相馬日式火鍋 (Closed)

我地今日食既係大閘蟹海鮮火鍋放題，大閘蟹係任食嘅，火鍋都係任食，仲有任食嘅串燒日式炸物，即蒸點心，甜品雪糕，冇酒精飲品，另外亦都有一次性嘅極品海鮮蒸氣鍋，超級豐富🤑大閘蟹超正！爆膏，黃油膏，蟹肉鮮甜肥美，大大隻，熱辣辣咁食，口感細膩🤤火鍋配料都無得彈，火鍋配料選擇多多蔬菜估唔到會有西蘭花打邊爐原來又幾好食，丸嘅種類亦都幾多，有芝士丸，年糕丸，墨魚丸，魚蛋依啲，肉方面亦都係幾靚嘅肉，就好似有美國特選牛肩胛，牛肉肉質好好，又嫩又腍，牛味好重，打邊爐一流🤓串燒炸物更係不可不試！串燒同埋日式炸物嘅款式都好多，而且全部都係即叫即整，唔會上台個陣已經凍佐，燒蔥段豚肉卷同埋金菇肥牛卷都好好味，蔥同埋豚肉味道好夾，好香，金菇同肥牛亦都有啲燒汁味，好惹味，另外蝦多士燒粟米呢啲都好香口😋

任食最緊要係款式多時間足。相馬呢度有成三個鐘頭，時間充裕可以慢慢拆下大閘蟹，唔使淨係食膏唔食肉咁大嘥鬼。（食力驚人嘅朋友仔仲可以考慮佢哋晚市無限時♾️️ 五點食到十一點🤭）一嚟到先整返 round 無限任食嘅大閘蟹，上菜速度勁快仲要係我鍾意嘅蟹公😜 隻隻都好多白色的精華，不得了佢哋仲有支紫蘇梅酒，淡淡粉紅色，梅子嘅香甜加上紫蘇嘅清新，甜而不膩酸度平衡夠曬清爽🍶同大閘蟹超夾，值得一試又有蒸海鮮，有琵琶蝦，扇貝，魚，鮑魚，貴妃蚌同沙白，大量嘅蒜蓉🧄令到啲海鮮同埋墊底嘅粉絲都超級惹味自助落單有串串同燒物仲有港式點心，花多眼亂👀心思思乜都想試下，平時啲放題成日一份勁彈性唔知係多定少一時一樣勁飄忽，所以好欣賞佢哋係用粒嚟做單位，容易控制到個份量又可以乜款都試吓一人一鍋嘅打邊爐勁正，無限任食肉肉，牛肩胛唔太肥幾正。而另一個驚喜位係佢哋個黑豚肉勁有豬味🐽 唔係一般低質無味死gugu 唔知食緊乜嗰啲豬肉最後仲有雪糕雪條🍦食到好飽，一次過滿足幾個願望🥰 環境光猛寬敞，食物豐富，係食得好開心的一餐

約咗朋友嚟食飯，佢哋話想食海鮮蒸鍋又想打邊爐，咁黎相馬食火鍋放題就啱啦，我哋嚟到西營盤嘅呢一間，呢間面積都好大，座位係梳化坐坐得好舒服，我哋平日嘅夜晚你黎都唔算好多人，環境都好舒服。美食😋😋😋😋😋環境😍😍😍😍😍服務🥰🥰🥰🥰🥰先先食大閘蟹，而家一隻大閘蟹都唔平，呢度仲要任食，真係食幾隻都已經抵番，我哋都唔輸蝕，每人起碼食咗四五隻😂🤣。大閘蟹蟹膏超多又鮮甜，如果唔係要留肚食其他嘢，一定會再食多啲！之後黎個海鮮蒸鍋，蒸鍋入邊放滿海鮮，我哋係四個人食蒸鍋，所以會有一隻龍蝦。（如果兩個人嘅就係比琵琶蝦）龍蝦啖啖肉，但也有鮮甜。除咗龍蝦之外，鮑魚都好好味，大大隻好有咬口，越食越出味。灰蜆都算大隻，冇沙又清甜。蟹棒啖啖肉，先前嘅蟹肉味配上蒜蓉一齊蒸有另一種香味。佢個粉絲底先最正吸晒所有人海鮮和蒜蓉嘅精華。最後就喺度任食火鍋環節啦！火鍋材料有好多，豚肉，雞肉，牛肉呢啲基本嘢絕對唔少得。對於一定要食菜嘅我哋嚟講真係一個福音，蔬菜嘅種類亦都好多，西蘭花，南瓜，生菜，通菜，羽衣甘藍，冬菇，金菇等等，不論係海鮮，鮮肉和蔬菜都吸收到。

