶 = 我的晚餐🤰🏻💗.逢星期一至五仲有學生優惠，抵呀！

假期去左馬鞍山搵佢食晏，然後見哩間新開無耐，所以諗住試下，果然，真係唔錯！哩度主要賣珍珠奶茶外，仲有雞蛋仔，雪糕，仲要小食。哩度嘅衛生程度都好高，而且真係一杯杯茶咁樣沖出黎。茶類款式多，口味多，雞蛋仔都係即叫即整，價錢合理，食物份量正常珍珠係屬正常大細，煮得好軟熟，奶茶都幾有茶味，調味又唔會太甜，一啲都唔覺膩。雞蛋仔可以配埋雪糕，雪糕仲有幾款口味揀，小店一家但係就包羅萬有仲嗌左燒賣同魚蛋，咖喱魚蛋辣辣地，

台式飲品店開到成行成市 就算被稱為美食沙漠嘅馬鞍山也不例外 今次終於試返一間唔係連鎖嘅台飲😉😉焙茶芝士奶蓋茶（$27）奶蓋不錯 有咸香 份量適中 有大小size 可揀 價錢只差兩蚊 不過吾知伏吾伏 第一飲 就點了杯中size焙茶味較 可算是不突出 有點似奶蓋加水 有待改善🥺🥺百香果仙草奶茶（$26）百果香拍攝出來是挺好看的🤩🤩仙草大大舊🥳🥳讚喔 同樣問題就是茶味較弱 喝不出茶底 😢😢😢今次叫住兩杯野飲先下次再試佢啲雞蛋仔

近期馬鞍山開了多家台式飲品店，$25 一份雞蛋仔雪糕新地實在吸引，早利亞停下脚步，享受一點甜再購物去。 雞蛋仔即叫即做，粒粒飽滿，雪糕有多款選擇，忌廉曲奇、特濃朱古力布朗尼、阿芳素芒果、士多啤梨及我的選擇焦糖咖啡曲奇，再加點珍珠及忌廉，份量十足，性價比高。炭燒烏龍珍珠奶茶香滑，淡淡茶香，珍珠煙靭QQ的，可選擇少甜及走冰，啱晒平日不太喜愛凍飲的我。店內有小枱方便立食，貼心又衛生。六茶在新港城地舖，方便街坊及同學仔，提供學生優惠，還有小食如燒賣魚蛋等供應，更參與商場及英皇戲院合作的優惠計劃，買飛睇戲可有折扣，一邊睇戲一邊飲珍珠奶茶也不錯喔。

個仔比卡豬病咗成個星期，冇得週圍去玩，費事傳染人，今日好返9成，梗係要同佢放電啦，馬鞍山公園係好線嘅地方，玩完行返去攞車，見到呢間門口貼咗張廣告係雪糕雞蛋仔，咁咪比卡豬兩樣最鍾意嘅食物二合為一囉，佢望住張相兩眼發哂光，試吓佢先!我地叫咗焦糖咖啡曲奇雪糕，雞蛋仔即叫即整熱辣辣，配上冰凍雪糕，都幾得意，雪糕上面仲有一球忌廉同珍珠，咁樣加埋雪糕嚟食真係好開心；比卡豬食到唔停得口，連我地叫咗嘅燒賣、牛肉球都唔吼，咁唯有兩公婆啪哂啦，魚肉燒賣食得出來貨唔錯，我都成日食呢個味道；呢度牛肉球有樣出面唔係成日有嘅，就係李派林喼汁，絕配，咁樣個牛肉球未算最出色都加分；食完太座話口渴想飲嘢，呢度都有好多款飲品選擇，我地叫咗水果白桃茶同焙茶芝士奶蓋茶，比起街外嘅口感，呢度冇外面咁甜，所以大家唔使叫少甜都可以了，回程比卡豬已經話再嚟再嚟雪糕雞蛋仔!哈哈!

馬鞍山市中心呢間新開嘅小食店，每逢黃昏都見到人頭湧湧，所以今日都嚟襯下熱鬧，試吓佢嘅特色小食及台式飲品。見到好多人排隊買雪糕雞蛋仔，我又叫咗一定有雞蛋仔佢又香味，而且可以加雪糕，我呢啲為食嘅人，就加咗少少錢買多一球雪糕$37就有兩球雪糕嘅雞蛋仔，拎起手真係好大件，見到個樣都好開心。雪糕都有好多款未夠兩年間，真係好鍾意呢個fusion飲品的確有好多選擇眼花撩亂，今次試咗一個朱古力珍珠奶茶，都好濃郁嘅朱古力味，另外叫咗一個四季春八香果茶，入邊有幾篇好新鮮嘅西柚及橙，好香好清新嘅感覺。為咗環保，每次係呢啲小店我都會自備餐盒餐具，務求減少使用塑膠即棄用品。呢間小店職員都非常合作，願意將食物擺喺我預備嘅水準喎杯入邊好感謝他們，以後我會好放心你依度買小食了。