相馬日式火鍋 (Closed)

之前聽朋友講話相馬的觀塘店好正，叫我去幫襯下。咁岩今日起荃灣放工見都有相馬分店就去試下。開業唔係好耐，所有野都好新淨。地芳寬敞、坐位闊落、燈光柔和。環境唔錯!我地兩個人叫左$228 美國特選牛肉 2小時放題任食SET 重包埋豚肉及雞肉。湯底方面叫左鴛鴦鍋(蕃茄及甜豉油) ，亦可選擇一人一小鍋。蕃茄不酸味道剛好、有好多蕃茄粒起湯底入面。甜豉油超配新鮮蔬菜! 係意想不到的結果。原來重有得加錢叫特別湯底- 伊勢海老湯底&黑松露牛乳湯底，睇相同聽個名都口水流，下次會試下!任品方面有十多樣選擇，汽水、茶及果汁等等。雪得夠凍既!! 想飲酒可加錢叫啤酒OR SAKE 日本清酒。一入門口就見到自助吧~ 有好多款丸類。好多款都有內餡料。連腸仔都有餡真係估佢唔到。食既時侯要小心燙咀。蔬菜全部都好新鮮洗得乾淨。而且REFILL得好快~ 特別要提有市面上超少見的花生豆芽 ~ 花生豆芽係100%由香港生產 ，超配甜豉油湯底，真心好味一定要食。另外重有營養豐富的羽衣甘藍，打邊爐熱食又OK 喎~比較少見有原條小甘筍、秋葵、蒿筍、蒜花及椰菜苗。肉類肉質鮮嫩,有肉香。雞肉就算燙得耐都唔會鞋澀澀重好滑身。牛肉都豚肉都無雪

整體都ok 特選牛加咗2個廣島蠔窩，可能係啲配菜洗得唔乾淨，找到數隻細小昆蟲浮下浮下，已向員工反映，希望有所改善。炸物唔食都ok,太油太咸，主攻食牛. 有75折，唔算貴

晚飯時間在優惠網站看了看有什麼優惠，然後看到這間有75折，再上openrice看到食評好評一大堆就決定吃這間。坐下才發現價錢跟優惠網站顯示的原價完全不同，他們指價錢加價了，網站沒有更改， 算了， 我們都打算俾一次機會。我們一行3人點了最平的餐， 第一round很快就來了一碟豬，3碟牛，一碟雞，豬的質素相當不錯👍🏻但第二round時， 半個小時都沒送到，而外面火鍋材料選擇不多，又不太岩食，我們一度係處於「無野食」狀態。大約半小時後， 送來第二碟豬和2碟牛，但牛的質素非常差， 吉野家質素比它好多了。再想叫第三碟豬時， 亦等了半小時最後成餐3個人共食左5碟牛（有2碟肥到食唔到），2碟雞，3 碟豬，火鍋料少量和一肚氣！坦白講，你如果覺得我們是用優惠食所以得到這種不停等待的服務，那不如不要做優惠，大可取消e折扣，好過係優惠網站用個舊價錢呃左客人上黎，再要客人等極耐先有野食！可能用原價質素會好好多 我既真實經歷只供參考。

荃灣大鴻輝出名多野食，全棟大廈都好多火鍋，行過路過攞左張傳單就上左21樓嘅相馬日式火鍋，入座安排左個窗口位，對住個零死角靚景食野心情都好啲。呢間餐廳嘅價錢百零蚊至三百幾都有，我就平平地㨂左$208特選牛肉放題，其他配料、醬汁出面自取、任食，一般魚丸、蟹柳、豆腐、麵、生菜等等都有，有少少特別嘅係好少有嘅蟲草花同羽衣甘藍都有，前兩日電視教煮餸先講過羽衣甘藍呢樣超級食物，用黎打邊爐真係第一次，食落爽爽地幾好食喎梗係㨂鴛鴦湯底可以一次過試兩個味啦，我㨂左豚骨同蕃茄。牛肉都幾新鮮幾靚，可以叫多幾轉，其他肉正正常常咁啦。另外我覺得響鈴好好味，新鮮冇油益味又夠脆

