醉辣鮮 (天空之城)

Open Now

Now Closed

我哋四個人嚟呢度食，原本諗住嗌三個海鮮套餐，但餐廳逼人一定要每個人頭一個餐。然後佢俾嘅份量又少，啲海鮮唔新鮮，等佢蒸熟嘅時間仲耐過食嘅時間。大熱天坐室外好辛苦，食咗差唔多$1300，連杯飲品都冇，要額外自費，真係好唔抵，一定無下次

男友突然話想食蒸海鮮火鍋，我又未試過呢樣野🤔 咁就搵下屋企附近邊度有，見到呢間評價唔錯好似好新鮮決定試下😁平日唔算多人，我地被安排坐係有冷氣既屋仔裡面👏 我地點左個$198套餐，已經包左以上既野👏(店員仲送左一隻蟹俾我地試下😍)點完餐就出左去啲缸度自己揀海鮮，好好玩😂揀完之後店員會幫忙處理乾淨，擺盤後見到啲鮑魚仲識郁，啲蝦仲成隻彈起，新鮮到好誇張🤣首先有個蟲草花蒸雞做前菜😂 雞件嫰滑帶少許酒味，好香👍連啲杞子都好甜😋肉蟹超多膏！！非常鮮甜😋蝦肉大隻兼彈牙爽口元貝好大隻，可惜我地失手蒸耐左所以無影到相🙈蟶子好大隻多肉👍沙白，花甲同蜆係我平時唔中意食既野，但我都竟然覺得好鮮甜好好食！😱😱 令我對貝類徹底改觀😯 (當然前題係要新鮮同靚😂)自助區仲有任食蔬菜，都有唔少選擇～底下既粥底好鮮味，所有海鮮既湯汁精華都跌晒落黎，原來真係好好食！🤣 食完成餐之後我地發覺我地係完全無點過自己調較既火鍋豉油😂😂 因為食新鮮既海鮮真係完全唔需要調味已經好足夠！！🤤🤤🤤臨尾仲有糖水椰汁芋頭西米露👍 椰汁味濃郁，二百蚊就食到咁鮮甜既海鮮真係好抵，我同男友都勁飽🙈 最後行左一粒鐘返屋企😂 下次要帶埋屋企人黎食先得！

-醉辣鮮🍽-元朗人氣蒸氣火鍋🍲😍雖然同元朗站有d距離但其實都有巴士直到門口😉醉辣鮮吸引在門口有個大缸放滿海鮮咁d客人可以自己去撈有得食有得玩👍-🥢原隻龍蝦海鮮餐 $328原隻龍蝦🦞海蝦2隻🦐肉蟹半隻🦀鮑魚1隻元貝1隻蟶子1隻生蠔1隻🦪沙白/花甲/蜆-海鮮就可以自己出去魚缸個度撈😉眼見既海鮮都幾生猛👍大家可以自己撈D新鮮又大隻既海鮮食🤣撈好交俾店員就會幫你洗乾淨再蒸😍-一開始會上左燉湯先當日就係椰子雞湯🥥好足料勁香勁甜😋同時間店員會整個海皇粥底同蟲草花蒸雞😌個人覺得最後個粥底有d油如果唔用蒸雞就可能冇咁多雞油但粥底好夠味😋海鮮始終係新鮮所以勁甜個人推介食龍蝦🦞肉質鮮嫩又彈牙😋可以自己加蒜蓉葱辣椒去蒸😉蟹就俾想像中細隻所以食龍蝦餐會滿足D🤣-自助吧有蔬菜🥬/菇類🍄/粟米🌽拎而蒸原來又幾好食好甜🤣另外記得加粉絲落去元貝度蒸世界正😋-🌟評分:🏅🏅🏅🏅🏅🏅地址: 元朗錦田高埔村110號天空之城地舖

