蘇哥清湯腩

Open Now

Now Closed

呢日黎到寶琳呢度食野，朋友話呢間蘇哥清湯腩開左冇幾耐，味道都唔錯，於是就試試佢！我地叫左崩湯腩麵，牛三寶米，芥蘭同埋一杯凍檸茶～凍檸茶好有茶味，啱哂食麵個陣飲！另外佢既辣椒油味道都唔錯！佢既崩沙牛腩真係超重牛味，又唔會un,真係好好食！d麵既份量都好多，好好食！另外店員都好好咁問我地芥蘭想要淋d硬d定正常，我地中意食爽口就叫左正常！芥蘭都係好新鮮！牛三寶麵就有牛筋牛腩同牛肚！份量都好多～配埋米粉辣椒油一流！

去咗將軍澳做啲嘢，中午食晏時間路過蘇哥清湯腩地方整潔寬敞，最重要路過也聞陣陣香味。💕清湯牛三寶上海麵三寶麵湯頭清澈透明，帶有濃郁的牛肉香氣。牛腩肉質鮮嫩，肥瘦相間，口即鬆化，搭配著彈牙的牛筋和蚊得Q軟的牛肚，口感豐富多樣。麵條有五款可選，我要了上海幼麵，細幼有嚼勁，與湯頭的搭配完美契合。💕牛三寶酸辣粉牛三寶酸辣粉以獨特的紅薯粗粉為主打，質地彈牙有嚼勁。牛腩、牛肚和牛筋的搭配令人驚艷，牛腩軟嫩多汁，牛肚鮮嫩爽滑，牛筋富有淋滑，三者口感協調。酸辣湯汁酸中帶辣，味道鮮美爽口，加入豆芽、蔥花等配料，層次豐富。份量足夠，滿足食慾。💕雞中翼（兩隻）跟餐$10雖說$10兩隻雞翼（跟麪），但味道絕對有驚喜，外皮酥脆，雞翼爆汁，非常好吃😋＇凍鴛鴦熱咖啡

身為一個牛腩控，無論在那區的牛腩專門店，都必定會去試試，今日便挑選了一間位於將軍澳寶琳站B出口的蘇哥牛腩專門店。清湯崩沙腩粉$57，崩沙腩的筋膜和牛肉比例適中，軟腍可口，河粉軟滑，不過由於廚師貪方便，先將河粉淥熟，放在碗內，等客人落單，將熱湯淋上，令到河粉的質感變了，希望改善一下。咖喱崩沙腩伊麵$61，咖喱味道香濃，將軟腍可口的伊麵放在咖喱汁內，吸收了咖喱汁之後，便非常美味。一口咖喱伊麵，一口崩沙腩，簡直是人生一大美食。跟餐凍檸檬茶$8，檸檬和茶的比例適中，非常有港式特色。跟餐熱鴛鴦$6，奶茶和咖啡及花奶的比例適中，又是港式特色之一。跟餐油菜$15，這個季節挑選菜心來吃，是最佳選擇。另外值得一提，這裏的員工服務態度優良，非常值得嘉許。👍👍👍👍👍

講到香港傳統美食，當然少不了牛腩粉麵🐮。而「蘇哥清湯腩」可算是我嚐過最好味的牛腩粉面專門店之一✨。上個星期日我去了新都城逛街，午餐時間就到了商場一樓的「蘇哥清湯腩」，真是又好味又實惠，下次想吃牛腩就一定去「蘇哥」。🍜 清湯崩沙腩河粉絕對令人驚艷。河粉滑溜爽口，崩沙牛腩軟嫩入味，面層彈牙有咬口，而清湯清爽而鮮美。特別推薦的是那些崩沙腩，釋放出濃郁的牛腩味，讓整碗湯粉更加豐富。而牛坑腩膽膽麵係另一特色佳品。麵條煮得恰到好處，彈牙有嚼勁。膽膽麵獎夠濃郁，花生味夠香夠濃，而牛坑腩肉質柔軟，入口即化，令人回味無窮。👍🏻「蘇哥清湯腩」以其獨特的牛腩粉面聞名，無論是崩沙腩還是牛坑腩，每一款牛都展現了他們對於牛腩的用心烹調。不僅味道上乘，價格也非常合理。如果你想要品嚐正宗的牛腩粉面，「蘇哥清湯腩」絕對是一個不容錯過的好去處✨。

