Spiaggia

Open Now

Now Closed

今日行完赤柱市集搵地方食晚餐，呢間人最少排隊已經覺得有啲奇怪，但因為費事等所以就照食啦。叫咗兩個餐一個牛扒一個吞拿魚扒，等咗起碼30分鐘都冇，餓到就黎死，遲過我哋坐低嘅客都已經食完走埋，點知一問就話原來個吞拿魚扒唔小心比錯咗另一個客，叫我哋轉其他嘢食。咁我就話轉三文魚扒但想要返薯蓉，佢話ok。如是者又等咗10分鐘，點知1上菜嘅時候竟然係三文魚扒配薯條，話因為連薯蓉都冇晒！我因為戒緊口所以食唔到薯條，我嬲到叫佢一係俾個白飯我，如果佢一開頭話冇薯蓉咁我就直接轉碟意粉啦！！仲要碟嘢勁細碟，個三文魚煎到勁油，薯條又少！前後玩左成粒鐘仲要餓咁走！！之後俾錢嘅時候忍唔住再投訴，佢哋仲吹脹到話白飯已經冇收你錢啦喎！呢間嘢正垃圾！！做錯晒嘢又無補償之餘，仲要比+1佢！！！一世blacklist!!!

今日同一班舊同學一齊行山🥾，去到赤柱搵咗呢一間餐廳👩‍🍳食飯，結果非常之後悔！😒原本呢一間餐廳睇落幾有赤柱異國風情🏖，咖啡茶座☕️前就係一望無際嘅南中國海🌊，門口笑面迎人😊，但入到去另一種態度！我朋友問關於飲品嘅問題，佢答到愛理不理咁樣：你鍾意飲就飲，唔飲就唔飲。🙄我朋友後加左幾杯嘢飲，等咗勁耐先可以上桌。我哋幾個人嗌左All day breakfast ，幾份麵包一隻碟上桌，叫我哋點樣分？牛油果醬俾得好少🤭。店員上菜嘅時候，問邊個食乜嘢野，我朋友就舉手啦，但係佢竟然係擺低叫我哋傳過去😅😂，中間隔左幾個人，真係傻的嗎🤓唔講服務態度，我哋講吓嘢食質素：All day breakfast $128一份最基本嘅英式全日早餐，係好應該有茄汁豆🥫！我唔知點解佢係冇提供，就好比焗豬扒飯冇咗上面嘅菠蘿咁！啲材料又唔豐盛，我係屋企都煮得好食過佢！🤭Rib eye steak $158平心而論，我覺得塊牛扒🥩煮得幾好食，外皮煎得啱啱好，能夠鎖住肉汁，牛扒嘅質素都唔差，有濃郁嘅牛味。至於配菜薯條方面，佢用咗連皮刨嘅薯仔🥔，口感完全同麥當勞嘅不能相提並論，真係幾值得Encore🍟Fish and chips

我愛週末及假期的早上，到處靜悄悄的，人不多，很舒服，很自然，很安靜，尤其在這個季節，仍不算熱，溫度適宜，很爽。早上9時多到了赤柱，看海景，吃早餐，原來那麽早能吃西式早餐的只有這店及 Classified, Classified看不到海，那就不去了。這店早餐只有一款，包一杯歺前果汁及餐後咖啡，麵包有牛角色，麥包多士，白麵包多士。主餐有煙肉，腸，雙蛋，薯餅，半個蕃茄。食物環境服務都尚可。早餐 128元 +10%

