鯛魚魚湯專門店 (Closed)

這天中午 想到吃日本料理 在太古城 附近 就想到鰂魚涌 較多選擇 OpenRice 搜一下 這間有烏冬麵 亦有炸物 適合和媽的口味 便決定一試 🍜🍜抵達時 剛下起大雨 店員很快速 安排我們入座 這時客人不算太多 約七成滿 店內空間狹小 感覺氣氛熱鬧 🎏🎏我們二人點了吉列豬扒 手打烏冬 加蟹棒 🍜🍜湯底店家標明 是自家製鯛魚湯底 湯頭奶白 清甜 沒有魚腥味 烏冬麵質爽嫩 不太糯 吉列豬扒 麵包糠較厚 但肉質軟滑 好吃 加蟹棒三大條 量多抵食 😋😋烏賊 手打烏冬 🦑🦑烏賊亦新鮮 但有大細不一致 湯頭烏冬也好吃 🍜🍜欣賞這店家 食品都可 追加至湯麵 飯或定食內 多款都可以 但認為出品 精緻程度 略有不足 可作改進 飲品方面 很想試各款 日本水果味梳打 但這天全都沒有貨 有點可惜沒試到 🍑🍑離開時 已是下午茶時間 看到餐牌上 不少優惠套餐 客人也比午餐時段多 下次可以選這時段試試 🥢🥢

今日食咗鯛魚魚湯專門店，雖然係食下午茶餐，但都揀返午餐食過嘅餐比較吓💁🏻‍♀️雞塊唐揚拼鯛魚湯烏冬 ，雞塊好似比午餐少幾嚿，但都有5大塊，沙律菜種類同份量都比午餐少咗，但成個餐嘅份量係食得飽肚嘅🤰🏻性價比極高飲食記錄：雞塊唐揚拼鯛魚湯烏冬唐揚雞塊熱辣辣送上，雞塊炸得香口，而且有輕輕醃過帶少少咸同少少椒鹽味😋唔洗點沙律醬都好夠味👍🏻(伴碟仲有沙律菜🥗係啲醬多咗少少)鯛魚湯湯底濃郁鮮甜又唔腥😋飲咗幾淡都唔口渴😋烏冬煙煙韌韌，索到啲鯛魚湯，好入味👍🏻👍🏻而且配有大量昆布、木耳絲同椰菜絲😍好豐富！下午茶跟餐嗌咗熱檸茶，茶底幾好味😯幾清一啲都唔澀，但就唔熱，幾耐人尋味😯

今日食平D,去開太古附近做野,收工經開太古,朋友約在鰂魚涌食飯順便見下面附近唔係好多餐廳有做晚市,行左去呢間專賣魚湯既特色小店久聞其名,以魚湯做湯底,加上彈牙烏冬,最誇張係有龍蝦同海膽,不過今日唔食咁豐富最後只要一客普通既日式吉列豬扒定食,跟餐有沙律,飯同一碗魚湯濃湯另一碗就叫左花膠魚肚魚湯烏冬, 小吃追加了炸雞翼魚湯特濃,香氣十足,鮮甜味濃,感覺上無味精,自然味道烏冬麵配上豆皮,蔥等唔同配料,中間放了花膠魚肚,夠滋潤,雖然唔係咩名貴食材,但味道相當滿意吉列豬扒唔算太厚身,但炸得香脆可口,份量賣相都豐富2者都有試過,定食份量幾抵食,烏冬彈牙,湯夠濃,只係價錢略貴,可一試平均消費$120評分7/10海堤街6-16號龍景大廈地下3A號舖特色,以魚湯做主角既日式風味小店,有鍋物,定食,飯類,或魚湯麵

個鯛魚湯其實好普通，可能唔係我超中意魚？但我覺得屋企煲嘅魚湯比佢更鮮甜。不過價錢唔算貴，份量都ok,有六塊魚片咁多仲係厚厚地身。因為一個人食，所以坐bar枱，熱到出晒汗🤣應該唔會再黎，唔係會想encore的一間餐廳。或者唔揀鯛魚會好d?

