辣先鋒花甲粉

Open Now

Now Closed

時間： 星期一12:30等候：5分鐘左右服務： 收銀姐姐笑笑口 好有禮貌，感覺良好食物： 花甲粉$40+魷魚 12 +雞翼$12花甲粉自選 本身已包生菜 花甲 金菇 粉絲沒有堂食， 外賣小店，可以美團自取或電話落單。 我門市買，等幾分鐘 都好快。花甲數量不少，大約十幾隻細細的，魷魚3件左右，雞翼2隻可以選麻辣，蒜香 幾種口味，我選蒜香 不辣的湯底好鮮甜，蒜葱 芫茜夾埋好野味….老遠同事都嗅到好香，粉絲吸晒湯底，好正👍🏻👍🏻餸和粉絲量都不少，一定夠飽總括 ： 性價比中上，味道幾好，會再幫襯

晚上下巴士，被味道吸引，剛開業價格很實惠，點了花甲粉肥牛套餐，店員非常貼心，包裝細緻。外賣回家後發現味道超級正，內容很豐富，超級多的花甲還有肥牛、豆卜等配料，55文有找。 超級有心機的小店，推薦

今日係北角附近睇物理治療師，係附近食中午。想食得快又抵食，呢間外賣店無花甲粉，又幾特別。由$38 起一碗麵，價錢吸引合理可以點套餐，或自由配搭好似車仔麵咁。基本花甲湯麵包括花甲，芽菜，生菜，粉絲，花甲脹卜卜好肥美，另外再加餸 帶子 $12 好大粒都新鮮，雞翼 $12 兩隻，入味雞翼，豆卜$8 吸晒湯汁好入味，魷魚 $12 切花紋好靚，彈牙，食得就係新鮮貨。主打外賣的,無坐位，啱附近的住戶，但我就要慢行到公園食。店員好細心，湯麵分開裝，外賣都好好食好好暖。

喺北角，諗住簡單快脆食啲嘢，路過呢度，見到小店名字幾有趣 - 「辣先鋒」，咁就決定試吓先🤣呢度嘅「花甲粉」依家做緊優惠價 $38，有多種口味，包括 香辣原味、麻辣、酸菜、蕃茄、蒜香、三鮮，咁我揀咗 蒜香😋；toppings 就揀咗 $12 雞翼、$15 香煎豬扒、$8 豆卜、$5 生菜 🤣「花甲粉」煙煙韌韌，花甲就鮮甜，蒜香湯底有濃郁蒜頭味，我鍾意🤩；加咗嘅其他 toppings 亦都幾好食，特別係豬扒，即叫即煎，軟熟香口🤣食得飽飽嘅一餐🤣

天氣凍好想食暖笠笠嘅嘢食，諗起好耐冇食過花甲份，就叫咗個外賣黎試口味上，佢有原味、酸菜、蕃茄、三鮮、麻辣同蒜香味揀，而我就揀咗我最鍾意嘅蒜香，除此之外，我仲加咗肥牛、鮮蝦、豆卜同埋金針菇依碗花甲份冇令人失望，湯味濃郁，蒜香味重，而且材料非常之好味，肥牛口感嫩滑，入口即化，而蝦一試就知係新鮮蝦，蝦的鮮味味道與湯頭融合在一起，讓整個感覺更加豐富，豆卜同金針菇都吸哂湯嘅鮮味，當然唔少得先鮮甜嘅花甲，整體而言，色香味俱全。📍北角英皇道257-273號南方大廈地下號舖（港鐵炮台山站B出口，步行約3分鐘）

炮台山至北角海旁不嬲都好chill好多休憩空間, 今次就同朋友喺附近買咗啲嘢食過去食、傾吓計、吹吓風, 好舒服~我哋揀咗「辣先鋒花甲粉」, 佢係一間花甲粉外賣店,人流都唔少咖, 食物即叫即整, 熱辣辣冒煙咁出爐, 秋冬天啱晒~我揀咗蕃茄湯嘅「肥牛花甲粉」, 再加配香蕉豬扒, 豬扒好香好大塊!好抵食!蕃茄味嘅花甲粉都好夾, 鮮甜味美, 正!朋友揀咗「海龍皇花甲粉」,有魷魚、帶子、海蝦, 加埋本身有嘅花甲, 超多海鮮超正!!

没想到能在香港吃到这么平的花甲粉来香港之后一直没见过花甲粉，直到发现这家只能外卖的小店，人均五十！有麻辣/酸菜/番茄/蒜香/三鲜口味可选不过要吃最正的当然是选麻辣！新开张套餐优惠只要38就可以吃到花甲➕金针菇➕芽菜➕生菜的套餐！因为我太饿了加了鸡翅和肥牛鸡翅是已经卤好的豉油味，超级软烂也很大只肥牛也很扎实！是我喜欢的有嚼劲的肥牛片这个粉一定要夸夸！筋道但是又不硬也不会因为在汤里泡久了软趴趴

琴日去咗炮台山買啲嘢，行過見到呢間辣先鋒花甲粉非常之吸引，因為行過已經聞到好香嘅花甲粉味，陣陣嘅蒜香同辣味，令我忍唔住都要買返個返去試吓😆叫咗個花甲粉海龍王套餐，仲加埋肥牛，非常之足料，個套餐有齊花甲、魷魚、帶子、海蝦，啱晒我呢啲海鮮迷，花甲冇沙，帶子有大大粒，好有咬口，而且索晒啲辣湯，簡直係滋味滿溢😆因為屋企人都想試吓，所以今次嗌咗小辣，但都OK唔錯夠辣，越食越上癮🥰美中不足嘅係如果有賣埋嘢飲就更加好啦，下次想食花甲粉都會再嚟幫襯😚

