走過十萬八千里找到你

Open Now

Now Closed

地點位於油麻地地鐵站A1出口，好易搵。環境好有特色，有多幅靚靚打卡牆畫，而且天花佈滿乾花。中午去人少少，好適合做朋友聚腳地。北海道帆立貝海膽醬扁意粉 ➰ $178兩隻大大粒既帆立貝好有份量，好有口感。海膽醬味道偏淡淡，但意粉好彈牙，份量都大。適合同朋友一齊分享。美中不足既係意大利粉唔夠熱。〰️〰️〰️〰️〰️〰️〰️〰️〰️〰️〰️〰️〰️〰️〰️〰️日式原條鰻魚意大利飯 ➰ $178原條鰻魚好大條，手臂咁長！而且燒得好好味，好滑好嫩既魚質，意大利飯吸收哂燒汁，好多汁。同埋軟硬程度剛剛好。〰️〰️〰️〰️〰️〰️〰️〰️〰️〰️〰️〰️〰️〰️〰️〰️藍莓白茶 $60藍莓白茶好精緻，味道清清地，好適合慢慢嘆住飲。〰️〰️〰️〰️〰️〰️〰️〰️〰️〰️〰️〰️〰️〰️〰️〰️紅寶石巧克力 $68入面好多草莓果肉，仲有好多巧克力粒粒，好有層次，好好味！〰️〰️〰️〰️〰️〰️〰️〰️〰️〰️〰️〰️〰️〰️〰️〰️

走過十萬八千里找到你旺角出哂名多café，而今次去呢間氣氛好好，每台都會點起蠟燭 🕯️，環境舒服嘅餐廳，絕對啱哂情侶好友慶祝重要日子，而且食物同飲品都好高質素添☺️。酥炸軟殼蟹黑松露扁意粉（$148）軟殼蟹炸得好酥脆，蟹味好濃，黑松露意粉味道唔錯，唔會食到好滯。三文魚籽龍蝦汁意大利飯（$178）意大利飯有少少偏硬，不過都索滿龍蝦汁，幾香！另外仲有其他海鮮：青口、虎蝦、蟹肉等等，好鮮味！Flat White ($48)正正常常嘅Flat White🤣紅寶石巧克力草莓牛奶($68)草莓味道比較突出，一路飲嘅時真係食到士多啤梨果肉，酸酸甜甜，幾特別，值得一試！📍旺角彌敦道575號Ladder Dundas 10樓

[✨旺角走過十萬八千里找到你·隱世樓上打卡餐廳🌸]#走過十萬八千里找到你 #旺角🌸和風醬燒牛肉扁意粉 $158和風醬調配得幾好，牛肉有咬口得黎都好入味，份量仲要唔少！唔錯啊💯🤩🌸三文魚籽龍蝦汁意大利飯 $178龍蝦汁X意大利飯真係無得輸👍🏻每粒米都沾滿左龍蝦汁，真係食唔停口！配料亦都好豐富，除左大大粒嘅三文魚籽，仲有蟹肉、青口、烤海蝦等等，每樣都好好食🤤🌸主食加配餐湯多士+飲品 $55🌸餐湯🥣+蒜香多士是日餐湯係忌廉湯，口感濃郁，餐包蒜蓉多士焗得好香脆，勁好食👍🏻🍹草莓白茶大大壺就算係2個人都夠哂，飲落好清新，淡淡嘅草莓味配上茶香好特別！🍹鮮奶焙茶 焙茶濃度啱啱好，同鮮奶都好夾👍🏻————————♡♡♡♡♡♡————————✨總結餐廳內部裝飾有心思，天花牆身都佈滿了色彩繽紛嘅乾花芒草，牆身仲有好靚嘅彩繪壁畫，打卡一流！食物好精緻得黎亦好好食，🥰鐘意打卡嘅朋友真係唔可以錯過👍🏻📍走過十萬八千里找到你🏠旺角彌敦道575號Ladder Dundas 10樓#jmhkfoodie #hkfoodie #hkeat #hkeats #hkfood #hkig #hkgirl #food #hkf

