相馬日式火鍋 (Closed)

♨️蕃茄湯底💯💯💯💯💯唔想食得咁濃味，同時又唔想太過清💮蕃茄湯底作為火鍋主打💮就無擇錯啦，裡面既蕃茄味十足💮放料入去都食到有蕃茄既味道，一邊打邊爐💮仲可以一邊嗅住蕃茄既香味♨️美國特選牛肩胛💯💯💯💯💯呢款美國牛肩胛好出色💮肉質係好嫩好滑，食得到係靚料，勁鍾意食牛既我地，可以不停地追加💮放落火鍋中好快就熟💮而且完全可以保留到牛既濃郁味道💮再加上被湯汁包圍住，如果鍾意食濃味少少，再加啲鼓油更加好食 ♨️串燒💯💯💯💯💯呢度既串燒都有好多種💮每一條串燒都燒得好香，好有燒烤味，而且燒出來既時間控制得剛剛好，沒有燶💮食落口既肉質仍然保留到，咬落去又有嚼勁💮味道上真係一流今晚既晚餐真豐富💮成個任食餐可以話勁多野食，我地幾個人黎到💮職員個個都好有禮貌，而且個個都好熟手，環境上都好乾淨企理，坐位都好舒服💮坐到唔願走💮價錢方面就好抵食💮食物方面更是款式多，一定係飽住走，以上係個人覺得特別好食💮所以先推薦下，整間火鍋店感覺良好，係一間幾好質素既食店💯

今日嚟到西營盤食唔限時放題！放題包括有，雞煲放題，海鮮蒸鍋放題和火鍋放題，全部都可以喺一次裏面食晒，仲要唔限時食幾耐都得，真係超級正！1️⃣第一煲，先上咗個🐔雞煲，雞煲係任食嘅，食完一煲唔夠可以叫侍應加雞件，辣度都有得自己揀。2️⃣食夠雞煲啦，再嚟第二煲，🦪海鮮蒸鍋，海鮮蒸鍋係用蒜蓉蒸嘅，蒜香味十足，海鮮吸晒啲蒜蓉味，入邊有鮑魚，扇貝，青口，蟶子，廣島蠔等等。聖子和扇貝是我最喜愛食的。3️⃣食完海鮮蒸鍋，第三煲，來一個🥣花膠雞湯，花膠雞湯，超級滋補養顏，而且好香花膠味！4️⃣最後，第四煲，🍲任食火鍋！呢煲要咗個蕃茄湯底，之前食咗太多，蕃茄湯底可以幫助消化：酸酸甜甜，好開胃，而且蕃茄湯配任何材料都好好食！🐷🐔🐮䐁肉牛肉雞肉都煮得非常甜，蕃茄牛肉真係超級好味，嗌完一碟在一碟。食煲當然唔少得嘢飲啦！雖然好唔健康，但可樂當然要配火鍋。

同朋友係西營盤食飯，個個都贊成打邊爐，就揀左《相馬》，可以任食食到飽，而且有好多款食材揀，想食咩就拎咩野！餐廳係瑧一樓，好易搵。我哋要左個豚骨湯和中華辣湯做湯底，豚骨湯青得來又好香嘅豬骨🦴味。中華辣湯辣得來夠惹味，唔會剩係得死辣🌶️！首先要左D菜打底先，仲可以補充纖維，幫助腸臑動！🥬生菜新鮮爽脆，金菇好有口感，南瓜非常香甜，蘿蔔多汁又清甜，西蘭花夠曬營養，🥩肉一定唔可以缺席，豚肉，牛肉，雞肉🍗肉肉無窮，不斷來！🍖串燒，串燒豬肉，串燒雞肉，串燒牛肉，韭菜肥牛，燒雞皮，串燒丸，真係有好多唔同串燒，串串都好好味🤤🐓🪽各種口味雞翼，未見過有咁多款口味嘅雞翼！要一次過試晒佢，因為係單骨雞翼，所以好容易食！我推介海苔味，辣味和蒜蓉味！