下班看到有一家店舖以「花甲粉」為主的同事就很不錯 而且餸菜很豐富 好吸引今晚決定花甲粉作晚餐「花甲粉」即是蜆肉粉與串燒店花甲粉絲食類同 但店舖以車仔麵形式可以自選湯底 口味有6款選擇酸菜/ 蕃茄/ 麻辣/ 蒜香/三鮮/香辣原味⋆__ᴛᴏᴛᴀʟ ᴏʀᴅᴇʀ___ ⋆試業期間超優惠$38（原價$59）湯底： 蕃茄湯另可加配菜：帶子2隻$12、 香煎豬扒$15及魷魚 $12即叫即製 落訂後等待10-15分鐘主要是豬扒即叫即煎 豬扒香味十足 👍 豬扒鬆化入味帶子魷魚 也很新鮮 粉底幼滑 花甲份量算多外賣是🥡分湯呈上🤤 很不錯

花甲粉的風氣係國內越來越盛行，途經深圳東門大街小行都見花甲粉小店，今午係北角英皇道就發現一間新開外賣小店，門外聞到淡淡的香味就知道一定好吃，花甲粉有六款湯底：香辣原味、麻辣、蒜香、酸菜、蕃茄和三鮮可以選擇，揀啱湯底就可以加你想吃嘅配料；外賣包裝都好靚又可以分開湯同粉，就算拎得遠啲都冇問題。裡面一碗除了煮的剛好的粉跟鮮甜有營養的花甲外，還有芽菜金菇芫荽生菜🥬，另外可隨意加自己喜歡嘅配料，彈牙爽口嘅鮮蝦同魷魚🦑、醃得入味嘅香煎豬扒；湯汁鮮甜，而且辣度跟酸度都調得剛好，絕對係今日不錯的午餐👏🏻👏🏻

上次外賣，無蝦蝦，即叫即做，新鮮，而且又真係夠辣呀～ 今次特登再黎買外賣返屋企食架，不過紙碗，有點倒瀉左，同埋好驚佢頂唔到返屋企，所以住得遠既朋友可能要分兜比較安全，驚穿🥲,我上次車程都30分鐘以上架，炮台山買返九龍，但味道真係好好，今次有蝦蝦，新開張優惠15蚊有3隻好抵，正常係2隻既，今次我記得問有無分辣度，上次無問只是普通話要辣，今次係大辣，真係好正,又平，我一Post，教會好多朋友都問😆大家知我比較喜歡食好味既野，價錢平都可以好好食架😁😁😁

今日約了好友在城市花園打麻雀，未食lunch唯有買外賣上屋企食，見到一間新開張的花甲粉店，未試過緊係要試吓啦！不設堂座，只供外賣的花甲粉店即叫即煮，除了有6種湯底可揀選外( 香辣，麻辣 ，蕃茄，蒜香 ，酸菜和三鮮)，還可以追加十多款餸，有少許似車仔麵。花多眼亂，最後揀了花甲湯粉絲$38,(已包花甲，芽菜和生菜) 蕃茄湯底加少許辣，再追加香煎豬扒$15， 肥牛$12，芝士腸$8和金菇$8。蕃茄湯底配上大量花甲， 芫茜和芹蒜，十分鲜甜美味，花甲口感嫩滑，彈牙，鮮味，好正！香煎豬扒煎得十分香脆， 味道調教得很好。肥牛牛味濃郁，爽彈。芝士腸表面脆卜卜，咬落有芝士漏出，很滋味。粉絲口感軟糯，索滿湯汁很美味。

今日午餐買咗花甲粉，同事行過都話好吸引。我都覺得好好味。花甲粉其實即係蜆肉粉。平時去串燒店都鍾意叫返個花甲粉絲食。呢間湯底嘅經典香辣湯做得夠晒惹味，個粉滑溜溜好有彈性，唔知道係咩粉呢？而且呢度仲有好多配料選擇，見到好多老闆寫上去，越加越多配料，哈哈🤣怕辣可以好似我咁話要少辣，都可以選擇蕃茄湯。因為呢度好多湯底選擇。配料方面，我就選擇咗花枝丸、香煎豬扒、芽菜生菜同埋金針菇。花枝丸彈牙，豬趴好香，啲菜又新鮮。滿意👍開張優惠如果唔加配料，只需要$38，真係好抵食呀！

今晚決定買外賣花甲粉作晚餐，朋友介紹我一間新開的「辣先鋒花甲粉」，位於北角英皇道257-273號南方大廈地下3號舖，交通方便，小店在大街，搭巴士或MTR及叮叮都可以去到。現在試業期間超優惠$38就可吃到（原價$59），口味有6款選擇，我就選擇了麻辣，另可追加其他配菜，我加了鮮蝦3隻$15、帶子2隻$12及豬扒$15。即叫即製，落訂後等待10分鐘左右，因外賣所以要求分湯，回家後煲熱一下個湯再加上都非常好味。麻辣味十足，粉底幼滑及掛湯，啖啖都吃到湯裡的鮮味，花甲份量算多亦很香甜，鮮蝦爽脆，帶子鮮味甘甜，豬扒鬆化入味，很不錯，值得回購。

係炮台山地鐵站附近新開嘅花甲粉外賣店🫡經過見到幾多人買外賣，就買了做晚餐try try😚花甲粉$38，另外有好多配料可以加，因為我係兩個人share食所以加咗豬扒，肥牛，花枝丸同芽菜，好豐富😬超級大碗的説🫣食完之後我數過有14隻花甲！花甲都大隻新鮮鮮甜，粉嘅幼身質感我幾鐘意，湯底都幾辣🌶️唔食得辣嘅都可以叫少辣/其他唔辣嘅湯底。配餸我最鐘意肥牛同花枝丸😆便宜大碗，想食辣嘅時候可以一試😗