行到攰想食午餐去咗旺角一間以亁花擺設的cafe, 感覺好像夢幻花園一樣, 一大片牆壁上仲有多副手繪畫, 好似藝術畫廊一樣，簡單又文青，好適合打卡。餐牌上有多款精品咖啡及其他手調飲品。食物方面都選擇多，有意粉，意大利飯，主菜，沙律及小食等。今日我的午餐揀選了北海道帆立貝海膽醬扁意粉 $178大大隻北海道帶子，仲有其他海鮮八爪魚，用牛油煎香，意粉配上海膽醬，鮮味濃郁，扁頭放上紫菜碎，東洋風味十足。玫瑰鮮奶咖啡 $56濃濃的咖啡味，滲透着玫瑰🌹清幽香味，再添上鮮奶，口感非常滑溜。一路播上流行曲，一份港式情懷。

前幾日經網友介紹下去左旺角一間cafe "走過十萬八千里找到你"，餐廳店名已經覺得好浪漫，再加埋花海設計，有好多打卡位，咁吸引更係要去睇睇啦！入到餐廳，天花、窗邊佈滿不同乾花擺設，以及牆壁上既畫及燈飾，設計浪漫，好啱擁有少女心既人去打卡！餐廳融合日、台、意、法菜式選擇，係一間多元化既cafe。餐牌內有安格斯牛板腱、豬肋骨、法式春雞、意大利飯、意大利粉、打卡Latte、精美甜點等，款式很不錯。日式原條鰻魚意大利飯 $178鰻魚醬汁香濃，肉質軟嫩，沒有魚骨，食起來很方便，意大利飯煮至剛剛熟，粒粒分明，有些咬口，完全吸收湯汁味道，好吃。法式蟹肉蝦膏汁扁意粉 $148意粉係扁身，不會煮到過淋，彈牙煙韌，蝦膏汁與意粉好夾，爽口既蟹肉、魷魚、蜆肉及蝦，把所有材料拌勻一齊食，口腔完全充滿海鮮的味道。Chocolate Latte $60首先食少少面層的白雪雪奶油，口感幼滑，拌勻後朱古力味香濃，甜度適中，飲落去好creamy。 Hojicha Latte $60Latte圖案好靚，最適合打卡！聞起來陣陣焙茶香，甘醇濃厚，不苦澀，奶香順滑，特色飲品。跟餐附送湯及麵包。餐湯是椰菜花湯，幼滑

好耐之前就聽講過呢一間餐廳 聽到佢哋餐廳名都幾特別🤣 聞名不如一試🤓 陣間餐廳嘅氣氛都唔錯 好適合同朋友一齊嚟食個lunch😋首先會配有蒜蓉包同埋餐湯 南瓜湯嘅味道都幾唔錯 同埋口感好濃郁 🎃 蒜蓉包亦都整得好香脆🧄.🐷 北海道帆立貝海膽醬扁意粉呢個意粉醬汁好濃 啖啖都掛到汁咁樣🫢🤓帆立貝都幾爽口 大大粒🥰 感覺都幾新鮮海膽醬真係唔錯🥰.🐷 三文魚籽龍蝦汁意大利飯三文魚子係小編嘅最愛 🤣 呢個意大利飯嘅三文魚子份量 小編都幾滿意 🤓 龍蝦汁嘅味道都幾香濃 啲意大利飯口感都唔錯 .🐷紅寶石巧克力草莓鮮奶個底都有幾多士多啤梨🍓 朱古力同士多啤梨味都各自唔錯 唔會搶fo 上面仲有啲玫瑰花花瓣 花香味令到成個味道更加豐富.🐷手工黑芝麻小編好鍾意呢杯 因為口感好濃稠 之前飲過有啲黑芝麻鮮奶超級稀🤣 所以呢杯唔錯不過飲完之後要漱口🤣.走過十八萬千里找到你📍旺角彌敦道575號Ladder Dundas 10樓.

