走過十萬八千里找到你

Open Now

Now Closed

南瓜忌廉湯配蒜蓉多士：這碗南瓜忌廉湯配蒜蓉多士絕對是一道令人垂涎的前菜。湯的質地濃稠而順滑，充滿了南瓜的濃郁口感，並帶有微妙的甜味。蒜蓉多士既蒜香和酥脆的口感，與湯的柔滑相互襯托，給整道菜帶來了層次感。蕃茄龍蝦汁香烤海蝦扁意粉：海蝦烤得剛剛好，外皮微焦酥脆，內裡鮮嫩多汁。蕃茄龍蝦汁賦予了整道菜豐富的海鮮味道，而且與意粉的麵條完美結合，每一口都帶著濃郁的滋味。這道菜不僅色香味俱佳，而且份量十足，能讓你大快朵頤。三文魚籽龍蝦汁意大利飯：這道菜以三文魚籽和龍蝦汁為特色，將意大利飯的美味發揮到極致。三文魚籽的鮮美和龍蝦汁的濃郁相得益彰，為整道菜增添了豐富的海鮮風味。意大利飯煮得剛好，質地軟嫩，每一粒飯都吸收了龍蝦汁的鮮味，令人回味無窮。這道菜的味道和口感非常平衡，讓人一口接一口。

早已聽聞呢間餐廳有好多乾花打卡好靚，今次揀咗食dinner，雖然冇日光時段咁靚，但係呢度嘅環境暗暗地幾有氣氛.晚市點主食加HKD55可以轉set，有餐湯、蒜蓉包同HKD60以下嘅自選飲品，我哋就點咗兩個dinner set .✨北海道帆立貝海膽醬扁意粉海膽味道好濃郁，令每條意粉都好鮮甜，意粉質感爽口❤️✨三文魚子龍蝦汁意大利飯龍蝦汁甜味道非常濃郁，加埋三文魚子令味道更鮮更有層次，意大利飯軟硬度適中.📍 走過十萬八千里找到你 (旺角)旺角彌敦道575號Ladder Dundas 10樓

上IG睇人打卡就多，今次終於忍唔住拉咗朋友仔嚟食喇哈哈🤪Lunch時間上到去都唔少人幫襯，同埋天花板放左好多唔同顏色嘅乾花上，好靚😚女仔嚟到一定鍾意我哋嗌咗兩個lunch set ，首先會比蒜蓉包同埋兩個餐湯，個餐湯好特別用過貓貓杯載住，未飲已經加分，蒜蓉包烤果夠香脆，幾開胃原條鰻魚意大利飯鰻魚厚肉，肉質都幾嫩滑又唔會有啲細骨，意大利飯係用鰻魚汁煮食，好香好有咬口，飯粒唔會過硬啱啱好酥炸軟殼蟹黑松露扁意粉 軟殼蟹外脆內軟，炸得唔會油膩，而我鍾意佢嘅貶意粉每一條都充滿着香濃嘅忌廉醬汁，仲有淡淡嘅黑松露味，好快俾我食晒了Affoqato 呢個十分之另外有驚喜嘅咖啡😚將一杯特濃嘅意大利咖啡倒入去雲呢拿雪糕入邊，然之後慢慢攪勻佢，雪糕嘅甜味亦都會慢慢滲出咖啡嘅苦，味道意外地非常夾，但兩樣都唔會搶咗大家嘅味道，非常之出色

油麻地出口原彌敦道步行數分鐘，看到小小的入口乘座升降機到達10樓，一出電梯就是餐廳，餐廳範圍少少，但滿有文青月亮相伴，難得能夠選到角落的位置，可舒適寧靜地傾談聚會。食物以西餐為主，酥炸軟殼蟹黑松露扁意粉，軟殼蟹鬆脆可口，但黑松露味並不突出，扁意粉軟硬適中，整體不會太膩。安格斯牛板鍵，厚薄適中，入口軟腍腍，同樣醬汁略嫌較淡，可在進一步提升口感。小食拼盤有切各款小食，每款小吃一兩件，再配上不同的飲品，傾談小聚的首選。飲品的款式比較特別，是打卡吹水必選。整體而言，餐廳氣氛舒適，選播的歌曲也令人感到悅耳舒服，行咗兩三小時，傾偈吹水，是不錯的選擇。