平時無幾可入赤柱，點知食貴小小就中伏🥴Spiaggia燴羊膝配寛條麵 🐑🍝$158 加一初頭以為叫羊膝寛條麵，應該起碼會有舊肉食吓🍖，點知原來嚟到係羊膝「絲」寛條麵，當堂嚇一跳😰，真係無諗過俾百幾蚊食肉絲意粉囉😤。味道方面，食落一般既，如圖見到醬汁充足但略嫌偏淡，肉絲既羊肉味尚算濃，整體叫做不過不失啦🤷🏻‍♂️紐西蘭肉眼扒🥩$158加一賣相擺碟一般就唔講啦，今次牛扒叫左7成熟，食落有啲”UN”🥴，亦無咩牛味，喱個質素我寧願去食熱石牛扒仲開心🤤，所以個人建議真係去，都唔好叫喱個🙅🏻‍♂️Overall 因為價錢關係，平時就算經過都真係唔會幫襯，但係朋友鍾意就無法啦，嘢食呢就真係麻麻地喇，但係如果你要食個海境呢，其實附近商場有M記，買完坐海邊食仲抵啦😂後記：上網見到唔少人都話，啲侍應態度麻地，親身體驗：係真既😂

服務態度差 食物質素低 漏單......幾個本地侍應狀態差 唔單止冇乜禮貌 仲串串槓個男既尤其是過份 D 炸魚薯條 薯條同香脆原全相反 炸魚炸得唔脆 粉又厚 仲用最差既鯰魚嚟做肉醬意粉味道可以但係超級乾 ，乜的啲醬汁好貴咩 個印尼炒飯有陣“宿”味 連串燒都有唔新鮮既酸味千祈唔好去

食物質素勁一般，最差係服務態度，見到外籍客人勁好招呼，本地客人就睬你都傻吋到爆... 見隔離嗰間好滿冇位，諗住呢間有位應該都差唔多，點知由未坐低開始D服務員已嚟料，問多句都唔應你，上完菜又唔俾碟，問佢攞幾杯水都要問4次，問第二次個白頭短髮女人仲要勁臭吋話「水都要等！」，我問等幾耐佢話轉頭，我唯有問第二個，結果都係冇理我... 最後我要大叫先怕咗我攞幾杯水嚟，毫無覺得唔好意思... 知唔知點解？因為佢地第一時間衝去招呼外籍客！我都係食咁多嘢俾咁多錢架喎老闆！你地唔好咁cheap咁丟架啦！低劣到極，不知所謂！如果想摧毀自己一個週末心情不妨一試。記住係黃遮嗰間！！

趁放假，入赤柱遊車河行下食下，一入赤柱大街，就見到呢間Spiaggia餐廳，因太多其他餐廳選擇，所以就決定試下呢間。首先係龍蝦湯，唔夠熱，比較稀同淡味，龍蝦味唔夠香濃。另外叫左芝士4重奏pizza, 店員話pizza餅底係自制既，食落都唔錯，夠薄脆脆地，偏硬身同乾身，感覺似食緊熱既濃厚芝士餅乾，因為落左blue cheese, 所以會偏少少咸，建議配其他食物，例如沙律/湯，可以中和一下咸味。叫左杯Bloody Mary, 味道都唔錯，個人覺得加多d 黑椒好味d, 西芹切得好求其。整體黎講，認為呢間餐廳主要係食環境，因為對正個海，海景係幾靚，海風幾舒服，同埋天氣好嘅時候感覺特別休閒，食物質素同服務態度都唔算十分好, 相信如果疫情過後坐室外，觀景同感覺都會更加好，將來有機會都會再嚟坐outdoor感受一下赤柱。

話說有一年聖誕諗住入去赤柱行吓食吓野點知入到呢一間西餐廳門口個阿姐都仲幾有禮貌但入到去分別有兩個啊姨加一個阿伯非常冇禮貌以下分別係幾個事例事例一 其中一位阿姐落單嘅時候完全望住你向住部機淨係掛住入單根本完全聽唔到佢講乜嘢 而且態度亦都唔良好 同佢講要個餐佢就問你飲咩湯先完全九唔搭八事例二另一位短髮阿姐更加冇禮貌 因為想要食藥有冇水問佢可唔可以俾杯水 唔知佢話水係冇嘅因為今日星期日要嘅就自己俾錢買或者自己帶其實我哋都明白有時候餐廳冇水一句唔好意思冇水咪搞掂囉 無需要加後面一連串無意義嘅說話事後隔離枱向一位講英文嘅外籍侍應攞水又比嘅事例三 去到買單嗰位阿伯好似唔想過嚟買單一樣 鋪頭亦唔算多人其實佢好得閒 俾你簽名嘅時候又冇禮貌就咁樣掉低 而且當我個朋友要起身推後張凳嘅時候 佢竟然係推翻張凳撞下我朋友 雖然唔係話顧客所有嘢都啱 但係係間餐廳入邊係咪都應該有個顧客離開先尼 環境麻麻哋枱與枱之間非常之迫 完全聽到隔離講乜 而且食物又唔夠熱 味道冇乜特別非常一般奉勸大家如果既然入得黎赤柱想浪漫一番嘅話 千祈唔好入嚟呢間餐廳食嘢 四個字形容曬不知所謂