餐廳環境幾有格調 燈光比較昏暗 天花有滿天嘅乾花💐-🍝北海道帆立貝海膽醬扁意粉 💰$178有木魚絲同紫菜絲鋪喺意粉上面有2粒大大粒嘅帆立貝醬汁比較稠身 唔好太creamy-🍚日式原條鰻魚意大利飯 💰$178原條上嘅鰻魚 超大條🥰意大利飯用咗鰻魚嘅醬汁去煮 甜甜地但其實個飯話係鰻魚炒飯會貼切啲！唔太似意大利飯-另外加💰$55就可以有是日餐湯、餐包、$60以下飲品當日餐湯係番茄湯🍅同有蒜蓉包-🍵Matcha latte 💰$60🍵Hojicha latte 💰$60 兩杯都係分別用上丸久小山園嘅抹茶同焙茶口感順滑 但可能叫番熱飲會好啲！抹茶同焙茶味會更香濃

呢間嘢連最普通食物嘅味道都做唔到祝大家好運第一次喺OpenRice留comment係因為啲嘢食太難食-今日星期日6點半去咗食呢cafe滿心歡喜咁上到去 成間舖頭都無客 我地係第一台客 跟住叫咗個steak同個水牛蕃茄芝士沙律跟住個牛扒跟咗個set 佢第一下嚟到嚟咗個南瓜湯同啲麵包-我滿心歡喜，諗住試吓飲佢個湯結果個湯係冇味嘅仲要個包係好韌 唔知食緊啲咩-跟住之後上咗個沙律個水牛芝士番茄沙律就正常發揮 冇咩特別-跟住上咗一份牛扒結果發覺個牛扒有啲細份 仲好簿但係二百幾蚊然後食落 係冇調味唔講以為自己食緊健康餐走晒油鹽糖剩係得啲香草味-份牛有個薯蓉 結果食落去個薯蓉係我有史以來最難食嘅薯蓉又係冇味嘅 好似搵水溝咁勁稀浸味好奇怪-最後我哋頂唔順 叫個Staff俾咗胡椒鹽我哋啲嘢食先有味返少少食得落口唔係真係以為自己係老人院-真係食到好無奈-跟住每人嗌咗一杯嘢 冇咩特別正正常常呢個已經係成餐飯最正常嘅嘢-最後叫咗個焦糖布甸連雪糕好奇怪，佢個焦糖布甸係室溫的但係味道正常算係咁成餐飯真係好失望好耐未試過食咁難食嘅餐廳仲要有咁貴買單成五百幾蚊第一次食到咁嬲，要喺OpenRice留comment-所以

🍱餐廳：走過十萬八千里找到你 (旺角)🍽️類別：西餐💯推薦指數：7.5/10≡※≡※≡※≡※≡※ 🍑桃仔推薦必試Set Lunch🍑 ≡※≡※≡※≡※▪️北海道帆立貝海膽醬扁意粉 $178帆立貝新鮮而嫩滑，散發著淡淡的海水鮮味。扁意粉的質地彈牙，與濃郁而順滑的海膽醬非常協調，每一根麵條都充滿了醬汁，讓整道菜更加濃郁。▪️ 原條鰻魚意大利飯 $118上桌時香氣四溢，讓人垂涎三尺。鰻魚肉質豐潤鮮嫩，口感滑順，掛滿濃郁的醬汁，蓋在軟糯而有嚼勁的意大利飯上，營造出絕佳的口感和層次感。加上米飯吸收了鰻魚的汁液，讓每一口都充滿了豐富的風味。≡※≡※≡※≡※≡※≡※≡ 👍🏼值得加分項目👍🏼 ≡※≡※≡※≡※≡※餐廳裝潢以淺啡色為主調，天花板懸掛著掛滿了大量滿天星和淺色的乾花，讓人感覺置身於世外桃源中，相當別緻雅典。≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※≡※😍整體評分 味道：🌟🌟🌟🌟🌟性價比：🌟🌟🌟🌟🌟環境：🌟🌟🌟🌟服務態度：🌟🌟🌟🌟🌟

