南山梳乎厘

Open Now

Now Closed

.之前見到有food blogger推薦呢間梳乎厘，趁住放假即刻要去試吓係咪咁堅先😽🥞太多選擇 15 16，每款味都好想試😋選擇困難症咗5分鐘左右，最終揀咗廚師精選！！.▪️海鹽芝士梳乎厘 $45 • 9/10賣相真係不得了！即叫即整！等咗11/12分鐘左右👍🏼有2件梳乎厘疊埋一齊，蛋味超香、超濃～入口超鬆軟！鹹鹹甜甜嘅口感，好好味😋😋海量嘅自家製海鹽芝士醬汁😍😍（好似奶蓋咁）仲有咸蛋黃餅乾碎on top✨ 口感嘅層次level up🔝老闆娘好nice，用心製作，一定要支持小店✊🏼

專登出深水埗，專登去試這間剛剛在雜誌上被介紹過的梳乎厘小店。店鋪簡約的放左兩本menu在枱上，打開細看其實都有太多味道想試最後就決定試岩鹽芝士同焦糖咖啡味。先試焦糖咖啡，一口就食到好香嘅蛋味加微微嘅咖啡味，可惜焦糖味就唔係太突出，但梳乎厘嘅質地好鬆軟，有口感，一點都唔係食空氣果種感覺再試岩鹽芝士就更加出色，有蛋香之餘更有咸咸嘅芝士味，配搭上都相當出色。因太多人等候（等左約45分鐘）本來打算外賣回家食，但又怕帶到回家會後會走樣最後都無決定錯即食就對了。

之前喺FB見到介紹就特意上OpenRice search呢間舖。今日早收工特登落咗唻試。舖仔細細，所以佢哋堂食係喺店外面牆有張吧枱同有4個位。我叫咗2個甜品，一個焦糖花生疏乎厘，另一個係芒果白雪豆腐花。首先講下焦糖花生疏乎厘先。味道如果焦糖味再濃啲會更好食因為我以前工作同甜品都有關係，加上我嗜甜食，所以稍嫌疏乎厘鬆軟度不足。可能係唔小心焗耐咗少少時間。但係整體來講都好食嘅至於芒果白雪豆腐花，店主用嘅芒果好夠甜絕對靚芒果所謂嘅白雪其實係牛奶冰，佢哋用咗3.6牛乳，味道食落香濃而且我覺得抵食佢呢個賣$35。如果其他地方又用3.6牛乳又靚芒果會唔止呢個價有機會的話會再唻試下其他

情人節平平地食返個甜品去邊度好？就可以去試下係深水埗嘅隱世小店—南山梳乎厘 食返個梳乎厘 呢度係主打梳乎厘配唔同口味嘅醬 令口味更豐富🤤榴連忘返梳乎厘 $65榴連醬味道濃郁 有質素 鐘意食榴連嘅人一定要試 又估唔到榴連加cream加梳乎厘都幾夾🥞梳乎厘暖笠笠 幾有空氣感 夠鬆軟海鹽芝士梳乎厘 $45🫙🧀梳乎厘甜甜地 加埋海鹽芝士鹹鹹地奶蓋份量好多 上面有少少餅乾碎增加口感😋 海鹽芝士係Perfect Match😍焦糖咖啡梳乎厘 $45配搭出黎係微甜 食得出係梳乎厘上面加層cream 再加上焦糖醬 咖啡粉咁樣個人覺得咖啡味會比焦糖味突出呢個就唔算好特別仲有好多唔同口味 好似伯爵傾情 金沙咸蛋黃 都好值得一試😋仲要開到凌晨2點 實有得食😚📍 南山梳乎厘深水埗元州街1F號地舖

因為好想食甜品搵到呢間諗住外賣然後老闆話岩岩新鮮出爐 坐係度食啦不到1分鐘上菜啦😍外表比滿分我叫左一個朱古力味一個焦糖咖啡味咖啡焦糖味 配搭埋梳乎厘又唔會太甜 岩岩好梳乎厘係真心好正入口即溶咁好似空氣呀😍朱古力上面既脆脆加埋一齊食都好夾😍我會再次返黎食😍同埋老闆態度都好好 好nice ar

一打開真係驚訝左，估唔到40幾蚊可以買到咁大份梳芙厘，咁既份量兩個人都食唔晒😆，超抵食真係第一次食蛋味咁濃咁重咁香既梳芙厘，超好食。-海鹽芝士梳芙厘果然係招牌，口感好正，個底超級鬆軟，配上面頭既餅干碎碎（？ 好豐富而且甜甜咸咸，一d都唔膩-朱古力梳芙厘可能因為海鹽芝士太過驚艷，兩個對比之下，朱古力就比較普普通通，但係都好食過我係其他舖頭食既，梳芙厘個到都係鬆鬆軟軟，可能驚朱古力太甜會膩，佢係上面撒左黑朱古力粉，一淡落去甜之餘仲有回甘-芒果白雪西米露奶味好濃，但又唔會過甜，甜度適中，料好足，西米露同芒果超多，但我個人比較中意食下面d沙冰，沙冰個口感好特別，類似雪糕西米露

楊枝甘露里有啲煙煙韌的小丸子，甜度岩岩好，個海鹽疏乎厘上有咸味，下面甜味，二種味覺👍👍個留連疏乎厘都好重留連味，重擔心唔系留連季節，驚唔好食，但一樣甘出色👍👍👍下次再來幫襯。老闆娘都好好人，介紹我哋食海鹽疏乎厘，佢話系最新產品，下次再來試下綠茶疏乎厘，不過唔知用外賣平台送到口感唔知會唔會有影響呢？估唔到細細間店的食物如此出色，支持一下小店👍👍出邊可以有張台仔坐下，街頭特色都几浪漫🌹