見訂座有75折就去左食，環境幾闊落，又唔會話好大陣揮之不去嘅火鍋湯底味，食物選擇都多，芝心丸，蟹籽丸，薯粉，好多種菇類都有。但呢間野再去嘅意慾係絕對唔大，儘管食物質素好，點解？因為呢間野衰在服務態度唔掂，入去店門口話訂左位，問門口嗰個人（疑似經理嗰啲，高級啲）個75折點兌換，佢講左堆九唔搭八嘅野，話咩呢啲係open rice自己嘅野唔關佢地事，心諗佢講乜，即係冇75折？！😱跟住問帶位另外嗰個侍應，佢就話網上訂座已經有75折唔使特別兌換，所以我地只係係虛驚一場，經理講野都1999。上菜問題就嚟啦，啲肉等左勁耐先嚟，兩個人先嚟得兩碟牛，應該有埋豬同雞架嘛，不過我都算，反正只想食牛。食完個兩碟牛，叫左加牛，等左勁耐都唔嚟，再叫，都係等勁耐，感覺啲侍應，仲有經理回應完個客就算，根本冇跟進過，都唔知有冇入單添啊。其後見到有個入座嗰陣未見過嘅戴眼鏡男性侍應，再追多次啲牛，佢同我講啲牛啱啱解完凍切緊，相比其他侍應佢有心好多，起碼佢肯講出遲遲出唔到牛肉嘅原因，仲即刻話不如比住啲豬同雞我地食住先，算識做，條氣即刻順翻啲，因為實在等左太耐！！最後啲牛都有上到，如果我唔追第三次，好大機會我同朋友成餐加埋只係

每次來到荃灣大鴻輝都會有選擇困難症 好險這次是朋友作主，選了新開的餐廳來試時間尚早，服務生安排座上窗口卡位餐廳內也以卡位為住，座得舒適120分鐘任飲任食放題價錢以牛肉不同級數的而定，由 $148-358不等湯底也有不少選擇有甜豉油，泡菜，清湯，中華辣湯，蕃茄，豚骨等等最後我們點了甜豉油+蕃茄湯底 兩款湯底都較淡口外面有蔬菜吧自取很多特別蔬菜，非常健康凍櫃有丸類，腸仔，年糕等等除了果汁外，也有不少茶類選擇美國特選牛肉色澤紅潤很不錯涮起來口感相當不錯，略帶爽口，牛肉味濃雞肉表現也不錯連平時火鍋店少見的蟲草花，花生苗，羽衣甘藍都有花生苗吃起來很鮮嫩還有朋友最愛午餐肉，腸仔 荃灣眾安街55號大鴻輝(荃灣)中心21樓B號舖

天氣開始越嚟越熱，再不吃火鍋就遲了～所以我就嚷著要去相馬日式火鍋吃SabuSabu～男友當然No say(๑• ω •๑)我們二人都選了「美國特選牛肉放題」承惠$208一個人。除了特選牛肉任encore 外，芋絲、菜蔬、丸類等都任夾。最讓我覺得驚喜的是，這裡居然有入手電視早前介紹的花生芽菜！！節目說香港很少餐廳入貨，沒想到居然可以在這裡品嚐到Yeah~花生芽菜好好味呀！！！！醬料也有很多種～除了可以自製芫茜蔥花微辣醬油外（就是亂溝嘛）還有我們很喜歡胡麻醬Woho!!!美國特選牛肉上桌了～牛肉味很濃！男朋友說非常好吃(◍ ´꒳` ◍)而雞肉亦很嫩滑～牛肉和雞肉都可以encore呀～不過也要留肚吃吃別的配菜啦！平時我們絕對不試朱古力噴泉的～但不知道為什麼這天想試一下😂😂結果發現原來挺好吃呀～朱古力也不會太甜！飲品櫃的飲料任飲～當然我們還是只選忌廉溝鮮奶❤️❤️❤️另一加分點是，這裡坐得很舒服，侍應也超Nice的～真不錯吃(๑˃̵ᴗ˂̵)و