和朋友聚會，揀選了位處旺角的這家人氣cafe，單是店名「走過十萬八千里找到你」就已令人印象深刻！需要提前在openrice訂座，當日正值週末的午飯時段，甫進店即見到店內滿座。店內以花海為裝飾主題，惟店內那麼多人，環境都比較嘈吵。點了兩份主食，配餐加$55，包餐湯、多士及價值$60以下飲品。是日餐湯為蕃茄湯，有足夠蕃茄味，濃稠度適中。蒜蓉牛油多士夠香夠脆！日本廣島蠔肉意大利飯，與認知中的廣島蠔意大利飯差距好大！未見過乾成這樣的蠔已完全不在意意大利飯的口感與味道了。忌廉龍蝦汁甲羅燒貓耳朵，貓耳朵上鋪上一隻細細的蟹蓋，釀的餡料不如其他店嚐到的甲羅燒那樣豐富香濃，蟹蓋內只有少少蟹膏及略略焗過的芝士，蟹膏的鹹鮮度一般。貓耳朵偏稔身，不夠煙韌，而且味道好淡，不配蟹膏來吃，幾乎無味。飲品的味道比食物好，玫瑰抹茶Latte的抹茶味與奶味平衡，沿著杯緣鋪上玫瑰花瓣，入口帶淡淡玫瑰香，抹茶與玫瑰都幾夾。朋友那杯是限量供應的手工黑芝麻Latte，她說能嚐到芝麻香氣啊～～不便宜的一頓午飯，但換來這樣的食物質素，完全不值！

-走過十萬八千里找到你-📍旺角.之前已經bookmark左哩間係旺角的打卡Cafe，成個天花同窗邊都掛滿各式乾花同芒草，超靚。.入座後侍應仲會點埋好清幽的香薰蠟燭放係枱面，好有氣氛。.主食可以加$55跟餐，會有湯同多士，同埋一杯飲品。當晚餐湯係南瓜忌廉湯，口感細滑，襯埋香脆嘅多士，很開胃。.酥炸軟殼蟹黑松露扁意粉 ($148)酥炸軟殼蟹份量都唔細，外層唔會太油。扁意粉用上黑松露忌廉汁調味，食落質感濃厚，好香黑松露味，而且好creamy。.三文魚籽龍蝦汁意大利飯 ($178)賣相都好吸引，龍蝦汁夠濃郁厚身。飯的硬度適中，食材好豐富，有魚籽，大蝦、蟹肉、火炙蟹棒等。.焙茶鮮奶焙茶的茶香加上順滑牛奶，味道都好香濃。.巨峰提子梳打很清新的口味。.

店名: 走過十萬八千里找到你地址: 旺角彌敦道575號Ladder Dundas 10樓港鐵油麻地站 A1 出口，行3分鐘環境: 4/5價錢: 4/5味道: 4/5“走過十萬八千里找到你”一直都係頗出名既打卡cafe❤️今日就慕名而來試試佢❤️前菜有濃郁嘅南瓜湯🤤香濃creamy，配上少許香草提升左湯味道💕更可以配上香脆蒜蓉包😻😻😻三文魚籽龍蝦汁意大利飯❤️❤️❤️❤️$178意大利飯軟硬適中，配上香濃龍蝦汁🤤十分惹味🤤🤤海鮮十分足料，有大蝦、青口同蟹棒😛北海道帆立貝海膽醬扁意粉❤️❤️❤️❤️$178啖啖紫菜同木魚😛😛意粉掛汁配上濃濃海膽醬，十分好食❤帆立貝非常大隻，外脆內軟🐽🐽必點之選紅寶石巧克力草莓鮮奶❤️❤️❤️❤️$68超香草莓同玫瑰香氣，飲落去仲有超多草莓果肉😛口感層次十分豐富🤤🤤牛奶香滑💕適合女士們打卡😎手工黑芝麻❤️❤️❤️❤️$56超香濃芝麻香氣，配上店員精嫩嘅拉花💕打卡之選😛

