辛安東元祖奶奶雞 (Closed)

好耐冇食安東奶奶雞，今次叫左唔辣，依然好味！韓風卷：內有醬瓜酸酸甜甜幾開胃。安東奶奶雞：唔記得第幾次食，味道仲係香濃嫩滑。雞肉同蘿蔔個D都好入味。佢內有水晶粉，唔叫飯食都OK。

星期六即興去食，可能早，7點左右去到竟然唔洗排隊 叫左鮮蠔奶奶雞，真露煮蜆，急遞鍋仲有野飲。先講奶奶雞，小辛，不過越食越辣。但又真係好好味，蔬菜好入味，配埋水晶粉真係一流。真露煮蜆好多蜆，湯頭清甜，飲完唔會醉。急遞鍋就不過不失。

上一篇食評講完比較disappoiting 既 Jamie's Kitchen~ 呢家講下另一間食住韓風而大賣既安東奶奶雞。一行5人平日黎個gathering, 黎到覺得裝修好特別, 而且我好鐘意佢地方少, 但係我地坐既就係一個可以放袋既地方 感覺好有特色, 拎住將好似壽司外賣紙既野黎點餸, 真係幾得意~黎既, 首先係芝士辛辣年糕, 睇上去, 個cheese 焗得岩岩好, 味道都ok, 不過就好快就凍,大家要趁熱快d食哂去~ 如果唔係年糕就好硬架啦~再黎, 上左碟安東奶奶雞韓式壽司, 個日覺得佢同其他雞煲既雞冇咩大分別, 因為出名既雞煲都係"野"味, 而滑口,汁好濃~如果食韓國菜要自己比$叫kimchi, 個人覺得唔太地道, 因為大家去食韓國菜就係喜歡佢地唔同既kimchi, 但呢到, 我地係要比$叫碟泡菜黎食啦~well...ok...叫左就食啦~呢到既泡菜比其他韓國餐廳較酸~我最欣賞既, 就係呢碟豬肉生菜包, 因為d肉岩岩好, 唔會乾身但有燒出黎既香氣, 而味道都係just right, 再包埋個生菜, 口感好正!  一件唔太夠呢~想食多幾件....真露煮蜆, 個賣相好靚, 食落去

韓流真像感冒，在smart bunny 還未痊癒前，iPhone 𥚃仍播着太陽的eyes nose lips、少女時代的something、2pm 的go crazy, 然後繼續crazy for 韓劇同韓食。今天吃的是辛安東元祖奶奶雞，其實首爾開到成行成市，smart bunny 同mr bunny行過明洞又見，行過新村又見，再行到弘大又見， 多次想試，但基於只得兩人驚食唔曬，還是放棄了在首爾吃，想不到香港都開了兩間，開心與同事去試。印象中首爾的店都很大，香港的就較小，坐得不太舒服。食物質素還是不錯的，覺得韓食重醬汁調味，一般較濃味，啱晒smart bunny口味。先來半隻辛安東元祖奶奶雞（小辛），非常入味很好吃，薯仔與醬汁炇了吸收了精華，也很美味。另外點了燒芝士餃子，牛肋肉，及燒肉生菜包，前兩者很好吃，生菜包還是即燒的較好吃。點了個沙律，可惜，連這味也濃味，在這𥚃還是不要點沙律較好。

早於一星期前已經訂左台''*7點左右黎到都仲有台, 因為限時 90分鐘既關係都係等齊人先入坐!!餐廳空間不太大, 有長台或韓式圓台選擇~我們被安排坐圓台都不算太擠迫, 而物品是放置於圓櫈裡, 有點不方便。必點的一定係辛安東元祖奶雞 (HK$138)半隻的份量都好足, 我地點左小辣 (另外備有唔辣, 中辣或大辣)小辣其實都冇咩辣味, 醬汁有D 似平時食既甜豉油咁!!!雞件都好滑好入味, 伴碟既仲有蘿蔔, 青瓜, 洋蔥等蔬菜；雞既底下仲有水晶粉, 水晶粉滑滑的好好味, 完全吸油醬汁既精華''*芝士辛辣年糕 (HK$58)有好多芝士係面, 年糕都幾煙韌~而味道都幾辣下!!安東炒雜菜 (HK$58)都係一般, 有點辣味~芝士我巴沙律 (HK$58)其實都唔關oppa事, 芝士粒加青瓜蟹子沙律~似日式沙律, 冇咩特別和牛生菜包 (HK$88)一碟5件, 以生菜包住和牛肉同泡菜煎香左既和牛都算 Juicy, 包埋一齊食都唔錯, 唔夠辣既可以再加辣醬!急遞鍋 (HK$78)入面有帶子, 魚卷, 魚肉等, 個湯甜甜辣辣的幾好味!不錯~~海鮮墨水炒飯 (HK$78)一般般的墨魚飯, 較特別既係會附上紫菜