11月7號有朋友生日，睇到廣告任食大閘蟹，影到啲大閘蟹又大隻又多膏，所以就選擇咗呢間食店食大閘蟹，啲大閘蟹嚟到枱面隻隻都細隻到無倫，蟹膏唔使講梗係好少啦，我哋食隻隻大閘蟹最多四兩重，蟹膏蟹肉基本上都冇乜肉食，啲雞肉同其他啲食品都算OK嘅，冇什麼驚喜，雪糕種類又少又唔好食，都唔知係乜嘢牌子嘅雪糕，仲有雪條食，汽水飲品都算多款選擇，講到服務就要講吓帶位嗰個阿姐的態度非常惡劣，問多兩句都覺得你好煩，今時今日咁嘅服務態度都係算衰㗎啦，終於明白到點解而家咁多人北上搵食。

👨🏻‍🦰爸爸生日🧁，一家人同佢黎西營盤相馬食放題，呢度真係算係乜都有得食，🦀大閘蟹，🦞海鮮，🥩肉類，🥬菜類，🍡串燒，🥠炸物，各種小食甜品都有，總有一款啱口味。🦀最正嘅係大閘蟹任食，依家係當做期間點都要食多幾隻入邊充滿蟹膏，好味，爸爸都話超好味。😋🍲火鍋就非常多嘢食啦，有肉有菜有海鮮又有丸，種類非常豐富。🥬蔬菜係我最期待嘅，蔬菜係喺火鍋先食到，而且超級好味，又唔會好多油，新鮮到不得了！有粟米，生菜，南瓜，白菜，金菇，豆腐，粟米，炸豆卜，蘿蔔，而且係用胡椒花膠雞湯做湯底，清清地又暖胃，滋補養顏，聞到已經流晒口水啦！🥩仲有就係美國特選牛肩胛肉都唔可以放過，新鮮鮮甜甘香鬆化。😋🦞海鮮蒸鍋都唔輸蝕，雖然只係一次性冇得任食添加，但係入邊嘅海鮮都有好多種。帶子柔軟又鮮甜，蜆肉冇沙非常鮮甜，大頭蝦彈牙爽口，鮑魚啖啖肉。😋

《任食大閘蟹》🔜🔜第一次食相馬，成間都係做火鍋，入面好大，環境好好，出面仲有好多素食、丸子可以自取，排得整整齊齊，我拎了一些西蘭花，白蘿蔔和麵。🔜裝修上都好有日式風格，擇選了大閘蟹既火鍋餐，都係任食，好有次序咁送餐，第一會享受胡椒花膠雞湯，之後就開始食大閘蟹，大閘蟹多肉好好味，好有蟹既味道，再加小小醋咁食就好完美《海鮮蒸鍋》🔜🔜🔜一個放題既蒸鍋真係好誇張，變成一個好豐富既海鮮盛宴，上面仲加上好多蒜蓉，真係好食，蒸出來既海鮮係好好食，味道唔會流失《豚肉 》🔜豚肉一塊一塊咁好靚，睇到每一塊既紋路都好整齊，豚肉既色澤都較為淡些，但一定要滾熟先好食，肉質入口即溶，好食得無得彈 

係西環嘅相馬日式火鍋非常出名，今日等我介紹吓佢有咩咁吸引！我同幾個friend一齊去，只要夠四個人，餐廳就會送✌🏻開邊龍蝦🦞。認真幾抵！肉質好彈牙。龍蝦味仲好重！入口就知食材新鮮。❤️❤️❤️❤️❤️✌🏻灰蜆🐚，蜆肉好大隻，口感好爽，仲有淡淡嘅海水味。鮮味無比！😋😋😋😋😋✌🏻鮑魚🦪，任食嘅關係，所以叫咗好多隻🤣。蒸完之後肉質仲係勁腍，完全唔會靭。一個字，正！😍😍😍😍😍✌🏻美國進口牛肉🐮，有勁香嘅牛肉味🥩，脂肪同牛肉🥩比例分明。所以口感特別豐富。絕對係完勝普通嘅肥牛！😋😋😋😋😋✌🏻豚肉🐷，厚度啱啱好，唔會太薄或者太厚。而且豚肉片🐷同湯底🍲嘅味道好夾。令到豬肉嘅味道更加濃厚。🤤🤤🤤🤤🤤✌🏻粟米🌽，清甜可口，打邊爐一定唔少得！😍😍😍😍😍✌🏻 芝士腸🧀，煮熟之後嘅芝士腸完全有爆漿嘅感覺！最岩熱辣辣食。🤤🤤🤤🤤🤤✌🏻大閘蟹🦀，一上枱，已經見到黃色嘅蟹膏🦀流緊出嚟😍。打開真係不得了。蟹膏鋪滿係蟹肉上面。濃郁美味。真係冇得輸！👍🏻👍🏻👍🏻👍🏻👍🏻

