相馬日式火鍋 (Closed)

有冇諗過打邊爐都可以打得好有情調呢？唔搵唔知大鴻輝21樓開咗間shabushabu，有得邊打邊睇樓景，別有一番風味有多種套餐選擇，我揀咗$258位既美國特選牛肉套餐，有雞牛豬任食，仲有蔬菜遠慮飲品自助吧任拎估唔到有蟲草花、萵筍、蘆筍同小椰菜必食小椰菜，出面一包十幾廿個都要成三四十蚊，呢度有得任拎小椰菜索哂汁識落更甜更爽口，正呀食牛當然要揀sukiyaki，醬油湯底甜甜地令牛肉食落更加鮮美；中華辣湯加咗花椒八角，帶麻辣，越煮越香口越惹味揀美國特選牛肉果然冇錯，肥瘦比例二八，帶少少筋，口感嫩而有咬口；雞肉肥口肉嫩，肉瘦不帶肥膏上野好有效率，追加完五分鐘就到，無漏單情況👏🏻👏🏻👏🏻丸類正正常常中規中矩，魚肉春卷好彈牙除左火鍋配料仲有即叫即炸嘅炸物，可惜呢日無炸魚同蝦估唔到搭單嗌嘅炸物同樣出色，炸粉裹得好薄，炸到金黃香脆，仲加咗七味粉，食起黎更香口炸雞口感紮實，無肥膏，有啲肉麥樂雞旁邊仲有加咗黑松露嘅沙律醬，點炸野黎食中和左炸物既油膩，同時更香更吊味食飽當然要食返個甜品，有雪糕同糯米糍任拎，飽哂，大滿足呀～～～

同個好耐冇見,而又冇乜主見嘅朋友食飯,就去左荃灣出名多嘢食又出名排哂隊嘅大鴻輝搵食。見呢間相馬日式火鍋新新地, 價錢又合理,就決定試試佢。 由於時間尚早,仲要係星期二, 暫時冇乜人。一入到場, 侍應哥哥安排我地坐近窗邊。雖然荃灣市中心唔叫有靚景,但位於高層周邊又冇高樓阻隔,睇住個景食住飯都好開心好RELAX…..90分鐘放題, 我地揀左美國特選牛肉。 湯底都好多選擇有泡菜、清湯、中華辣湯、蕃茄、豚骨….我地最後揀左豚骨湯底。湯底仲未到即時去揀嘢飲先, 選擇勁多:肥仔可樂同ZERO都有,仲有無糖綠茶…但唔見有啤酒, 就係呢個時候俾我見到隔離飲緊啤酒,就問問侍應哥哥。原來啤酒都任飲,唔洗加錢,但要問佢地拎先有…啤酒都任飲…正呀!!湯底同牛,豚肉,雞肉一齊上…牛肉色澤新鮮….由於太肚餓…湯底未滾,朋友已經車哂D 菜入去煲湯咁。湯底味道好好,夠哂味。蔬菜吧其實都好多菜可以任夾…皇帝菜,菇,連花生菜同羽衣甘藍都有..俾個LIKE…… 午餐肉都有…食左兩轉添 最後,掛住食…放棄影相 由於食到太飽,雪糕都食唔落。下次黎要試埋雪糕。

相馬特選牛肉放題 $228又黎荃灣呢幢大廈食邊爐放題🤤 終於唔係食大鍋口一鍋堂or雞煲 今次試左間新開既日式涮涮鍋🤩🤩要左個鴛鴦鍋 有幾款免費湯底可以選擇 不過我地就加錢試下佢既特色湯底 伊勢龍蝦海老湯充滿細細粒龍蝦肉同蝦仔 越煮越濃郁!😍 黑松露牛乳湯一上枱勁香松露味 裏面一片片松露冇呃人 仲有佢既牛乳味道同豚肉係perfect match!🥰肉類都係牛肉 豚肉 雞肉 另外再單點左一碟牛舌 overall都唔錯 兩個人共食左17碟😋出面自助吧配料都係蔬菜丸類 特別d既有勁粗身大條既花生豆芽(啱啱星期日無線套香港原味道介紹完就遇到佢😳) 仲有羽衣甘藍 椰菜仔 秋葵等等最後當然係食雪糕! 咖啡同綠茶味幾濃 奶味突出 呢隻草莓雪米滋第一次食 又幾正喎☺