今次嚟到鰂魚涌，咁啱經過見到呢間日式餐廳好多人，於是就想去試下佢嘅烏冬🤤😍我同朋友分別叫咗一碗鯛魚濃湯鮮蟹湯烏冬&雜菇炒肥牛魚湯烏冬。朋友叫嗰個隻蟹有好多蟹膏，同埋個湯明顯地係有好濃嘅蟹味。我叫個碗嘅魚湯亦都好濃味，仲有好多菜同豆卜，全部都係我最鍾意食嘅野😆真係超級足料。至於牛肉，佢份量好多，加埋啲金菇一齊炒，炒得好香，整體嚟講都好有水準。我地仲叫左款小食，叫做吉列蝴蝶蝦，一共有5件（$40），仲要炸得好脆卜卜～然後飲品我地兩個都叫左支梳打，味道正正常常～係貴左少少 （跟餐要$20）我最欣賞都係個湯底同烏冬，加埋呢個價錢仲要咁大碗真係好抵！如果住港島/ 近鰂魚涌嘅話一定要去試下！😋

侍應叫你入去坐，坐程黑面，要坐邊唔同你講，要你求佢帶你位環境窄到，7-11 企位都舒服d,同地鐵番工時候差唔多咁逼，你有既位只夠你夾埋隻手用一隻羹食飯所謂鯛魚湯，腥到喊，在場冇人飲得到，所謂鯛魚湯甜，到底邊個寫出來？？一陣腥味雪味，好難頂到你走，佢當你軍訓，離遠貼張紙叫人將紙巾帶走去垃圾桶，我地帶左去cashier 垃圾桶，埋單個女仔黑住面見住，到你掉完紙巾，佢話要掉出街垃圾桶哈！呢d係咩「餐廳」？ 定係集中訓練型？ 一路望住我掉你唔出聲，難道放入垃圾桶要幫你拎出來掉？！到俾錢，找錢，全黑面，掉d錢去你面前，重點係「掉俾你」，佢當客係乞丐咁掉錢我完全唔明呢間野點解仲可以生存，所以野都唔合格，呢求係太古坊附近，不是深水埗街市！

2點後去，下午茶時段絕對抵食，人均$5x仲包野飲有沙律，難怪過左lunch time 都仲座無虛席。原本以為下午茶份量應該會少d，但有圖為證👇，同lunch set 無分別吧~我嗌左個炸吉列豬扒餐，碗麵紅當當係因為嗌左個辣湯底，但辣味唔係特別出色，應該要嗌番個正常湯底呢~呢間絕對會翻兜，下次一定要試另一個湯底!👇👇下面係朋友嗌既餐，湯底ok, 不過不失，但可惜炸蝦唔好食~粉好厚🙅‍♂️入blacklist....

好耐之前睇人地啲食評已經聽過呢間鋪頭，不過因為喺鰂魚涌所以一直未得閒去食🤧今日同個住呢頭嘅朋友聚舊終於有機會試到😭餐廳裝修非常日式，唔講仲以為自己去咗轉日本旅行，夜晚入到去都有唔少食客喺入面🤣餐廳最出名就係鯛魚湯湯飯同烏冬，所以我地決定每人叫一樣試吓😉我就叫咗個日本帶子三文魚籽湯飯，而朋友就叫咗個吉列豬扒手打烏冬😚餸嘅份量十分足夠，而且魚湯夠鮮甜，食到最後我連湯都飲曬🤪吉列豬扒勁大塊而且配菜都好足夠，好少可會喺香港食到咁足料嘅吉列豬扒飯，感覺好健康🤩塊吉列豬扒咬落去酥脆可口而且厚度適中，唔會話炸到好油好熱氣🥵手打烏冬食落去口感煙韌，個feel真係好似去咗日本啲高級餐廳咁，食到好有旅行feel🥺最後飲品方面我地就分別叫咗巨𡶶提子梳打同埋信州蘋果梳打味度係幾吸引嘅不過價錢就貴咗少少，跟餐都要$20🤑個人覺得叫汽水好似掋啲咁🤔地址：鰂魚涌海堤街6-16號龍景大廈地下3A號舖

之前係飲食平台已經見到有介紹，今日工作完我就黎左位於鰂魚涌海提街的鯛魚魚湯專門店食晚飯。5點到達，已經9成滿座。餐廳主打鯛魚魚湯湯飯或烏冬，每日用60公斤重鯛魚製成魚湯，餐牌款式有好多，但好多都以海鮮為主，亦可加錢追加不同海鮮配料，$18-$30不等，例如有象拔貝、八爪魚、海蝦、帶子、廣島山蠔等等。鯛魚片魚湯湯飯(追加了八爪魚和烏賊），黎到當然食餐廳主打的鯛魚，餐廳用明爐上，一路熱住食，鯛魚魚片有5塊，魚片厚身，魚肉好鮮甜嫩滑，最緊要沒有骨，啖啖肉，湯底魚味非常濃郁，飯粒吸盡了湯的精華，飯粒有咬口，唔會浸到淋晒，啖啖鮮味。雞塊唐揚炸物做得出色，新鮮熱辣辣炸起，不會炸得太乾，雞肉嫩滑，加埋沙律醬一齊食，好滋味完熟桃味梳打

