傷心酸辣粉 (天瑞路) (Closed)

中午12:45致電叫外賣，聲稱外賣員工還有15分鐘才上班，要遲小小送，員工回來還要送多一單先到我地，要1:30左右先送到，我們ok，等！到一個小時後，外賣亦未到，打去查詢，竟然同我地講仲要再晏啲wo，未有人。其實，你未有人可以打返電話比客人講，睇佢取消定自取，吾係要人係到等到2046囉！食物質素又下降，服務又吾得！吾會再有下次！

今晚去天澤探朋友，在附近有傷心酸辣粉分店，同朋友好快入左去食麻辣米線😋店員指著後面卡位可以坐，我與朋友行到埋去，見到有個垃圾桶放在櫈上面，個感覺真係好差，有冇衛生常識，櫈唔係俾人坐，而係用來放垃圾桶。旁邊職員見到不但冇理會，我朋友將垃圾桶放番落地下，職員仲話番我朋友阻住佢行，仲「吱」左一聲同怒啤我朋友，聽到我佛刀有火，唔想做生意就關舖啦！職員冇理會我鬧就走左，若然不是朋友話算，真係拍枱繼續鬧。除左個麻辣牛丸同麻辣海蜇好味，其他都冇乜特別，可能係我怒火沖天食唔落！唔會再去食！勁差！

傷心酸辣粉系我中學飯堂👧🏻真系日日食都唔厭😋又有學生套餐 同fd share好抵食haha唔系好食得辣既我 每次都系叫BB辣👶🏼👶🏼但系啲廚師好唔穩定 有時一啲辣味都無 有時又會太辣 就會逼住我加多杯野飲🥤每次去最鐘意食都系口水雞🐣🐣

每次食午餐都要諗食咩好，食太多M記又唔好，譚仔食完再食又會厭，好彩天水圍哩頭仲有間傷心酸辣粉選擇下，唔係都唔知下就食咩好……每次食傷心酸辣粉都覺得要食返個口水雞套餐先心足，最主要係因為雞脾最抵食，嗌咗中辣，雞脾肉好嫩滑，雞皮都彈牙，個辣汁真係冇得輸。酸辣粉滑溜，都幾有咬口同煙韌感，加埋小小榨菜同肉碎就已經好惹味。個朋友叫咗杯柑桔話梅7喜，其實都估唔到個特飲幾好飲，加多少少錢就可以享受下，都幾冰涼味道都幾好。

從那天起我戀上我左手從那天起我討厭我右手為何沒力氣去捉緊這一點火花天高海深　有什麼可擁有留住你　別要走無奈怎能夠　除下在左右我的手扣　有愛難偷你那雙手，現在是否已有人在拖走？你也忘掉了那陣時，我倆怎樣拖起手嘛？我想你……但我知我不可以再沉淪，我要清楚你放開手，就是一個藉口要我離開……我要成熟一點，要走得灑脫一點……再沒有藉口要留下……四川菜式，香辣麻，能夠在香港四處都有分店，也打了很長的戰，愈來愈多的店家，我最鐘情的傷心酸辣粉，但天水圍店剛業時沒有太大驚喜，現在晚餐時段加上了辣魚煲、雞煲、羊肉煲……我跟R小姐點了個重慶辣魚鍋二人餐，加上口水雞傷心酸辣粉及涼拌小菜。正宗重慶香辣烤魚 二人餐套餐更可以選擇火鍋配料：A. 肥牛/龍脷魚片/牛栢葉/花枝丸/牛丸/魚片頭/魚腐/芝士豆腐B.腸仔/芝士腸/蟹柳/豬紅/百頁結/豆卜/魔芋/腐C.生菜/蘿蔔/海帶絲/大豆芽/鮮冬菇/雲耳/土豆片/蓮藕片/金菇D. 薯粉/米線/小寬麵選擇也有很多，各種配料也可以吸附烤魚的湯底。除了主角辣魚外還有一些配菜在鍋中，雲耳、爽口蓮藕、爽脆芽菜、金菇、豆卜。辣椒干花椒粒佈滿， 魚皮金黃外香內脆，魚肉鮮嫩肥美且滲滿麻

傷心酸辣粉原來係有雞煲嫁，真係孤陋寡聞，而家先知🙈-二人套餐可以叫半隻雞再加三個配菜，半隻雞真係比足你，2個人一定夠食，而且d雞好滑，好入味，雞反而幾意外地好食。-配菜方面我哋叫咗肥牛，豬紅，木耳。肥牛真係太肥，唔太建議叫，反而個豬紅應該本身就浸左味精湯😂😂入哂味，唔會好似平時打邊爐咁，完全冇味。木耳就正常啦，冇咩特別。-但佢既湯底我覺得係偏咸，但我諗都係一時時，因為傻仔話佢上次食冇咁咸，仲覺得好好食，所以我應該會再黎試多次。如果唔計個湯底太咸，其實佢質素一d都唔差嫁。