✿╮❤╭✿ ✿雜感女生   好味日記✿ ˚*•✰。相馬日式火鍋．任食鮮味牛牛。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤ 近日天氣涼涼地，放工即興陪朋友打個邊邊 發現大鴻輝有新食點 HKD228就可以2小時任食美國頂級牛牛 晚上優惠時段仲有88折實在不容錯過！自取區的菜菜與太子款式多多 特別欣賞羽衣甘藍又新鮮又添得快 連花生豆牙都有得食味道有驚喜為左食鮮味，點了鴛鴦湯底 豬骨湯底及清湯底(昆布) 非常適合食牛肉的鮮味果然，牛肉薄切，一灼即食 鮮嫩香滑，令人一碟接一碟店員亦很快手，快快即上豚肉與雞食亦沒欺場 味道鮮，而且充滿肉汁 不是一般的極地冰霜貨式值得一讚！本小姐的打邊邊三寶：露筍、玉米、羽衣甘藍 重點是：露筍和羽衣甘藍都是任取的！ 全都是超甜超鮮，可見此店選料認真！打邊邊放題，是物有所值。飲品款式不少，最欣賞此款荔枝烏龍茶 以及隨便吃的高質雪糕，味道令人有驚喜！  小評： 味道：★★★★☆ 環境：★★★★☆ 服務：★★★★☆ 衛生

今日兩個人打邊爐😬本身哩度有得揀一人一鍋不過我地揀左一齊烚下烚下開心啲上到黎因為weekday, 時間又尚早，所以未有好多人不過餐廳都好開揚，啲位又闊都坐得幾舒服～唔使食哂隔離枱啲蒸氣🙈我地揀左美國頂級牛小排套餐，除左靚牛，仲包日本鹿兒島頂級黑豚同雞肉，仲有海鮮放題添🥰牛小排好靚！！油脂分佈平均，牛味好重，湯底我地揀左豚骨，所以基本上唔使點太多調味已經好夠味！👍🏻黑豚同雞肉都好新鮮～同湯底好夾！其他配料方面都好多選擇，全部都好新鮮呀！仲要有露荀同秋葵😋值回票價啦海鮮放題就包左幾款海鮮：大蝦、蠔同帶子，一樣係唔使點太多調味都可以～野飲選擇都好多～冬瓜茶正呀👅食完仲有雪糕😬咁岩走既時候見到有人一個黎打邊爐～哩度真係一個人黎同大班人都好適合呢2

難得今晚早放工，就去大鴻輝食飯，係樓下有人派傳單先知開左間新野叫相馬，敢於嘗試既我係一定會冒險的。星期四晚七點鬆啲上到去，冇乜人，心諗會唔會伏呢😂🙈都唔緊要啦見佢唔貴，都可以試下個$228 特選牛肉餐。超多位！好岩一大班人黎。先唔講肉，講下出面啲配菜，好有驚喜，好少見到有萵筍、蟲草花任拎！好多菜！啱晒健康嘅我，特別係有羽衣甘藍，平時好貴嘛，超開心！企企理理。最令我驚喜嘅係有日式炸物即叫即整。雖然今晚有好幾款都缺貨，但係剩低嗰啲我哋都叫咗一兩舊share，係超超超超超好食，炸得好新鮮。店主推薦我哋用出面嘅薄荷醬同蜜糖芥末醬點炸物，都值得一試。湯底我揀咗豉油底，襯返呢個咁日本嘅裝修。豬牛雞都好好味！食到停唔到，但所有野都太正，大家小心眼闊肚窄🙈唔好晒野！Milktop又係你牙？🤣 早幾日先買完你個牛奶布甸，仲寫埋食評，今晚又見到你啲雪糕啦。牛奶味真係超級推薦，好濃好香，不過好難不。。。。綠茶同芝麻都好好味啊！

番工突然好想食牛啊所以見收早就拉左個同事去附近荃灣打個邊爐啦餐廳環境好正啊 收早仲有自然光坐窗邊卡位坐位闊落好有空間感放題套餐就揀左美國頂級牛小排可以任食牛小排、豚肉、雞肉，仲有蝦、蠔、同帶子同埋場內既食物啦都幾抵湯底揀左豚骨店員好快就安排好哂火鍋同頭輪既牛小排、豚肉同雞肉啲牛小排好靚好新鮮啊豚肉好大塊厚度岩岩好唔洗驚唔熟唔洗淥好耐雞肉望落好新鮮食落好驚喜係我食咁多間任食火鍋最鮮最有雞味既雞仲有海鮮既部份（都係任食）令到個set好抵食haha醬料區發現我中意既乾蒜～但大家可以唔洗拎太多因為只會用好少湯底好濃好入味唔洗點好多豉油架炸呢個大概係蔬菜區我好欣賞啊因為有好多種類比大家揀特別推介係有🥕型既甘荀仔同埋好少見既露荀丸類都好足夠有我中意既wasabi丸叫第二輪既牛小排都好靚！水準會keep住比客人飲品區選擇非常之多！！！大讚最後係店員人數雖然唔多但非常有效率男店員由我進入餐廳到我離開餐廳都非常用心服務我好欣賞佢認真既工作態度

