SOUTH LANE (南里)

Open Now

Now Closed

炸鯛魚漢堡🍔漢堡上下兩層的麵包都搽上左他他醬再混合左七味粉都唔錯！而且鯛魚炸得都幾香脆、份量夠多，有食三大塊～ 都幾飽肚薯仔波菜白汁焗蛋這道薯仔菠菜白汁焗蛋口感柔滑，薯仔和白汁的搭配十分和諧。焗蛋鮮嫩，還有新鮮菠菜增添清爽感。味道簡單卻令人滿足，適合當作主菜或小吃，值得一試。Strawberry Lemonade士多啤梨🍓的甜味平衡了檸檬的酸味，創造出一種愉悅且解渴的飲品，既果香四溢又令人耳目一新。Marrakech這道馬拉喀什風味穀物碗色香味俱全，自家製的薄pancake ，搭上鷹嘴咀醬幾夾。食物當中夾啲覆盆子粒粒都幾refreshing。

餐廳主打健康天然食材,也有純素選擇.環境舒適愜意,加上半場外國人,有種莫名休閑感.午市時段沒套餐,而且價錢屬中高價.但我同友人都覺得其質素、調味及擺盤都有高度評價,不是一般咖啡店水平!🔸香煎中東芝士配多士($148)擺盤精緻,賣相及味道均有高級感!多士是新鮮酸種麵包,焗得脆身,內裏煙煙靭韌.上面放上四大件厚身中東芝士,煎香後質地結實,感覺似素雞肉,蠻特別.配搭上微酸調味及洋蔥,新鮮蔬菜,清新飽肚🔸蟹肉龍蝦湯意大利麵($298)價錢雖不便宜,但份量及質素都成正比!整碟意粉佈滿蟹肉,近乎啖啖都有!而且有驚喜地吃出鮮甜肉質.龍蝦湯調味濃稠卻不膩.幼身意粉有彈性而掛汁.份量巨大,二人分享同樣滿足度高!🔸挪威三文魚(+$68)三文魚極度厚身!表面微笑煎香,而內裏肉質非常非常軟滑!簡單用胡椒及鹽作調味已很好!🔹Latte($42)🔹Iced Green Detox（$62）飲品單點但大大一杯,對得起價格. Green Detox綠色蔬果汁是健康養生最佳典範.由羽衣甘藍、蘋果、青瓜、芹菜、檸檬和薑組成,完全沒有草青味個人相當喜歡(可能總覺得有d似Cocktail😛)

South Lane環境設計充滿現代簡約的氣息，寬敞明亮的用餐空間搭配溫暖的燈光，營造出舒適愜意的就餐氛圍。此外，服務人員的專業態度也很值得稱讚，從點餐到上菜，整個流程都很流暢。在菜單方面，South Lane提供了相當豐富的選擇，既有傳統的歐陸料理，也有一些創意十足的創新菜餚。我點的是他們家的招牌菜之—- Hanger Steak -這塊牛排煎得恰到好處，肉質鮮嫩多汁，搭配cheesycabbagebake。配菜煮法獨特，感覺上像食意大利麵，但係口感係椰菜嘅口感。整體口感層次。此外，我還品嚐了 Avocado Chilli Fried Egg。這是一道地道的早午餐，煎蛋恰到好處，加上特製的醬料後增添了一些微微的辛辣，與酪梨的清香形成了美妙的對比。最後，我點了他們家的招牌冰品 Dragon Berry 由新鮮的藍莓、黑莓及其他乳酪製作而成，外觀非常吸引人，層次豐富，味道清新又帶有微微的酸甜。South Lane為我們帶來了一次非常愉悅的用餐體驗，無論是環境、服務還是菜品，都堪稱一流。下次來的話，我還會嘗試他們的其他創意佳餚。

We ordered seared hanger steak , and a roasted chicken to share , enjoyed a glass of dragon berry and green detox. Medium rare cooked steak was very tender , lightly seasoned. The sauce provided was some kind of herbs blended with scallion, going very well with the steak. The potato salad mixed with cabbage was nice as well , very creamy. Roasted chicken served with fries was a big surprise. The fries was sooooo good. Perfect in size, nicely fried crispy crust , with the tomato (bolognese style?