自己住元朗都唔知原來有間食蒸氣海鮮粥底嘅餐廳，呢間幾有特色，有戶外戶內，客人可以自己捉海鮮，而且每個餐都有老火湯同溫泉蛋送，真係好抵食！餐廳有唔同價位嘅套餐選擇，大食啲嘅可以揀任食放題，我哋第一次嚟揀咗$198套餐，望落已經有好多海鮮，另外蔬菜類係任食添！餐廳職員嘅服務好好，有蒸各式海鮮嘅時間表，多蚊又會主動俾蚊怕水同蚊香，係呢啲咁熱嘅環境下食都唔會食到出晒汗！紅棗杞子蟲草花蒸雞，雞肉好嫩滑，唔駛加多餘調味料已經好夠味，而且杞子蟲草花都好甜！聖子大大隻，超鮮甜！帶子，職員教我哋可以係任食吧攞啲粉絲同蒜茸辣椒，一齊蒸好正，粉絲索晒汁，帶子唔韌，好甜！鮑魚，好新鮮，建議唔落豉油，食原味已經好夠味！貝類包咗沙白、花甲同蜆，2人份量都有好多，重點係價錢超值又冇沙，仲有啖啖海水味！生蠔，蒸完都唔會縮水！任食吧，推介粟米、蕃薯同娃娃菜都好甜～粥底吸收完大量海鮮嘅鮮甜味之後變得好濃郁，再加埋啲芋頭、南瓜、蘿蔔同芫茜，真係好好食，每人都食咗4碗！最後仲有甜品，腐竹薏米糖水，呢一餐非常完滿！

有一日同老公去咗郊遊遊，去咗郊區呼吸下新鮮空氣，睇吓景影吓相😊玩左一整日，夜晚非常之肚餓，因為我哋有揸車嘅緣故，所以就搵咗都係新住喺郊區附近嘅餐廳，見到呢間有得自己捉海鮮去食，好似去咗泰國咁，所以就揀咗呢間食晚飯，坐低之後，感覺環境氣氛好好，菜單係以一set set去計價錢，當然貴啲價錢嘅set就會多啲海鮮食，有啲係去到放題模式俾你出去任捉肉蟹添😃因為我哋兩個都唔係大食嘅關係，叫咗一個$198嘅餐，另外一個就係$268嘅餐，店員就叫我哋可以自行出去祝兩隻鮑魚，兩隻蠔，一隻肉蟹同埋一隻龍蝦，因為$268嘅套餐只有半隻龍蝦，所以就算你捉左一隻之後，廚房都會切開半隻俾你，但係肉蟹佢哋就抵左俾全隻我哋，當我哋喺出邊玩緊嘅時候，店員就會默默係背後幫你落咗個粥底然後放咗啲蟲草雞入鍋等佢蒸先，等咗一陣之後就可以食，雞件好滑，食完雞件之後，海鮮拼盤亦都會上枱，有兩隻大蟶子，一堆沙白，啱啱自己捉嘅兩隻蠔，兩隻鮑魚，一隻肉蟹同埋半隻龍蝦，其實呢度二人份量已經好足夠，因為佢哋嘅蔬菜配料係可以俾你自行出去任取任食，再加上一坐低嘅時候有個蟲草蒸雞同埋一碗老火湯呢，蔬菜佢哋有雞髀菇，金菇，生菜，番薯，翠玉瓜，海帶

之前聽過住元朗既朋友介紹，天空之城有間幾有特色嘅餐廳，於是今日趁星期五老公放工後特登入嚟試吓！一去到門口就已經覺得好特別，有啲似西貢嗰啲海鮮店，但枱櫈，裝修又有少少酒吧feel😊 我哋叫咗$198餐，海鮮方面每人有兩隻蝦、一隻生蠔、一隻鮑魚、一隻聖子、一個扇貝同一碟蜆。最特別嘅地方係可以自己揀海鮮，鍾意邊隻就自己夾！店員好好仲送一隻蟹俾我哋❤️❤️首先店員會幫我哋放咗粥底，係南瓜芋頭豬骨粥，之後先蒸蟲草雞。蟲草雞醃得好入味，咬落去啖啖肉！😍之後就逐樣海鮮蒸。店舖好細心，每張枱都有個牌寫住每樣海鮮蒸幾多分鐘，手殘都識煮😉海鮮都算新鮮，仲可以自己加蒜蓉粉絲😋😋特別要讚嘅係隻蟹，雖然叫肉蟹，但都好多膏好香。最正嘅係海鮮嘅精華（汁）流晒落粥底度，令粥鮮甜香濃！☺️最後要講下隨餐附送嘅溫泉蛋同糖水都唔錯，整體來講成件事都幾新鮮同得意，又有啲靚嘅打卡位，不過揸車就會方便啲😉

