南苑海鮮酒家

Open Now

Now Closed

由於是一餐普通晚餐，沒有打算寫食評，所以也沒有拍照，但試過後發覺要讚揚一下。經常經過也被門口個招牌吸引住，“古法炭燒乳豬”，但由於只得2人晚膳，故今次點了超值三寶系列，有古法龍躉炒球，薑汁炒芥蘭和炭燒腩仔。三碟餸都屬於大碟，燒腩仔肉同肥膏都好均衡，皮脆帶鹹，正。芥蘭食落甜甜地，有薑汁味，係略嫌老咗d，咬落有渣。古法龍躉炒球，正到不得了，是一塊塊斑塊，肉質結實，無骨，啖啖肉，用西芹炒的，我地要了蝦醬點西芹，蝦醬一到，是灰色的，但一試過後十分驚訝呢個灰色蝦醬竟然如此鮮味，三碟餸有種“食極都食唔完”嘅感覺。

前兩日,一眾同事入了老闆家團拜,因為人數都幾多,就叫了一個大盤菜分享盤菜我都有食過幾次,以前有朋友住圍村,一年都有幾次可以入村食,外賣家中都好似買過一兩次,質素都覺得麻麻,沒村內的好吃,加上家我妹轉了素食,之後就沒叫了.....今次我們叫的是極品圍村盆菜 (14人份/ $1688)相片是由店家Facebook 找來的實物!!!!勁巨大!!!堆到好似小山丘咁高,忽然覺得好大壓力!!!!為免阻住同事進食,我只拍了一張相片.....因為料真的好多,我只把吃過的就簡單評論一下吧!原隻吉品鮑 -- 大小大概比$5大小小,好似無煮過,口感比較韌同沒有明顯的鮮味,似食擦紙膠!一品瑤柱甫 -- 都叫大粒,基本上是原粒上的本灣大明蝦 --都幾大隻,明顯有拖過油,肉質ok沒有梅的感覺,不過就無咩蝦味蒜蓉西蘭花 -- 只有大概5小件,份量好少普寧豆醬支竹/家鄉炆腐皮 --真的他媽的多,估計一個盤菜落了至少兩斤.....(多到媽媽聲不絕!)手打大魚蛋 -- 彈牙,不削,感覺不錯蠔皇炆花菇 -- 個花菇柄竟然沒有切走,目定口呆,不算厚身,普通貨色家鄉炆上腩肉 -- 肥肉瘦肉相間,肥肉是3/4,只有一行瘦肉,我會

這間酒家好多人，要book位!我哋一行四人揸車盲中中去到，冇book位!嗰waiter已經想話冇位，但之後好彩有嗰經理話okay!我哋才能入去。在外面已經見到嗰燒烤爐，各人都好大期望，巳為碳燒燒鵝...或碳燒乜乜...一定好正啦!又以為waiter勁sale的鮑魚仔又新鮮又好正味啦！!點知.......心𥚃只能說一句：算把啦!碳燒燒鵝：整體小亂，只有微溫。同深井或一樂比，天同地。但好食過一般的燒味店，鮑魚仔：勁細，果皮勁粗。唉!不用再試。開邊蝦：好味，但太少!可能係雞蝦雙拼的原因。我見到只叫蝦的，大好多!依家少了1／3攞。雞：亂加上好鹽！

今晚見收工唔太夜，就入元朗食飯。我地叫左2人餐，4餸1湯，原價$266，特價$138。先來一大窩老火湯，白菜菜乾瘦肉豬肺，嘩，好好味，好夠火候。上湯什菌煮菜苗，今晚菜苗係莧菜，味道唔咸好清，不過莧菜幾多渣，什菌都好味。炸豆腐，唔洗講睇下係一磚磚黃金色，好熱騰騰，外脆內軟，仲好香豆腐味，好好好食！芝士牛油焗海中蝦配南瓜底，好香芝士牛油味，海蝦真係中size，唔係基圍蝦，咬落肉質好正，啜埋個汁真係正，南瓜條都好淋。原本應該是油雞，不過賣曬比左切雞，雞肉好滑，正。順帶一提，坐低侍應比左醃青瓜和花生，個醃青瓜好入味好爽，好好味。

去年在一個朋友聚會吃過他們的外賣盤菜,覺得味道唔錯,分量亦足,所以今年我生日賞試一下去堂食,諗住會有一番正統風味,但希望越大,失望越大,我們叫的是5-6人傳統盤菜,只有表面個層是蝦,魚旦,雞,鴨,腩肉,西蘭花....,下面一層是佔百份之90是蘿白,連豬皮及苧頭也極少。見到牆上大菜牌話即燒乳豬;名師主理"必試"!!!,我們又見食唔飽,於是咪叫了半只試下,點知係乳豬頭;中豬尾;又肥又勁重雪藏味,唉! 我望下附近僅有的幾張枱(嗰日是星期六晚),只是我們唯一是食盤菜,證明已經完全錯晒! 山長水遠走去食(西鉃+巴士),埋單800多元,暫時係2012年最劣事件!