韓流持續未卻，韓餐館愈開愈多，所以今餐同舊同事就黎試試笑臉較多的-辛安東元祖奶奶雞。早兩日訂了枱，但都係要等二十分鐘，餐廳裝橫格調走年輕路線，座位空間亦較陜窄，如果想舒服用餐就不太合適。菜單只是一張紙自己剔選，菜式不多，所以很快已選好菜式。第一道一定要試元祖雞，半隻已份量十足，放底的薯粉完全吸收雞汁的味道，屬精華所在。泡菜和牛，這道味道欠佳，坦白講和牛比較像普通牛肉，好韌！炸蠔沙律，這款頗有驚喜，炸蠔外皮很脆，醬汁味道配搭好，值得推介！雞腎切細火粒囗感更爽囗，味道更濃，惹味！螺湯，湯帶有少許螺肉鮮味，相反螺肉味道一般。我非常喜歡食泡菜，一定要加配！最後一道蔥花石鍋飯，飯太濕軟了，口感極差＞＜啤酒就試得多，但米漿酒就未試過，少少果香少少甜味，質感較厚，個人還是較喜歡啤酒的爽涼感。與普遍韓菜一樣，大部分菜式味道較濃，勝在價格相宜，尤其是飲品！

朋友生日話想食韓國菜，係豪無頭緒下上Open rice搵吓有咩好食，見到哩間幾特別，抱著試吓無防嘅心態，於是一行四人為朋友慶祝生日。基本上都有驚喜，但美中不足就係限時1.5小時，本人就覺得唔夠時間嘞，期實又唔係食放題，都唔知點解要限時，就算要限都至少2小時啦，因為佢上菜都好慢，淨係隻鷄都要20分鐘，如果佢哋冇改善，我諗我唔會再去。

預早一星期訂座, 我同兩個朋友一上到去就有位唔洗等!環境都好韓風, 不過播k-pop music個聲浪就好似去左club咁勁攪到枱枱客好似嗌交咁, 要同餐廳/左右枱鬥大聲 menu自己剔, 方便又易睇. 每枱有紅色剪刀&碗放雞骨. 細心!韓國提子汁(有果肉)  HKD18韓風卷   HKD48其實同日本壽司冇咩分別... 燒肉生菜包   HKD68泡菜比較辣, 不過搭埋塊好香既燒肉好好味!! 面頭D紅色絲都係辣嫁@@安東炒雞腎  HKD48雞腎硬左D, 又唔係太入味.反而配菜既大蔥同蒜粒吸收左D汁, 送一流!招牌菜 - 辛安東元祖奶奶雞   HKD138/半隻有分微/小/中/激辣, 我地唔食得辣,叫小辣都接受到!好彩去之前睇左OPEN RICE食評, 知道個份量都幾勁.我地3個女仔都食到半隻雞既9成! 事關佢除左有奶奶雞之外, 有蘿蔔,薯仔,青瓜,生蔥,洋蔥做配菜.仲有粗身粉絲係底, 吸收晒D醬汁超濃味!雞件好大隻但保持到嫰滑唔UN, 所有配料&粉絲都入晒味,不過粉絲要預先起, 唔係浸耐左就會好咸.總括係又平又好食, 如果可以改善下播歌既聲浪就好了!

