走過十萬八千里找到你

Open Now

Now Closed

🎈旺角 走過十萬八千里找到你開業多年但都未曾去過～交通非常方便，位於登打士街附近，地鐵站出來三至4分鐘就可以到達，啱哂我呢啲唔鍾意行嘅懶人🤣入到去個感覺就係比花海包圍住😍 天花板同牆上都掛滿好多乾花，啱哂姊妹們去瘋狂打卡📸🦞三文魚籽龍蝦汁意大利飯▪︎賣相幾靚～ 意大利飯煮得剛好，上面擺放了數款海鮮，包括有大蝦🦐蟹肉🦀三文魚籽🐟蟹柳同青口～口感味道都幾豐富～🍝北海道帆立貝海膽醬扁意粉▪︎作為一個海膽控嘅我，見到海膽意粉就一定要叫啦～大家可以放心，海膽醬完全冇腥味架🙂配料有2隻帆立貝同木魚紫菜絲，拌勻一齊食更好味😆⚘️Rose Latte▪︎我超愛呢杯玫瑰鮮奶咖啡～有玫瑰花瓣喺咖啡上面，好Elegant 吖～ 口感非常順滑，玫瑰味天然，微甜口味☺️🍵Matcha Latte▪︎抹茶控一定要試下💚 超級超級濃郁！！抹茶味十足，無糖口味，但不苦澀👍

油麻地依間「走過十萬八千里遇到你」嘅裝修設計充滿花花草草，好啱打卡，午市選擇幾多，略嫌D主食份量差異都幾大，鰻魚飯高CP值，而且味道唔錯，另一款主食同飲品價錢都比較進取。*此餐廳收取加一服務費。日式原條鰻魚意大利飯（單點$178），鰻魚表面鋪滿蒲燒醬汁、木魚花、紫菜，肉質厚嫩，口感彈牙，味道鮮甜，意大利飯口感有咬口，食落帶有蒲燒醬汁嘅味道，配料包括有香菇、洋蔥、翠玉瓜。北海道帆立貝海膽醬扁意粉（單點$178），份量少，表面鋪有木魚花、紫菜，香煎帆立貝食落有鮮味，扁意粉口感軟硬適中，容易掛汁，海膽醬味道鹹鮮，但略嫌海膽味道微弱。2碗餐湯（跟餐$0），番茄湯，表面鋪有香草，味道酸甜，內有茄蓉。多士（跟餐$0），蒜蓉包，表面鋪有蒜蓉香草牛油，略嫌份量比較少，所以食落未夠香口，法包未有經過烘焗，口感偏韌。紅寶石巧克力草莓鮮奶（單點$68），表面鋪有玫瑰花、忌廉，採用明治牛奶製作，奶味醇厚，內有新鮮草莓果肉，味道香甜，但略嫌紅寶石巧克力味道欠奉。熱鮮奶焙茶（單點$56），焙茶茶味濃厚。

本身真係唔想打食評，諗住同店舖反映，點知發現係冇用。咁唯有OpenRice見啦。同朋友黎食飯真係貪呢到環境算可以靜靜哋吹下水。咁環境的而且確幾好，不過服務同食飯就爭啲囉。由落單到走都極度唔滿意呢位員工，十分之差！首先野食最難飲係兩碗湯，唔講真係唔知南瓜湯，無味又好多粉，唔知溝乜嘢入去。真係慘過飲水之後意粉就過得去啦，不過份量太細份根本唔夠食，之後嚟啦雞翼炸到黑蚊蚊都拎出嚟比客食🫣唉落單嗰時已經成日唔清楚啲嘢要走去問水吧定唔知廚房同事，然後單未落完又走咗去，之後諗住再叫佢，點知冇彩人，已經顧住望電話，係廚房個女仔提佢先有反應。。之後我哋明明點意粉卻到了意大利飯，然後話你哋叫㗎嘛，明明我哋冇叫到，我哋係指比佢睇，唔係讀出嚟，有乜可能聽錯。佢個樣聽到我哋講先好唔情願換比我哋。點了抹茶鮮奶就到了焙茶。。。之後都係廢時再睇人面色，就同另一位女員工講，人地反應即刻唔好意思，再跟進返正確飲品。再叫佢幫我地check張單，發現仲有其他野食錯！即刻叫佢幫我地改，唉，五樣食物都有三樣錯，真係唔明白係邊個問題！好心貴公司訓練好員工先啦！最好態度係廚房啡色短頭髮果女仔！我地就問佢有無投訴電話，佢答覆係可以同我