早2日係南苑訂左個盤菜今日(年廿九)食團年飯.今日晏晝打去問佢地幾點會送貨,佢話會6點幾送到.點知到7點都仲未有電話.打去問又冇回覆.7點半再打去問,今次係個男士聽,佢話幫我check check,8點先覆電話話個盤菜上錯車.要9點幾先送到.我即係唔要啦~仲等...都唔知係唔係真係會送黎丫!!點可以咁樣GA!!如果上錯車做咩唔一早通知人.要人打去幾次催先話上錯車,都唔知係咪送唔切先話上錯車.咁既服務點得GA!!雖然我地未比錢o者,不過咁既服務點會仲有人幫襯

年三十團年飯,本來一家人開開心心.點知嬲到爆訂左盆菜晚上7:30前到的.1月24日巳預訂盆菜(南苑洒家)到了年三十下午2時打電話去再確定,間鋪個黎太話知道有單,到了七點再打去問出車未?佢又話出左車送貨了點知一家10幾人等....等了又等...到8:00都冇盆菜到,就打電話去問啦..點知打到8:45分都打唔通,一家人都又嬲又肚餓打到9:00終於有人聽諗住閙鬼佢,佢又話15分鐘到,周街餐廳酒樓又冇位食飯,全家人無耐地等盆菜到啦結果9:20分終於盆菜到喇.....哎....以後都唔會再叫呢間盆菜到會...成盆野都唔夠味,蘿白又酸又"叔",Ｄ蝦又"梅"盆底勁多豆卜,蘿白好似小朋友隻手咁大舊,雞鵝又冇味,芋頭又硬到食唔到,勁差呀.......

星期一，一月二四號，在鰂魚涌分店給了訂金訂了一個盆菜，於一月二十九日取。今天在18：00打了電話問他們可否去取，他們說盆菜沒送到，遲點恢復。到19：00再打電話說來取，他們說可以來取，但去到分店，他們竟然說沒有這個order。今天做節，沒有盆菜，好慘。:'( very bad

明日的食評..我就會衝出元朗....哈哈...今日去遠左....去左錦上路..係一間做附近返工的人同旅行團的食店...入到去自己找位坐....店員就問食乜,我話茶唔熱立刻換新的俾我.....效率快...點了冰檸茶....唔會太甜..茶味香而且濃唔錯...咖喱雞飯,大碟...雞份量多.無骨的,而辣度剛剛好.....有禮貌.好食,價錢平.......絕對無批評的地方

今日慶祝朋友生日，壽星女想吃傳統圍村盆菜，地點本來選了屏山，但菜館晚上九時便打烊，我們人多勢眾，似乎時間不太充足，最後來到錦上路的南苑。南苑位於錦上路上村附近，雖然門前有巴士站，但地點始終較為「吊腳」。酒家間格比較特別，除了自己店子的小鋪外，店外與鄰旁士多及茶檔還設有上蓋的共用空間，放滿桌椅以招待客人，就像是熟食中心似的，但當然舒適得多。食物方面，這裡有碟頭飯及一般中菜小炒，但我們這次預先訂了兩個大盆菜，所以不用再為菜式周章。店員先把手提石油氣爐奉上，然後再把用錫紙包著的巨型銻盆放在爐上保持熱度。人齊後，我們把錫紙打開，盆菜宴便正式開始。盆菜材料一層疊一層置於銻盆內，鋪面有排列得齊齊整整的燒鵝、白切雞、大蝦、蠔鼓、冬菇、鯪魚球及西蘭花，賣相相當吸引，味道也好。吃罷頂層後，便見有五花腩肉、土魷、門鱔乾、芋頭等，全部煮得又淋又入味。至於最底放的是枝竹、豬皮和蘿蔔，雖然都不是甚麼名貴食材，但卻「寶物沉歸底」，因為完全滲滿濃郁南乳醬汁，非常美味。雖然不同盆菜用的食材會有所不同，但始終都是「清一色」的南乳味道，所以往往給人很快吃膩的感覺。但這裡的盆菜卻比想像中好，入味之餘也不失食材本身味道，而腩