最近去開港大做嘢，發現喺附近有一間裝修幾有格調嘅咖啡廳，我同朋友就入咗去試吓，竟然好驚喜Lump Crab Capellini呢個係蟹肉意大利麵，裏面真係有好多一粒粒嘅蟹肉，好足料！而佢個汁都調校得好好，係好Creamy，個面亦都係比較幼身嘅，比較掛汁！Catch Of The Day呢個超級有驚喜！佢係用一條好新鮮嘅鱸魚，魚肉好鮮味好甜！鱸魚都好嫩滑！最重點係佢嘅外皮好脆！真係外脆內軟超好味！另外佢嘅薯蓉都打到好細滑！真係食到停唔到口！Ice Mocha（Oat milk）呢個可以選擇唔同嘅奶，如果係乳糖不耐受嘅人士可以揀牛奶之外嘅其他奶！貼心！呢個飲落都好rich!好味！Golden Latte對於一啲唔可以飲咖啡因嘅人嚟講，餐廳亦都會提供走咖啡因嘅飲品！呢杯Golden latte就係佢哋嘅特色飲品，特別嘅係佢哋會加咗一啲薑黃粉，飲落個味道好特別，但係又唔會覺得好奇怪～另外呢個餐廳個vibe都係好chill 好Relaxing嘅！佢嘅裝修簡潔得來有令人好舒服！喺忙碌嘅都市裏邊俾人一種好舒適嘅感覺！最啱同朋友一邊品嚐美食一邊談天說地！

📍 SOUTH LANE (南里) (西環)西環石塘咀南里14號地舖👉 Tea set Avocado Chilli Fried Egg Toast + Green Detox💰156😋😋😋😋.9/5🩷Toast用料新鮮且用心,包括有機自由放養雞蛋、一顆完整的鱷梨、香料粉和嫩芽鋪在酸麵包上。鱷梨的香滑質地和雞蛋的柔軟組合完美融合,搭配麵包的酸香,衍生出層次豐富的口感。微辣的香料粉增添了些許餘韻,令人欲罷不能🩷Green Detox綠色蔬果汁無疑是健康養生的最佳典範。由羽衣甘藍、蘋果、青瓜、芹菜、檸檬和薑組成,各種成分相得益彰,交織出清新甜爽的風味。每一口都彷彿在飲用大自然的精華,為身體注入滿滿的維生素和礦物質👉 1/4 Chicken & Leafy Salad + Dragon Berry💰166😋😋😋😋.8/5🩷這份色彩豐富的tea set無疑是營養均衡的典範。新鮮的蔬菜鋪底,上方鋪著分量恰到好處的嫩雞肉。鮮嫩多汁的雞肉與脆爽的蔬菜相互輝映,層次豐富。每一口都能品嘗到食材本身的自然甜味,令人大快朵頤🩷Dragon Berry:色彩繽紛的奶昔無疑是一道令人驚艷的drinks，由藍莓、

呢間cafe 幾舒服😌 裝修簡約有格調。店員服務又唔錯。我哋叫咗澳洲走地炸雞扒，肉唔會老，外層炸得金黃香脆，入口即化。另外叫咗香蒜薯條🍟好香脆，香蒜味道啱啱好，自家製蕃茄醬酸甜適中。至於海鮮叻沙，湯底濃郁，帶有椰香，海鮮海蜆、海蝦及魚等等。叻沙幾香，唔會太辣。甜品方面，叫咗鮮草莓罌粟籽鬆餅。鬆餅焗完外面脆脆地，入面鬆軟，加上香脆嘅罌粟籽，又帶士多啤梨香，幾特別。飲品方面，STRAWBERRY LEMONADE清新解渴，賣相又幾靚。而Hot mocha香濃幼滑，咖啡同朱古力味都濃郁。

呢間咖啡室除咗飲嘢之外，食物選擇後方便都幾多！下午茶仲特別抵食🤣喺寶翠園對面嗰陣時咁多街坊成日落嚟！- **Snapper Burger**: 新鮮的鯛魚漢堡肉搭配酥脆的麵包,入口即化,鯛魚非常新鮮，肉質結實，食到魚肉的鮮味。- **Dragon Berry**: 材料有blueberry, banana, red dragonfruit, chai seed coconut yoghurt, coconut flakes + oat milk這道別出心裁的飲品,相信會以獨特的藍紫色系和酸甜滋味好正。- ** SEARED HANGER STEAK烤腹肉牛排 配搭Garlic Fries**: 烤腹肉牛排肉質好高質素一啲筋都冇而且牛肉味非常香濃！薯條即叫即炸！香濃的大蒜味,搭配薯條酥脆可口的口感,定能滿足挑剔的味蕾。- **Latte**: 濃郁滑順的咖啡飲品,為用餐增添一抹清新的氣息。- ** 烤1/4 隻澳洲走地雞 佩Leafy Salad**: 烤1/4 隻澳洲走地雞肉質結實，因為佢係走地雞活動得多！啱晒啲健身人士食夠晒有蛋白質！綠葉蔬菜的清新清脆,必定能提供一種健康又爽口的選擇