甚少寫食評, 但見網上食評讚好的多, 實在有被騙的感覺. 最初是被店名吸引, 朋友想試這間食肆, 放假留港消費也支持小店, 可惜失望而回. 點了磯燒魷魚筒墨汁意大利飯及法式燒春雞, 另加$55跟餐的餐湯餐包, 飲品. 餐湯是南瓜湯, 比較似生粉湯, 只有少少南瓜味, 蒜蓉包也不脆, 至於主菜, 鱿魚筒味淡, 燒春雞味道也不太好, 配菜的蘆筍及粟米芯也不新鮮, 只是黑芝麻飲品好飲, 厚厚的鮮磨芝麻較有特色. 人均消費$225, 只收現金, 整體來說這餐廳環境還可以, 坐位夾少, 食物質素及味道一般般, 與好食有一段距離, 自己煮仲好食啲, 無下次.

同朋友一行人食晚餐 6個人消費$1800價錢其實唔係重點 但問題係真係完全唔好食收費進取但水準欠奉見到廚房係一個類似學校小賣部嘅姐姐煮緊嘢食 心入面都打咗個折果然係完全冇令我哋失望👍🏻又一間做流水客嘅餐廳湯唔好飲 餐包又乾又硬仲要燶咗一面我叫咗個魚柳 食完完全係可以鍊腎者之石入面最好食嘅應該係佢哋用水開出嚟嘅薯蓉同行朋友話佢嘅墨魚汁意粉完全冇味佢哋嘅特色飲品都係冇味開食肆唔該做返正常水準先啦唔使你做得好食 但係至少都唔好難食囉成餐飯莫名其妙 仲要+10% 當交智商稅俾好評嗰啲人我諗佢哋未食過好食嘅嘢得罪講句 叮叮意粉都好食過佢

餐廳氛圍滿滿，啱曬同女朋友/姐妹係度chill~~🔸北海道帆立貝海膽醬扁意粉💰178鮮美嘅北海道帆立貝同豐富嘅海膽醬同撈埋意粉，充滿海膽醬嘅味道👅 套餐仲配埋餐湯同多士，成個餐更加豐富爆肚！🔸原條鰻魚意大利飯💰178大大條鰻魚為主角搭配意大利飯，一啖鰻魚一啖飯，好正🤤🤤鰻魚愛好者絕對唔好錯過呢個美食😈🔸鮮奶焙茶💰60濃郁嘅奶香同焙茶嘅香氣推薦～🔸紅寶石巧克力草莓鮮奶💰60濃郁嘅巧克力同鮮甜嘅草莓鮮奶味🍓成杯有驚喜仲有草莓果肉推薦～

呢家樓上cafe打卡一流，有唔同顏色乾花非常之浪漫🥰好似比花包圍住自己😛😛😛仲有唔同顏色嘅彩畫喺附近，可以好色彩繽紛一邊觀賞一邊食嘢，當日晚餐可以套餐價減弱加$55有餐湯多士連野飲，一定要加😍餐湯連多士 🫕 $110今日餐湯係忌廉湯味道正常，多士好出牛油味，有烘一烘😍日本廣島蠔肉意大利飯 $158無論炸、蒸、生蠔都好鍾意食，見到有得叫就即刻叫，份量都尚算足夠，蠔肉都有五隻大大粒，加咗少少洋蔥🧅同埋瓜調味。飯方面值得一讚，唔會煮到太濕，保持口感忌廉龍蝦汁甲羅燒貓耳朵 $158🍝醬汁方面算濃郁亦都掛到汁係粉到，貓耳朵有一定既厚度所以會硬身少少，但相對煙靭，幾好食。甲羅燒以蟹蓋形式放係粉上面，睇得又食得，蟹膏入口鮮甜🦀，每食一啖都好唔捨得就黎食哂茉莉花綠茶最鍾意熱茶用茶壺，好有儀式感😙飲落就正常茉莉花茶暖笠笠鮮奶焙茶首先個拉花真係好靚😂係咁打卡，飲落去都有驚喜，焙茶嘅味道濃郁，茶味都出哂黎，但個比例又岩岩好，好值得一試走過十萬八千里找到你 (旺角)旺角彌敦道575號Ladder Dundas 10樓