新都城開左間清湯腩，同屋企人食完又真係幾唔錯👍🏼清湯腩好掂👍🏼。🥢豬手拼鮮蝦雲吞河粉 ($59):👍🏻👍🏻豬手煮得腍軟入味，同埋雲吞裏面有新鮮嘅蝦肉，鮮甜多汁。河粉彈牙滑嫩，同湯底一齊食更加美味。。🥢清湯坑腩伊麵 ($61):👍🏻👍🏻坑腩煮得軟嫩多汁，湯底清鮮開胃。伊麵彈牙有嚼勁。。🥢炸雞中翼（2隻） (+$10):跟麵食，優惠價$10加2隻雞翼。炸雞中翼煮得金黃酥脆，肉質嫩滑多汁。。

由早五年開始，每個月差唔多會有二十日會食早式粉麵做早餐或下午茶，有時好趕時間都會食碗做午餐，方便價錢又快捷。原本諗住喺新城搵間餐廳食少少嘢，去咗新開咗間中式粉麵店。中式麵店嚟講都算多選擇，好耐無試過牛腩有唔同部位可以揀，而且仲有薯粉添，味道幾又唔錯。酥炸雞翼，職員話活動價$10/一份兩隻，我哋叫咗兩份，雞翼上嘅粉唔多，外面微脆，裏面好嫩，無炸到乾晒，好味。坑腩擔擔麵，肉質唔錯，有少少似火鍋靚牛但好淋嘅味同口感，個湯唔辣又濃又香，好味。清湯牛腩幼麵，唔錯，都夠淋。清湯崩沙腩拼鮮蝦雲吞蕃薯粉，未試食日式粉麵配薯粉，崩沙腩唔多滑，有少少鞋。清湯牛三寶河粉，牛腩太瘦。

幾個月前嘅食評唔記得上傳。晚上八點十幾一個人去吃飯，逼人搭檯，我話等下，等到一張二人檯，坐落三分鐘又入咗個人，明明隔離就係空位，逼佢同我搭檯。過多一陣又有兩個食客食完走咗，即刻逼果兩個食客食到一半換位，可以空出一個四人位，跟住對住外面嘅空氣講，四人可以入啦！根本就冇人入嚟。同我搭檯嘅食客都係一肚火，傾起同我講係樓下巴士站嘅司機，呢間咁嘅服務質素根本冇可能有第二次，湯甜得過頭。我都冇可能有第二次，仲有朋友同我反映話食到一半玩下電話成碗米粉被收走。於是，每次行過，見到已經完全唔似開業個陣咁多人，連晚飯時間仲坐唔滿，心裡偷笑。

今晚買左淨牛坑腩外賣加餸成$140蚊⋯咁貴以為會有d質素打開來睇，d牛肉係散既，牛肉粒粒咁，成堆肥膏浮係面，好倒胃口⋯大部分都要掉咗佢😑😑😑絕對冇下次🤬🤬🤬

屋企樓下商場開咗間「蘇哥清牛腩」，就約咗朋友去會一會去佢。原來呢間店同天后清湯腩係同一家。我哋兩個人點咗以下嘅餐點。。。1️⃣🐮清湯牛三寶河粉$65牛三寶包括Q彈牛筋、嫩滑金錢肚、腍滑牛腩，加上爽滑河粉，湯底帶著牛嘅鮮甜味。👍🏻2️⃣🐷酥炸上海排骨飯$61排骨炸到外脆外軟，配上軟硬適中嘅白飯，好好味。😋3️⃣油菜-芥蘭$15芥蘭新鮮、翠綠、爽脆。👍🏻4️⃣腩汁蘿蔔$21蘿蔔入味、清甜無榨。👍🏻下次想品嚐一下擔擔麵！😋🍜