難得今日放假，就約舊同事食餐飯，同事話想食傷心酸辣粉，於是就去咗食。夜晚人唔多，加上天氣凍，得兩三枱客。我哋每人叫咗一個套餐，我叫左口水雞，薯粉。口水雞叫咗微辣，係雞脾。雞都算幾肥下，辣又冇乜辣味，得鹹鹹地咁。薯粉叫咗清湯，啲薯粉好彈牙，咬極都咬唔難咁，有少少難吞入口。朋友叫咗個炸雞軟骨加薯粉。雞軟骨即炸，好脆口同新鮮，配埋啲汁都唔錯。仲叫咗個蒜泥白肉，但係我覺得蒜蓉味太重，個人唔係咁鍾意。嘢飲方面，叫咗杯紅豆冰，紅豆嘅份量比較少，椰汁味較重，冇咩奶味，總括來講係，清水有啲味加紅豆咁。

今晚大少爺話想食傷心酸辣粉，因為之前曾經帶過佢嚟呢度食薯粉，點知佢果次一試愛上，小人唯有從命。大少唔食得辣，所以點咗個鹵水拼盤(走辣)酸辣粉$52畀佢， 鹵水黎到係暖暖的，大腸幾腍幾入味，仲送左一小片牛肚(笑)，湯底又幾有麻油香同酸香喎！估唔到原來而家嘅傷心酸辣粉係有烤魚同雞煲食嘅！ 即刻叫番個香辣烤魚二人套餐(小辣$238)， 配料可以喺abcd項各揀一款。烤魚用上加州鱸魚，味道香辣，本身都跟幾多配料，有木耳，腐竹，豆卜，蓮藕片同金菇。另外自選配料我哋揀咗肥牛，豬紅，金菇同薯粉。肥牛唔夠喉，另外加多一份$43。加十蚊有個特飲，凍柑桔話梅雪碧，鹹鹹甜甜好開胃！食飽飽竟然仲有生果送，今日係超甜西瓜， 十分驚喜。

都是天氣太熱問題，天水圍之友不願往「外」吃午餐，大家都只想在附近走動，最後去了朋友們家那邊的傷心酸辣粉，二對一的結果。加大碼皇牌口水雞套餐是我的最愛之一，在炎夏下，配重慶炸醬涼麵最好不過。口水雞醬汁以芝麻跟辣油調製而成的，端上桌時聞到它的辛香味，上頭灑了芫荽更添香氣，嫩口的雞肉吃起來有點像油雞，份量還不少，醬汁味麻多於辣，底下有舖了些切絲的青瓜，搭配著吃非常爽口。重慶炸醬涼麵的炸醬很惹味，味道不死鹹，拌上辣油與花生碎，在炎炎夏日裡頗開胃，朋友們都覺得今天的辣度剛好。冰鎮過的涼麵更加彈牙，醬汁都依附在麵條上，入味得很。雞翼酸辣薯粉深得朋友們的喜愛，這裡的小辣對大家來說還好 ，很溫和，湯頭蠻好喝，她們都多喝幾口湯。滑溜溜的薯粉比起米線更具彈性，其嚼勁吃得過癮，而且雞翼完全把滷汁發揮淋漓盡致，雞翼的滷水味相當厚重。紅油金超軟彈，可以說是美味大爆發。豐富的口感與濃郁的麻辣滋味，讓人一吃就非常著迷，也讓喜歡吃牛的我很滿足。飽滿的黃金芝士豆腐金黃的賣相誘人，一咬之下，彈力十足的豆腐，熱力四射的芝士不斷湧出，香濃的芝士滿佈口中，何其幸福。外表炸得酥脆的香脆豬肉卷，可口至極，而且保有肉汁，內裡豬肉

上年於天水圍上烘焙班的時候，發覺這區變化相當大，連民居附近也正興建新酒店/ 商場，就趁假期與家人到天水圍逛逛. 於天恆站下車，感到有點肚餓，想起很久沒吃過傷心酸辣粉，就進去吃late lunch~ 這間分店空間都幾大，而且有很多卡座，坐得幾舒適呢! 紅油蒜蓉青瓜 ($28) 天氣太熱，要吃點冷盤降降溫，冰凍爽脆且帶辣的蒜蓉青瓜，正好可以為我解解熱氣. 滷水拼盤 ($50) 叫了一客滷水拼盤，包括: 鴨腎、豬大腸、雞翼& 雞蛋. 由於我不吃內臟，只吃了雞蛋& 雞翼，2者都幾入味，又不會太鹹，也不錯呢! 蒜泥白肉 ($50) 麻中帶辣的蒜泥白肉，相當爽口，即使五花腩偏肥都忍不住吃了再算. 加大碼皇牌口水雞套餐 ($72) 最近一年愛上吃蛋白質豐富的雞肉，可以增加肌肉量，所以就選了加大碼的口水雞. 雞肉份量實在多，雞脾部份更相當嫩滑，又麻又辣相當開胃~ 薯粉亦很煙韌，配上花生、肉碎等，都幾惹味~ 香酥軟骨套餐 ($52) 即炸的香酥軟骨份量相當多，外脆內嫩，亦不油膩，喜歡炸物的我吃了超多呢! 同樣是配上薯粉，辣辣的很過癮! 套餐加$12 可配特色小食 &甜品~

