靚湯廚房

Open Now

Now Closed

同友人去完QE產檢，行去逸東酒店的Eaton food hall，非常方便，好大的food court，環境好寬敞，配輕鬆音樂，又有卡位，又多選擇，非常好！揀左靚湯廚房，感覺比較健康！點了兩個套餐:👉🏻花膠鮑片沙蔘玉竹百合麥冬雪梨蘋果豬展煲雞湯+香煎家鄉藕餅配白飯$62我地以為湯裡面有料，點知係清湯，湯水好清，係好唔錯！藕餅有4塊，唔會好油膩，粒粒爽蓮藕，好正！👉🏻花生蓮藕燉雞腳+菠蘿咕嚕豬扒配菜飯$85燉湯同老火湯真係有分別，好足料，多雞腳，好回甘的清甜味，真係好滋補！咕嚕豬扒就無咩特別，菜飯亦唔會好油，都幾好！想坐得舒服，食得開心，呢個food court真係個好選擇！

位於逸東酒店內food court，裝修與樓下自助餐差不多，都係行現代工業風路線，光線偏暗但環境乾淨舒適。靚湯廚房店如其名，是一間主打中式燉湯的快餐店，由於見到甚多好評，於是我頗有信心地黎嚐試下。湯有兩種，老火湯同燉湯，店員解釋老火湯無湯料，燉湯原盅連湯料燉，兩者價錢相差接近成$30，但第一次當然要試試燉湯有幾足料。正常燉湯會比老火湯油少少，我早已有心理準備燉湯直接係蒸爐攞出來，很夠熱，個燉盅不算太大，有兩層蓋，再加埋國畫花紋，看起來都幾有feel，亦有附一包鹽，可自行調味打開個盅就嚇一跳，極厚層嘅油浮在湯上，厚油下有2顆姬松茸、1粒未去核的紅棗、2片無論樣貌同口感都好似超市賣嘅罐頭螺片仲要一塊開二嘅螺肉、一大堆極大肥膏連住粗鞋到完全難以咀嚼吞嚥無味瘦肉的排骨、仲有甩左肉嘅幾條乾骨頭和一大片薑。我隔撈左好耐面層嘅油都未去到湯，啲油一定超過2mm！最終去了大部分油、骨頭、大片薑、肥膏、乾柴肉，結果得返唔到半盅湯…此時後悔應該點老火湯…味道方面，藥材味雖好重，但都掩蓋不了來自處理不夠的姬松茸酸味以及排骨不太新鮮的味道。眼見呢間鋪有好多熟客幫襯，大多會叫餸飯連湯，可能佢哋餸菜類比較好？！價錢

🇭🇰靚湯廚房·因為我地超級中意飲湯 所以係foodcourt見到呢間好似好legit咁就試左 最後都幾有驚喜😌😌·滋補燉湯套餐$90佢呢個set係包個燉湯 一個主食同埋飯 超級豐富 佢老火湯套餐$62蚊添 仲抵食😈不過我地難得黎到就決定嗌個我地中意既湯🤭🤣·姬松茸雪蓮子螺肉燉排骨湯 l 香煎家鄉藕餅 l 時菜+$16佢個燉湯真係超級足料 飲落超級滋補 而且佢有超多螺肉 飲落超清甜🥰而且佢係用一字骨既 超有誠意 D排骨燉到好淋 不過都因為用左一字骨 所以有少少油 但係都ok既😙😙之後佢個藕餅係新鮮煎既 超香扣 好襯個飯 不過我自己覺得蓮藕既比例可以再多少少 咁個口感就仲正😈·#rbyeat#rby港式#rby佐敦·📍佐敦彌敦道380號香港逸東酒店LG樓4號舖

店員熱情招待蓮藕餅煎得香脆熱辣辣配上泰式辣醬非常好食 好送飯 完成推翻左的以前袋既味道 對蓮藕炆有新既睇法，真係好好好好好正呀推介叫左白飯 店員好人 送左小量紅米紅米或菜飯飯要加$5另加老火湯 淨湯沒有湯料忘記左個湯係咩名 因為個名太長食完飯先飲 個湯仲係好滾 配菜有粟米及西蘭花，沒有特別，不過夠健康。價錢：蓮藕餅飯$42+老火湯$20=$62想幫小店留下好評，所以寫夠二百字，我都推介大家試吓依間小店希望小店捱得過疫情啦

新冠肺炎疫情惡化籠罩下，雖然自己一向不喜歡買外賣，也迫不得已多了買外賣，這次我買外賣的地方，就在香港逸東酒店地庫Food Court內的「靚湯廚房」。之所以會來這裡買外賣，則是由於它的選擇多，偌大的 Food court 內，中菜、西餐、日本素食、韓國吐司、美國漢堡包、越南湯河都有，總有一款合心意。買的是「青檸柚子蜜豬扒飯」（$42），看賣相，只是一般，原來豬扒頗為軟腍，青檸柚子蜜汁也酸甜度適中，開胃可喜，作為一個廉價外賣飯盒，已是及格有餘。這「靚湯廚房」既以靚湯為名，我又喜歡喝湯，便另加$20買來「猴頭菇雪耳燕窩螺片紅蘿蔔無花果生薑雞湯」佐餐。看店舖的介紹，這湯的材料多得嚇人，但其實湯裡是有點湯渣也沒有的，教人根本不知道它有下甚麼材料在裡面，而且這湯的味道複雜而不單調，實在令人喝不出它實際上用了甚麼材料，不過這其實不要緊，畢竟湯渣只是湯渣，可有可無，有沒有沒有太大的分別，我喜歡的，只不過是靚湯而已。 簡單的一餐外賣，乾手淨腳，但......我還是喜歡堂食多些。