欣賞貴店命名及乾花設計。可是………店員態度不算差，但卻一點也不好，樓面妹妹的西面十分影響對此店第一印象。開放式廚房觀感差（望落又亂又污糟），與店面裝修格格不入。一邊食就一邊聽住廚房員工傾計、播放非休閑歌曲，無法放鬆中情享受。食物質素差，完全影響平安夜心情，好後悔帶左老婆想食。跟餐既不名湯，飲落似烚菜水，菜同水味可以分開，問返員工知道係「椰菜花湯」。直頭成碗唔要比返佢。Rose latte，可以飲，飲曬，一般窩夫，超市買返屋企自己整既水平，罐頭紅豆，甜品愛好者既我完全唔想食。各位食既朋友，請三思。

這家餐廳是我還沒有做foodie前就來過打卡的，餐點的擺盤精緻，味道亦不錯，是我印象中還滿喜歡而且一直想回訪的餐廳之一🫶🏻這次隔了幾年再來到訪，還是有保持一定的水準，月球和干花亦在😂枱上還有一個小型香薰蠟燭，除了有照亮的作用，還散發著淡淡香味，令整個氛圍更有情調🥂..𐐂 套餐 𐐚(主菜加$55可跟餐，包括是日餐湯、多士和$60以下的飲品)。餐點。/前菜/❥ 餐湯 (南瓜湯)+多士有南瓜的清甜，感覺亦有加薯仔，有薯仔蓉的口感多士表面搽了蒜蓉，很香而且烘得夠脆口/主菜/❥ 法式蟹肉蝦膏汁扁意粉 $148蟹肉有不少，而且並不是一絲絲蟹肉碎，而是實實在在的條狀，肉質鮮甜美味意粉的熟硬度也剛好，口感彈牙，掛汁，夠creamy，啖啖都散發著蝦膏的鮮味，好有滿足感😋❥ 三文魚籽龍蝦汁意大利飯 $178其實除了三文魚籽，還有青口、蝦和蟹柳～risotto粒粒分明，三文魚籽除了增添口感之外，在口中爆開所帶來的魚油鮮香更加分，如果份量再多點就更加正了🤭。飲料。❥ 玫瑰拿鐵奶泡打得綿密細滑，咖啡香濃微甜，帶有淡淡的玫瑰香，我喜歡💕❥ 白桃梳打 (少冰)微甜，梳打的氣泡足，清甜爽口，友人覺得好喝....(人｡

之前見到呢間cafe個名咁特別，又有明太子菜式，bookmark咗要去試吓～ 環境唔大，但都幾有特色同打卡able，天花有好多乾花裝飾，牆身又有壁畫！Menu有意粉、意大利飯、主菜、二人餐等，仲有好多飲品選擇～✨明太子岩燒蟹棒貓耳朵 $148衝著明太子叫😂 不過明太子唔算好多呀，味道唔太出，反而蟹肉味道出啲！有兩條輕輕燒過嘅蟹棒、蟹肉、八爪魚仔、三文魚子～ 整體幾鮮味！如果明太子醬再多啲就好啦😂 貓耳朵平時比較少見，值得試吓～ 口感非常有嚼勁，煙韌可口！煙韌控必食！✨日本廣島蠔肉意大利飯 $158平時好鍾意食蠔，所以呢道菜都係見到就想食～有5隻廣島蠔，size唔太大都唔太細，蠔肉鮮甜濃味🤤 意大利飯都唔錯，米粒口感煙韌，加咗洋蔥同瓜粒～整體調味適中，唔會太鹹太淡～🔸加$55跟餐，包是日餐湯、餐包、$60以下飲品餐湯係椰菜花湯，幾特別，幾純粹嘅味道～餐包係蒜蓉包，好香脆，好香蒜蓉味！✨紅寶石巧克力草莓鮮奶原價$68，跟餐補差額～ 呢杯好打卡又好飲！草莓牛奶上面鋪咗玫瑰花瓣，食到草莓肉，奶味又香濃，好飲！✨熱鮮奶抹茶聖誕樹拉花好靚😍 亦都有玫瑰花瓣，好靚好打卡！抹茶味回甘，好溫暖順喉～

食物可以，但這個收費略嫌份量太少，女士也不夠飽，員工態度散漫，坐著看手機，我兩個人，本想要求要清水，但只給我一杯，星期五食飯時間一點半左右，只有一枱客人，其後也只是多了兩枱。