位於西環南里嘅☕Cafe🌟South Lane🌟，極近香港大學地鐵站🚇，交通十分方便👍🏻！🥑牛油果有機雞蛋多士 $158有機流心煎蛋配牛油果蓉，呢個無敵組合，的確美味！🥗馬拉喀什風味穀物碗 $138北非Style嘅穀物碗，有非洲米、鷹嘴豆蓉、Pita Bread、煎芝士等，極具特色！🐓半隻香烤澳洲走地雞配香蒜薯條 $198半隻烤雞都幾大份，火候啱啱好，雞肉仍保持水嫩，仲好易起到骨！薯條炸得夠香脆，仲有蒜蓉＋焗蒜作調味，誠意十足！☕Caffe Late $42口感夠滑，咖啡烘焙嘅香氣突出！

啱啱到afternoon set 2:00，抵食套餐。叫咗海鮮叻沙，好大一碗湯湯底夠熱，味道好特別，有冬陰功同叻沙合體嘅味道，清清酸酸辣辣開胃，入邊海鮮份量好多，有海鮮、海蝦、魚柳等等，每樣都好多件，份量好足。SEARED HANGER STEAK烤牛排5成熟，肉味濃郁，牛肉汁juice，配青醬清新，脆卜卜薯條配埋蒜蓉粒。套餐配埋嘢飲，叫咗藍莓奶昔，有藍莓🫐香味，加埋香甜香蕉🍌，同埋果仁片，同埋清新嘅薄荷，味道唔會過甜，顏色好靚。Earl grey比一個茶壺你，可以進步兩杯熱飲，好茶味濃郁，醒神開胃。散係叫咗個三文魚，烤得啱啱好，魚味濃郁，加埋黑椒同清新檸檬，營養豐富。草莓鬆餅，唔會過甜，配埋香橙醬，有香橙嘅味道，入邊見到好多士多啤梨籽，鬆鬆化化，啱晒飯後甜品。

牛扒肉味好濃，雖然肉質比較有嚼勁，但愈嚼愈有肉味🥩 薯條炸到勁脆，最特別係加左啲生蒜，食落勁惹味🧄多士加左牛油果同蛋，吾洗多講都知道有幾好味😋 多士好香脆，最鐘意撈埋啲蛋汁🤓飲品分別叫左一杯Super green、一杯dragon berry🧃 dragon berry賣相又靚又好飲🫐 Super green就無任何既裝飾，賣相吾吸引，好彩飲落都吾錯Pain au chocolate 朱古力味夠濃，食落好酥脆🍫

朋友住喺西環，星期日上佢屋企探佢，之後就喺附近搵咗間Cafe坐低傾偈食lunch。牛油果有機雞蛋多士雞蛋煎到金黃色起邊，流心太陽蛋切開後，蛋汁可以配埋牛油果食，有烘底嘅酸種麵包咬落好軟身，整個配搭非常健康。凱撒沙拉沙律菜好新鮮，糖心蛋火候控制得啱啱好，食落幾滑，salad有好多芝士片，麵包碎都夾，沙律汁唔會好咸，同啲配料食啱啱好，成道菜好開胃。烤腹肉牛排牛排鮮嫩多汁，烤嘅手勢唔錯，保持到肉質嘅彈性，唔會過火。旁邊嘅配菜亦有驚喜，芝士煮椰菜好creamy, 令人印象深刻。Dragon Berry Smoothie飲品賣相非常吸引，即時製作，我親眼望住廚師喺廚房整，成杯野用料非常豐富，有藍莓、香蕉、紅肉火龍果、奇亞籽、椰子片，仲用咗燕麥奶，味道同口感都係我鐘意，完全唔會好heavy。Super Green Smoothie朋友嘅飲品睇落好綠色，佢話飲落都好fresh。餐廳環境舒適，食物健康清新，適合同朋友週末去chill下。