若要說荃灣聚會飯局的好地方，大鴻輝中心絕對是一個不二之選。選擇今晚和閏蜜的飯局場地時，剛好發掘了這間「相馬日式火鍋」。可能是新開業不久，筆者抵達時店內客人並不多。餐廳座位非常寬敞， 大夥兒聚餐的話絕對適合。冷氣亦足夠，最怕吃火鍋時會因為冷氣不足而汗流浹背，什麼雅興都沒有了。火鍋湯底有六款基本口味選擇，另可加錢選擇特別口味。上圖點的是韓風味的泡菜湯底，在其他日式火鍋店較少見的口味，帶點微辣泡菜香。筆者和友人選擇了「美國特選牛肉」精選套餐，豬牛雞三款肉類無限添加。薄切豚肉片味道不錯，但雞肉稍嫌不夠嫩滑。場內還有其他火鍋配料提供任取，根據觀察，以菜蔬類為多，林林總總放滿數十款。丸類一盤盤的放在凍櫃內，防止因長時間在室溫擺放而變壞。筆者試了幾款，入口有一定彈牙度，並不是粉粉的感覺。其中午餐肉十分香口，吃過一回後不停加添。拿取了方便麵來吃，麵質爽身，配了泡菜湯底更加美味。反而平日筆者常吃的煙韌拉麵卻不及方便麵好吃。場內飲品任取，但款式選擇不算多。甜品就只有一個雪糕櫃，雪糕器皿未有提示是什麼牌子。但「相馬日式火鍋」提供的口味蠻特別的，因為沒有標明口味，一心以為取了朱古力和抹茶口味的筆者，吃進口裡後

大鴻輝中心位於荃灣眾安街，美食餐廳一大堆，左簡右簡，最後大家經過一番討論，我地去食相馬日式火鍋，大家既邊爐隱又黎。由於星期日怕冇位，所以6點已到達，7點左右已經9成滿座。120分鐘火鍋放題，我地選了中等價錢的牛小排火鍋放題，有豚肉、雞肉、海鮮放題我們選了鴛鴦鍋，中華辣湯&牛乳，中華辣湯夠辣，牛乳湯味道好濃火鍋醬料有5款，都已經好足夠放題都是離不開出去夾夾夾夾，蔬菜同丸類都非常多款底，飲品有十幾款選擇。牛小排-油花分佈平均，肉質鮮美滑嫩，好Juicy 最後共點了5碟海鮮放題有蠔、帶子、蝦、蝦夠大隻，好鮮甜打邊爐蘿蔔、響鈴、午餐肉、丸、公仔麵必點最尾食完要食返杯雪糕，有綠茶、咖啡、薄荷朱古力、雲呢拿，仲有雪米滋食，大滿足呀

星期六中午，朋友見到呢間新開咗一排又唔使排隊openrice book又有discount 就黎試吓新野我地一行3人 入到去環境幾好可以望晒成個荃灣 居高臨下！原來係一人一鍋，我地分別點左豬骨、甜醬油同埋泡菜湯底hehee 叫咗198嘅美國穀飼肥牛🐄 第一round牛肉okay 之後嗰幾碟雪花紋幾均勻 牛肉味重好好味至於配料就係任攞 啲嘢都幾新鮮種類都幾多 個響鈴好脆 平時出面響鈴都要加錢呢度竟然任食不過佢個豉油就好稀 好彩佢個湯底夠味！整體都幾好 可以一試！

荃灣大鴻輝都有食過好多間試過啦，今次就嚟到頂樓21樓嘅相馬！見佢有海鮮任食買啱老公食，想試吓喎牛小排就啱晒我同阿仔啦～一入大門口右手邊就見到個任攞嘅嘢飲雪櫃，再之後有2個有大量不同肉丸、魚腐、芋絲等識，行前少少有個雪糕櫃，然後就見到一排嘅蔬菜啊菇類啊麵食啊咁～選擇多到不得了～坐低係一個窗口位嘅卡位，立即俾佢吸引住了。四圍建築物嘅燈好美，好有大地在我腳下嘅feel！之後我哋帶咗鴛鴦鍋湯底一邊係Sukiyake, 一邊係麻辣湯底～海鮮有蝦、帶子同埋蠔～蝦夠大隻夠爽，蠔唔會縮細，帶子我仔食晒因為係佢至愛！叫牛小排等好耐，發覺原來廚房全部都係即切嘅，所以上枱嘅時候見到好靚好挺身。雪花均勻有牛味！今日我竟然鍾意個豬多啲，雖然切得薄，但係一落湯拖一拖便可，食落口有豬味好吸引～不停咁再攞金菇同萵筍，萵筍放去Sukiyake個湯底更加鮮甜又爽口!