Set lunch with 2-course was served here. All main or pasta were of the same price—$148 plus 10%. Decoration was pub style; supposed to provide western food. Strangely, Asian food such as curry meat rice and stirred fried rice vermicelli were also offered. We ordered papardelle and NZ ribeye. The pasta was non-home made but still fine and delicious, probably due to the fact that the sauce was rich and seasoned with red wine and a little bit cheese. The steak was tender but somewhat thin in size.

放假去赤柱行吓順便食lunch,隔離果幾間都食過所以試吓呢間,叫左呢燴羊膝寬條麵,味道唔錯幾濃味又夠熱!但由坐低到食完埋單全程水都冇杯,兼門口個阿叔帶完位放低Menu就行左去,之後埋單多謝都冇聲!

People who dine here should check their bill very carefully!!  I ordered  bottle of red wine costing about HK$280. The waiter saw where my finger was pointing to the menu.  A bottle was produced and - my own fault - I did not check the label on the bottle against what I had ordered.  On checking the bill I had been charged HK$500 for the wine.  I agreed with the management to pay HK$300 for the wine, which was immediatelly agreed.  I came away with the impression that the restaurant had delibera

Have you heard of a local brew called Spiaggia? I hadn’t either until I came here. Turns out this restaurant brews their own beer (which is what it’s named after).An ice cold beer is just what I needed on a hot Stanley day. The deal is buy one get one (but you can’t share). I forgot the price, I think it was around $50? Which is a pretty good deal.We ordered some nachos as well, they’re a little pricey for what it is but considering the location it makes sense. The taste was not bad.Worth coming

今日入咗赤柱大街食西餐，我哋總共食咗三樣嘢肉醬千層麵，份量都頗多，同埋都多芝士,味道較濃，適合重口味人士。素食雲吞，因為唔係間間西餐都有雲吞，較少有嘅西餐店先有係，意大利雲吞下面配左一啲菠菜汁味道都錯，適合素食者。最後叫咗個三文魚扒，三文魚皮煎得好香口，三文魚味道唔腥同較淡，最驚喜嘅係三文魚嘅伴碟，係我最唔鍾意食嘅青豆，經過調味完全冇青豆既青澀味所以青豆好好食仲好食過三文魚跟套餐有沙律或者湯可以選擇，沙律同湯仲有跟埋既蒜蓉包亦都唔錯，整體餐廳所有食物都不錯👍🏻

客觀來講，pizza is ok，salad 賣相恐怖，青口無味道，其它都好一般. 最差係老細既服務態度，非常惡頂. 今時今日咁既服務態度點得？？難怪冷冷清清無人幫襯，奉勸各位望真d先好落座

去赤柱當然係黎渡假啦，餐廳對正個海灘而且有特大螢幕俾你睇電視非常寫意。今次係第二次黎食，因為實在好好食而廚師都係外國人，感覺真係好似去咗外國，所以今次黎到赤柱特登介紹朋友黎。最特別係個希臘沙律醬汁酸酸甜甜好醒胃，唔好睇佢好少咁其實加埋芝已經有少許飽。跟住落黎就係生蠔啦，來自澳洲既生蠔好新鮮，一啲都冇苦澀味，味道一流最後就係個三文魚，個三文魚好似唔洗錢咁成大半條送上枱加埋青豆伴碟可以去走三文魚本來既魚腥味提升三文魚既鮮味。