好耐之前係網上見到好多靚靚打咭相，今次專登Book 左枱，整間餐廳牆身佈滿插畫，天花板遍佈花海，啱哂打卡餐牌有意粉、意大利飯和主菜選擇，價錢由$138至$268不等。任何食品+$55可跟餐，有餐湯、多士和$60以下飲品餐湯+多士 | $55餐湯係南瓜忌廉湯，好香南瓜味，打得好滑，甜度適中，面頭加上少少忌廉。還有外脆內軟蒜蓉包，每人兩片原條鰻魚意大利飯 | $178鰻魚煮得好腍身，唔會太硬，蒲燒鰻魚汁令成條鰻魚好惹味。飯底有翠玉瓜、少量沙律菜和大量木魚碎。意大利飯唔會煮到太濕，口感煙韌酥炸軟殼蟹黑松露扁意粉 | $148原隻軟殼蟹上，酥脆香口，意粉掛滿黑松露忌廉嘅香氣，夾埋菇菇一齊食，非常惹味飲品鮮奶抺茶Matcha玫瑰抺茶Rose Matcha咖啡拉花用心別緻，咖啡鮮奶味道濃厚甘甜，覆蓋咖啡苦澀味

呢間Cafe好有心思營造出花園嘅感覺🌸度假咁chill住食嘢傾偈 非常享受🎖️👍🏻==============================𝐅𝐨𝐨𝐝 𝐋𝐢𝐬𝐭📌🍞餐湯+多士 兩個set dinner 都會跟咗甘筍湯同埋炸脆咗個蒜蓉包😍好濃嘅甘筍味 好暖胃🥳🍝北海道帆立貝海膽醬扁意粉 非常有咬口嘅意粉配上濃濃嘅海膽汁 拍得住出邊專食意粉餐廳水準👍🏻🍛三文魚子籽龍蝦汁意大利飯 比較硬身嘅risotto 坦白講我係硬身飯嘅fans 我覺得好有咬口好好食😍☕️黑芝麻 分別叫咗熱同凍 個人覺得熱飲芝麻味比較突出❤️

今次我地去左旺角油麻地之間既一間cafe食飯，餐廳個名好特別，長得黎又易記，因為個名夠型就黎左食😂餐廳環境燈光偏暗，坐位正常，店員態度殷勤，我自己感覺唔錯，呢度叫食物（+$55）就可以跟餐，包括有餐湯，蒜蓉包，同一杯$60以下既飲品，計落幾抵😁三文魚籽龍蝦汁意大利飯（$178）個意大利飯有蟹柳，青口，蝦，當然有最重要既三文魚籽，賣相都整得好精緻，飯唔會太硬身👍🏻和風醬燒牛肉扁意粉（$158）呢個意粉我覺得有d驚喜，估唔到用日式牛肉整意粉都幾夾，牛肉用料係靚既，呢個西日合迫風味夠創新又好味😛熱鮮奶抹茶（$56）黎Cafe真係要飲杯野，呢杯latte有好濃抹茶味，亦唔會太甜🍵紅寶石巧克力草莓鮮奶（$68）呢杯飲品係限量供應，整出黎個樣好靚好吸引，入面有啖啖士多啤梨果間，味道就似乳酪味，限量供應果然冇令人失望🥰呢間餐廳最令人印象深刻除左個名就係飲品，整得又靚又好飲，黎呢度食飯一定要叫埋飲品😉

用餐日期： 2023年12月 晚餐《$668 晚市二人套餐》餐廳係商廈入面既樓上cafe，地方唔大，燈光較為昏暗，但四周睇得出花左好多心機裝飾，算是頗有情調同溫馨既小店。《是日餐湯及多士》 ⭐️⭐️店員冇講今日餐湯係咩野，但飲落偏酸，應該是蕃茄/ 蘿蔔湯，酸度可以接受，飲落幾開胃，配以4塊微微烘過既蒜蓉包，作為整餐飯的開始，可惜蒜蓉包上菜時已經微涼，如果熱點會更好。《煙燻鴨胸肉沙律》⭐️⭐️沙律菜用醋調味，食落唔會太重草青味，份量剛好，唔會食完沙律飽左一半，再加上幾塊鴨胸肉，不過不失。《封煎鵝肝多士配三文魚籽》⭐️鵝肝品質唔算出色，外表沒有煎至焦脆，做唔到入口即溶。鵝肝本來油腻感就重，配咸鮮既三文魚籽沒有中和到腻感，反而令到件事更加累贅。《明太子岩燒蟹棒貓耳朵》⭐️貓耳朵口感偏硬，朋友什至形容為:好似未熟咁🥲成個粉份量好少，唔講都未必知道係明太子醬，不太合格。《香煎盲鰽魚柳配牛油香草汁》⭐️⭐️⭐️呢個反而高分D，盲鰽肉嫩香滑，魚皮煎得焦脆，不過魚皮部分就有少少乾，店家配左他他醬，個人覺得唔點醬都可以。伴碟有烤焦左既蕃茄仔同乾哂水既盧荀，薯蓉就不過不失，香滑冇顆粒，似用薯蓉粉開出黎既感覺。《法式焦糖燉蛋