👉🏻前幾天同幾位好友一齊來到西環⋯相馬日式火鍋，呢間店既環境非常舒適，環境上簡潔大方，天花上既燈都滿有特式。👉🏻來到晚上我地食120分鍾放題，擇了此店既招牌（甜鼓油湯底），味道香濃，另外亦有多種調味料任君選擇，可按照自己的口味挑選。👉🏻此店既飲品都有好多，我地挑選了兩瓶果汁，溫度夠冰凍，跟住就講講食物，呢度既（優質豚肉）肥瘦適中，肉質好甜美，入口即化，唔會鞋口。（雞腿肉同雞翼）都非常嫩滑，肉汁豐富，另外，（粟米同菠蘿）都令到火鍋更加好食，提升左成個層次。👉🏻最後講返服務態度好好，讓人感受到賓至如歸的感覺，平時來呢間打邊燈也不錯。

召集大食嘅朋友🔊🔊如果你自問食量大的話，就一定要嚟相馬挑戰🔔無限時火鍋放題多部曲🔔套餐，包你飽到不行不行😆🚩雞煲｜紅噹噹辣度超強，雞煲嘅辣油同雞件完美融合，識食一定要食最辣，食到流哂汗嘅感覺好爽💦🚩海鮮蒸鍋｜肥美鮮甜好滋味，聖子肉好飽滿，好想食多幾隻🥹🚩任食火鍋｜打邊爐食海鮮食返夠本，另外仲有美國特選牛肩胛同雞腿肉，自助區更有多款丸、腸、餃、菜、麵等火鍋料，想食咩就夾咩，任食火鍋真係大食仔嘅天堂😍大食嘅我今晚一次過食晒雞煲、海鮮蒸鍋同任食火鍋，真係飽到上心口，兩個字：滿足！🤩

去完西環打卡， 夜晚見唔使排隊又有啲肚餓就直接揀咗打邊爐， 唔使諗食啲乜超方便😂見到餐牌就直接揀咗 120分鐘火鍋放題。除左肉之外，仲有海鮮 🦐🦑🐟其他配料 🧆炸物等等好多款選擇，而飲品方面都有超多款選擇 。今次叫左豚骨湯底👅味道有濃厚豬骨味，濃郁湯底。🦐海蝦大大隻好新鮮爽甜，真係大推⚠️🌟D肉全部都好高質🤤肉味濃，好滑軟嫩，雪花紋理睇見都正。另外驚喜係豬肉 ！ 完全冇豬so 味👍🏻佢切得好薄，輕輕焯幾秒就食得，同湯底勁夾！食落唔會膩🤣 

🤭最近返一份新工，公司啲同事好好，我地收工後居然可以約埋一齊食飯，我跟大隊，大家都想打邊爐，我無所謂，🤭估唔到帶我來到一間任食既火鍋，呢度好多選擇，價錢都唔貴🤫👅甜鼓油 唔知係咪女仔特別鍾意食甜，😍佢地都特別對甜鼓油湯底有興趣，甜甜地又幾好食，鼓油都唔洗再加，已經夠入味 😍👅美國特選牛肩胛原來成班同事都有一個喜好😍就係勁鍾意食牛，幸好呢個放題有美國牛，料仲要係比較高質素，大家都話好好食👅雞腿肉食咁多牛肉，都要幫襯吓雞腿😍雞腿既份量好足，仲好有雞既味道，加堆湯式既湯包，味道上又加分 👅日式炸物都幾多野食，日式炸物炸得好香😍質感又夠香口，外層脆卜卜，勁好食👅菠羅、粟米 呢度既菠羅好好食😍好清甜又多汁，咬落去啲汁好易飛出嚟，粟米都係好清甜，粒粒都好有口感亦好香粟米味道

🎆甜鼓油湯底🎆老媽子一聲令下，帶晒成家人係度打邊爐，兄弟姐妹仲要帶埋自己既男女朋友嚟一齊食，平時老媽子一講，啲人都係一定要出現，阿媽係大晒，佢話呢個湯底好好食，所以點了甜鼓油🫶🏻🎆豚骨湯底🎆呢個豚骨湯原來都好正，豚骨既味道好濃郁🫶🏻🎆海鮮類🎆發現呢度真係好抵食，海鮮都有好多種，仲要勁大盤，份量好足料，海鮮之中青口、廣島蠔，大蝦都特別好食，肉質好鮮甜🫶🏻🎆雞腿肉🎆雞腿肉既色澤好靚，好新鮮唔係雪藏既，滾煮之後雞肉係好鬆軟，雞既味好突出，好新鮮🫶🏻🎆串燒類🎆另外點都要食下串燒，燒得好香而且係即叫即燒，燒到份份都係金黃色，仲有好香既燒烤風味🫶🏻整體上，食物夠多，質素屬於高上，夠新鮮，放心可以下次再食👍🏼