自問唔係特別擦得，除非朋友約食飯，哈哈。今日兩丁友黎到大鴻輝，呢度多火鍋店就出哂名，揀左頂樓呢間相馬日式火鍋。唔知係咪平日呢，地下等電梯唔係好耐咋喎，我仲留低上年喺度排隊等lift嘅印象。火鍋店面積頗大，位置非常多，而且闊落，大部份係卡位。靠近玻璃窗嘅位置可以見到夜景，幾壯觀，視野廣闊。裝潢方面偏簡約，唔會好大陣打邊爐味，通風可以。店員送上餐牌，呢度同其他日式火鍋放題一樣，分幾款套餐自選，分別有：美國進口牛肉、美國特選牛肉、美國頂級牛小排、特上澳洲和牛，平日定價$168/228/298/358，價錢唔貴。揀左第二級牛肉，連同醬油費每位$238/120分鐘，可以任食特選牛肉、豚肉、雞肉同丸類、蔬菜、菇菌等配料。以我地嘅食量黎計，性價比不俗。湯底分清湯/甜豉油/豚骨/蕃茄/辣湯。仲有一張炸物紙，有蔬菜、丸類、餃子、蝦、雞翼等炸物，同樣任食，即點即炸。醬料區我地揀左蕃茄湯底，湯底好大鍋，入面放左好多切粒蕃茄，都算好有誠意，微微酸，好開胃。而且湯多，基本上我地全晚冇加過。而且之後淥野都入到味嘅，唔會話太淡。好滑溜嘅豆腐。牛肉其實都唔會太差，有適量厚度，唔會話薄得好緊要，而且有肉味，我地呢款脂肪

上到去本身諗住打個邊爐同朋友輕鬆下，點知竟然安排左坐係靠窗嘅卡位，坐得十分之舒服，而且仲要係落地玻璃，隔離係荃灣嘅樓景，21樓望落去真係覺得好靚好舒服😌就咁食呢一個環境我都非常之值！邊爐方面有幾個湯底可以揀，今次都係揀咗個豚骨湯底，唔會話太重口味而掩蓋左火鍋材料的鮮味，而且如果煮到口味開始偏咸，仲可以選擇加湯或者加水調校味道，都幾方便☺️👍🏻鍋十分之大，一次過可以煮好多嘢，208呢個set就會包豬肉牛肉同雞肉，雖然呢一個比較平嘅餐面冇咗頂級牛肉，但呢一個價位嘅牛肉都非常之唔錯！有牛肉香味得來唔會老唔會韌，口感幾好，雞肉都幾嫩，豬肉就相對地普通，最值得最主打食係牛！食左好多盤😍放題方面梗係唔少得有open吧，可以自己選擇唔同嘅配料，雖然一間店嘅配料唔算特別多，但有我最鍾意嘅菜同埋款式好多嘅丸類，鐘意芝心丸同埋好特別的蔥薑牛肉丸！出面未食過，入邊好香口同埋香料味好重🥰另外打邊爐好鍾意落粟米同埋白蘿蔔，去到最後湯底會變得更加甜！ 除咗火鍋方面，呢一間值得一讚嘅就係炸物，非常認真，唔會炸完算數，仲會加左調味同紫菜粉，所以味道層次好豐富，最特別嘅係有炸雞軟骨、芝士丸、蝦🦐等等好多種選擇揀，樣樣都炸

雖然而家食火鍋都冇分季節，但仍然覺得天冷食特別過癮，在翻起季候風嘅日子，火鍋癮忽然在呼喚，小妹當然嗱嗱聲約埋閨蜜去食返餐，閨蜜係荃灣食神，有佢帶路就十拿九穩，今次就去大鴻輝中心登頂食呢間—相馬日式火鍋~今次揀咗美國特選牛肉，有120分鐘，又可施展宇宙大胃王嘅威力！一人一鍋，湯底就分別選咗豬骨及蕃茄出公海遊一轉先，飲品選擇都好多~蔬菜好多選擇，都幾新鮮喎呢隻大豆芽出邊好少見，好鮮甜，一定要試主角出場，牛肉嫩滑，肉味濃郁，豚肉鮮甜，雞肉閃令令，一睇都知新鮮！啲肉丸雖然唔係手打，但都幾好味，尤其是爆漿豬肉丸及芝心丸，食嘅時候小心辣親個咀仔啊！雪糕用北海道Milk Top，都幾落本，小妹當然食勻朱古力、綠茶及雲呢拿啦，連維記雪米糯都唔放過！