我屋企樓下嘅將軍澳新都城中心新開左間❤︎︎ 蘇哥清湯腩❤︎︎，超鍾意食粉麵嘅我，梗係去試吓啦😋店舖裝修簡約舒服，牆身有伙記落單用字同香港地方名，幾有特色🤭呢啲街坊野一定多人幫襯，我眼見食客不停人來人往。來呢到推介必試清湯牛腩麵🤤牛腩炆得入味腍滑，半肥瘦帶油脂香👍🏻湯底清甜夠味👍🏻下午茶都係$44，我雙拼埋雲吞加$10，雲吞皮薄足料，加碟油菜就$15，熱飲免費送嘅，我order左熱華田，大滿足😋

今晚想食番啲湯麵類別，記起新都城附近新開左間蘇哥清湯腩，就叫埋家人去食囉。家人叫左豬手配雲吞幼麵，我就點左清湯腩配雲吞幼麵，大家交換左餸就變得好豐富啦。豬手烹調很柔淋，坑腩好入味，柔韌有嚼勁，筋膜位咬落有油香，雲吞嘅蝦大隻有彈性都唔錯啊。幼麵份量剛好，麵質細滑可口。加$15叫左碟芥蘭，烚得熟度剛剛好。凍飲每杯只須 加$8，真係好抵食。#飲食日記 #飲食記錄 #食評 #相機先食 #手機食先 #食咗先講#唔怕肥 #eats

比預期中好味，牛腩牛根味濃鬆化，蘿蔔清甜可口，雲吞皮薄餡靚，味精不重，價錢貼地，值得返啅。個人覺得比起寶盈花園嗰間天后清湯腩好食。只可惜是坐近廚房，不時聞到一陣陣水渠味。

打完10號風之後又到個黑雨，香港呢啲天氣真係好難預測，點估到之後呢幾日天氣熱到咁，真係天氣不似預期。今日又要過海去將軍澳見客，計上次喺寶琳食完餐韓國嘢之後又黎過。今日時間比較鬆動，行咗陣先發覺商場原來好大，住呢度嘅人完全唔駛出市區都買到必需品，行咗一陣間肚仔又開始餓啦~見到有間餐廳門口好多人等緊，原來又係我鍾意嘅食物，呢間餐廳標明清湯腩已經令我味覺衝擊，好彩一個人唔駛點等位，入到去餐廳佢座位都算多有兩邊，見到佢個餐牌都好新束應該開左唔係好耐，餐牌嘅食品主要都係粉麵，但當中見到有啲酸辣同埋擔擔麵嘅種類都算多元化。     見到好多人都係嗌牛腩麵，但係見餐牌居然有咖哩牛腩，好少粉麵舖入面有咖哩食，職員都有建議可以試下，由於我呢啲人最鍾意試新嘢，咁就嚟一個咖哩牛三寶幼麵，加多碟油菜再嗌杯嘢飲，一個人差不多啦。由於人流都相對多，所以等咗十分鐘食物都開始陸續上枱啦~ 嚟杯凍檸茶先，當然要第一時間大大力啜一啖，係咁熱嘅天氣簡直係透心涼，凍檸茶份量都算足夠，而且非常夠凍，甜酸度適中。剛巧主菜都上枱啦~ 呢碗咖哩牛三寶另加碗幼麵，佢嘅份量正常賣相都吸引，急不及待試一啖咖哩汁，佢咖哩汁好香濃有少辣好惹味

openrice 食評幾好，見新開諗住試吓1. 新鋪開張環境望落企理，但其他就普通，唔可以話好乾淨。店入面每寸空間用得非常足，每個空間都唔會浪費，務求做到坐滿全間鋪。如果1-2人去食遇左自己同唔識嘅人搭枱，仲可以同其他唔識嘅食客近距離接觸。2. 我叫咗清湯腩河粉，清湯好淡，相信餐廳調味偏向健康風格，牛腩亦好普通，老實講，佢鋪頭名叫得清湯腩，我以為佢係會好特別好好食，但係食落個質素仲衰過快餐店。3. 落單叫下午茶，但張單無落到下午茶，成張單貴咗，好彩自己有望一望張單啱唔啱。總結： 裝修新淨

1. 清湯不清，如油2. 牛腩好碎，有酸味，好鹹3. 服務態度愛理不理4. 清潔有問題 - 對面顧客杯凍檸水個杯表面都係油，搞到成手都係油。顧客提出問題是並冇主動更換，但只提供紙巾清潔。總體性價比低。雙餸飯完勝。