好耐無食粥底蒸氣海鮮鍋搵到呢間原本諗住地段好唔方便但原來係錦上路搭車去都比想像中方便 真係要唱番句： 屯馬～ 開通～ 真的很興奮～～～一去到見到好開揚嘅環境加上一個個好多海鮮嘅水缸餐廳外又感覺好多樹令我諗起係泰國食自助海鮮燒烤嘅地方即刻好似去左旅行咁 haha我同男朋友試左個 $268 嘅餐初初都驚唔夠食，但最後食到肚都飽到穿咁滯！店員帶位之後就帶左我地去揀海鮮（生蠔、肉蟹、龍蝦、飽魚）無諗過D海鮮真係幾新鮮隻隻都動力十足！！而且店員仲好好教我地點揀好食嘅海鮮仲可以比你慢慢揀唔洗怕「你個野壞左阿！」揀好左佢地就會即刻幫你拎D海鮮去洗乾淨同處理然後直接好快就送到你桌上 我地要做嘅，就係夾完番去等就得～（Sor，張相影得好唔清楚 XD）呢間店都好給心佢地幫你整緊海鮮時可以先食住溫泉蛋同飲湯先個日飲嘅係椰子湯，都幾湯，好好飲！溫泉蛋都有少少醬油調味，都唔HEA～一飲完湯，店員竟然好主動過黎幫我地開始蒸雞！係充滿戒心嘅社會生活底下感受到如止貼心嘅服務令我不禁有點驚訝，haha而且呢個雞都真係幾好食！件件都大大件仲要啖啖肉重點係蟲草花杞子蒸雞之餘仲加左紅棗淡淡紅棗甜香令雞食落唔會好膩口，好想一件

世間上最好味一定係新鮮嘅食材，特別係新鮮生猛嘅海鮮，嗰種鮮甜味絕對係人間美食！但食新鮮嘅海鮮，荷包就要大出血？今日帶好鍾意食海鮮嘅M佬嚟到錦田天空之城嘅醉辣鮮，打破新鮮嘅海鮮就一定係貴嘅定律！呢度嘅海鮮任你揀任你捉，任食最鮮甜嘅海鮮，價錢仲要好抵食，呢個晚餐真係非常滿足。椰子雞湯、溫泉蛋坐低揀完海鮮套餐之後，店員就會送上老火湯，今日嘅湯係椰子雞湯，絕對無落味精，落足料，好鮮甜；溫泉蛋嘅蛋味又香又滑，但略嫌蛋黃熟咗少少。紅棗杞子蟲草花蒸雞店員放好粥底之好，就開始我哋嘅「蒸」路！首先蒸嘅係加入紅棗、花雕酒、蟲草花醃製嘅雞件，雞肉好入味，肉質嫩滑，味道有啲似藥膳雞，好好味！小籠包蒸嘅時候記住放上生菜，如果唔係啲皮就會痴實蒸架，漏晒汁㗎喇。小籠包皮薄，肉味香濃，略嫌湯汁唔夠多。扇貝、鮑魚、海中蝦係時候要出去揀海鮮喇！出面有幾個大魚缸，海鮮種類好多，根據你哋所揀選嘅海鮮套餐出去捕捉啦！揀完之後，就交俾店員幫你洗同劏啦，特別一讚係，呢度海鮮真係洗得非常乾淨，食得好放心！我哋所揀嘅套餐扇貝、鮑魚同海中蝦都有限定數量，其中扇貝同鮑魚好彈牙；海中蝦超生猛，蝦頭勁多膏！沙白、花甲、大蜆至於沙白、花甲同大蜆

餐廳位置係元朗錦田有得免費泊車🚙✅餐廳分室內外 室外有冷風機 唔怕會太熱🥰•🐽 原隻龍蝦海鮮餐🦞 💰 $328/1非常豐富既海鮮餐🤪🤪✨🐽是日精選老火湯🥣🐽溫泉蛋🥚🐽紅棗杞子蟲草花蒸雞🐓蒸雞勁嫩滑🥰•每樣海鮮都可以自己揀同夾🤪勁新鮮 生猛👍🏻餐廳仲好細心提供海鮮煮食時間表🤓咁就唔驚煮到過老喇😙🐽 原隻龍蝦🦞 每隻都大大隻😛肉質好彈牙😋🐽肉蟹🦀 (半隻)有大量香濃蟹膏🤩🤩蟹肉都好鮮甜😋😋🐽 鮑魚&生蠔🦪鮑魚夠曬彈牙😛生蠔都係重量級🤪蒸完都唔會縮到細細隻🐽日本元貝元貝爽甜彈牙🥰配埋餐廳既蒜辣椒豉油 惹味🤤🐽 沙白 花甲 蜆粒粒都好好肉😛😛非常足料 而且冇沙一隻接一隻食唔停🤪•🐽 蟶子&海中蝦🐽蒸選時蔬(任食)🐽海皇粥底吸收曬全部海鮮精華既粥底🤤🤤再配埋南瓜🎃芋頭 豬骨🤩🐽精美甜品