今晚朋友帶我嚟旺角樓上的cafe，餐廳以秋色的自然風格為主，天花板佈置一系列的乾花草，水泥地板配上木系餐桌，牆身仲有不同主題的壁畫，整個氛圍都充滿格調和藝術感～原條鰻魚意大利飯賣相夠哂吸引～原條鰻魚好大條～魚肉豐厚鮮美而爽滑，意大利飯綿密creamy帶嚼勁，配上香口的木魚及紫菜碎仲有香濃嘅鰻魚汁真係夠哂滋味～明大子岩燒蟹棒貓耳朵蟹棒外皮微焦內裡鮮甜爽口，貓耳朵綿密又有韌性，每啖都有濃郁的蟹肉好creamy，加埋明太子的香辣令味道再提升～餐湯 & 多士用貓貓杯真係好可愛～蒜蓉多士酥脆香口～蘑菇忌廉湯香滑而濃郁，仲啖啖都有蘑菇粒，香味四溢～鮮奶抹茶賣相超可愛的三眼仔～濃厚的抹茶加上幼滑的鮮奶，香甜細緻溫和，呢間cafe係用丸久小山園之抹茶調製，喜歡抹茶的朋友不要錯過～手工黑芝麻(限量供應)賣相咁可愛的龍貓～黑芝麻香氣撲鼻，入口濃郁幼滑，香氣清新而細緻～整體食物味道不錯，環境優雅舒適又有格調，適合朋友或情人相聚～

餐廳名夠哂特別😄餐廳位置對正彌敦道旺區，平日夜晚食飯都好旺場。🌟北海道帆立貝海膽汁扁意粉🌟帆立貝大大粒❗海膽汁味道亦不錯呀～🌟原條鰻魚意大利飯🌟鰻魚份量十足，個意大利飯煮得剛好，中心仲有少少硬身。🌟紅寶石（士多啤梨）朱古力鮮奶咖啡🌟餐廳SIGNATURE🧡飲落都幾香口，叫左少冰所以唔會太凍。🌟焙茶 Latte🌟抹茶同焙茶都由日本入口，味道更正宗拉花都唔錯呀，飲落茶香都好夠呀，落得足料。

星期日嚟食飯，眼見都唔係滿座，所以無訂枱都有得食😄本身諗住開心食餐飯點知被男員工影響進餐的心情，舉手示意落單無反應，只顧玩自己手機，再叫落單依然無反應，係之後有個女仔幫完其他枱客人望到我地先過嚟幫我地落單😅之後諗住叫嘢飲，又係無反應，又係等番頭先幫我地個女仔先落到單。大佬呀，咁係咪得一個員工，其實企係到果位唔係員工呢，定佢係老闆，所以要等個員工做呢，真係好疑惑，就算係老闆都可以同我地講聲叫我地等姐。真係完全唔明白，如果係員工的話，真係恭喜呢到老闆請左一個幫忙倒米員工。講回食飯，價錢同質素唔成正比，偏貴。貓耳朵太硬，味道可以。份量偏少，叫完個二人餐都唔夠飽，冇下次。

呢間位於旺角嘅Cafe，名叫「走過十萬八千里找到你」，真係一個好有情調嘅地方。入面嘅乾花佈置，加上溫馨嘅燈光，令人一踏入去就感受到一種浪漫嘅氛圍💐💐💐我哋點咗幾樣菜式，首先係法式蟹肉蝦膏汁扁意粉，蟹肉嘅鮮味同蝦膏嘅濃郁完美結合，每一啖都令人回味無窮。再嚟就係日式原條鰻魚意大利飯，鰻魚嘅肉質鮮嫩，配上特製嘅醬汁，味道層次分明🥰至於飲品，柚香菠蘿檸檬梳打同白桃梳打都非常清新。柚子嘅清香、菠蘿嘅甜味，再加上檸檬嘅酸香，好夾❤️❤️；而白桃梳打嘅味道就岩岩好👍🏻係白桃嘅香甜與氣泡嘅結合🍑🍑🍑總括嚟講，呢間Cafe嘅食物同飲品都係高質素嘅，而且環境嘅佈置亦都令人感到舒適，係一個適合約會或者同朋友聚舊嘅好地方。下次有機會，一定會再嚟！👏🏻👏🏻😽