1️⃣串燒，炸物串燒與炸物都是可以任叫🫶🏻串燒有豬肉,牛肉,雞肉串燒還有蔬菜類別嘅串燒🙌🏻個人幾鐘意翠肉瓜串燒💚2️⃣點心有哂平時係酒樓最想會食到嘅點心🧆包括了蝦餃,叉燒包,奶皇包,燒賣等🤭最重要係熱辣辣唔係涷冰冰❤️3️⃣打邊爐就唔介紹哂打邊爐所有食物了🤪講印象比較深刻的🤍牛肉有兩款叫咗美國進口牛肉相對比較肥但可以接受🫶🏻海鮮整體都ok沒有伏😙4️⃣一次性蒸海鮮蒜蓉相對比較多就有少少搶過咗海鮮鮮味🫢但都係Okk嘅,海鮮每一款都彈牙同埋大大份😻5️⃣大閘蟹本身個人比較寒少少所以就冇食太多了🤞🏻但我食嘅質素都係幾好🫶🏻

平時仼飲仼食通常都得2個鐘，每次都食到好似打仗咁😤不過西環相馬竟然可以無限時仼食，仲有大閘蟹，萬中無一啊🗯️打頭陣係充滿骨膠原嘅胡椒花膠雞湯，跟任就有♦️極上蒸海鮮♦️單次供應嘅海鮮鍋質素上乘，粉絲底+生熟蒜係我海鮮嘅好拍檔🤝🏼新鮮彈牙嘅口感，食到咗正嘅海鮮鍋真係好幸福💗打邊爐一定要有啲牛肉都有兩種，雞肉則選用雞髀位，滑啲好食啲💗甜品有♦️Milktop 雪糕♦️同♦️韓國雪條♦️，食完涼浸浸好舒服

西環依家多咗好多好嘢食🫦，其中一間一定係呢間🥇相馬日式火鍋放題🥇，佢除咗西環店，仲有幾間分店㗎，可以話係🏵️信心保證之選🏵️。呢期興食大閘蟹呀，秋天🍁到啦嘛，唔食大閘蟹就蝕抵啦。放題仲有🎉大閘蟹任食🎉，比你食到夠，不過我哋好節制唔敢食太多，而且要留肚食埋其他野嘛😽。🎊蒸火鍋🎊可以作為一個間場，啲海鮮鋪滿個蒸架，樣樣野都大大隻，仲有琵琶蝦添，啲蝦好鮮甜。食完一輪海鮮就拎咗啲蔬菜，食下啲菜休息下再食其他野，火鍋我哋點咗啲雞肉同豚肉片，啲肉無咩雪未，幾好👍🏻👍🏻。見到隔離枱點咗單骨雞翼，個樣好吸引💖，我哋都唔執輸都食完返隻🤓真係💓超滿腹勁滿足💓呀

平時我都系睇人地既食評多，自己很少真系寫出來，但係今次真係要上嚟讚下呢間！呢個任食大閘蟹海鮮火鍋放題同埋食物真系好抵食！要重點介紹呢個【任食大閘蟹】非常creamy,而且好乾淨，完全沒有沙。蟹肉雪白，蟹黃鮮豔甘香。【優質豚肉】咬落去爽爽脆脆，浸落湯入面滋滋味味。肉質紅白相間、肥瘦適中。輕灼10秒熟度啱啱好，肉味香但唔過重。【蒸鍋食開邊琵琶蝦】蝦肉鮮紅，咬落爽脆。【日式串燒炸物】吉列蝦，春捲都系不錯既選擇。【單骨雞翼】口感軟嫩柔滑、肉汁豐富！【胡椒花膠雞湯】滋補養顏之選。【海鮮蒸鍋+火鍋】好多生猛海鮮，一次過滿足你的願望。【新鮮蔬菜】有番茄，紅蘿蔔，節瓜，西蘭花，粟米仔。我地都食得好飽，一致覺得呢間野可以再來食！