元朗掋食海鮮餐 👏🏻 可免費泊車🚗有室內外環境 室外仲有音樂聽🎵任勻選擇🤪最大賣點係 所有海鮮都係自己夾!😃今次就揀左 原隻龍蝦海鮮餐 每位$328😌精選老火湯、溫泉蛋、紅棗杞子蟲草花蒸雞原隻龍蝦🦞 肉質彈牙 好新鮮😍仲有每樣龍蝦都好大隻!!好掋食😝日本元貝鮑魚自己簡既鮑魚 跟足時間蒸 好鮮甜又彈牙🤓肉蟹 -每人半隻 有蟹膏既肉蟹🦀蟹肉有蟹味 好香濃🤪蟶子叉子輕力就能將熟蟶子起肉 好大嚿😝鮮甜又爽口😃建議配埋佢哋嘅特製醬油+蒜蓉 包保好食到飛起😋本地生蠔隻隻都好大隻😳蒸完都keep到好大隻🥳味道好有蠔味 口感飽滿 好滿足🤤海中蝦沙白、花甲份量好多 冇沙 清洗乾淨 味道有驚喜😈蒸選時蔬(任食)、海皇粥底、精美甜品

想有得食、有得玩、有得打卡、又要新鮮醉辣鮮就岩曬大家🦭 雖然搭公共交通公具係有少少隔涉～ 每個人都可以揀唔同既餐 唔一定個個都要叫同一款。難得黎到 當然試下佢既龍蝦餐 要半隻淺嘗就夠啦😛 待應叫我地自己去揀海鮮😍 又有野玩啦☺️ 勁多人係到影相打卡夾海鮮 超級忙😂 夾落個桶之後～ 交比待應就可以啦 呢個時候 就去夾啲蔬菜蒸住先 因為廚房即時處理海鮮 都要等耐少少🥕人氣龍蝦海鮮餐 $𝟚𝟞𝟠 飲住碗湯～ 等下先😗 湯都好足料～❥紅棗杞子蟲草花蒸雞最先上陣既係雞雞😛 好滑 食到甜甜既紅棗味 蟲草花味都好濃食完就蒸住菜慢慢等～ 海鮮拼盤終於出場啦😍✨✨✨❥龍蝦 半隻超多膏🥰 而且好鮮甜 爽口彈牙❥日本元貝除左蒜容、豉油、辣椒 仲可以加啲粉絲但簡簡單單已經好鮮味 ❥肉蟹 半隻肉蟹既size唔大 但以海鮮餐黎講 份量適中 比大隻既我我都未必食得曬😂 我就留返個充滿蟹膏既殼黎煲粥🥰 ❥蟶子身型直逼蟶子皇啦😍 即蒸即食 超級爽脆❥海中蝦鮮甜彈牙是常識～ 都無乜蝦腸 不錯不錯😋❥鮑魚加分位～真係洗得好乾淨 味道濃郁鮮甜 而且好厚身🥰❥本地生蠔好豐滿 唯獨有啲腥味 但清蒸的話係正常的 加啲檸檬汁會好啲😋❥沙

元朗區熱門餐廳星期六日仲會有live band即撈海鮮好新鮮鮑魚上到檯 仲識郁缸入面有龍蝦，蟹，鮑魚可以比客人自己夾呢個海鮮拼盤 夠兩個人食到飽個拼盤入面有生猛龍蝦半隻、元貝、肉蟹、聖子、鮑魚、本地生蠔、海中蝦、沙白、花甲、蜆、精選時蔬、海皇粥底、精美甜品 共16款食材首先個是日精選燉湯無味精 溫泉蛋夠滑 時間控制得幾好之後職員拎左米，蘿蔔，芋頭，豬骨放響煲底之後所有精華落曬落去蔬菜係自助 響出面任拎鮑魚成隻湯匙咁大隻紅棗杞子蟲草花蒸雞好滑職員禮貌好環境有風味唔怪得咁旺場