同friend長期揀唔到食咩嘅時候🤔我地選擇咗打邊爐任食。放題呢類型就最啱我地邊食邊吹💦今次嚟咗呢一間火鍋店 💁🏻‍♀️相馬日式火鍋 （西環）之前都同朋友已經去過其他分店，今次過咗海都要揀翻佢黎食。餐廳裝修雅致，坐位寬敞。今次我揀咗另一款湯底，佢有6款免費鍋底 選一款，我揀咗蕃茄湯底🍅，超多蕃茄粒係鍋入面，勁香甜，一啲都唔酸，岩晒鏡鐘意食蕃茄既我。我朋友有對豚肉既執著，所以我哋加咗$30食日本鹿兒島黑豚肉，🥢黑豚肉口感柔軟有彈性，豚肉味好出，滋味甘甜鮮美。我哋仲叫咗5 款炸物小食（任添），抵讚炸物香口，難得唔油膩。正，超脆卜卜😋 

前2日同朋友去完西環影相，夜晚就搵咗呢間相馬放題火鍋店打邊爐🍲因為見佢一至日都一樣有同一個價錢任食🥰抵！環境簡單得黎夠光同企理😎超鍾意食雞翼嘅我，第一時間叫咗一份即叫即炸嘅雞翼😍勁脆勁香口😆黎咗7隻我差唔多自己一個食哂大半碟🤤最正係即叫即炸之後我仲order 咗菠蘿同粟米小食，整得幼好食，菠蘿🍍一咬就好鮮甜又有汁，唔會好乾爭爭🤭 打邊爐當然唔少得湯底，今次揀咗豚骨湯底，勁香，再配上任叫既牛，真係好入味😍I like it so much ❣️

上星期同朋友去咗西環打卡，影完相都就快天黑，順便睇吓西環有咩好嘢食🤤‪！最後喺OpenRice發現相馬日式火鍋店，佢就係我哋最後嘅美味晚餐！‬今次想分享嘅呢個套餐就係💞相馬火鍋放題多部曲！我覺得都幾豐富嘅一個套餐💖因為好多唔同嘅食法！我哋會食咗個茶碗蒸先，跟住就開始食個惹味雞煲 ，雞煲有得自己揀辣度，非常之弱雞嘅我哋就叫咗小辣🤣但都幾滋味！然後就都非常之吸引嘅花膠雞湯，湯底真係好濃郁，仲有大大塊花膠添！跟住就到好香蒜蓉味嘅蒸海鮮，仲會加咗我好鍾意食嘅粉絲，掂哂！仲有得任食自助火鍋，我最推介係食牛肩胛、優質豚肉同埋雞腿肉！呢啲咁高質嘅肉類都係任食！跟住仲會有其他任食海鮮🦞成個套餐真係好豐富！呢度都有好多唔同嘅串燒、炸物，我覺得佢哋嘅串燒都幾Juicy同燒得好均勻！食到飽飽哋仲可以拎返條雪條同埋飲品爽一爽💯呢個真係一個非常之圓滿嘅套餐啊💞