由於太鍾意食大閘蟹，所以一見到有大閘蟹放題就會沖去食，不過好多都係失望收場😿經過幾次失望後，終於發現到呢間有大閘蟹同火鍋食嘅放題店，質素仲要超晒班👍🏼我嘅目標好明確，就係⚡️大閘蟹⚡️每隻蟹拎到上枱嘅時候都仲係熱辣辣，睇嚟廚房長時間都keep住蒸蟹，保持到大閘蟹嘅新鮮度🔥大閘蟹嘅質素可以媲美一啲專食大閘蟹嘅海鮮酒家，全部都肥美多油🔥蟹肉雖然唔係主角，但都一樣咁甜美😻不得不讚嘅係，呢度嘅大閘蟹出色之外，其他放題嘅食物都非常之唔錯😽印象深刻有呢個一次性極上蒸海鮮，竟然有新鮮開邊龍蝦，真係完全估唔到🙀抵食🔥

成日行過都見到好多人入去，好想試好耐，咁啱朋友🕺🕺話想食火鍋，即刻把握機會去試吓😍。原來呢間火鍋店唔止火鍋選擇，仲有蒸海鮮，日式🇯🇵放題，蒸點心，同大閘蟹任食添😻。我哋先食左大閘蟹，都幾大隻，入面都多膏👍🏻。食咗幾隻蟹之後，蒸海鮮就到，一打開個蓋，幾香蒜味👻，不過食完個口就😏😏貪得意👽都叫咗個叉電燒包試面吓，又唔錯喎🫶🏼。單骨雞翼同串燒我哋全部咩都叫咗啲啲試下，全部都好正，尤其雞翼，勁多唔同味，同埋單骨令到啲肉好入味👏🏻👏🏻。最後梗係要食埋甜品先走人😽，有韓國雪條同milktop 雪糕揀😻。

以下就係我哋揀咗嘅食物想推介俾大家！----《任食大閘蟹海鮮火鍋放題》*****胡椒花膠雞湯****大閘蟹****海鮮蒸鍋****火鍋******✔️蒸鍋食開邊琵琶蝦～好足料，甘香甜美，滋味獨特。✔️任食大閘蟹～呢個超正！全部都系高質！蟹肉鮮嫩多汁，蟹黃濃鬱香滑，每一口都充滿了海鮮的鮮美味道。✔️一次性極上蒸海鮮～其中包括墨魚丸、日本帶子、螺、小蟶子、蟹棒等。這些海鮮蒸煮得恰到好處，保留了原汁原味，口感鮮嫩。。✔️美國特選牛肩胛～呢個一啲都唔欺場，味道一流！和牛脂肪分佈平均，肉與油香營造絕妙的平衡，輕烤後油分立刻滲出，令牛肉更甘香軟滑📣✔️即叫即蒸點心～流心奶黃包，外皮入面少少金黃色，唔會油淋淋，入面奶黃好香，掂呀！所有野食任叫真系好飽，又發現左一間高質餐廳，得閒可以再來。

平時大多數都係食日式放題為主🙌🏻比較少會食打邊爐🍲大閘蟹放題🤭以為咁多食物質素會麻麻地點知整體質素又幾好喎!!打邊爐🍲就係最常見的有雞肉🐣牛肉🐄豬肉🐷牛肉同豬肉都好淋而且唔係好肥😚雞肉就冇食到了~其他食物都係正正常常😉值得一提係有海鮮叫而且都係任食😆單骨雞翼🐥有幾款口味可以選擇🤞🏻我地一次過叫哂咁多隻味💫雞翼都冇雪味而且外皮都整得好脆~點心有6款左右點心選擇✨食咗奶皇包燒賣叉燒包💦三款食物都係好熱的🔥奶皇包仲要係會流心的💛一次性蒸海鮮🦞竟然仲有龍蝦可以食仲要肉質係彈牙唔係老哂個隻💓加埋表面嘅蒜調味真係好正🎈