假期的最後一天，媽媽懶得煮飯，索性去吃傷心酸辣粉作晚餐。每次吃傷心酸辣粉，我都會吃它的口水雞，尤其是加大碼皇牌口水雞套餐。口水雞香辛料豐富的層次，吃之前口水都要流出來，一定要整塊雞肉都沾到辣油才惹味。雞皮與雞肉間形成美味，配上花椒油，辣油調製而成的醬料，每口都是香麻帶勁。配上酸辣的薯粉吃，更別有一番風味。手撕雞冷麵醬汁非常重口味，鹹鹹又香香，花椒香氣也很濃厚，也因為這樣，真的很下飯。彈牙冰涼的冷麵弟弟很愛，雞肉口感非常的紮實軟嫩，加上青瓜更為清爽，很涮嘴。媽媽今天嘴痛，不能吃辣，選了豬骨湯頭，湯頭清甜不膩，配上爽口彈牙的墨魚丸，鮮美飽滿的豬肉餃，肥而不膩的滷水#豬腸 及濃郁的炸醬，整碗米線美味非常。蒜泥白肉上面淋上香炒的蒜蓉醬，大蒜味不會很嗆或很辣，醬料帶點甜辣味，不會味道偏鹹。白肉部份切得比較大塊，肉質軟嫩好咀嚼。滷水拼盤豐腴的腩肉，金錢肚，雞翼尖，紅腸，雞蛋經滷汁浸泡後，吸索醬汁，香氣四溢，而且滷水味道濃郁，好吃得不得了。粉麵自由配加配三款配料可免費送贈冷熱咖啡或茶一杯。不過我比較喜歡嚐鮮，點了椰香桂花特飲。想不到蠻有驚喜，桂花糕軟滑清甜，而且蠻消火氣 (媽媽聽了立即替我吃光光，因

米線係我最愛，但薯粉都陪伴我成長。想當年，中學成日都食薯粉，食到個人都變薯粉。而酸辣粉亦係我無論係北上定係香港都鐘意食，所以今次就落左樓下食傷心酸辣粉。開左甘耐，我話我第一次食你都吾信啦！之前食過佢地既2人餐我覺得係好抵食既，所以再去食。皇牌二人 $118包左兩個粉，同埋3款小食平時係出面食個麵都可以要50蚊，但依度句3款小食百2蚊吾洗，加飲品可以用優惠價我就點左酸辣粉 小辣必點酸辣薯粉啦。薯粉軟腍度剛好，吾會食完覺得吾消化。豬骨米線係吾食辣既好選擇。蒜泥白肉睇落吾算多紅油，其實食落係有啲甜，但幾油感，反而辣係落左係啲生蒜度，好正！香酥軟骨依個係3款中我最愛既一款，大大粒好香脆，入面係軟骨係我最愛，仲可以蘸泰式辣醬食。土豆絲椰汁加$7桂花冰粉 $18原來佢地有埋甜品供應，清一清口腔都好。

呢豌野想點，叫左湯輀，花生都唔多粒，問呀姐點解冇料，佢話，有呀，有蔥lor！態度又唔好，食到好嬲仲有一肚氣天。哩一有既係佢個spicy味，都夠後勁，食完好耐個肚都仲係好暖既。

是日晚上約了中學朋友閒聊，話說大家畢業後，出了社會工作，各有各忙，能約出一日食餐傾計都份外珍惜。朋友建議食雞煲，因之前已食了2次，正，每次都食到火辣辣。到達餐廳後基本上不用等位便進入，不消5分鐘朋友便叫一個bb辣雞煲，另加添生菜，芝士丸，紅薯粉，米線，其他雜丸。由於與朋友傾得興起，(抱歉忘計影相，只拍了少量相片), 一行5人食一個雞煲是剛剛好。煲內約有30多件雞肉，細細件方便咬，雖則是bb辣，起初感覺有點接受不了，但慢慢食，味道由中辣調至微辣，辣得滋味，一路食，一路與朋友傾起各自工作環境，對老闆不滿等。。最後店員告知可免費送上甜品-桂花杞子，大家食過，一致認為味道有點怪，不太好食。

叫咗個雞軟骨 口水雞兩碗酸辣粉 一小辣 一中辣 雞軟骨係OK嘅 口水雞冇咩肉又唔夠辣酸辣粉麻麻但其實我已經俾咗好多次機會有兩次外賣自取 一次係薯粉 份量有小又貴又冇乜餸 一次係咪泡椒米線 個米線淋曬！哩間次次去都唔會滿座唔好食又點解又會去呢。就係因為附近冇咩野食想搵間鋪頭傾計 傷心酸辣粉最啱