成日都見到佢廣告，無限時，任飲任食，於是我就決定星期四到此一遊，我地二人七點入座，客人唔算多，開始嘅時候，職員都好好 ，會講解，如何享用雞煲，蒸海鮮。。之後惡夢開始，想要服務真係好困難，每次要加湯既時候，揮揮手，起碼要5至6次，先至會有反應，話說只要like佢地page,就可以升級任食牛肩胛，第1碟的確係靚肉，到第二碟牛，d肉肥到不得了，已經唔想再叫。意想不到，海鮮反而有驚喜，蠔，蝦，貝殼類，帶子，質素都唔錯。到開始叫串燒，真係嘩一聲，到底係燒物，定炸物，多油到嚇死人，好虐待自己🤮，就連最簡單嘅燒菠蘿，乾柴。食到21:00就話last order, 21:30比張單我埋，我問職員，乜唔係無限時架咩，職員回覆，要視乎每日情況，埋左單後，可以繼續坐，我即刻無言🤐。另外洗手間對每一間餐廳很重要，特別係做放題，我估唔到西環分店外表好靚，廁所竟然恐怖到一個點，臭，廁所鎖壞(要好有技巧地開關)。如果想慢慢嘆放題，一定唔會係佢。

✨晚餐小記錄✨前幾日就去咗呢一間相馬日式火鍋店食嘢！價錢合理，環境都廣闊舒適，重點係食物選擇非常多💯店員推介我哋可以試吓呢個❤️‍🔥相馬火鍋放題多部曲❤️‍🔥，聽完佢介紹我哋都覺得非常之吸引🥰首先，我哋要大讚佢哋個任食惹味雞煲🐔，啲雞好多肉，加上辣味無窮，食到我哋好滋味！然後，最鍾意飲湯嘅我就一定要飲埋個滋補花膠雞湯，女仔要養顏一流😘之後，蒸海鮮就梗係要加埋我最鍾意嘅蒜蓉粉絲，粉絲仲可以吸收埋海鮮嘅鮮甜味！而家先開始大吃特吃，當然就係任食自助火鍋！佢哋嘅肉類係無限供應，我自己就好鍾意食佢哋雞腿肉，同頭先雞煲一樣咁正！仲有頭先嘅蒸粉絲嘅海鮮當然未夠我食啦！所以仲有勁多任食海鮮俾你選擇！最後，佢哋仲好多熟食，無論係串燒定炸物都有得俾你慢慢食！

系西環碼頭附近打卡影相📸，經過呢間餐廳發現價錢都好實惠，真系迫不及待order 左黎食！今次呢個晚市120分中放題有六款免費鍋底自選， 我選既湯底系泡菜湯底，有好多泡菜，所以味道上有少少辣，幾刺激。然後就系一個番茄湯，飲落去個湯都幾鮮甜。💞任食自助火鍋吧，肉類無限供應，美國特選牛肩胛，優質豚肉及雞腿肉，應有盡有，用料新鮮，值得一贊！牛肉肥美又厚身，食出滿口牛肉香。😊雞腿肉口感軟嫩柔滑、肉汁豐富！ 海鮮都唔錯架，雖然系任食但系質素都有保障，廣島蠔好多肉好creamy 多汁，全部野同個湯底都非常夾！成個套餐好多野食，還有蘑菇、腸仔、肉丸同埋即叫即做雞翼炸物等等。真系食到好飽。如果大家經過附近，我地都非常推薦大家黎試下！😊 

同屋企人今次嚟到相馬試一試佢哋任食火鍋放題😽嗯～果然冇令我失望😻講翻呢到既火鍋先！原來係放題多部曲嚟㗎🙀意思係佢會按順序咁上啲野食～～首先食嘅係日式茶碗蒸，好少打邊爐會有茶碗蒸食😼唔錯唔錯👍跟住就係有得揀辣度嘅雞煲啦😽雞嘅肉質好嫩滑，我哋嗌咗中辣超正超香好入味😻😻食咗雞煲之後就係食佢嘅蒸海鮮啦，海鮮類別有蟶子，帆立貝，花甲，沙白，藍青口，蝦，魚等等😺全部都極新鮮好清甜，用蒜蓉清蒸真係冇得頂✌️估唔到仲有花膠雞湯飲添😽雞湯好濃唔似用雞精煲出嚟。最後就係重頭戲火鍋啦😼火鍋任食肉有進口牛，豚肉，同雞髀肉，全部肉嘅質素都唔錯👍仲有啲自助蔬菜我最鍾意食啲瓜瓜菜菜，呢度啲蔬菜好新鮮我仲食咗好多😽小食方面，仲有炸物，雞翼，串燒等等。另外雪糕同嘢飲同其他火鍋放題一樣都係任食款式都好多😻😸大力推薦～～～