今日去荃灣食呢間日式火鍋放題！同連鎖果d牛x一樣，有唔同價位的牛肉，其他配料就起外面任攞。我地叫左高一級的美國特選牛肉($228 + 1)，因為見到呢款比最普通的美國進口牛肉($148 + 1)靚好多。等湯滾的時候就去攞定野食野飲先！唔想飲凍ge可以問侍應攞熱綠茶。丸款式唔算非常多，不過都夠食，因為我覺得呢間係主打食牛同菇菜！ 菇菜類超級多款！忘記影相了，有好多未食過的款式，總之每款攞一件番去試下就岩！連蟲草花都有，用來吸汁一流。呢款牛果然係靚啲，肥瘦均勻，薄切淥幾秒就食得，叫侍應refill都好快。豬肉都好味，雞就普通啦。值得一讚係第二round d 牛肉都係甘靚！無偷工減料。餐廳有落地大玻璃睇景，又有電視睇，兩個鐘已經好夠食，好飽！

荃灣大鴻輝商場地點相當就腳，靜係計任食放題都有大把選擇，今次我同老婆就決定挑戰位於大鴻輝之顛的相馬火鍋放題。呢度主打日式Sabusabu，百二分鐘任飲任食「美國進口牛肉」最平$148就有交易。難得同老婆「撐枱腳」唔能夠太寒酸，就揀左再高一級的「美國特選牛肉」，都只不過$228一位，價錢算係相當有競爭力，呢鋪實冇「詐型」啦掛！鴛鴦火鍋湯底火鍋雖然比蔡san譽為「地球上最應該消失的一道菜」，但响佢未消失之前要細意品嘗，正所謂「三句不離本行」，論火鍋緊係湯底行先！相馬湯底認真多，我同老婆想鴛鴦戲水，就揀左麻辣加牛奶紅白湯底。美國特選牛肉牛肉係高質嘅，一睇個雪花紋就知同普通打邊爐牛肉的分別，肉質特別細緻鮮嫩，脂肪分佈均勻，我最鐘意用麻辣湯底滾兩滾，再加日式蔴醬簡直係一絕，足足食左五底都唔夠，Yummy!配菜方面應有盡有，各類火鍋用的新鮮蔬菜幾乎都搵得到，至於丸類都有好多大路野，但本人就不大感興趣，所以無法評論。野飲方面，除左罐裝飲品外，仲有幾款韓國果汁，值得一試！

荃灣大鴻輝真係好多食肆，今日夜晚朋友訂咗喺21樓嘅相馬日式火鍋。店舖環境很舒適，今日人不多，佢嘅火鍋枱有兩種，可以一人一鍋或者係一個大鍋一枱一齊食。放題套餐選擇多，由百零蚊到三百幾蚊不等，有美國頂級牛小排，澳洲和牛，日本鹿兒島黑豚。海鮮拼盤等。湯底都好多選擇，特色有伊勢海老湯底，黑松露牛乳湯底等。點左頂級牛小排套餐，牛小排嘅質素都唔錯，粉紅色嘅牛小排整齊咁排列係個碟上，很新鮮。另外其實佢還有很多打邊爐嘅配料，和各種飲品無限供應。

今日收工夜夜地 同呀爸呀媽晚餐加宵夜咁9：30去左呢度食火鍋放題 揀左$228美國特選牛肉餐 中價嘅餐 包埋豚同雞肉任叫 啲肉一黎到真係心心眼 特別係牛同豚 望落啲色好鮮艷 勁新鮮 而且油脂分佈都均勻 靚靚 淥熟之後都好滑好稔 完全冇筋🐮🐮：🐷🐷🐔🐔講番湯底先 揀左比較大路嘅豚骨 首先望落係好白好濃咁 飲落去果刻我地3個都嘩嘩聲 勁甜！！好似十斤豬骨放左落去淆湯咁 連不嬲打邊邊吾飲湯嘅我都忍吾住狂飲另外要講講出面自助吧嘅食材 除左有最平常果啲之外 仲有我好中意嘅蟲草花 羽衣甘藍 蜂巢豆腐 好彈口嘅魚腐等等 係平日比較少見 而且高級啲嘅野 好欣賞哦仲有好重牛奶味嘅雪糕 當日有咖啡 黑芝麻 牛奶 綠茶味 店員指出係milktop雪糕 吾錯值得一提嘅係店員嘅服務 佢地勁有禮貌 而且解釋有咩食時好有耐性同清晰 仲係咁同我傾計 好可愛 哈哈