鯛魚魚湯專門店之前係九龍城經過，個次好多人排隊，放棄左，今次係鰂魚涌經過，不用排隊，所以即刻入去食。餐廳主打鯛魚湯湯底，有湯飯和湯烏冬，另外亦有定食，小食，可以選擇，款式種類多，款款都好吸引。吉列豬扒湯烏冬（$85）來到嘩了一聲，吉列豬扒好大塊，吉列豬扒粉漿厚薄適中，食落夠脆，又不會很油膩，豬扒肉質夠厚，口感軟腍，外脆內軟，另外旁邊的沙律夠新鮮，。烏冬用上手打稻庭烏冬，口感爽滑彈牙，湯底呈奶白色，湯底飲得出真材實料煲出來，沒有味精，一D都唔腥，飲落好鮮甜，好快比我飲晒個湯。煎餃子（$40/5隻）餃子皮薄餡靚巨峰提子梳打（$20）

呢間餐廳主打鯛魚湯底湯底呈奶白色，鮮味十足！差唔多兩件無嚟食，依然好味👍🏻-🥢吉列豬扒魚湯烏冬（$85）吉列豬扒好大塊，厚度適中咬落酥脆香口😋伴碟有新鮮爽脆嘅沙律菜🥗減低飽膩感之餘，又做到均衡營養呢！手打烏冬口感煙韌，掛湯力幾強！夾埋爽口嘅木耳絲一齊食，口感好豐富呀！🍹白提子梳打（跟餐+$20）嚟自日本信洲嘅白提子梳打味道清甜，提子味濃郁！唔會係死甜喔👍🏻🥢雞塊唐揚魚湯烏冬（$75）炸雞塊非常大件份量同豬扒一樣都好多！新鮮炸起，熱辣辣香噴噴💕咬落啖啖肉，幸福感瞬間飆升呢🥰🥢鱈魚豆腐（$40）炸得金黃吸引📸咬落外層有微微脆口內層魚肉彈牙，令人回味無窮呀！

味道方面鯛魚湯有魚味，炸豬扒粉漿過厚又唔熱，最重要係叫咩都無，炸豬扒係我第四選擇，先叫肥牛炒菇，無貨。再叫蒜片牛肉又無貨！再叫期間限定個個都無！真係好失望仲要係岩岩lunch就咩都無。同埋只係收現金，服務都好一般，個個店員都呼呼喝喝，好趕咁。總之今次用餐體驗真係麻麻地，滿心期待嘅一餐竟然係咁樣，真係有啲失望，以為佢好正好好味，烏冬味道同用料係正常嘅，只係感覺唔太好！希望佢地可以改善下，咁先對得住滿心期待嘅客人呀！

呢日同同事黎食lunch，叫咩冇咩，我地lunch都係1215入座，我估都係啱啱開鋪？竟然豬同牛都無，咁米唯有食雞。真係好失望！仲要唔會提供水，連洗餐具都要自己搵紙巾抹。其實冇都唔緊要，態度可以好啲，但完全冇唔好意思嘅感覺。仲要叫完個麵，佢就即刻落單，我都未講完要羽衣烏冬，佢就自把自為落左手打烏冬。我再同佢講番嘅時候，佢就話落左單唔改得。所以就算呢餐嘅食物幾好食都好，個服務態度咁，食乜都唔會有味。我應該唔會再幫襯。

番薯蜆虎蝦魚湯湯飯($105)，蜆有6隻，但感覺不太新鮮，每隻肉質好林無彈性，仲有少少腥味，虎蝦有兩大隻，都係一般雪藏貨。雖然食材質素一般，但鯛魚湯湯底係出色嘅，濃厚，魚味突出而無腥味，飯上面散咗少少飯素同埋大葱絲，增添風味另外叫咗原隻波士頓龍蝦湯烏冬($155)，烏冬揀咗羽衣烏冬，質地係一片片又薄又滑嘅烏冬，配咗木耳絲，豆卜絲，津白菜，整體麵底係好味嘅不過又係個餸唔得，龍蝦好明顯雪藏，肉質縮水無膏無鮮味，唔值得晒錢食龍蝦

位於鰂魚涌商業區嘅鯛魚魚湯專門店 ，係我喺鰂魚涌最鍾意食嘅餐廳之一❤️ 價錢比附近嘅餐廳略貴少許，平日lunch time好旺場，通常都會預早少少落樓去排隊。有時都鍾意趁週末放假唔洗排隊，帶埋屋企人同朋友嚟食晚餐😆今次食鮑魚花膠鯛魚湯手打烏冬($116)，湯底係用鯛魚熬製而成，味道十分鮮甜，可以成碗飲哂，唔係味精湯，飲完都唔會覺得口渴😋 花膠亦都好滑捋捋👍🏼 手打烏冬雖然未至於非常彈牙，但口感都唔錯! 而鮑魚嘅味道就同細細罐嘅罐頭鮑魚小食差唔多。