深水埗出名甜品店很多，但大部份到時傳統糖水或芋圓等，今天行過見到有一間小小的外賣甜品店叫南山疏乎厘，外表非常吸引，令我立即停下來看一看餐牌，這間的疏乎厘有很多味道的選擇。而我當然根據個人喜好選擇了抹茶疏乎厘，他的份量雖然不大，但一口吃下去亦很有驚喜的，真的是很鬆軟，再配合抹茶粉和醬，太滿足了，好像還不夠喉，希望下次可以再試多幾個口味。

用app叫外賣，呢間係有offer的，就試試吧。梳乎厘size 合理，但用店舖$40的價錢就更合理。入口即化，可接受。楊枝甘露沒柚肉，有點失望😞。其他的$26each。其實舖頭離我哋好近，早知自出去買🥲。

一早食完餃子飽飽的，散下步由太子行去深水埗搵甜品食！行下行下去到呢間唔起眼專門食梳乎厘嘅小小店👀試試佢！有好多唔同味道選擇，另外有啲飲品咁～焦糖咖啡梳乎厘$45賣相不錯👍🏼口感軟綿綿，具空氣感！最上面係咖啡奶蓋sauce，咖啡嘅味道對我嚟講唔算好濃，但足夠！店主推介我下次試海鹽芝士！收到👍🏼溫提：堂食坐位係室外，呢個天氣去食最好拎把風扇啦😛

好好味又浪漫的梳乎厘老闆娘好好人，又細心又體貼。開左張枱俾我地係出面食，最驚喜的係特登鋪咗張紅色枱墊，特別好浪漫。食左個榴連梳乎厘，好重榴連味，上面又加左脆脆，口感好好。仲有個楊枝甘露，啲西米好煙韌，好好食。😋😋😋😋😋😋😋😋

唔知點解勾起左條癮，想食梳乎厘pancake，於是係openrice 搵，一搵就搵到呢間。初頭睇啲相以為係室內甜品店，一去到原來係主力做外賣，但都有幾個位可以坐下嘅甜品小店。雖然冇得嘆冷氣，但帶有一點街頭風味，近元州街蜆殼油站，揸車經過或者去油站入油嘅朋友，都可以順路買返個食。我同朋友就坐喺度，叫、咗個海鹽芝士，酒心奇脆梳乎厘同白雪尋梅（沙冰）。唔使多講，真係超好食~！！先講個白雪尋梅，沙冰溝牛奶，再加芒果🥭，香蕉🍌，椰果🥥，果粒同黑珍珠，口感非常豐富。梳乎厘pancake方面，海鹽芝士🧀梳乎厘，個芝士海鹽汁同海鹽餅乾🍪碎嘅味道出曬嚟，超濃郁，加上梳乎厘食有種煙煙韌韌嘅感覺 。至於酒心奇脆🍾，酒味唔太濃，不過加上曲奇餅碎🍪🍪，都還可以。但若果作比較，都係推介海鹽芝士。整體上都值得大家推介，若然唔嫌個地方細，都可以坐低食。至於價錢方面，對比專食梳乎厘pancake嘅鋪頭或有得食梳乎厘pancake嘅甜品店嚟講，呢間嘅性價比都算高，$45一個，正！有啲人可能覺得貴，但收得呢個價錢，最大原因係人哋真係整得好有水準，喺屋企真係好難整，咁多款甜品最難整嘅一個。所以想食梳乎厘pancake嘅你，都

支持小店。我們一行三人，店主就在店傍的小巷開一張摺檯給我們，關很有誠意地鋪上枱布，場面當堂浪漫起來😍疏乎厘是即製的，店主待客親切誠懇，值得支持🙌海鹽芝士疏乎厘、榴槤疏乎厘、楊枝甘露都很好味😋

小店一間，但係佢啲冰真係超好味，佢個冰底好好味，應該係雲尼拿雪糕冰底。左邊嘅係芒果白雪西米露，右邊嘅係芒果白雪豆腐花，兩款都超好味，雖然佢個名叫梳乎厘，但我覺得佢啲冰最好味😋

無意中在openrice搜尋souffle而得知深水埗有一小店做souffle pancake, 看之前的食評相片感覺不是死實的souffle pancake, 所以專程過來食，第一次買了一個凍食的海鹽芝士souffle pancake，味道有點鹹，奶蓋份量很多，即使凍食，仍然有空氣感。過了兩天，再來買熱的焦糖咖啡souffle pancake ，即整要等候十五分鐘，買完後立即到附近公園食(因已過六點冇得坐喺度食)，熱騰騰，有空氣感，同意之前的食評說比幸福班戟更好食，而且價錢相宜得多，幸福班戟接近一百元，這裡只是四十元。其實材料很平，賣接近一百元，有點過份，有些餐廳食一份牛扒都只是一百元，但成本定比糖、牛奶、麵粉貴。這裡的售價合理之餘，亦有水準。而且我覺得鋪上奶蓋的味道比平時加cream及糖漿更好。以前在旺角有一間獲得米芝蓮推介的souffle pancake很美味，自從它結業後，我在香港其他地方吃過不少souffle pancake, 都是失望而回，今次在南山梳乎厘能吃到美味的souffle pancake真的很開心，吃完後有種幸福的感覺。