參加了元朗一天遊，午膳安排於南苑海鮮酒家。既然是local團嘅團餐，價錢便宜，都不會有太大期望。菜式如下：豉油皇香蒜基圍蝦：以豉油、香蒜炒香，又幾惹味好食。蝦雖細隻，但勝在肉質結實。白切雞：幾有雞味，唔肥，唔錯。菠蘿古魯肉：醬汁過酸。古魯肉用料亦一般，炸粉很厚。雜豆蒸豆腐：豆腐不算滑，味偏鹹，普通。紅蘿蔔鱆魚煲豬骨湯：味道頗鮮甜，只可惜所用的紅蘿蔔有變懷的情況。檸檬蒸烏頭：老火了，味道一般。魚香扒茄子：OK。蠔皇北菇炒菜：普通。

對於樓下有位朋友訂盤菜的不愉快經驗, 深表同情上星期去朋友屋企作客, 佢地都係從南苑訂的盤菜但當日送貨就非常準時啦, 可能唔係節日的關係, 訂單唔多一個中的盤菜, 基本上如果有煮白飯的話, 係足夠10人分享的盤菜內, 有大大隻燒鵝脾, 白切雞, 蠔豉, 冬菇, 支竹, 蘿蔔, 門鱔, 津白, 蝦, 尤魚, 芋頭等等最吸引的係炆豬肉, 五花腩用南乳炆成, 一點都唔肥, 不論男女小朋友老人家都讚不絕口真係值得推薦

大年初二,一大班同事滿心歡喜訂了一個$1088的盤菜,用作開年飯之用,訂菜時餐廳回覆大概當日中午十二時至一時左右送到,我們十二點半打去詢問盤菜何時送到,對方回覆運送途中,我們等了又等,一點幾還未送到,打去再問對方由說塞車中,但試問新年假期當中又怎會這樣塞車呢?新年流流本來開開心心食餐飯,怎知抱著失望又氣憤的心情,在兩點鐘打去餐廳取消訂單,試問新一年第一天工作就發生這種事情,我們怎能接受?作為一間有信譽的餐廳,真的令人非常失望...此等行為神人共憤,天地不容!!!!!新年發生這種事,令我們對新一年的期望化為炮灰,蒙上陰影,對盤菜極之反感...

錦上路都頗長，當中存在不小圍村在裡頭，而當中不小老式酒樓真的陪伴圍村的變化而存活至今。下午來到，主要光顧的已經不是圍村原居民，而是附近車場、貨櫃場、工程公司等的員工，故這裡的飯送份量亦都以大件頭為主。趕時間，中式快餐不作二想，點了豆腐火腩飯再配上例湯粟米紅蘿蔔排骨湯。這裡的例湯雖然是沒味精的那種，但淡口之餘湯不夠濃，但勝在無限量供應；豆腐火腩飯是即炒的那種，熱辣新鮮，主角是豆腐而非火腩，豆腐豆味很濃，相信是元朗圍村豆腐廠的鮮製產品，因這裡才能容下這類輕工業，而芡汁稠稠的，和飯效果一絕。地方夠大夠乾淨，但店員都是老員工，沒什笑容及貼心服務相送；價錢超值，廿二元一份現炒小菜。再看傳單，這裡主打的盤菜真的不俗，材料足之餘價錢亦不貴，又以正宗圍村人主理的旗號作主打招來的這點亦是相當吸引，而六人十二人盤菜份量在新界及九龍區都可免費送貨，故有打算團年飯用她一下；但奈何最終沒時間處理，沒有訂購，就連今天開年在即亦無暇兼顧開年飯的事宜…；睇怕想一嘗這裡的盤菜可能要留待到元宵佳節吧！

此店近"三號幹線餐廳". 如果唔係Uncle推介, 兼有車, 根本冇可能入到咁遠食晚飯. Uncle曾在此訂過盤菜, 又食過幾次海鮮, 訓身推介云云.店內無乜裝修, 似長洲的海鮮食店, 反而有圍村風味. 店外唔多覺有魚缸, 但有兩個空地可泊十幾架車.七個大人一個小童, Order:燒鵝半隻- 香, 滑. 不過好似係"鴨"來.吊燒雞半隻- 脆! 有雞味, 唔係用雪雞.椒鹽豆腐- 脆! 中上水準炒什菇- 足料, 夠味.腐乳通菜- 炒得好, 岩岩夠林又唔太林.米粉及白飯- 推介米粉, 因為抵食! 一碗可以兩個人分, 加埋鵝汁更美味.清蒸大青斑- 最遲出現, 但一樣清哂. 我認為不是游水, 可能是岩岩死. 兩斤幾收你$168, 都算是成本價.此店碟頭頗大, 一般小菜約$40-50一碟, 6-8人份. 可能因為舖租平, 成本低, 適合一般家常便飯.