高質系列- 醉辣鮮💚成日食家常小菜🍱間中都想食得豐富啲朋友就推介小編黎到元朗既醉辣鮮🤔呢間餐廳設有活捉海鮮環節🦐🦀咁特別既體驗🙈小編馬上 say YES ‼️----------------------環境 ： 設有室內室外兩大區域👀整體環境好似酒吧咁🍻 好放鬆☺️適合一大班朋友黎 座位寬闊👍🏻夠位擺野唔洗同人逼 -------------------------食物 ： 套餐方面有三個 😮$198 / $268 (最抵食) / $328飲品自費 另有酒精飲品🍻🍻今次就揀左$268套餐🤪 P.S ⚠️海鮮限量 蔬菜任食溫泉蛋🥚+老火湯🧉老火湯落足料🙊成碗飲哂溫泉蛋又香又滑🥰紅棗杞子蟲草花蒸雞🐤🐤 雞蒸得好滑好嫩💯又夾雜住杞子同紅棗既香甜味養生得黎又惹味👍🏻👍🏻👍🏻生猛大龍蝦 (半隻)🦞龍蝦好大隻好生猛😱唔知係咪即捉即宰既關係肉質好鮮甜😋肉厚得黎口感又好❤️仲有好多膏！必食！ ！😍元貝&蟶子清蒸留住左元貝同蟶子既鮮味👍🏻👍🏻🧄另外加蒜油可以提味 鐘意食粉絲既朋友都可以加粉絲小編食左一大碗🥢🥢生蠔 🦪開殼後既生蠔好飽滿😍以為蒸完後會大縮水😅但無點縮水之餘仲好有蠔味😱肥美得黎又嫩滑🤤好想encore

今次來到位於元朗的蒸氣火鍋選定套餐之後就可以自行捉海鮮非常有趣 仲好生猛！我們選了有龍蝦的套餐首先會有溫泉蛋配上日式醬油 作為前菜仲有一碗靚湯 無味精 超重料然後到粥底的部分 有南瓜 芋頭 豬骨 蘿蔔 將粥底材料放進裏面就可以先蒸蟲草雞來吃雞肉非常嫩滑而且入味每道菜都有提示蒸的時間 （包括海鮮）所以肉質會剛剛好 然後就到了重頭戲 海鮮拼盤有三種不同類型的蜆類 海蝦 生蠔 扇貝 鮑魚 龍蝦 蟹以價錢來說 性價比極高每樣海鮮都非常鮮甜不需要加任何調味料 而且清洗得非常乾淨不會有沙 仲要啖啖肉！個人最推介是蜆 好Juicy!!最後的粥底是精華所在，十分滿足最後還有椰汁西米露整體來說10分滿意這次的晚餐海鮮新鮮乾淨而且鮮甜 又有蔬菜甜品前菜大家都可以去試試

最近俾我發現咗一間隱世正餐廳，主打食海鮮蒸汽火鍋，而且價錢唔算好貴，用料十足！所以不得不向大家推薦一下~雖然呢間餐廳唔係位於元朗市中心，但係由元朗/錦上路西鐵站搭小巴15-20分鐘就到啦，都幾方便！我哋order咗$268套餐，超多嘢食！開始之前仲可以自己去揀海鮮添！都幾好玩~🌟 精選老火湯一啲都唔味精，真材實料！🌟 溫泉蛋滑溜溜㗎！同埋好少食蒸汽火鍋的餐廳有得食，所以都真係幾有heart！🌟 龍蝦(每人半隻)龍蝦係新鮮游水嘅！肉質結實、彈牙、爽口，好正！🌟 元貝我哋自己加咗啲蒜蓉落去蒸黎食，更加惹味，同樣係新鮮好味！🌟 肉蟹(每人半隻)鮮甜，有蟹膏，肉都幾多，不錯不錯！🌟 蟶子一啲都唔韌，爽口，juicy！🌟 鮑魚好大隻，爽口彈牙，完全無腥味~🌟 本地生蠔肥美嫩滑，鮮味十足！🌟 紅棗幾子蟲草花蒸鷄鷄肉嫩滑，腌得好入味，好味道！🌟 海中蝦大大隻，爽口鮮甜，正呀！🌟 沙白/花甲/蜆分量好多！完全無沙，豐富嘅海水味！🌟 時蔬可以任食~有生菜、南瓜、芋頭、冬菇、金菇等，選擇多元化，而且非常新鮮哦！🌟 海皇粥底粥底吸收曬海鮮嘅精華，仲有豬骨、白蘿蔔、南瓜等配料，非常豐富，好鮮甜！🌟 小籠包店員