繼早前吃了韓式炸雞後，這天又到了銅鑼灣試試這間 辛安東元祖奶奶雞。聞說這店老闆特意到韓國拜師學藝，店鋪才可冠名安東雞啊！假日的午飯時間，還以為這店會大排長龍，幸好我到的時候只有數檯人客，Lucky!一踏出𨋢門就到了餐廳。餐廳內貼了不少韓國電影海報，營造韓國舊式餐廳的氣氛。看到那些紅色、黃色的小圓凳嗎？人客可隨意掀起座墊放袋入去的，很方便啊！介紹了餐廳的環境，食物怎樣呢？來到這裡當然要試試奶奶雞啦！辛安東元祖奶奶雞 (無辛) (半隻) ($138)這裡的奶奶雞有分無辛、小辛、中辛和激辛；半隻和全隻；有蠔和無蠔。這次我們試了無蠔無辛版。由於即叫即煮的關係，奶奶雞要等約20分鐘才到，不過絕對無礙我們的雅興！一來到，哇！很大的一盤！幸好只點了半隻雞，向來生了「大食積」的我們二人也差點吃不完。除了雞件外、還有紅蘿蔔、木耳、洋蔥、青瓜等等，最底配有水晶粉。醬汁偏濃、味帶鮮甜，水晶粉吸了濃汁後幾好吃，但我建議大家先把水晶粉吃完，否則水晶粉吸了過量醬汁便太咸了...由於醬汁味濃，配上青瓜、蘿蔔等蔬菜可減滯膩感。芝士地獄薄餅 ($48)一客四片，薄餅剛剛焗好，外皮有點點脆。內餡是豬肉碎和辣油，絕對會令人

行開銅鑼灣諗住試新野, 唔食韓烤, 試下奶奶雞同炸雞店舖韓式風味叫左---------(1) 冷海哲 $48 (5/10)用細細鐵圓錐杯裝住海哲彈牙, 調味重手好膩, 勁麻油味, 小小辣 (2) 招牌安東元祖奶奶雞半隻$128(小辣)--內有帶骨斬件雞, 薯仔, 青瓜, 紅蘿蔔, 洋葱, 冬菇, 葱絲, 紅薯粉 (7/10)首先配料豐富, 除左雞, 重有薯仔, 青瓜, 紅蘿蔔, 洋葱, 冬菇, 葱絲, 紅薯粉醬汁幾惹味, 辣中帶點甜, 似濃味甜鼓油雞件唔乾身, 肉質剛好唔算鞋, 入味紅薯粉滑溜帶煙韌, 加埋惹味醬汁, 口感味道好其他配料都入味整體唔錯!!(3) 舂米炸雞 $48 (5/10)炸雞偏油雞件咬落鬆化, 有肉汁, 雞肉炸得唔乾配有甜甜地既沙律醬整體味道尚可, 可惜比較油(4) 芝士咖哩年糕 $48 --內有芝士, 年糕+紅蘿蔔配咖哩汁 (4/10)好香芝士味表層鋪滿焗過既芝士, 下層係年糕同紅蘿蔔配咖哩汁年糕煙韌咖哩汁唔太配年糕, 可能本身個咖哩汁味道一般整體味道一般偏下(5) 冰珀豚肉$58 (3/10)大塊厚腩肉配酸甜醬汁, 醬汁味道奇怪唔討好(6) 韓國鮮奶果汁$18

雨傘運動都差不多一個月有多, 食市的生意一定有影響。上個月在FB得悉奶奶雞店在佔中地區生意極差, 不過佢都以半價食安東奶奶半隻來支持學運朋友。因此我和朋友們立即去實際行動來撐小店!!銅鑼灣店比旺角店較細, 我會較喜歡旺角分店的氣氛。冷海哲 $48, 一入口就覺得太咸, 味太濃不適合我芝士我巴沙律 $58, 名字我巴OPPA改得幾好, 有青瓜絲的爽口、蟹子、蟹柳絲再伴沙律醬不錯, 而且有粒粒芝士, 而且是我最喜歡的濃味芝士, 正!韓風卷 $48 普普通通的壽司卷, 不過配上沙律醬就相當美味。雜菜海鮮煎餅 $68 煎餅夠薄不油膩, 咬下有脆脆地的感覺, 海鮮份量不算多, 而且可將旁邊的泡菜一起食有另一種味道。柚蜜雞翼 $38 雞翼外皮煎得香脆, 而且嚐到柚蜜甜甜酸酸的味道, 再咬進雞翼是嫩滑可口的雞肉, 真在太捧了, 好想再encore一碟!燒肉生菜包 $68 最上層的泡菜、中間的燒肉、下層的生菜, 爽口的泡菜及生菜配合燒肉一起食能中和燒肉的膩感, 而且我也幾喜歡食生菜包的菜式。不過泡菜對我來說較辣, 我只能食一件, 加上上面紅色一條條絲也是辣。辛安東元祖奶奶雞 $138 (半隻) 我們也