我淨係想去食野hea下，朋友話想去打下卡，所以帶咗我去呢間cafe餐廳不太因深色木系同只有一邊窗光線所以較昏暗，天花板上的乾花裝飾整體環境都算舒服💐🥣餐湯＋多士 $𝟓𝟓 @𝟏個湯杯令我諗起小熊維尼🍯蕃茄湯非常濃郁 似用蕃茄打爛製加入西芹(?? 我飲到有佢陣味)仲有適量香料 飲完好有飽肚感🍴▸ 明太子岩燒蟹棒貓耳朵 $𝟏𝟒𝟖一見到有明太子就決定叫佢！😍明太子醬份量剛好 咸中帶微甜粒粒貓耳朵都沾有醬 蟹棒軟而不粉 整碟食落不覺膩 若意粉再軟身點更佳▸ 酥炸軟殼蟹黑松露扁意粉 $𝟏𝟒𝟖超～香的黑松露 食落味都好濃🤤意粉軟硬適中 啖啖都係松露香軟殼蟹炸得酥脆 內裏軟軟的肉質嫩而不霉 仲有少少蟹膏食下☕️▸ 𝐃𝐢𝐫𝐭𝐲咖啡非酸性配上香滑牛奶入口溫和 味道香濃醇厚可惜飲到最底有少許咖啡渣有好強烈的苦 幸好不澀▸ 𝐀𝐦𝐞𝐫𝐢𝐜𝐚𝐧𝐨膽咖啡的苦不太強烈帶點微酸即使冰溶後都不失咖啡香濃

🎈旺角 走過十萬八千里找到你開業多年但都未曾去過～交通非常方便，位於登打士街附近，地鐵站出來三至4分鐘就可以到達，啱哂我呢啲唔鍾意行嘅懶人🤣入到去個感覺就係比花海包圍住😍 天花板同牆上都掛滿好多乾花，啱哂姊妹們去瘋狂打卡📸🦞三文魚籽龍蝦汁意大利飯▪︎賣相幾靚～ 意大利飯煮得剛好，上面擺放了數款海鮮，包括有大蝦🦐蟹肉🦀三文魚籽🐟蟹柳同青口～口感味道都幾豐富～🍝北海道帆立貝海膽醬扁意粉▪︎作為一個海膽控嘅我，見到海膽意粉就一定要叫啦～大家可以放心，海膽醬完全冇腥味架🙂配料有2隻帆立貝同木魚紫菜絲，拌勻一齊食更好味😆⚘️Rose Latte▪︎我超愛呢杯玫瑰鮮奶咖啡～有玫瑰花瓣喺咖啡上面，好Elegant 吖～ 口感非常順滑，玫瑰味天然，微甜口味☺️🍵Matcha Latte▪︎抹茶控一定要試下💚 超級超級濃郁！！抹茶味十足，無糖口味，但不苦澀👍

油麻地依間「走過十萬八千里遇到你」嘅裝修設計充滿花花草草，好啱打卡，午市選擇幾多，略嫌D主食份量差異都幾大，鰻魚飯高CP值，而且味道唔錯，另一款主食同飲品價錢都比較進取。*此餐廳收取加一服務費。日式原條鰻魚意大利飯（單點$178），鰻魚表面鋪滿蒲燒醬汁、木魚花、紫菜，肉質厚嫩，口感彈牙，味道鮮甜，意大利飯口感有咬口，食落帶有蒲燒醬汁嘅味道，配料包括有香菇、洋蔥、翠玉瓜。北海道帆立貝海膽醬扁意粉（單點$178），份量少，表面鋪有木魚花、紫菜，香煎帆立貝食落有鮮味，扁意粉口感軟硬適中，容易掛汁，海膽醬味道鹹鮮，但略嫌海膽味道微弱。2碗餐湯（跟餐$0），番茄湯，表面鋪有香草，味道酸甜，內有茄蓉。多士（跟餐$0），蒜蓉包，表面鋪有蒜蓉香草牛油，略嫌份量比較少，所以食落未夠香口，法包未有經過烘焗，口感偏韌。紅寶石巧克力草莓鮮奶（單點$68），表面鋪有玫瑰花、忌廉，採用明治牛奶製作，奶味醇厚，內有新鮮草莓果肉，味道香甜，但略嫌紅寶石巧克力味道欠奉。熱鮮奶焙茶（單點$56），焙茶茶味濃厚。