之前見到呢間餐廳個名叫「走過十萬八千里找到你」咁特別已經想試，今次約咗一班女仔朋友等登嚟打卡影相😆 餐廳天花有大量乾花束裝飾，窗邊亦都鋪滿一排芒草，成個環境都十分浪漫🌷🌻🪻不過夜晚環境比較暗，其實都唔係好影到相😆📌日式原條鰻魚意大利飯 $178 🐟原條鰻魚十分厚身，肉質有彈性，意大利飯入面加有翠玉瓜粒，令到口感更加豐富😋📌明太子岩燒蟹粉貓耳朵 $148 🍝必食推介！貓耳朵口感煙韌，醬汁creamy 唔會太膩，加上明太子同三文魚籽食落口感十分有層次😋📌主食加$55 可以跟餐，包餐湯、餐包同$60以下飲品🍹☕️手工黑芝麻Latte 🍵 桂圓紅棗茶

🌸餐廳裝潢以乾花為主，牆身掛滿各式各樣嘅🌺乾花，營造出一片浪漫氛圍, 絕對係每位女生必黎📸打卡嘅地方! 由於小妹我太過即興黎, 窗邊最靚嘅打卡位已經俾其他人一早BOOK 咗, 建議大家提早留位🤣✨🥖餐湯&餐包餐湯係質地偏稀嘅南瓜湯, 冬天飲夠晒暖胃; 蒜蓉包夠晒香脆! ✨🦀明太子岩燒蟹棒貓耳係餐廳嘅招牌菜，貓耳口感較為軟身，配上creamy嘅明太子醬和燒過嘅蟹棒，非常開胃! ✨🐟原條鰻魚意大利飯鰻魚肥美，意大利飯軟糯，入面仲有D蘑菇同翠玉瓜增加口感! 最後飲埋茶味濃郁嘅🍵焙茶latte 同芝麻味香濃嘅☕️黑芝麻latte為今餐作結😳

好耐冇嚟呢間打卡餐廳啦，以花做主題又多打卡位，同朋友嚟一流🤩主菜會有埋餐湯同餐包，夠熱又creamy✅三文魚籽龍蝦汁意大利飯$178三文魚籽都足夠，有一蝦大蝦，配埋龍蝦汁好香，意大利飯唔會好硬，賣相好靚✅北海道帆立貝海膽醬扁意大利粉 $178海膽醬好豐富，帆立貝大隻好入味，意大利粉掛汁，軟硬適中，份量都ok✅玫瑰抹茶 $56奶味足夠，有靚拉花影相岩哂👍🏻好香嘅玫瑰味，多抹茶粉係底, 飲果時可以搞一搞。✅柚香菠蘿檸檬梳打 $58柚香好清新，菠蘿同檸檬好夾，唔會太甜，梳打好解渴消暑一流🤩

走過十萬八千里找到你☺️好浪漫嘅餐廳名意大利咖啡店好岩同朋友聚會傾偈或情侶拍拖約會用咗多種乾花佈置的花海場內多個 打卡位😍壁畫夜晚嘅環境會比較昏暗再配以燈光設計在家背景的音樂聲一個舒適享受的環境-小食拼盤$158(吉列炸蝦 、雞翼 、脆炸芝士圈、蟹肉忌廉餅、薯條) 炸得好香脆可口～一次過食唔同小食-安格斯牛板腱 阿根廷香辣醬 $228肉質煙韌薯蓉易入口蒜蓉香味炒豆 -明太子岩燒蟹棒貓耳朵$148第一次食貓耳朵☺️ 明太子醬汁 好滑好入味。-紅寶石巧克力$68表面是滿滿的忌廉與玫瑰花 好有少女味 打卡一流濃郁的牛奶味淡淡朱古力味杯底有甜甜酸酸嘅士多啤梨粒建議攪拌之後再飲 令到成杯嘅味道均勻最後 提提只有2、3號lift可以到達餐廳