又試新野啦！今次去既哩間餐廳位於荃灣既日式火鍋放題。哩到既食物質素唔錯特別係牛，所以極力推介比朋友。今次我地揀左個中價位既放題套餐，食既係美國特選牛肉。湯底可以揀兩個，我地就揀左中華辣湯同豚⻣湯底。哩到既上單速度都幾快，而且單好齊，值得一讚。除左牛肉、雞肉同豚肉，其他火鍋配料同飲品都係出面自助取。鐘意呢種方式，可以行下消化下，食幾多拎幾多，自己控制到份量，減少浪費👍🏼。哩到既火鍋醬料齊全，想食唔同味道，可以出面調配下。不過我地今次揀既哩款湯底味道非常濃郁辣湯夠麻夠辣，所以都唔需要其他醬汁。火鍋配料唔係太多，但勝在新鮮。不過對專食牛既我，絕對唔成問題。哩到都揾到啲出面少見既款式，例如日式拉麵、荔枝烏龍茶同埋士多啤梨糯米糍🤤。哩到既肥牛非常好食。鐘意佢夠薄，油脂紋理分明，牛味重👍🏼👍🏼。食幾轉都唔會覺得肥膩。

朋友吃出蕃茄變壞配料很少，丸類、魚皮餃不好吃響玲是放很久（軟的）出面可以用到一滴火鍋豉油也冇人手不足冇哂雪糕😧炸物好硬，近乎難吃部分火鍋的熱力不足佢吾會放定個勺子俾你夾食物及片走d油

荃灣大鴻輝變左好似日本咁, 成幢都係食肆! 去頂的21樓打邊爐, 估唔到佢比張近窗既位我地, 21樓望出去, 天清景靚, 真係幾爽一入門口見到一排都係自取的食物, 幾個雪柜分別放左豬, 牛, 魚旦, 包心丸, 蝦卷, 魚腐等等, 另仲有一長枱上放滿林林總總的蔬菜瓜類, 生菜, 油墨菜, 羽衣甘藍 (正), 栗米, 南瓜, 萵荀 (正正) 乜都有得攞~ 另外仲有獨特的蜜糖芥末醬, 十分有趣~ 飲品齊全, 各式其色, beer, 汽水, 無糖茶等~叫左日式甜鼓油湯底, 呢個湯底食肉都過癮, 佢仲包埋帶子, 蝦同蠔呢3款海鮮, 夠晒食啦.. 帶子甜, 大蝦爽, 頭有膏, 蠔應該係廣島蠔.. 呢個時間上埋牛, 豬同雞肉, 雞肉一次過放入湯底因為要煮耐少少... 呢個時候試一試佢d 豬同牛, 牛小排好好味, 肉味ok又有油花~ 豬有d驚喜, 少有地愛吃~ encore再叫肉時唔偷懶, 快手的即切, 上到枱靚仔廷身, 食慾大增. 另丸類的疑似炸蝦卷/魚卷的食落好似台式甜不辣, 質地爽實, 特別喜歡另仲有雪糕作結, 呢個價, 呢個景, 枱與枱中間分得夠開唔迫, 已經加晒分~ 有下次~

我想食炸雞，但是Honey話想食放題，我當然要遷就佢啦，搵咗間新嘢，位置喺荃灣大鴻輝中心21樓，高高在上食火鍋放題，零舍開胃。放題套餐有數款套餐，我哋揀咗【美國特選牛肉】$228。地方都幾大，座位好寬敞，抽風系統不錯。自助汽水、各式飲品和雪糕，飲任飲食。亦有好多其他火鍋配料，例如丸類、蔬菜、粉、麵、烏冬等等，啱晒我。湯底揀咗清湯。呢間店的鍋子比一般的店子大得多，所以可以一次過放好多食材落去都唔怕。牛肉、豚肉都係靚嘢，烚兩烚就食得，好味道。同場加影有炸物放題，即點即炸。點咗墨丸、南瓜芝心丸、露筍，仲有炸雞唐揚。哈! 仲以為今晚無得食炸雞，原來上天對我不薄，來食火鍋，竟然都有炸雞食。

為朋友慶祝生日，吃火鍋是最好不過，這次約在荃灣的相馬日式火鍋。以牛肉等級而定價錢，湯底有6款可揀外面更可自取飲品跟雪糕鴛鴦湯底點了甜豉油和蕃茄，個人覺得湯底較淡，濃一點會更佳。這裡的火鍋配料比起其他火鍋餐廳較為特別，平常看不到的，這裡會看得見。花生芽最近電視上介紹過，估不到這裡會有，個人滿喜歡吃，夠爽口清甜，這裡的牛肉、豚肉、雞肉是任食的，牛肉肉味濃，口感嫰滑。最近愛上火鍋加午餐肉，真的是絕配。吃一點菜，幫助消化。