.🅢🅞🅤🅣🅗🅛🅐🅝🅔有驚喜既早餐🍳好隱蔽既後街..但裝修得好有特色既西餐廳😍就黎搬離西環🥹有點不捨🥲係屋企樓下開咗咁耐既西餐臨搬前要去食下👍🏻牛油果🥑有機雞蛋🥚多士牛油果靚唔靚⁉️其實真係食得出架‼️好新鮮好fresh✴️再加埋留心蛋係面超搭配既組合👍🏻我平時喺屋企都咁整😆塊多士硬身得黎好煙韌💯薯仔🥔菠菜白汁焗有機蛋呢個非常有驚喜同出色💯 薯仔煮熟軟爛,與菠菜葉的爽脆口感形成對比,口感層次而白汁提供滑順的質地,和焗蛋一起吃很百搭‼️而且仲係營養均衡的健康餐拉花朱古力☕️一向唔飲咖啡嘅我‼️每次去呢啲西餐廳地方都會嗌杯熱朱古力！估唔到都有驚喜！拉花非常靚💓@southlane#alldaybreakfast #驚喜早餐 #foodie #西環 #木系西餐西環隱蔽西餐

返學路上，在附近行吓順便覓食，發覺一家餐廳在地鐵站後面，山邊的一條安靜小街上，餐廳在轉角位，略低於地面，餐廳門面就有點歐洲田園風情，放了兩張台方便喜歡戶外的客人，掛著古老的吊扇，幾種綠葉點綴，自然風格顯現，推開門，一種田園溫暖的畫面開展，泥土顏色系列的裝飾品展示在不同位置，深淺交錯的乾花，有點秋季來臨的提醒，燈罩是藤製簡約款，燈光柔和，窗邊擺滿了不同的植物，窗外也是綠葉婆娑，隨風搖曳，店裡有顧客在看書，感覺不是香港🤭，坐在窗邊，燥熱的心慢慢降了溫，拿起餐牌，一眼就相中香煎尖吻鱸魚🐠薯蓉餐，同學仔就揀海鮮叻沙，可見我們都著重健康，吃海鮮🐟🦐🍤🦪不吃紅肉🥩🥓，再點兩杯拿鐵加燕麥奶後上，等食物之時，客人陸續來臨，坐滿整個餐廳。這裡似乎很受白領喜愛，兩個餐很快送到，比我們預計大份，鱸魚🐠有兩大塊，煎得焦黃脆皮，擺在厚厚薯蓉上，還有深綠波菜，羽衣甘藍，茴香，紅莧菜等配搭，最突出是有一個烤檸檬，真是絕配，烤過的檸檬香味撲鼻，檸檬汁配煎魚🐠，錦上添花🌼。海鮮叻沙用個好型的大碗呈上，賣相首先滿分，四個鮮色去殼大蝦，幾個大蛤，幾塊鮮嫩的魚🐠肉，半個泰國青檸，幾條新鮮清香的元茜，小撮幼幼的芽菜，鋪在微紅的

一早起身出席駕駛考試唔合格🥲，不過都要慰勞自己前幾日月咁努力學車，今日決定食返個靚brunch。之前已經bookmark左south lane好耐，今日決定試一試！South Lane 裝潢以木系為主調，空間寬闊明亮，採光十足，成個環境令人舒服放鬆。- 香煎尖吻鱸魚配薯蓉鱸魚非常大份，肉質唔會話好嫩滑，但入口啖肉無咩骨，而且外表煎得非常香脆。魚既下面有大量香滑既薯蓉，薯蓉吸收左魚油精華更加惹味。- 香脆蒜蓉包一共有三大片，餐廳用左酸種麵包，外皮香脆，上面舖滿惹味既自製蒜蓉醬，然後再塗上一層厚厚既香草牛油，完全色香味俱全🥰- Dragon Berry 基底係燕麥奶同椰子乳酪，入面有香蕉、藍莓同火龍果，估唔到味道以香蕉味最突出，甜甜地幾好飲。另外加入奇亞籽同椰子薄片令口感更豐富。呢餐飯將我原先考車Fail嘅失落感完全一掃而空。餐廳仲有好多賣相吸引既菜式，包括自家番薯椰子班戟同烤腹肉牛排，下次一定要試返呢兩道菜！