辛安東元祖奶奶雞。（銅鑼灣店）之前有聽過奶奶雞這樣的食物，但一直沒有去查究這奶奶的雞是什麼？20/09/2014 那天剛好有個機會，朋友們提議去吃這個雞，就在下午訂6:30pm 的位子了。我們上去的時候，人不多，店員很快就為我們帶到預訂的位子。餐廳內都是以七，八十年代懷舊的韓國唱片業為主題，就像香港以前的黑膠唱片年代，別有一番風味。不過有一樣我覺得很怪的是…隨身物可以放到座位的下面…因為椅子下是掏空，可放手袋什麼的。雖然本意是十分的貼心，可是如果是女生的話，如果要從那裡拿東西出來，那姿勢會相當不雅，猶其是那些穿短裙子的。講回食物質素：明洞水冷面好清新的冷面，配上白醋一起吃，很醒胃。白醋不是太酸的那種，配上QQ的面條。必吃！奶奶雞萬眾期待的雞，一上台被一大坨蔥嚇傻了。並不是蔥花，亦不是蔥絲， 是一大坨沒有切開的蔥！我是個好蔥的人，但這樣的蔥，食起上來甚是不滋味。說到雞，是絕對的入味，辣辣的， 好吃。不過，我們這盤雞的雞塊， 骨頭太多， 可吃的雞肉當然很少啦。我想是我們這台不太幸連吧，整盤的雞都是多骨的。其他配料，都是很入味的， 都很好吃，特別是水晶粉，吸收了醬汁的精華，值得一試。烤肉生菜

見到 Openrice 介紹至去試試。很渴望唔洗去尖沙咀至有正宗韓國菜食。等咗20分鐘到我哋，問可唔可以50分鐘就交枱先至肯比枱我哋。點咗最出名嘅奶奶雞，佢話要等20分鐘，於是叫了其他三度菜＋－個石頭飯唸住送雞汁。點知雞就十分鐘嚟咗。其他菜要吹咗三四次，雞都食完，石頭飯仲末上，仲有25分鐘交噃張枱，就問我哋可唔可以埋單。一邊飯一邊就收我吔啲嘢，連筷子都收堆。真係咄咄迫人，即係座咗30分就開始踢人走!香港其實好多地方都末食完就收嘢，但從來末試過由頭吹到落尾，好似嚟乞食咁。餐廳獨估一味，奶奶雞就係中國冬菇炆雞加韓國麻油同棘醬，所以香港人一定鐘意食，不過試過就可以自己返屋企自己煮啦! Menu 沒有太多選擇，其他午餐肉sushi 卷，無特別，蜆湯太多胡椒粉，蜆有啲晦，己經無蜆味。牛肉包生菜，淨食到泡菜，無牛肉味。單是食物方面，也不會再去。 

朋友介紹的一間韓國食店，很地道的樣子，去到當然要點最有名的奶奶奶奶雞 ，好入味，肉汁好野味，雞都是很滑，夠香夠SPICY，而且其他的配料都很入味，食唔停。加多一個石頭飯，蛋和蔥的配合實在太好，再加上肉汁入窩中，香口，加上飯焦，熱氣加香味真的是十分好吃。沙津是一個驚喜，豆瓣和蛋配合得很好，很香很滑，再加上豆腐，很刺激又很平滑。

明明BOOK了位～～還是要等30MIN。真的有點炆。九點都無飯食想餓死人咩？不過食物質素與價錢都是合理水平中。我們一行五人，叫了七樣。老實說，份量有點少，應該大家也勉強飽而已。但味道也不錯。另一個好好味的炸雞無影，忙住食。：P可以再去的，反正銅鑼環都唔知邊度有野好食。呢度價錢又唔多貴。