跟單吾清楚熱辣辣，吾想周圍行食中午飯，行過普慶，下午有個food hall,入去有的選擇。12點去到，都仲有兩三檔吾開，最後就食哩間簡單D。但由落單到叫拿，等候時間差不多超過10分鐘，吾係幾明嘍；仲有系去拿餐的時候，佢連叫左乜，齊吾齊都吾知道。蟲草話肉餅飯（$42）3分- 蟲草份量夠，但吾香，肉餅肥瘦適中，味道都可以。青檸柚子蜜雞趴（$42）3分-青檸柚子哩個配搭比較特別，但又幾好味，但雞趴份量太細啦，雖然好味，但吾夠食油菜（$16）2分- 只是青菜一份，什麼講料都無加，好似離譜D。章魚湯（+$20）3分-OK啦

是晚到佐敦附近，準備前往西九龍高鐵，覺得要先來一頓晚飯。發現原來有一美食廣場位於酒店來，特意前往。頗有裝修，有DJ現場打歌，地庫為酒店自助餐區。美食廣場菜式多樣，其實正好減輕酒店餐飲的壓力，一舉兩得。決定點自家湯品。所能揀的不多，但見心思，相信會是附近返工人事的飯堂。好快有得攞。因為全都準備好翻熱而已。老火湯B，名字好長，味道不錯，但沒有湯渣，也感覺較淡泊。冬菇紅棗蒸雞。冬菇浸發不足，菇心稍苦，雞調味好，有鮮味，紅棗清甜生津。家常味，但有水準。燉湯G，花膠烏雞。味鮮舒服，夠火候。整體而言，推薦給日常附近工作的人，不會失望的味道。

一般去FOOD COURT，都以為係食啲頹飯，或者唔健康嘅快餐。但來到佐敦逸東酒店樓下嘅FOOD COURT，竟然有足料嘅靚湯賣！叫咗一個沙參玉竹桂圓紅棗烏雞燉湯，配埋紅米飯，同蟲草花蒸肉餅。沙參玉竹桂圓紅棗烏雞燉湯非常足料，燉湯亦都好清甜，食埋啲渣超養生！另外跟餐加$5可以轉做紅米飯，更加健康。但係佢個肉餅太軟，冇咩口感，應該唔係手剁，味道一般。如果在過嚟食，應該只會叫燉湯，唔會跟飯啦，始終招牌嘅只係燉湯，其他菜式反而冇乜水準。

店舖位於油麻地逸東酒店地鐵行過去都好近好方便天氣咁凍最啱就係飲啖靚湯滋潤下叫咗個市面上好難得有嘅鷓鴣湯清肝潤肺啱晒我呢啲夜貓😆咁大係壺全部都係湯水隔渣都渣得好清差唔多有成碗半至兩碗湯水唔知係咪有赤靈芝所以飲落甘甘地呢？好清甜 完全冇味精平時冇乜住家湯水飲嘅朋友就啱晒芝麻西檸汁雞扒酸酸甜甜送飯一流平時食開半碗飯今次不知不覺食晒成碗飯🙈湯+餸+飯都係$62清清地 好味又養生下次再去試下其他靚湯👍🏻

平日好鐘意飲湯，到今晚試食了靚湯㕑房，覺得味道好有質素，性價比又極高，就想推介一下 晚餐點了一個老火湯套餐。B湯，瑤柱竹蔗粟米甘筍雪梨湯配生炒骨。個湯入口好濃，喝到尾還有回甘味，一入口就知煲得夠曬火喉，非常清潤！前天睡不好喉嚨有啲乾涸，一飲完立刻舒服左好多。個味道好天然，清甜不油膩，喝完好解渴，是沒有味精的味道！個湯壺都算大煲，大概比鴻x堂的湯包多一倍，真心幾抵飲，下次一定會來試其他湯水。再來講下生炒骨的味道。生炒骨外層炸得幾香口，又不會太乾身，有少少外脆內軟的感覺，若排骨肥瘦肉再均衡一些就完美了！個汁酸酸甜甜，好開胃，好食到食了兩碗飯!老板好好可以添飯。係逸東酒店的地段，這個$62嘅晚餐set非常滿意，吃的非常滿足。現在好難得有這種咁用心的小店了，大力推薦大家來試試👍🏻👍🏻👍🏻

養生之道在乎於湯水。對於廣東人來說，是食療之一的。對女性來說，滋潤又滋補，一舉兩得。近年湯品店營運而生，公司附近的Eaton Hotel地庫也開了一間。每日有兩款湯可選，今天是花膠雪耳猴頭菇沙蔘麥冬百合桂圓煲雞湯，材料豐富。湯底濃稠，沒有湯渣可見。清甜味美。喝了兩三口己感覺到有黏黏的，相信是花膠溶化了的效果。店員推介了花雕杞子蒸滑雞飯。雞肉尚算滑溜，花雕香味不夠，還有是微暖的不夠熱，這個失分了。整體而言算是中規中矩，喜歡飲湯的話，不失為一個好選擇。

This spot used to be some Coffee joint but now it is a soup joint.I love soups so decided to try their soups which cost HKD40 a la carte or extra with the meal.I chose A which had lots of ingredients including razor clam, abalone, dried squid, lotus root and fig with chicken breast.The soup came in this cute ceramic pot.When they gave it to me, they told me it was soup and I wouldn't find any broth ingredients which was fine for me as I don't eat it.The taste was strong, I could taste the squid