Cafe怖滿左乾花 加埋月亮燈 走文青風溫和嘅燈光 坐得好舒服 好啱一班姊妹嚟聚餐😇今次二訪呢間Cafe 叫左兩個dinner set北海道帆立貝海膽醬扁意粉🍝 $178兩大隻帆立貝 鮮甜厚肉海膽醬非常入味 加埋紫菜碎同木魚絲 味道更有層次😉日式原條鰻魚意大利飯🍱 $178原條鰻魚肉質軟淋 醬汁香濃 非常滿足意大利飯都用心炮製 混入粒粒蔬果 口感豐富😆+$55 跟餐 餐湯(南瓜湯) 餐包(蒜蓉包) $60以下飲品呢度無論係餐具定擺設都充滿喵喵嘅蹤跡 十分可愛🐈特濃朱古力☕️鮮奶焙茶 🍵

今次被這間餐廳名字吸引了，決定上去試一試，一出𨋢就已經係佢哋的飯堂，位置很方便， 入到去週圍環境都是用乾花襯托，環境暗暗的很有情調，有梳化位，適合情侶，朋友，家人聚餐，枱嘅數量唔係太多，要去記得訂枱啦 😄餐湯加多士首先餐前有餐湯和多士， 多士係蒜蓉多士香脆，餐湯應該是南瓜蕃茄湯，好濃鬱配合埋多士一齊食很夾 😁北海道帆立貝海膽醬扁意粉帆立貝大大粒，淡淡肉好鮮甜，扁意粉煮得剛剛好， 軟硬適中磯燒魷魚筒墨魚汁意大利飯意大利飯粒粒飯都有墨汁包含住，魷魚桶都燒得好好，沒有過老，上碟嘅時候黑白分明， 魷魚桶好突出 😚桂圓紅棗茶 & 柚香菠蘿檸檬梳打桂圓紅棗茶好清甜，又暖又補身，好適合冬天嘅時候飲呀 🤗檸檬梳打配合柚子菠蘿，甜得嚟帶酸，味道好特別好開胃 ☺️

未試過有間餐廳伏到咁今次係frd帶我地去食第二次本身係網上面睇menu正常餐點係range from90到百幾點知去到最低一個面都要130幾我嗰frd話比佢上一個月來貴左50有多嗰陣仲要唔係夜晚or午餐時間去到已經兩點幾唔知發生咩事可以貴咁多又唔見餐點或者其他任何嘢有改善到好唔緊我地唸住可能好好食呢我地就坐地叫左卡邦尼同軟殼蟹意粉同埋抹茶紅豆窩夫卡邦尼意粉掛汁ok但食唔出有咩特別到要130軟殼蟹就煎到燶曬frd話未試過有人可以將軟殼蟹咁易加分嘅嘢整成咁窩夫食落去係ok嘅但係個底燶曬again唔值80蚊我求其去間30幾蚊嘅小店買都好食過佢幾倍但係前面嗰個130蚊嘅意粉太震撼我已經無咩感覺好咁都唔算最後仲要加一服務費其實如果佢唔係收成人均140我都只係認衰仔但係你既然收得呢個錢咁你d野食環境服務點都要對得起你嘅價錢好啦嘢食又普普通通staff嘅態度又不冷不熱講野細聲到聽唔到佢講咩臺又唔算好乾淨成間嘢又暗又熱又焗好心你收咁多錢都夠你冷氣費啦想要走高級路線就唔好淨係得嗰錢高級麻煩都至少有良心地upgrade下最基本嘅食物質素先已列入黑名單各位慎試